من ساعة البخت لاتزعل=اصبر على وقتها لوطاف
لا تقول سويت اوافعل=ان كان قلبك رقيق يخاف

ســلام والسـعـد لرجـالـه=والبخت عيد معي عيدين
الاول الـعـيـد بـوصـالــه=والثانيـه فرحتـي بالزيـن

ياسـاعـة العـيـد عيـدنـا=واللي بغيناه جانا وكان
رد الامل بعد مـا فقدنـا=والقلب نول بعد ما بان

من يرفع الصوت في لعوبه=ويساهر الليل للاصباح
يصبر على الود و حسوبه= والنقص يجبر من الارباح

سوال صادر من اعماقي = بالعشق من جرب التعذيب
بعد امتلك كامل اشوقي = معقول يخطي معي التصويب

اول من الموقف الزعلان=وقت ابخس البيع اثمانه
اليوم عود على ماكان=واخلف على القلب ميزانه

من اول الليل تسريبي=مشاعر الشوق و الوجدان
وفي اخر الليل تنحيبي=هواجس الصمت والحرمان

من قبل تشهر علي حكمك=راجع حسابك معاي و عد
ولكان في يوم مر اسمك=تلقى في قلبي مكانه معد

من فرقته شابت عيوني=واستوطن الحزن بالوجدان
وان يفتكر يوم ويجيني=والله لارفع بصوت الدان

ان جيت فال السعد جابك=وان رحت يم العذول هناك
لي قلب مجنون يشقابك=مايوم فكر ابد ينساك

لاتقول عندي حنان و حب=وتقول باقي على ذكري
قدام جرحك عجزله الطب=ولايوم غايب عنك فكري

ثلثين عمـري قضـت منـي=مابين كرهي و حبـي ليـه
ولو عدت ياشوق لك عني=لا عيد ودي وغرامـي فيـه

الفكر ضايع هنا و هناك=وقلبي من الود ماطابي
و لا عاد اهنى بعد فرقاك=واموت من بعد ماغابي

لك صادق الحب يا عمري = والشوق بالوجد جيت اهديك
ومن ساعته احترت يافكري = ايت وقت اللقا تكفيك

يامن بدع حرف في قافـه=اللي سؤاله من اللحظات
اللي قطـار الهـوى طافـه=ماعاد يلحـق بعـد مافـات

عطني سبب يوم خليته=ذاك الهوى والذي يهواك
حتى الوعد لك وفيته=ياخائن العهد كيف انساك

حرمتـه الشـوق يـوم انــه = كدر على خاطري صافيه
وحـداد فالقلـب حتـى انــه = يرجـع حبيبه الأول فـيـه

من لام قلبي بمحبوبه=يبلاه ربي بعذاب الاه
ومن شاف زينه مع اسلوبه=يضيع دربه ولايلقاه

مازال عندي امل ترجع=وترحم فؤاد الذي يغليـك
ياساكـن القلـب لاتسـمـع=اللي على فراقنا يوصيك

ما عاد عندي صبر يشفع=ولاعاد لي معك مصلوح
وماني بكيفك تقول ارجع=ولاني بكيفك تقولي روح

يازارع الورد فالبستان=احذر من الشوك دقاته
بالود مافي احد سلطان=هيمن على كل حالاته