أحيان أشوفك سما ونجوم = وأمد فيك النظر ساهي
واحيان أشوفك ظنا محروم = عن الملا مبتعد لاهي

غصن الهوى يشتكي ياطير = من بعد فرقاك يرثاله
ذابل ويخشى عيون الغير = مدري متى يستوي حاله

جيته رصيدي وفا وأخلاص = والـشوق من بيــنهم مشبوك
كنت أحسب انــه في حبي غاص =وأثره على الدرب يرمي شوك

ياقلب صبرك بدون أحدود = ولاتبيح للغير مكنوني
لـو تنجرح بالليال السود = أصبر ولا تخلف أظنوني

الـعمر معدود وش باقي = عند الولي منزل كتــابه
لابد مـا يصبح أفــراقي = والــرب مــا ينـقفـل بـــابـه
سدد وقارب لك اشراقي = والغيـب مـانـعلم أسبــابـه
قبل الندم عيد الأوراقي = والـعمر مـا نلحق ركـــابه

مـا ل النــدم في حيـاتي بـاب = يـــا مـن تــغلى عــلى كيــفك
وأصحى معي تبحث الأسباب = تشكي وأشوف السبب سيفك

والله عيـوني تشوفـك غير = أحلى من الـــورد وعطوره
والرمش يشبه جناح الطير = سبحان من يعطي الصورة

همك تلاقي متاهاتي = وأنا عيــوني تنــاظر فوق
بعطيك خط أتجاهاتي = يمكن تلاقي طريق أيلوق

يـاحـرب ودي أقــول أبيات = فيكم وأنا بفتخر فيكم
ربعي على العز والطالات = علم الوفا دوم يعنيكم

أرض القنـاعه لهـا عشاق = مــاكل واحـد سكن فيها
والصبر لو كان ما ينطاق = لو تذبل أعروق يحييها

لحظه تأمل وشوف الناس = يا من تشوف العنى عندك
مافيه حاجه بدون أقياس = لا تــتــبــع الــهم ويــهـدك

لاتلف جرح الهوى بالشاش = ولايبان في داخل الشاشه
أحساس تايه بدون أفلاش = والــهم حــاكم لــهم باشه

هزيت ركن الفؤاد وطاح = مثــل شايب لقى فاله
راحو عياله وجاه ألحاح = من ناس ماقدرو حاله

لاتـعــتــذر فـــاتـــك الــمــعــذار= والنفس طابت من الماضـي
والحلـم يفـنـى بــدون أصــرار= ويصير شغلك على الفاضي

طـيــفــك مــعـــي مـــا يـفـارقـنـي = في وحــدتي يشعل أشموعه
وأنـتــه مـــن الـعــام سـارقـنــي = القلب مدري متـى أرجوعـه

بركان ينضخ لهيبه نار
فالقلب ياقو مفعوله
من جرح في قوته جبار
يشكون حتى الذي حوله

أتزيدني فالحياه أصرار
ويموت شوق العمر كله
لورحت ياملفت الأنظار
الصبر ظلي وانا ظله

أحيان تاخذني الأحزان
وتردني بااخر الليله
تايه وساري بلاعنوان
واخذ مع الروح تعليله

عطني سبب لاتزيد أزعاج
ياهم حطمت الأحلامي
القلب ماهو لكم محتاج
يكفيه طول العمر ضامي

‏من دم قلبي تسير اخطاه
والصبر نفسه يقول اصبر
وفي كل ليله اقول ألقاه
مااستوعب العقل واستغفر

الأذن تسمع وعين أتشوف
موقف عجز يقبله عقلي
شفت الوفا في كفن ملفوف
وأقفيت تايه على رجلي