|
هذه قصيدة تحدي على وزنين متقاربين =
أبتدي عذب اللحون من المشاعر والقريحه = من هواجيس بها نار القضى تشتبي في بيوت بنيها قايم على قومه وطيحه = أول الميقاف بيحه وآخره فيه أبي الشريحه تحترق والرقم في وسط الشريحه = وأنت رقمك خازنه لك في شريحة قلبي لك وداعة وسط قلبي سر خافي مايبيحه = بس ياراع العيون السود لاتلعبي كيف اسوي بعد نزع الرقم بيديك الجريحه = نزع عرق السدره الخضراء بريح هبي واصبحت بعد الروى مع باقي الاشجار شيحه = شيحة فيها اليباس وراسها منكبي كم نصحتك من نصايح وأنت ماتبقى النصيحه =ياعديم الرأي حسنك لا نصحت تلبي أنت مغرور وتايه بالعبارات الصريحه = لايفيدك لاعلاج ولا يفيدك طبي الله أكبر كنت أسولف بالسواليف المليحه = عنك يوم انك بوسط قلوبنا متربي بالبيوت اللي عجيبة واللسان اللي فصيحه = أول الابيات مدح وتاليتها سبي الحياء والدين يمنع عنك من نشر الفضيحه = تركها أولى والسبب خوفا من الله ربي والختام اقطع علاقتنا كما راس الذبيحه = ذبها الذباح بالموس الحديده ذبي |
وهذه قصيدة بمناسبة دعوة الشيخ=
حمدان بن عبد الحميد الحمراني لبعض مشايخ عوف = وعلى رأسهم الشيخ حميد بن منصور البنيان= أبتدي باسم الله اللي يدبر مايريد = من بدا باسمه توكل عليه ولا يضام عن ضيوف الشيخ حمدان بن عبد الحميد = بالاصاله والنيابه لكم منا سلام والتحية واجبه للقريب وللبعيد = والضيوف تقولها للمعازيب الكرام في حضور الشيخ عابد راع الراي السديد = زاد في تشريفنا زود حشمة واحترام شيخ له ذكره ومنصى عسى عمره مديد = يعرفه قاصي وداني من اسمه له وسام لو ابا أمدح مايسع مدحي أبيات القصيد = وان تركت المدح لاهله على مثلي حرام بارك الله في ابو ناصر في هالليل السعيد = ليل فيه النور غطى دياجير الظلام جمع الاصحاب ماهو على مثله جديد = ناس من غرب وقبله ومن شرق وشام بالمحبه والوفاء كن هذا اليوم عيد = والله انه عيد يالله تعيده كل عام كل واحد واله مطلب وهذا شي أكيد = مطلبه تشريفكم له وما فيها كلام عززوا هذا التواصل وحنا به نشيد = لاجل تزداد المحبه وهي قصد ومرام أجعلوها بالسرى وابتدوها بالعويد = والشباب يصف بعد العواده في النظام والشيوخ الهم قدر عنه والله مانحيد = كل واحد له معزه وله قدر ومقام يفصلون العلم في القول والزايد يزيد = فصلوا واللبس ملبوس في مسك الختام وعد ماصلى المصلين في بر ومسيد = للرسول المصطفى أزكى الصلاة والسلام |
هذه القصيدة بتاريخ/ 27 / 10/ 1426 هـ= اجتماعية=
واقلبي اللي تخاطفه المشاكل والمحبين = مثل المخاطيف وسط الجم في خطف الدليه وحالي غدا مثل حال اللي يسد الدين بالدين = واشتال حمله على كتفه يبا يرضي خويه وألاّ كما حال من صكوا عليه السجن عامين = في سجن مظلم لحاله دون ذنب ولا خطيه الهم سارح وضاوي لو نشدته رايح لوين = يقول رايح لابو سامي ضحى وألاّ عشيه من فعل بعض الشباب وبعض ميلات الموازين= بعض الشباب انحرف كل ملقي له نحيه واليا نصحته تقال انك تحزه بالسكاكين =النصح مايسمعه كانك مضوي له قضيه شبابنا أبعد يابو ناصر عن العادات والدين = من فعل الاعلام صار المجتمع نصفه ضحيه من غير بعض العلوم اللي تعاطاها المساكين = حسيبك الله ياللي جبتها من كل نيه الغرب يبغى يدمرنا وحنا له مودين = الدين عنده يعده من صنوف الجاهليه هذي حقيقة ويعرفها القريب والبعيدين =والحر تكفيه اشارة مايعاوز له وصيه قلت الحقيقة وشي مشاهده في الوقت بالعين = واللي يقول الحقيقة ذمته تصبح بريه |
لغز رمضاني=
بيض الله وجه من شارك ومـن حلـل وفكّـر=في غباوي خيمة الشهـر الكريـم الوارداتـي في روابينا العريقـة والمديـر العـام يشكـر=يبذل المجهود له بصمات خيـر وواضحاتـي مجتمعنا مجتمع صالـح وفيـه الخيـر ينشـر=والختـام الله يختمهـا لـنـا بالصالحـاتـي البحر يزخر وفيه السفن عبر المـوج تمخـر=والسماء تزهر واضاءت بالنجـوم الزاهراتـي كلهـا فيهـا دلايـل والله اعلـم والله اكبـر=واقتبسناها مـن اقـوال العـوارف والثقاتـي اشرحوا قولي وقولوا قالهـا الشاكـر وعبـر=عن حديث وعن زمان وعن مكان وعن رواتي وعن رجل صالح قديم الوقت يوم الاثم يظهـر=فوق سطح الارض ذكّـر بالحيـاة وبالمماتـي لانبـي ولا رسـول ولا ذلـيـل ولا تكـبّـر=قبل لايبعث رسـول الله مـن خيـر الدعاتـي رجل له كلمة وله قيمـة ولـه تاريـخ سطّـر =من كلامه فـي كلامـي دوروا لـه ياعزاتـي |
حداية وردها=
للشاكر ابو سامي = سلام تسليم الوفاء يمشي على قن وشريعة= ينصى الرجال أهل الوفاء ونحث خطوتنا سريعة= جينا نوافي حضرة السادة ولا تحسب صنيعة= لو كان نحسبها صنيعة كان ماتحصى الصنايع = وش بنت وتسمى ولد والها الصدارة في الطليعة= متصدرة قدم الرجال اللي لهم تاريخ في حرب الوديعة= بناتها في ظهرها معهن ولد ماهو بديعه = صيته مابين الحضر والبدوان ياهل العرف شايع = الرد من رداد الجحدلي ومنصور المعبدي نيابة عن المعازيب = يامرحبا عداد ما هل الحيا واسقى الوسيعه= باهل الوفاء اللي توفي الماجوب وتغلق في ريعه = الله يحييكم على التكميل والوزعة رفيعه= ترحيبة ننصى بها الضيفان بسبول وطبايع = والثانيه حنا عرفنا اللغز في الماقف نذيعه = الرايه اللي ترتفع يوم الفعول اللي شنيعه = حروفها لفظ الجلاله والمهند مانبيعه= الله يعز المملكة وحكامها رجال الطلايع = |
نور عيني =
يانور عيني ونور أمي وأبوي ونور كل البشر = ويانور كل الحياة الفانية والمقبلة في الظلام نورت دنياي نورك ماشبيهه غير نور القمر = ساطع في نصف االشهر حين اكتماله بالوفاء والتمام ونورت دربي وبينت الدروب المفعمه بالخطر = ودليتني درب واضح ماسلكه الا الرجال الكرام آخر كتب وآخر الاديان وأحكم دين وأحكم خبر = باقرأ بدت جيت تحملها على عاتقك باحكم نظام طه ويسين والدخان والاحقاف فيها العبر = والكهف والفاتحه والناس والاخلاص عن كل أثام والطور والتين والفرقان والكوثر وكل السور = عليك بيّن بها الرحمن كل المعضلات الجسام واللي رواه البخاري ثم مسلم عنك طول العمر = محجة لونها بيضاء دليلي في حلال وحرام واصحابك الطاهرين المتقين أولهم أبو بكر = لما آمنوا بالرسالة زال عن عين الضعيف العسام نصرهم الله في أول معركة خاضوا بها في بدر = واذلوا المشركين وكفرة قريش الطغاة العظام ومن هو جهل سيرة الفاروق يوم انه تجلى عمر = نادى بصوته لاهل مكه وصاروا يسمعون الكلام وأعز به ربه الدين الحنيف المستنير وظهر = دعوة نبي الهدى عليه منّا أزكى صلاة وسلام |
رسائل التهاني =
رسايل التهنئة بالعيد مااكثر عددها = اشكال واصناف وعبارات من كل الانواع = والمشكلة عندما نرسل على بعضنا بعض = محمود يرسل لسالم تحت توقيع منصور = وأخوك منصور مايعرف من أي القبايل = والقصة المضحكة لعادت ارسالتك لك = من شخص ترسل عليه وقام باعادة ارسال = رسايل الصوم تأتينا في عيد الضحية = ياللاسف ماندقق قبل رسل الرسايل = المشعل ارسل رسالة تحت توقيع ابو شعيب = وقلت يمكن رزقه الله ولد بعد سافر = أثر الرسالة تلقاها وقام ورسلها = ومن بعدها رن جوالي ولاه أبو صالح = يقول معذار جات رسالة وأعجبتني = وأرسلتها لك يابو سامي وللشيخ حمدان = وأخذ معي في العذر والسالفة نصف ساعة = والمصلحة كلها ندعم بهــــــــا الاتصالات = الزين ومبايلي وأكبر عدد في أسْ تي سي [stc ]= بعض الرسايل بنصف ريال والبعض بريال = والبعض بأكثر مجزأ حسب طول الرسالة = لوكان كلمت كان أفضل طريق المواصل = تسمع صديقك وينشد صاحبك عن ظروفك = تسمع صديقك وينشد صاحبك عن ظروفك = |
هذه الحداية من الشاكر والرد من=
صالح بن رويجح المطرفي وصلاح بن وارد المطرفي حيث = رحنا لهم بواجب وفاء بمناسبة سلامة عادل بن صلاح المطرفي البدع= =سلام تسليم الحيا اللي هل وبله من خياله= سلام يشرح خاطر اللي يسمعه ويسر باله= ينصى الرجال اللي لهم مقدار مع قوم الجماله= صلاح بن وارد وربعه طيبهم ما به مجادل= 2 جينا نشارك فرحة اللي فرحته ماهو لحاله= والحمد لله بالسلامه للولدونقول جعل الطيب فاله= يالله لعل ابوه يفرح به وعمانه ويفرح به خواله= عادل ويسلم راس عادل طول الله عمر عادل= الرد,,= يامرحبا في مرحبا والطيب ماتقصر حباله= بين الرجال الطيبين وكل ماقف له رجاله= الله يحييكم وكيف الضيف والم في دلاله= درب الوفاء اللي بيننا قانون والطيب امتبادل= 2 جيتو على سبل الوفاء واهل الوفا تعرف مجاله= الله يجمل حالكم والطيب واضح في الرساله= اطلب وحنا نطلبه كل يسلم له عياله= الواحد المعبود رب الكون للمالات عادل = |
الحدايه من إعجازات الشاعر صالح بن رويجح المطرفي =
والرد من الشاكر ابوسامي/ جرت في أمسية في= استراحة العم الشيخ/ابراهيم بن عواد الأحمدي على شرف ضيوفه الكرام= يقول صالح بن رويجح::= الأوله سلام رديه عدد وبل المخيل= اللي سحابه عم عشب الارض وجذوع النخيل= ركض السيول تقول فرسان تهاوت ركض خيل= العين مستره ونو الخير همل وامطرا= والثانيه/جينا على حسب الوعد لاأبو خليل= الحربي اللي في لزومه لاذليل ولابخيل= يشهد لكم تاريخكم ياحرب مزبنة الدخيل= وهذيل ضد الطامعين اليا طراهم ماطرا= الرد من الشاكر= الأوله يامرحبا عد البروق اللي تخيل= وسط السحاب الممطر اللي من مزونه له شخيل= واسقى الديار المسنيه من بطن مكه للنخيل= يفرح به اللي في مراتعهم شراكا وقطرا= حنا قبايل حرب لافينا حليف ولادخيل= وانتم هل التكميل ومواصل خليل مع خليل= تاريخكم معروف سابق من قديم الوقت خيل= يقراه جيل بعد جيل في كتاب مسطرا = |
هدية الشاعر الهاب الوسيدي لاهل وادي الفرع =
ياحرب اهل وادي الفرع ملتقاكم =رائع ومتميـز وراقي وجذاب مريت اشوف اخباركم من غلاكم =ولقيت مايسبى المشاعر والالباب توثيق للحاضر عن امجاد اباكم =وحفظ المعالم والمراجع والانساب الله يوفقكم ويسعد مساكم =وهذي هديتكم من الشاعر الهاب الرد من الشاكر = ياحرب اهل وادي الفرع ياهناكم=الهاب له رسمه وقسمه ولا غاب سجل هدية فخر فـي منتداكـم=الله يجيره من صواديف الانشاب رفيع قـدر وعاليـا مستواكـم=حرب النشاما كلكم شايب وشاب طيب نبـاه وطيـب الله نباكـم=رب الملاْ اللي من ترجاه ماخاب |
انت شاعر =
يقولون أنت شاعر قلت شاعر ضمن هالشعار = أجيد الشعر بانواعه وأقوله من صغر سني أجيد النظم والقلطة وأجيد الشقر لاهل الكار = وليه في الفصيح لسان والكسرات والفني وداري عن بحور الشعر واوزانه وارد الشار = لقوم الشار واجيب القصيد اللي يجملني في باب النصح والارشاد لاهلا العرف والافكار = وتوجيهات لاهل الشعر واللي يستمع مني وهالايام كثروا ناظمين النثر والاشعار = حقوق الشعر محفوظة وكم في الشعر متعني وياكاف البلاء في المنتدايات انظروا وش صار = اشادات ومدح لاشعار تهدر كسر وتحني تريدون الحقيقة قُدّم الاخفاء على الاظهار= وابو تمام مايدري عن اللي قال ابن جني بامانه والامانه لانغير تجرة التجار = ولا نبسط بها في سوق كاسد يكسر القني |
عودة سيدي سلطان معافى =
مرحبا ياقايد الجيش والقوات سلطان بن عبد العزيز= عدت للمملكة سالم معافى وغانم بالشفاء والسلامه كل شعب المملكه ينتظر هذا اللقاء حتى الرضيع الركيز = اصدحي ياطيور وغردي عذب اللحون وغرهدي ياحمامه والملك عبد الله الله يطول عمره أعطاكم العلم الوجيز = اصدر المرسوم عفواعن المحتاج والمسجون واضفى كلامه انظروا قوة تلاحم حكومتنا بهذا الشعب ياهالعجم والانجليز =والعرب دايم لهم شوكة عظمى وقوة في نظام وشهامه والله انا شعب واحد وتربطنا علاقه عنها مانحيز = مع حكومتنا وعن ديننا نحمي حمىالاوطان حتى القيامه الفرح في كل ديره بعودة سيدي سلطان والشرع للفرحة يجيز=والعلم خفاق رفرف وعالي على قصر اليمامه |
هذه القصيدة في يوم الخميس الموافق /19 / 12/1428 هـ=
رحنا أنا وخوياني بواجب لاخونا صلاح المطرفي= بمناسبة شفاء ابنه عادل = من الكسر والحادث الذي تعرض له= أول المبدا سلام بردة فواحه = طعمها سكر نبات وريحها ريحاني من هجوس الشاعر اللي ماتعرف الراحه = قبل ماتوفي حقوق الواحد الدياني ثم حق الوادين اللي صعيب انجاحه = مايكمل حقهم ريض ولاعجلاني ثم حق الصاحب اللي نفرح من افراحه = مع حقوق الضيف والصدقان والجيراني بعدها تلقى هجوسي هاديه مرتاحه = كن وبل الغيث غاشيها من الامزاني كل باب من الشعر يطرق معي مفتاحه = غير باب يجيك معه الريح والدخاني والله اني ماطرقه لو قالوا المزاحه = غير أزيده قفل ثاني واقفله بالعاني والحقيقه جيت أشارك والدلي مياحه = كل واحد يدلي بدلوه من الاخواني جيت اشارك مجلس عامر وجني ارباحه = بالنيابه كان أجازوني هنا خوياني بعد ماعادل جبر كسره وطاب جراحه = يحفظه ربي من الشيطان والاعياني والهموم اللي قبل كانت هنا منزاحه = من صدور اصحاب ابوه ورعه الهذلاني واسمحوا لي كان شعري مارتقى بوشاحه = كان صار قصور عند الشاكر الفرحاني |
اسمحوا لي =
جيت ضيف وسامحوني واسمحوا لي ودي أمشي = يم دارٍ ماشناني وان شناني ماشنيته خيلت عيني بروق وصار جسمي فيه رعشي= قلت يمكن حلم وأثره علم بعيوني رأيته والسحاب اللي نظرته في العشيه صار عمشي = والرعد زلزال حسه بس كني ماوحيته والعذر منكم بعد عيني قذاها اليوم رمشي = كيف رمش العين ياهل الخير يهدم مابنيته والله اني ماحسبت الرمش للاسرار يفشي = قبل هذا اليوم وأعلن عن حديث مانويته أحسب ان النصح والمعروف بين الناس ينشي = ليت وان النصح للي مايعرفه ماهديته الجنيه جنيه والاّ القرش ياهل العرف قرشي = كلها عمله ولكن الجنيه اللي بغيته والحوار اللي رغا وسط المراغه جاه هرشي = شامخ النيبان بان وبان بين الناس صيته واسمحوا لي بالرحيل وعندكم خليت عفشي = مامعي غير الشماغ اللي على راسي طويته |
قصيدة بلغز =
معي لغز جديد ولا احـد عـن رمعتـه ممنـوع=دقيق برمعته واخص مجموعـة مـن الشعـار هي عذراء فريدة مالها ثانـي وجنـس ونـوع=اصيله مجهمـة فـي وصفهـا لابـد مانحتـار مصفصف صف وصف اللغز ماجت رمعته مرفوع=ترى لو جت بغيـر وصـف مايقبـل المسعـار اقول ارمع ياسامعني معك مهله سنـه واسبـوع=نقول الله يوفقكـم علـى الرمعـات يالحضـار وصفها الخالق الرحمن في المكتوب والمسمـوع=وثنى الوصف واخفى واحدة منهن عن الانظـار أحدهن في هذي الدنيا والاخرى علمها مقطـوع=به الشك ولبعض المسلميـن وغاضـت الكفـار وحل اللغـز وسـط اللغـز يانافـع ويامنفـوع=نبا واحد يغوص ويظهر اللؤلـؤ مـن المحـار ترى لغزي بعيد وقيد لغزي مثني ومربوع = يفكه من يفك الرمز والاقفال والاسرار ولا هو من مخاليق الاله ولاهو بمصنوع = قديم ومستمر ودوره يابدر باستمرار أبــــــــــو ســـــامـــــي = |
قلطة =
محاورة طلال المعبدي مع الشاكر= ياسـلام الله عليكـم مـن بنـي عـمـرو الديـاقـا=يارجالاً ماتهاب من الخطر وقت الخطورة الزمن تـدرج رحاته بليام وبالفراقا=والخلايق في زمنها وقـت يسرٍ وإمعسورة .الشاكر أبو سامي= مرحبـا ترحيبـة مــن عــوف تعشقـهـا عشـاقـا=يالمسلم من بني عمرو ومن شرّف حضوره الـزمـن بـاقـي عـلــى مـاكــان والـعـالـم سـبـاقـا=فــي زمنـهـا ياعمـيـل الخـيـر والــدار معـمـوره طلال المعبدي= البقابـك ياعميـلٍ حافـظ شـروط الصـداقـا=مايغلق عنه غيرة وإن بدى غلق فأمورة مايسابقنا على العليا يكود أهل الحماقـا=الله يـديـم الأســود الـلـي يـعـرفـون الـنـمـورة .الشاكر أبو سامي= يـاعـساك تدوم يازيزوم لربوعـك رواقا=والصداقة باقية ماهي سراب ولعب كوره لاتروح بك الظنون بعيد عن حوز النطاقا=استشير وشاور أهل الراي واصحاب المشوره .طلال المعبدي= ياعسى بحمولهـا الليلـة تقـوم مـع الرفاقـا=ذا السنـه كـلٍ لحـالـه وأول الــدار مخـشـورة الحقايق واضحة وانت ما تسرقها سراقـا=ربعي ثابت فعلهم وأجيال جتنا ومغمورة .الشاكر أبو سامي= الجمال اللي تشيل الحمل دايم ماتساقـا=قيدة وقت الشديد وقايدة وقت الضروره والحقايق واضحة ياذيـب مافيـه انطراقـا=الله يديم الامـان ويسلمـون أخـوان نـوره .طلال المعبدي= وش نصيب مسيلمة اللي تنبـأ بالعلاقـة=كــان عـيـا لايـتـوب نـعـزرة نمـنـع شــرورة وانت والله من رجالٍ فيك درقه سِد فاقه=نـور جــلاي الـظـلام الـيـوم يـاربـي فـنـورة .الشاكر أبو سامي= ياعـسـى مايسلـمـون أهــل المـشـاكـل والنـفـاقـا=والكذوب مسيلمه له في القفا عشريـن صـوره مـاعـلـيــكــم زود والافـــكــــار تــمـــتـــد وتــــلاقــــا=والبيوت اللي بدون ظلال في القيض مهجوره .طلال المعبدي= الــدعــاوي مـاتـنـاصـا بـابـنــا مــاهـــو بـطــاقــا=والحمية عرق في وجه الرجل واليـوم دورة والحديـث إلــه رجـالـه مــا لــك إبعـيـرٍ ونـاقـا=وانت لاتِزعِل رجال وترضي اليوم البزورة .الشاكر أبو سامي= كــم واحــد ياعمـيـل الخـيـر فـــي دمـــه انـحـراقـا=وان ظهـر عـرق الحميـة فيـه ماتعـرف ظهـوره دام مالي خص في بعض الحديـث اللـي يواقـا=من زعل يضرب براسه في جبل تفجع صخوره .طلال المعبدي= انظـروا لـه فالجنـوب وثـم شصـوا لـه وثـاقـا=دورا له يـارفيقي قبل حنا لاندورة مـن يغلـق دون حالـه عنـه يرفـون الوسـاقـا=وانت راعي علم مايخفاك عالم في حبورة .الشاكر أبو سامي= ياوسيـع العـرف ماحـنـا عـلـى شـوفـه شفـاقـا=لـيـه نبـحـث عـنـه مانبـغـى يــزور ولا نــزوره لانتثر ما الوجه فوق الارض مايمكن يحاقا=والقعـيـد الـلــي ورا الـســدة يـسـدونـه سـبــوره .طلال المعبدي= يـادســمــيــن الــســبـــال وريــاجـــيـــل الــحـــذاقـــا=حشمة الطيب عن البطال ماهي بمغرورة عـلـم يـبـدا بالـوفـا تـلـقـى الـوفــا دايـــم غـلاقــا=مانذمـك وانـت حـر الحـر ماتهـفـي صـقـورة .الشاكر أبو سامي= العسـل حالـي لكـن الحنضلـه مــر المـذاقـا=يفرق الطيب عن البطال فـي مـدة شبـوره يالله تديـم الوفـاء وانـا علـى ركبـة وسـاقـا=عاقل الركبة وثاني ساق والراس محسوره |
شعر المراسلات =
قصيدة فهد الهلالي = الشمس تشرق كل يوم بجديدي = وانا جديدي ازرق الدمع هليت لاشك ربعي شوفهم يوم عيدي = نسوني اللي في حياتي تمنيت منطوقهم عذب الكلام المفيدي = في خيمة (الالغاز) حيوا وحييت اصغرهم اللي لاحضر قلت سيدي =حيثه بليغ يعجز الوصف بالبيت وطاب السمر والليل ليته يزيدي = ما يوم واحد قلت للربع مليت اسج مع الطاروق وابعد بعيدي = وافرح اليا مني على اللغز حليت فرحة صغير ٍ جاه لبس ٍ جديدي = انا اشهد اني بفرحته ماتساويت فرحي كبير وحان وقت الشديدي= اشد ارحالي يم لغز ٍ به ابديت ياويش عودٍ هو قديم عنيدي = له موقف بالشرع ماقالوا اخطيت باع الحلال وخلا ورعن فريدي= خلاه عند القوم ماقال ياليت شهد اشهود يم ورعه يعيدي = مايمنعه لاقال للورع حنيت مدري خيال الناس مدري اكيدي = واصبح مثل بين الخلايق له اوحيت المجاراة من الشاكر أبو سامي= ياللي على الطاروق غنى النشيدي = أنا على طاروقك اليوم غنيت ابشر بهيل وبن معها العويدي = وزعفران أشقر منقى وله صيت شكواك جتنا عبر خط البريدي = تشكي من النسيان لك وانت ماخطيت والله يفعل بالبشر مايريدي= ولافضاله العظمى لواتعد مااحصيت ولا أنت مابين الناس هذي وحيدي= ولك قدر بين الكل لن رحت وان جيت وانت دم الشريان وسط الوريدي =في خيمة المكشات لااخذت واعطيت ومن خبرتك كل العرب تستفيدي = ياكم لهم من واسع الخبرة أهديت ولا يستمع للنصح غير الرشيدي = والحي وألا الميت خله مع الميت ولغزك ثمين وفي المثل له رديدي = ويمكن سبقني واحد فيه واثنيت قالوا جحا باع المحل الوديدي = وخلا به المسمار في جدر هالبيت وكل يوم يضوي له عساه الثميدي = ويقول عن مسماري انحيت وابطيت واخذ بدال اللغز لغز عميدي = لو كان في لغزي عليكم تماديت انشدك عن ورعين في وسط قيدي = واخوانهم ورعين مثل أنت مااوحيت حبس موقت بامر عمرو وزيدي = يعزل خليل عن موده بتوقيت وان كان ربعك جوه خطلان الايدي = حلو قيود الحبس يوفون واوفيت |
معارضة قصيدة ابن زويبن الحربي =
يامل قلب كفخ مع طلعة الكنه = كفخة حرار على روس المراقيبي عيت ضلوعي الحواني لايردنه = وبقيت محتار بين الشك والريبي أخشى العواصف ونجم الشهب ينهنه = بعد نوى الهجر والسجه وتعذيبي إن جيت أفكر ولا انه مشتقي وانه = يصلاه في وقتنا مثل الملاهيبي أحداث وأهوال حدنه وهدنه = يشيبن الرضيع من العواقيبي القن والعرف يثننه وياطنه = مثل البكار الصعافيق المهاذيبي حتى المؤمل نجاته يخلفن ظنه = ويغيرنه بتكدير المشاريبي إن مابلاه الرفيق الشين يبلنه = هوج وعوج وسيعات التلابيبي يوم القيامه قرب والبعث لكنه = تبقى له الشمس في المطلاع وتغيبي الله ياونتي منّه مية ونه = ويابط بطن الغريب ويافري جيبي والمسلم اللي هموم الخلق همنه = هذا صديقي وبارسل له مكاتيبي واللي له القن والله ماانتقص قنه = لاوفيه قنه شمام بلا مطاليبي عارضت شعرا هجوس الشعر جابنه = لابن زويبن ووثقت المناسيبي |
ترحيبية =سلام الله سلام معطره فلٍ وريحاني = على كل الحضور أهل المواقيف اللفاويه
وأبارك للعريس من الشعور وفيض وجداني = من الأعماق يالله ترزقه صحه وذريه ويجمع ربنا مابينهم في خير وإحساني = ويجمعهم وينجيهم من الشيطان والسيه بعدها مرحبا في حفل منصور البنياني = حفل منصور بن صالح وربي يصلح النيه نيابه عن معازيب الكرم والجود وأخواني = وأنا خال المعزب والمعزب من بنيخيه فهيد أبن نصير إللي سواة الضلع ورقاني = كريم الجاه من منشاه فيه الجود ماريه وأنا في ماقفى ماني غريب وولد لقماني = وتجمعنا صله وأرحام والغيبات محميه أبفرح من فرح ربع نقاة طوال الإيماني = عسى الأفراح دوم ودوم والرايه سعوديه |
قصيدة تهنيئة=سلام الله سلام معطره بالورد والكادي = على من جابته دعوة معزبنا وداعيها
سلام من الهجوس إللي لها مصدر وميرادي = هجوس الشاعر إللي ينتقى في أرقى معانيها وأبارك للعريس إللي جمعنا ليل الإسعادي = فهد حمدي عريب الجد فارسها وراعيها عسى الله بينهم يجمع بخير بكل الأبعادي = ويصلحهم ويرزقهم ونيتهم يسويها وأرحب بالضيوف نيابه عن حمدي البادي = ولد مبروك يوم انه بدا في أعلى مراقيها وأنا حربي وهذا ماقفى مع ضمن الأجوادي = وحفظاً للصداقه في أول الهجره وتاليها بعدها ياهجوس سيري في كل مسنادي = على حره تدرهم بالسنع والرب مهديها تحليها سحابه ممطره في جوها الهادي = على ذيك الديار المسنيه بالغيث تسقيها غنيمه للكبار ومفرحه فلذات الأكبادي = تناقل ذكرها البدوان والعساس يوحيها وأوردها على العد الرهى بزود وعنادي = وأصدرها بعد ماتبهج الجمه وترويها وأعرجها على تونس ومصر ونهر بغدادي = عساها تأخذ العبره من الخبره وتعطيها وتهديها على كل الشعوب بموجة الرادي = وتوصيها التلاحم مع قيادات تعليها وحنا والله انا في أمان وخير يزدادي = بفضل الله وثم آل السعود ونهج بانيها حبيب الشعب عبدالله على منهاج الأجدادي = على نهج الشريعه مايغير في مباديها وندعي له بطول العمر والصحه والأمجادي = ومادمتم خير أنا بخير وفكروا فيها كلام ردده حتى سمعه اصديق ومعادي = صداه أزعل عداه وصار يغضبها ويوذيها أبو متعب عسى الله يحفظه عن كل الأنكادي = وعسى الله يحفظ بلاد السعوديه وأهاليها وأبختمها بذكر الله وذكر محمد الهادي = عدد نبت البراري والصلاة إللي نصليها |
¨°o.O ( ×××××××) O.o°¨
هل تم الانتهاء من الديوان يابن العم لكي نتمكن من إغلاقه وسحب الموضوع دمت بخير |
نكتفي بهذه القصائد من اديوان
وبامكانكم تسيقه وسحبه وشكرا |
نكتفي بهذه القصائد من الديوان
وبامكانكم تنسيقه وسحبه وشكرا |
عدد طلع الزهور وعد ماخط القلم في البوك = وعدد قطر السحاب وعد مايثمر من الأغصان سلام الله ومن العايدين وعيدكم مبروك= ومبروك الفرح والعيد لك عيدين ياعدنان بعد عيد رمضان ويوم سبع من الشهر هنوك= جميع الأهل والأصحاب والأحباب والأقران على رحب وسعه من كل دار وكل ديره جوك= يزفون التهاني بعد ذكر الوالي المنان تغاريد الفرح تعلو عقود اللولو المسبوك= تزينها أكاليل الورود ونفحة الريحان توزعها المحبه بالصفا في رسمها المحبوك= على كل الحضور وتهدي الباقي على الجيران ليال الأنس والأفراح زانت في ديار ملوك= في عهد الأب عبدالله حفظه الله من العدوان وكل اللي هنا بالقصر وإللي خارجه يهدوك= تباريك الفرح باعذب بيوت الشعر والقيفان عسى ربي يبارك لك ويفرح من فرحك أبوك= وعسى الله بينكم يجمع بخير وطاعة الرحمن |
عدد طلع الزهور وعد ماخط القلم في البوك = وعدد قطر السحاب وعد مايثمر من الأغصان سلام الله ومن العايدين وعيدكم مبروك= ومبروك الفرح والعيد لك عيدين ياعدنان بعد عيد رمضان ويوم سبع من الشهر هنوك= جميع الأهل والأصحاب والأحباب والأقران على رحب وسعه من كل دار وكل ديره جوك= يزفون التهاني بعد ذكر الوالي المنان تغاريد الفرح تعلو عقود اللولو المسبوك= تزينها أكاليل الورود ونفحة الريحان توزعها المحبه بالصفا في رسمها المحبوك= على كل الحضور وتهدي الباقي على الجيران ليال الأنس والأفراح زانت في ديار ملوك= في عهد الأب عبدالله حفظه الله من العدوان وكل اللي هنا بالقصر وإللي خارجه يهدوك= تباريك الفرح باعذب بيوت الشعر والقيفان عسى ربي يبارك لك ويفرح من فرحك أبوك= وعسى الله بينكم يجمع بخير وطاعة الرحمن |
هلا يامرحبا في ليلة زانت بها الافراح =تراحيب المطر باللي لفا والبال مرتحاحي هلا بضيوف ناصر عد براق الحيا اللي لاح =وفهد ابومشاري له نبارك ليل الافراحي تغاريد الفرح تعلو بصوت البلبل الصداح = صدى نغماتها يجلب ركاب المبعد الناحي تخيلها سحابة برقها يبرق وله وضاح = وهلت وبلها والغيث فوق هضابها طاحي من اول وسم نفح الا قحواني والخزاما فاح = وعطر جوها بإجمل عطور المسك لا فاحي خبرها منتشر من مكة وطيبة الى الاسياح = عليه اجمل عقود وتاج عاج وسندس أوشاحي تناقلها الرواة بقصة تشبه لابي الدحداح = قرن وجه الشبه في الحالتين بكثر الارباحي ويارب السماء كل طلبك وطلبته بإلحاح = طلبناك الفرج والمغفرة والهم ينزاحي عن الامة وكل اللي معه دلوه يبا يمتاح = بفن الشعر ويبارك لناصر ليل الافراحي |
هلا يامرحبا في ليلة زانت بها الافراح =تراحيب المطر باللي لفا والبال مرتحاحي هلا بضيوف ناصر عد براق الحيا اللي لاح =وفهد ابومشاري له نبارك ليل الافراحي تغاريد الفرح تعلو بصوت البلبل الصداح = صدى نغماتها يجلب ركاب المبعد الناحي تخيلها سحابة برقها يبرق وله وضاح = وهلت وبلها والغيث فوق هضابها طاحي من اول وسم نفح الا قحواني والخزاما فاح = وعطر جوها بإجمل عطور المسك لا فاحي خبرها منتشر من مكة وطيبة الى الاسياح = عليه اجمل عقود وتاج عاج وسندس أوشاحي تناقلها الرواة بقصة تشبه لابي الدحداح = قرن وجه الشبه في الحالتين بكثر الارباحي ويارب السماء كل طلبك وطلبته بإلحاح = طلبناك الفرج والمغفرة والهم ينزاحي عن الامة وكل اللي معه دلوه يبا يمتاح = بفن الشعر ويبارك لناصر ليل الافراحي |
بدينا بذكر الله عدال ميلها= بابيات اميز قصرها من طويلها ولا ودي امدحها ولا اذم بنيها = والاجواد تحكم زينها عن عليلها وياسامعين القول هاكم مدونه = دونتها والقوم تنفض شليلها على روم ديوانية الطيب والنقى = وتسند لطيبه طاب منهو يجيلها ابو رعد اسسها ورسى ركونها = وعلى قوقل الزلو تالق دليلها ومعه الرجال اللي حموها عن الردى= ومن هو يشاهد رسمها يعتني لها وابذكر بعض منهم ولا احد يلومني = اليا ذكرت من الاسامي قليلها فرحان ابن فالح وصقر المصيقر =وابو نادر النادر اليا سال سيلها ومحيط نجد ومعه راع الزباره= ومحيط هادي ووهبي عن رحيلها ومتوكل وصادق وعد و ابو فارس = وواكد وابو صالح وصامل عميلها ومهدي وخيال الشمال ونداوي = وابو عايض اليا زمجرت يرتكي لها وضابط خفر مع عاشق الطير والمطر= وسيل الكرم والخيل يعلا صهيلها ولا ننسى ابو عبدالله اللي شمالي = وابو فيصل وقطب الشمال ونبيلها وابو عمر وابو هلال وشمالي = والاشول وكايد والزنود بفتيلها ومحور وراع الاوله وابن ناقي= وابو متعب وسفاح خيال خيلها وبعيد المشاويح وهداف للهدف = واخو بدوى والكاسر اليافاح هيلها وخوي النشاما خوته ماتعافها =مع الحاجز الوهمي جنيه لدخيلها ونجم الخليج وابواحمد ونايف = وحي العرب لاعد ذباح حيلها مهاجر وابن شملان مع راعي الوفا= وقاموس والوارد وقصاف قيلها وهمام والفيصل ومعهم ابو فهد= مع محارب الزله ولطام عيلها والمحترف والقدس والقاسي ان قسى= وسهيل والعطري وتعطير ليلها وعز الخوي وسعود وابو محمد = وراقي ونجم الروم ينقى جزيلها وياراعي الصفراء ترى البل لارزمت =تخيل البروق اللي الاوادم تخيلها وياراعي العلياء ترى العز في العلا =عسى في هذا الدنيا نكسّب جميلها وبرق الفجر وال الحنيني ثلاثه= مع خالد الحصني ومن يهتدي لها ومشعل السوري وبدر العريمه = وعبدالله وسطام والسعد نيلها وحتى صبي سبيع مع ذيب الفرع=وفرحان من بشر مبشر نزيلها وسلمان مع قطب الشرق مع مسلم = وصدوق النوايا صادق بتحليلها ونبراس نجد اللي له المجد معتلي = وفتى هذيل اللي يروي غليلها وياراعي المندي ترى ذيب حبران = على معرج الوادي مجود صميلها وياراعي الوضحى وياراعي القلم = كتبنا رسالتها على قو حيلها ويابو جزاء والشيخ سرحان ودنا = ندور على الجزلات ماهو بديلها ولا انسى عنود عاندت كل معتدي= تنقض على الجزلات دايم جديلها تسمع وتسمع كل ماطاب واعتلا = وتترك علوم اهل الردى ماتشيلها وسامر ومطنوخ ورفيع لشانها = مع الفايدي والجدي ينخى خليلها وابن لاحق وفوازوشامخ وابو بدر = مع الوافي اللي مايوخر رسيلها ومنهم خوي الذيب وابو اسامه = وابومالكٍ والحنتمي محتميلها والاسلمي راع العلوم المليحه = معه السنافي للضبى في مقيلها وبراق والهايم وساري وساطعٌ = وابو حازم اللي كل عثرة يقيلها وابو سالم وبحر القوافي ومجدي= وصقر وقرناس ومقرنس لجيلها رجال لهم في ذروة المجد بصمة = كما روضة غنا وشامخ نخيلها علی الشعر والالغاز في كل ليله=وبعض العلوم اللي ينشط حصيلها مع الطب والحكمه ودعوه الی الهدی= سوات السيوف اللي يدوي صليلها وقصه وقصيده وتصحيح سالفه= بقول الرواه الراويه عن زميلها اقوله وانا الشاكر ونشكر لربنا =عسانا وفينا حق الاجواد كيلها وصلوا على المختار ياسامعينها = عداد النجوم وعد مامطر مخيلها |
اقتباس:
|
ان كان خرمان دوك الكيف سويته = فنجان برية دوبي مسويها
اما تقهواه والا انا تقهويته = ترى النشاما تبى منهو يقهويها كيف النشاما على شرواك مديته = مزعفر مع حوايج سبع مرهيها من بن خولان لاحرقته ولا انييته = حمسه عن الدخن والحايه مذريها بعد انحمس قمت بردته ونقيته = عن كل عذروب للدله وراعيها وفي نجر ماوي يابو حمدان دقيته = في وسط عزوة تقال انه يناديها اما الحطب سمر وسط النار واشيته = جمّر وحمّر بهبريات ناقيها جنبه غلاما على الطالات ربيته = لافاحت دلال كيف الراس يجذيها اما القدوع الخلاص اللي على بيته = حاسيه للضيف من عالي مجانيها جنبه خواضه على وزنه وتوقيته = كل الخلايا ليا نامت تصحيها |
اخبرك عن قصر موسس بالذهب بنيه وساسه
في راس قمة مايجيه اللي يبا فعل الدناسه قصر مجود مايجيه الخوف من ساسه لراسه بابه موثق ﻻحرس دونه وﻻهم يحزنون والثانيه هذي رساله مرسله ﻻهل الفراسه عن بحر ماينقاس لو قستوه يامصعب قياسه ياكم غاص بغبته مانال به غير التعاسه ومن ﻻيعرف العوم يبعد عن دخوله مايهون والثالثه كيف النشاما مايصب بجوف كاسه الكيف له فنجان للي يشربه فيه الوناسه شربه يعدل رأس شرابه ويعطيه الحماسه يرضى به اللي يعرفون الكيف واللي يفهمون |
اقول من رام المجارى اعني مجاراة القصيد= يعرف ماهي الشروط الوافيه والكافيه
نفس العدد ﻻنقص في ابياته وﻻ يمكن يزيد = ويمكن تجاوز عنه في بيتين ماهي هافيه ايضا الهدف ﻻيمكن انه عن هدف سابق يحيد =واليا طرق غيره هدف قل له سﻻم وعافيه✋ والربط واجب بين بيت وبيت ياعبد الحميد = والسبك ثم الحبك يعطيك البيوت الوافيه وفي التنقل لؤلؤا منظوم في عقد فريد = على صدر عذرا تﻻﻷ ضوء قمراء صافيه هذي الشروط الواجبه لو كان ودك تستفيد = واحذر تخل الوزن واحذر ﻻتقع في القافيه (ابو سامي )💐 |
اهلا هﻻ ارحب غﻻ بالنقد في بيوت القصيد= وحيا الله اللي ﻻنقد شعري يزود بي غﻻه
اي والله ارحب واهلي بالنقد ﻻجل استفيد = يمكن تكون بيوت شعري ماتجي في مستواه وانا نظمت الشعر من صغري وانا توي وليد = واليوم شايب قل شوفه ثالث رجوله عصاه واخضع لنقد الشعر حيث انه له ابحور وقيد = وكم غصت في بحور شواطيها تقع حذفة حصاه وديوان شعري لو عرضته جبت فيه الفين عيد = حيث الكمال المنفرد لله جﻻ في عﻻه ويالشاعر السراد ﻻتبخل بنقد وﻻ تحيد = خذ راحتك في نقد شعرا تسمعه وابحث خفاه ﻻتقول هذا شعر زيد وذاك شعر ابو عبيد = النقد امانه وانت راعيها ومن خير الرواه |
الشعر ديوان العرب للبدو واﻻ للحضر =يسجل اﻻحداث كم عصر تقدم يحتويه
وأنا ليامني نويت الشعر جاني منهمر=أنقى من اجزله الفرايد من حزامي واحتميه واقد من صم الحجر واغرف من عمق البحر = شعرا ينومسني ويشرح خاطر الحر النبيه واقدمه شهدا مصفى واطيب اطياب الثمر = وامر بعض احيان من علقم على كبد النقيه واهز به رهف المشاعر هزة اوراق الشجر = لامرها نسمة هوى الغربي تراقص جانبيه وفي الشعر كم عانيت يالشعار مع طول الدهر = من ﻻيخدم الشعر ﻻيجلب شتام لوالديه كل يعبر عن شعوره بس تعبير بحذر = ينقى المفيد وﻻ يشكك نظرة العقال فيه يصور الواقع لتقديمه على بطن وظهر = للمجتمع عبره وصوره مايحاكيها شبيه ما قلت ذا وحدي وﻻ هاجس على بالي خطر= قول احمد السراد من فيض المشاعر منتقيه شاعر وصاحب مدرسه للشعر كم منها اشتهر = من رام فن الشعر وبحوره ومن يوجد لديه احساس شعر وفن في سبك الكﻻم المختصر = ويحوره شعرا مقفى ﻻسمعته قلت ايه قلته وانا الشاكر معبر ﻻضرار وﻻ ضرر = جاريت به شاعر بني خثعم وعﻻمه فقيه ابو سامي الشاكر |
اﻻ ياهل اﻻشاعات اقلعوا عن سلعة الترويج = بضاعة كاسدة مامن وراها غير اﻻزعاجي
اﻻ خافوا من الله ﻻيصير الخط به تعريج = ترانا مانحب الخط ﻻماصار منعاجي اشاعات تسابق في هدفها طايرات الميج = يروجها ضعاف انفوس تعطب سيرة الناجي تراها لو كانت في زمان الهرج والتهريج =لها بين الرجال اهل الحسد خطة ومنهاجي جلبها اهل التواصل لونها اسود والحقوه البيج = وحطوا معه اﻻصفر لين اﻻبيض صار به لاجي يدس السم في وسط العسل ويظن به تفريج = يصدقها الكثير اللي لدرب الخير محتاجي يدبر مشرط الجراح بعد الحقن والتبنيج =يقطع في اللحم والعظم ويقل مابه احراجي كفى بالمرء يهرج ماسمع به مثل هب الهيج = اذا يبغى النجاه وللعزيز المقتدر راجي ترى الوتساب وتويتر ومافيها من التاجيج = تبث سمومها بين البشر بالوان مكياجي تجيب اليوم علم وبكره تناقضه بالتغنيج =وبعد بكره تزيد تعطره بالمسك والعاجي |
اليوم واجهت ذيب الغرب يابو احمد
العذر لله ثم العذر لاصحابي هجم عليه وقالي والله ان ترقد والا لنشب براسك راس مخلابي رقد وحلمت أنا واياي والفرقد في رأس مذروب في وسط البحر نابي نزلت من قمته ولينيي مجهد من حولي البحر دوبي ماسك أعصابي مقر بعض الدعاوي معترف مااجحد لو يابس الريق مايدري بالاسبابي علي سخنه عظامي منها ترعد وفي اتلى السرا طشني بدل ايتوصابي وعلي يرفع دعاوي يرعد ويزبد ماكننا الا من الاقصين الاغرابي اقول وازيد جاك العذر يابو احمد معذار لله وثم العذر لاصحابي |
العام أنا وأنت ياعذب اللماء في راس مذروب
نرعى سوى ماعلينا لارقيب ولا حسيبي الا من الواحد الديان والقانون محسوب عوايد الباديه بين المبعد والقريبي الهرج من بيننا حشمه وكنه حالي الذوب مانهرج على علم الشرف واللي يطيبي الكل منا يبري صاحبه عن كل عذروب القلب ما فيه غش وصافي مثل الحليبي واليوم جيل طلع لعل ربي فوقه يتوب يغري بمعسول هرجه لانطق كلمة حبيبي لكن مالومهم حنا بشر ومحمل ذنوب اذنوبنا لو تحصى تكسر العظم الصليبي الآدمي لو يخطي عن طريقه كله اعيوب يالله يالله يالمعبود لاتردي نصيبي |
على مقباس نار الشوق سريت القوافي فوق
نظمت احلى بيوت الشعر في عالي مراقيها تخيرت الجزيل من البيوت وطيب المنطوق تجمل راعي الجزلات كاتبها وقاريها وانا طبعي كذا دايم حريص ابحث عن أهل الذوق لو انه صعب كل انفوس من يسمعك ترضيها لكن اللي يبا سعر الذهب يدخل بجوف السوق قديم يقال ماقاسا المهمه كود راعيها ومن يشتاق شي ويقترب منه يزيده شوق ولا ابعد عن عيونه يمكن الآهات يخفيها ولو كل الذي يطرد على قول العرب ملحوق نقول الشاردات اللي يسرحها يضويها وانا اللي طول عمري حافظ الأسرار في صندوق ولا بينتها الا عند من يفهم معانيها ومالي في معاتبة الذي مايستمع لي طوق ابعرض له نصيحه شالها والا يخليها صحيح انسان مومن بالفروق وفيه جل فروق اصابع يدك ماتاتي سوى سبحان باريها اخذت من العنب حبه وقطفت من الزهر زملوق وشفت الفرق واضح بين باديها وثانيها |
اليف
الا يامستمع في كلامي اسمع حروفه وافهمه بالتمامي مرتبه حسب الهجاء بالنظامي وكل بيت تفهمه من معانيه الباء بيوت الشعر جتني تزاحم تشدا لموج البحر حين يتلاطم قالت تخير في منته بنادم قلت ابشري من خوف يحصل مشاريه التاء تقدم عندي الخير والشر والكل له دعوا ولادعوا الاقشر من بينهم ماكني الا بمحشر وأحد يجيب العلم واخر يوديه الثاء ثبت قول الحبيب المحبب الخير بس الشر قام يتسبب يامن معي فالشر هيه يتطبب والشر درب ابليس حلفت ممشيه الجيم جبت الحق للي نصوني واقنعتهم بالبينه واقنعوني الحق مايرضي ثنين افهموني واللي يعرف الحق لا جاه يرضيه الحاء حلفت اني عن الحق ماحيد ولا أخلف مواعيدي مع اهل المواعيد من خوف تلحق بي بعض المناقيد الرجل مايعمي عيونه بياديه الخاء خويك لايرا منك زله وان زل فوقك يلزمك تحتمله خلك كماماقال الاجواد ظله هذا خوي الجنب واللي تخاويه الدال دع عنك العلوم الرخيصه اللي على الرجال تحسب نقيصه اهل الشيم تنظر بنظره بخيصه واللي يحق الدرب يعرف مواطيه الذال ذم الخلق ماهو شويه اكبر خطأ ياعارفين الخطيه واعمالنا مابين حسنه وسيه السانك احصانك وذا شبه تنبيه الراء ريالك ساس بني التجاره حافظ عليه وفالمحافظ شطاره لا تنفقه فيما يضرك خساره تسال عن اول مالك وعن تواليه الزاء زمانك لا امهلك لاتمادى ماكل مخلوق ينال المرادا النفس جاهدها وخل العنادا كم واحد نفسه على الموت ترميه السين سل نفسك لها ويش قدمت للاخره ولسان حالك به الصمت وجوارحك تشهد ليا صار لجمت وهناك تذكر كل ماكنت ناسيه الشين شاور كل راعي مشوره في امر يهمك قبل تعلن ظهوره ولا تقول كل انسان شوره بزوره الا في الأمر اللي عن الناس تخفيه والصاد صدك عن ربوعك ملامه ربعك ذرا جنبك لدرب السلامه الرجل تكسب نظرته واحترامه درب السنع لاهل السنع مانت غاويه والضاد ضيفك كرمه بالبشاشه قدمله الميسور بالانتعاشه مع كثرةالترحيب يرتاح جاشه يغنيه عن شرب وطعام تسويه والطاء طريقك نوره بالصلاوات وبالباقيات الصالحات الشهيرات النافعه عندك للأحياء والاموات والذكر يرفع للعلا شان راعيه والظاء ظهرك اخوك عند الشدايد ينفعك لو انه عن الدار نايد أخوك عضيدك على كل كايد تشد به ازرك وتفرح بطاريه والعين عين اللي غذتك بلبنها أمك وطنك وخل قلبك وطنها عليك بالمعروف تامر وتنها اطيع اوامرها ياخوي ايه ثم ايه وابوك بعد امك ولازم تبره تراه مايرضى بمثقال ذره عليك واعلم في عقوقه مضره من عق ابوه اولاده تعيد ماضيه والغين غير ظلم من كان ظالم بيديك والا السانك تصير سالم والا بقلبك وانتبه للمظالم هذا اضعف الايمان ياجاهل فيه والفاء فلا تاسف على شي فاتك الا على وقتك وفايت صلاتك واحرص على اللي ينفعك في حياتك ويوم يفر المرء حتى ابيه والقاف قول الحق خله قرينك قوله على نفسك وربك يعينك يامرك به ربك ويامرك دينك واللي كماك يقول مولاه ينجيه الكاف كف الشر عن كل مخلوق فالله له قدرةعلى الخلق من فوق وإن تحسن الألفاظ في كل منطوق تعيش بين الناس ياسيدي بيه اللام لم الشمل بين الرفاقه يامحسنه للي يعشقه عشاقه مايكسبه ياكود راع الطلاقه صدق عباده ماهي اعبادة اوجيه الميم ما ينفعك جاه ولا مال الا ماقدمته من اخيار الاعمال ينزلك رب العرش في خير منزال وحبل العمل ياتي له الموت ينهيه النون نام وخالي البال مرتاح ولا تلتفت للي مضى عنك لاراح مانته على ماقيل مطرود بسلاح وترا المسامح يشكر الله مساعيه الواو وصيتك وهذي وصايا يحفظك ربي من جميع البلايا لو مستواك اخير من مستوايا الحر يفهم قبل مانته توصيه والهاء هواء قلبي وغاية مرادي صحبة نبي الله يوم التنادي وعن جنة الفردوس مافيه حادي وعلى النبي صلوا ترا الله مزكيه والياء ياراكب فوق حره أصيلة اخذ القصيدة ودها للقبيلة حتى تجمل وانت راع الجميله وراع الجميله ياعسى الله يعليه الأستاذ/ (حميد الحربي) الشاكرابو سامي |
سرا بارق ماشافت اعيوني أمثاله
كما الشمس فوق الأرض في عز شرقتها على دار مجمول له اقشر تهياله وبعد دياره واخلف العود وجهتها بعد شد دمع العين ماكف هماله مصيبه علي وهي كبرت مصيبتها الا ياوجودي صار يابعد منواله بعد راح عني كل باقي قرابتها منول يجيني بعد شهرين مرساله ورد الرسالة والحق الروح ونتها عليها الله اكبر آه يارحت في حاله تسر الحسود ولا يصدق بشوفتها ______________ قصيدة الغامدي الله اكبر يادهر من فعلة في القلب غايره احسبنها من عدو لي مراقبني واخذني غره وأثرها من محزمي والخنجر اللي كنت اشيلها وانا متباهي بها وغلاتها عندي سوات عيوني ماحسب أن الدهر متقلب وله مدات خاينه كنت مغليها وانا احسبها من اخصامي تبا تحماني سرقتني وطعنتني مامنعها الا نصابها قلت اخليها بجوفي خنجري لحمي عليها يبرا وابتسم للناس ماكن الشقاء بالقلب صابني سرت اداريها ولابس فوقها ثوبي واسير بكوني واحترس م الناس لاحي يشاهد دم كونها سامح الله خنجري سامحتها وانا عليها راضي ليتها ترجع تسامحني وانا سامحت في دمي الرد من الشاكر أبو سامي مجاراة قصيدة الغامدي الله اكبر والخيول اللي تصبح غايره كل خيله لاقبلت في مقدمتها غره عادت الفارس لاشاف الخيل ينتشيلها يمكن انه ضيف مقبل والمعزب عادته معيوني وإن شعل ناره ترا الموقد علت دخاينه والمواقد كل ما قربت منها نارها تحماني في البيوت اللي تذري كل من نصابها والرفيق اللي يقدر صاحبه لازم لدربه يبرا واعلم انه مايصير من المفارق والعصابني والرفاقه لاتشتت جمعهم جمعتهم وابكوني لين كل صعاب بقعاء في المحافل يدمكونها سامح الله كل من سامح وصان اعراضي والزلل والغدر والإنصاف طبع الآدمي ( الشاكر ابو سامي ) ___________=== العام أنا وأنت ياعذب اللماء في راس مذروب نرعى سوى ماعلينا لارقيب ولا حسيبي الا من الواحد الديان والقانون محسوب عوايد الباديه بين المبعد والقريبي الهرج من بيننا حشمه وكنه حالي الذوب مانهرج على علم الشرف واللي يطيبي الكل منا يبري صاحبه عن كل عذروب القلب ما فيه غش وصافي مثل الحليبي واليوم جيل طلع لعل ربي فوقه يتوب يغري بمعسول هرجه لانطق كلمة حبيبي لكن مالومهم حنا بشر ومحمل ذنوب اذنوبنا لو تحصى تكسر العظم الصليبي الآدمي لو يخطي عن طريقه كله اعيوب يالله يالله يالمعبود لاتردي نصيبي _________=== ( الدم دون الدار ماهو خساره) حنا قبايل حرب في كل ميدان اليا زهم سلمان رهن الاشاره من النخيل ديارنا لين جيزان ومن القصيم النا صروح وحضاره ماهمنا الحوثي وحزبه ولا ايران والله نولعها عليهم شراره مادام قايدنا سلايل كحيلان والنائب محمد اليا أصدر قراره رهن الأوامر حرب شيب وشبان كل يقف من دون جاره وداره حنا حماة الدار لا صار عدوان ياللي غدت يمناه تصفق يساره لاهبت الهيجاء على الماد شجعان وعلى سما الأوطان في كل غاره لادن زير الحرب فالماد فرسان نكشر الانياب مثل النماره وكل القبايل نعم من غير حقران الكل تحسب وقفته واعتباره بارواحنا نفدا وطنا وسلمان الدم دون الدار ماهو خساره شاعر مشاعر من بني قوم لقمان قال الصحيح وعلم باقي بزاره _______ اﻻ ياهل اﻻشاعات اقلعوا عن سلعة الترويج = بضاعة كاسدة مامن وراها غير اﻻزعاجي اﻻ خافوا من الله ﻻيصير الخط به تعريج = ترانا مانحب الخط ﻻماصار منعاجي اشاعات تسابق في هدفها طايرات الميج = يروجها ضعاف انفوس تعطب سيرة الناجي تراها لو كانت في زمان الهرج والتهريج =لها بين الرجال اهل الحسد خطة ومنهاجي جلبها اهل التواصل لونها اسود والحقوه البيج = وحطوا معه اﻻصفر لين اﻻبيض صار به لاجي يدس السم في وسط العسل ويظن به تفريج = يصدقها الكثير اللي لدرب الخير محتاجي يدبر مشرط الجراح بعد الحقن والتبنيج =يقطع في اللحم والعظم ويقل مابه احراجي كفى بالمرء يهرج ماسمع به مثل هب الهيج = اذا يبغى النجاه وللعزيز المقتدر راجي ترى الوتساب وتويتر ومافيها من التاجيج = تبث سمومها بين البشر بالوان مكياجي تجيب اليوم علم وبكره تناقضه بالتغنيج =وبعد بكره تزيد تعطره بالمسك والعاجي وخمسة عشر سبتمبر وما فيها من التضجيج =تراها مثل حجيتك ياسالم وانته الحاجي عقيدتنا : ملكنا :والوطن :ثلاث بالتدريج =لها في قلوبنا مسكن ومرباع ومدراجي الشاعر /( حميد الحربي ) ______=_____= يابو سامي عسانا كل ماجينا البلد نلقاك.. آمين الله وامين انه يطول عمر أبو سامي.. عساعمري فداك وكل خلان الرخا تفداك.. يارجال الوفا والمرجله بالماقف الحامي.. لاجا لازمك تنصاني ولاجالي لزوم انصاك.. ابن عمي ودمي والحمي وعظامك اعظامي.. اعزك واعزي بك واتعزوى فيك وبشرواك.. لانك تاج رأسي درع جنبي سيفي احزامي... عصاميا موفق في مساعي دينك ودنياك... نظيف المرجله وعلى الوسط بالدين الاسلامي .. كلام الشاعر اللي لاعبد وجهك ولاحاباك... ولكن الصحيح يقال حق الزامي الزامي.... ( الشاعر:بدر راشد البدراني ) عدد كل النجوم ودورة الايام والافلاك وكثر من حج بيت الله ومن صل ومن صامي عسى ربي يحفظك وإن ربك يشركك في دعاك يابو خالد بدر ياعد راهي يروي الظامي تعز اللي يعزك واحترم رايك ومد خطاك لياسيرت يمي عيد وابرك كل الايامي ياشاعر حرب في عيني وعين اللي سمعك وجاك ياراع المعرفه والمرجله والماقف السامي صحيح انا ابن عمك وانت ابن عمي وادور رضاك على عز وشرف يشهد لك التاريخ قدامي وانا لي الشرف في مدح مثلك لي ومحاكاك لان المدح للي يستحقه كيد الاخصامي دفا جنبي وتاج الراس ممشايه على ممشاك لانك يازعيم العرف قايد فوج ونظامي واقول المدح في مثلك ينومسني يغيض عداك أريد الناس كل الناس قالت قال ابو سامي الأستاذ/ حميد الحربي (ابو سامي ) |
الساعة الآن 01:19 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir