|
السلام عليكم ورحمة الله وبركاته مشاركه قد أعددتها لحفل الحنانيه لرئيس مركز غسل الشيخ/ نواف بن غالب ابن سليمان ولكن للأسف الشديد حال وقت الحفل المعد للشعر دون إلقائها وهيا ثاني مشاركه لي تخص الموضوع والمناسبه ويختلف الزمان والمكان والمشاركه السابقه على هذا الرابط..... http://www.m-harb.net/vb/showthread.php?t=76166 أترككم مع القصيـــــــدهـ .
سـلام تسليـم ٍ يعـم الرياجـيـل =ضيف الحفل ومعزبـه فـي محلـه ويامرحبا ترحيب جملـه وتفصيـل= على الحضور ولاش حاضر يزلـه ترحيبة أهل الطيب جيل ٍ بعد جيل =مضمونهـا مثـل النجـوم المطلـه نسوقها با القاف سـوق الفناجيـل=قافٍ يشـادي كيـف فنجـال دلـه لللابـه اللـي ماعليهـم مداخيـل=مقسومهم من مستوى الطيب جلـه أخيار من خيرت رجالن مشاكيـل= ربعن تعقـد وكـل عقـدن تحلـه حمايـة العليـا بحـد المصاقـيـل =وضحن حموهـا باسمهـم مستقلـه ترعا على يديهم جديـد المداهيـل =مـا رددت عـن خايـع القفـر لله غبوقت الخطـار ماهـي مباهيـل= وقتن مضا كلـش طراتـه بحلـه وقتن مضا يوم البواريـد والخيـل= واليوم عند الوضـح مابـه أشكلـه حل السلام وصار با الوضع تبديـل= بضلال حكمن كلنـا حـدر ضلـه حكم السعود اللي عدا روسها الميل=امحكميـن الشـرع مذهـب وملـه بضلال أبومتعب عسى عمره اطويل= اللـي سماحـة خاطـره منهجلـه مدات جـوده كنهـا منبـع النيـل= وعلى العدو مفراص ماصن وعلـه الله يفكه مـن صـدوف المقابيـل=وعـلّ الليـال المقبلـه يـمـهلله ولاهنت يا نواف في مجمل القيـل =يا معزبـن كـل الطراقـي تدلـه جينا أنثنـي التهنيـه بـا التماثيـل= ومهما نقول بمثـل شـرواك قلـه حييت عد امزون وبـل و شهاليـل= سحـاب وبـل المزنـه المستهلـه حقوق وسم ٍ كل بدو ٍ لـه اتحيـل =من كل فجن مـن سمعبـه رحلـه يا مكرم الخطار يا مقلـط الحيـل= وأبـوك قبلـك والثنـا مسهمـلـه غالب مقر وساس لمرجـح الكيـل=وفعله وذكـره بـا الوفـا شاهدلـه من غير قاصر با الرجال الحلاحيل= والطيـب وهبـه للنشامـا أجبلـه ولاني على مدح أهل الطيب ببخيل=نثني لمن دل أهـل الطيـب دلـه وليا نظمنا مادخل نظمنـا أستيـل =من جوهرن ماهو جواهر و حلـه نقطف زهر نوار جزل المحاصيـل= وصدورنـا جـزل الثنـا مـدهلله وموقف يشرف مال داعيه تاجيـل= ومن لا يشرف ما قصدنـا محلـه وأبرك ليالي داعي الشعر ذا الليـل =والشعر سيفن فـي لزومـه نسلـه في مجلسن داير به العـود والهيـل =مـع الشحـم والخطـر المسفهلـه شعشع بها ضو الضيـا والقناديـل =في حفل زيزومن أحجاجـه يفلـه وعلى محمد صفوة الخلق والجيـل =أزكى الصلاه لصفوة الخلـق كلـه |
محمد ابن خير الله الردادي من الرجال الذين فرضو احترامهم على الجميع بدون استثناء ومن خيرت من تعرفنا عليه من خلال هذا الصرح الذي يعتبر هو واحد من مؤسسيه جزاه الله عنا وعنكم خير الجزاء وحقه علينا وعليكم الدعاء واقل الواجب هذه الابيات والقصد الدعاء اخي القاري الكريم والله يرحمه ويسكنه فسيح جناته ويلهم ذويه الصبر والسلوان آمين يارب العالمين
مرحوم بئذن الله يا الردادي=عل وعسى لك منزلً فا الجنه فرقا مثل شرواك ماهوعادي=يفقد ولو موت الخلايق سنه ولا يفقد الا طيب المبادي=اللي على حسن المبادي ضنه درب النشامى عنه ماهو غادي=وطيب الكرام اسموعنا يوحنه علم ابوسامي ريح مسك وكادي=ورثا مثل شرواه مابه منه راع الصفات الطيبه وكادي=جزل القوافي با الوفا يرثنه من شارك اهل الطيب والامجادي=جزل البيوت الغاليه يفدنه يا الله يا مونس موحش الالحادي=في رحمتك عبدك تجاوز عنه وضله بضلك ياالكريم الهادي=قضى قدرك قلوبنا يرضنه ادعو لبن خيرالله الردادي=الله يوسع منزله با الجنه |
اقتباس:
الحمدلله على السلامه والله يحييك وستلم ردي وعذرني على التقصير
نثني على الخلاق جلا جلاله=له الثناء والشكر مبداك مبداي
والغالي اللي ننشده كيف حاله=وان طاب حال القرم شفي ومشهاي ونواصل الواصل بوصل اتصاله=وما للمقفي عندنا غير بيباي انته من اهل الطيب واهل الشكاله=وانا بعد هذا مقري وملفاي وراع الوفا والطيب من طيب فاله=عسا السعد والطيب سعيك ومسعاي عضدك وزندك والجزاله جزاله=حروت هدف معناك دققت مرماي وقاف القصيد اجاوبك من خلاله=ورضا مثل شرواك قصدي ومعناي والأدمي يطرد معوشت عياله=الرزق مشقي كل خلق الله اشقاي كلن يجي رزقه ولو ما عناله=رزقه يجيله غصب لوهو بمخباي واللي يروح يعوض الله بداله=وبا الله رجا شروا جنابك وشرواي ودوام حال المرء شي استحاله=والدهر له سطوه ومخلاب وهواي والطيب يبقى والوفا والجماله=ودامك بخير افلحة يا فالح الراي والله يديم العز لهل العداله=وعزيز قدرك والوفا غايت امناي |
الدرهمه والدرعمه بينهن فرق=يلي تحسب ان العرب ما تفرق الوافيه بنظارنا ماتجي درق=يلي جنوبك عن جنوبك مشرق لب العوارف حد عرفك معه قرق=هذا مقامك بنظري لاتبرق مانته براقي فوق لو قيل لك ارق=لنك با الارض ومحتواها مطرق ماتنطفي جمرتك يا لايع الورق=لو انت بين اغصان سدرك تمرق الرفرفه ما خلصة قبلك البِرق=اقصى جداها الخومره واتفرق والصوت ماجدا اللي يلعلع من البَرق=والراس مايذريه كثر التدرق ومن لا حفض قدر المهابه عن الخرق=يلقاه عبرود الرصاص المخرق ماني من اللي يسرقون النظر سرق=لابو وجيهن تنكسح ما تعرق بعض الكبود اطيب لها تحترق حرق=والدمع مجدا اللي من الدمع غرق |
تو ما نور يا أبو متعب وطنا=وعمت الافراح من ديره لديره مرحبا مليون والقاف ايتغنا=ياحبيب الشعب زيزوم المسيره شعبك المخلص لعودتك ايتمنا=يا مليكن ما يبون الشعب غيره فا القلوب أكبر غلانن لك يكنا=ومن مودتك الشعر فوح عبيره فا الغلا قاف الشعر ينبيك عنا=والغلا قاف القصايد يستثيره فيك عذبات المعاني يكتبنا=من كنين قلوبنا ما نستعيره الخفوق الحي بقدومك تهنا=غيبتك ماهي على شعبك يسيره لو طلبت أرواح شعبك ما تونا=في فداك ارواحنا ماهي كثيره با الغلا ما لك خشيرن في زمنا=يا عديل با الغلا القلب وخشيره في قدومك مهبط الوحي أرجهنا=نورة في عودتك شبه الجزيره |
الكبود من اكثر الهرج مندبله=والصدور من الغثاء شبه مليانه كل مدرك دار وقته وصار ابله=واكثر اللي يدحم الروس سكرانه اختلط صوت المزامير والطبله=وصفق الجمهور يا ليل يا دانه مع جماهير الفرح طاحت الدبله=وستمرت صالة الحفل طربانه وانتها لليل الفرح وقعدة عبله=وكل خيالً لها يسرج احصانه ضك ميدان اللزز ومتلا سطبله=والعرب وسط الميادين شرهانه والخطيب المعتبر ضيع القبله=والصفوف اللي معه شانهم شانه الجفاف اقبل على الزهر و ذبله=واجدب المحصول في وسط بستانه وختيار المجتمع مثل ما قبله=ماحصل لمدور الكنز مرجانه والعدو عادي والاعاد يحسبله=وشال كنزه والطماميع طمعانه |
[/center][/color][/size]
مادايم الا الله على كل ابو حال=كل الخلايق يا ملا راحليني [/center][/size][/color][/center]الهم في صدري له ايام يجتال=ضيق خفا صدري وبيح كنيني اقوم وارقد وابو فارس على البال=صدري على فرقا الشدادي حزيني اقشر خبر جاني ارساله ابجوال=خلتني اصفق با اليسار اليميني ليته تعذر قبل يرسلها الارسال=ما قال تم ارسالها للحنيني لو كان ابدري با الخبر ما بها جدال=لو ما بغيت العلم الاقرش يجيني يا الموت اخذت من الطيب القوم رجال=واكثر اشهوده با الملا حاضريني يا قل مثله مابها قولن ايقال=واقولها والله بينه وبيني لدليم ابن صياح قيمه ومنزال=وقفا ومقداره ابحرزن مكيني مقدار قدر اللي عن الطيب ما مال=يزود قدره مع مرور السنيني الله يجيره من جهنم والاهوال=ويجيرنا وياه و المسلميني يا عل له في جنة الخلد منزال=اطلب له الخلاق وارفع يديني عبدك وابن عبدك والا غيرك ايسال=تذريه وتجيره مع المومنيني ندعوك يلي ما لنا غيرك اضلال=يا ملتجانا والرجا واليقيني يا خالق الدنيا ويا محص الاعمال=ومقدر الاقدار على الجبيني قضاك نافذ بمرك الكل رحال=يا متحد يا منفرد يا معيني يا غافر الزله ويا ساتر الحال=يا مرسلن في صفوة الخلق ديني تجعل له الجنه مقرً ومنزال=ويحضا بشفاعة خاتم المرسليني والكل يبيموت ما با الفنا اشكال=ولا لومها لو تذرف الدمع عيني |
عند العرب صار المظاهر موضه=على المباشر طقها ولحقها ومخططات الرافضه مرفوضه=نرفض دمقراطيت اهل المقها حنا حرار والا نحب الفوضه=يا الرفضي للفرس يا الله سقها انته عميل وعملتك ملحوضه=وسمك ابكشف ايران وبفيلقها ابلادنا ماهي بكم محضوضه=الارض نسل اشكالكم ضيقاها تنقلون من الحساء لا الروضه=شرذمتن بشكالها تفرقها فيكم بلا ووجيهكم مرضوضه=كني مخمس راشدي صافقها البانكم بمراحكم ممخوضه=وشنابكم لبنان قد حلقها طوب الفلل من فوقكم مقضوضه=ماهو مذريكم ذرا طابقها وهدافكم وعقودكم منقوضه=كل العلل ربي بكم خالقها فناكم اهون من فنا الباعوضه=ما تحمل الشذره على عاتقها وافواهكم بشضاضها مشضوضه=اردا من اللي همها دوشقها وخوان نوره يكتمون الضوضه=املوك دارعزهم عانقها عز ببو حدين يلمع نوضه=وروسن تهوم الحكم ما يعتقها والمملكه بمر الولي محفوضه=وعدوانها عل الولي يحرقها يحرقها |
هذه الابيات ارسلتها عن طريق الجوال للاخ والزميل العزيز مشعل جزاء المويعزي الحربي وهو كفو يستاهل كل ماقلته واكثر ومقصود القصيده واضح عل ان تحوز على استحسان الجميع
شرواك يا مشعل علي الملازيم =ديانته بالدم ما يرخصونه ايو الله أقوله ولاهوب ترهيم=وأهل الوفا و الطيب ماينكرونه لو ما أنت يا أبيض وجه محتاج تقييم=يا مويعزي وافي و لالك مهونه قدرك بصدري ثابت(ن) بالصماصيم=قدر(ن) أعيال اللاش ما ياصلونه والطيب ساس ودل ماهوب تعليم= دلٍ صعيب ويقصر اللاش دونه وهبه من الله والمراجل مقاسيم=والناس مقسوم الولي يا جدونه رزق الملا بالواحهم بالملا ليم=واللي ما هو مقسوم ما ياخذونه سبحان رزاق الايدين المعاديم=أمدبر التدبير على يكونه والادمي ماهو مخلد و إلا مقيم=ومن جاه يومه راح ما يحترونه والعمر حلاته بقول المفاهيم=الوصل من بين النشاما مرونه لا مر فيك الفال وقفه وتسليم=وكلن من الاصحاب يملا عيونه من الدلال الجاهزات المواليم =فنجال من شرواك مايسهجونه أحلا على الخاطر من القطر و الديم=وطعم من الشهد الطبيعي ولونه ما أحتاج لزيارتك موعد وتنضيم=وفال الشحم فالك ومثلك زبونه كل الطمع شوف الكرام المغانيم =هذا هو المقصود مالك مهونه |
وين الولا والود والحـب ياهيـه=في ساعة الافراح وين التهانـي عم الفرح كلـن حبيبـه يهنيـه=ماغاب غير الي هويت ونساني وشفيه غاب الصوت يا منيتي ليه=فجئه تبخر حبكـم فـي ثوانـي هدمت قصرً هدني يوم انا أبنيـه=قصر الغرام العذب قصر الاماني قصرن على شانك مشيد مبانيه=ماهو بلايق يسكنه شخص ثانـي أبسئلـك بالله ســؤل وجـيـه=هل أنت تستاهل غرام" دهانـي انا هوايه قلب ماحد" سكن فيـه=أبسكنه وحـدي انانـي انانـي لاصار تستاهل غرامي وشاريه=حقك علي التضحيـه والتفانـي ومن باعني حتمن والا بد مابيه=ماني مهاوي واحـدن ماهوانـي وقلبي على دربن نويته بمشيـه=حتا والو ضيق ضلوع المحانـي با الصبر بعالج فوادي وعزيـه=والصبر رافقني من اول زمانـي والي عزف بوتار حبي وأغانيه=يرجع يقول الله بحبـك بلانـي سمه غرور وسمه الـي تسميـه=بترد لي ثابت مكانـي مكانـي والراس لغير الله ما ذله ووطيـه=آخر كلا م ولا بقا شـي ثانـي |
ســقـــا الله دار حــكـــام الــجــزيــره=مـــلــــوكً يـــامــــن الـــكــــل بـــذراهــــم مــــلــــوكً عــــزهــــا مــــــــا تـســتــعــيــره=وهيـبـتـهـا مــــا تــشــرا بــــاالــدراهـــم هـل العوجـا لهـم فـا المـجـد سـيـره=وتـــــاريــــــخً يـــلــــيــــق بــمــســتــواهـــم ســلاطــيــنـــن مــواقــفــهـــم عـــســـيـــره=عـضــودً لـلسـعـد يـرقــا عـضـداهــم عــلـــى الـقــمــه وسـامـيـهــم جــديـــره=سـنـام المـجـد مـــا خـالــف هـواهــم اهـــل نـخــوه واهـــل فـزعــه وجـيــره=مـــقـــاديـــم الــنــشـــامـــا واعـــقـــداهــــم وفا مداتهم ماهي يسيره= مــا يـشـري غيـرهـم مــع مشتـراهـم عــلــى الــعــز ورحــاهــم مـسـتـديــره=عــلـــى الــعـــدوان لا دارت رحــاهـــم ســـيــــوفً حـــــــزت اللازم شــطــيـــره=يــزول الـشـك عنـهـم مــا أعتـراهـم لــهـــم مــنـــا الـــــولا والــفــيــن خـــيـــره=ولانـــا لا أمـرهــم وأمــــر أومــراهــم وشقـا روس العـدا عـلـى الذخـيـره=الــيـــا شـــــان اللــغـــا نـقــلــع مــداهـــم ولـــــو يـنــبــح مـــــع الـفـقــيــه غـــيـــره=ما غير شعب ابو متعب والاهم |
كريم يا برقً سراء برقه وقمت أخآيله=برق الحيا جذاب وانا خاطري ماهو خلي شعاق براق الحقوق اللي بروقه سايله=غر السحاب اللي هماليله من المولا ولي يسقي ديار اللي على بالي بحلت احايله=اقول يا قلب العنا ماهو بلك ويقول الي من كثر مايغليه قلبي وين مدري شايله=احرص عليه من البخيل اللي على ماله ولي بين التغلي والغلا دعواه ماهي زايله=والقلب لا منه طبع فيه الغلا ما ينجلي كم تاه مع درب الهواء تاه الجموع الهايله=ومن لا سمع في ما مضى لا بد يسمع ما يلي كم عاشق دون على كتاب الهواء مثايله=والقلب مايشكي من الغالين غير اللي غلي ما با الهواء نفحة براد الا سموم القايله=حلاه ماهو والحلا لو قيل حالي ما حلي هذا كلام اهل الهواء ما قلت غيري قايله=كم خافقن نار الوله والشوق تغلي به غلي ياشر قلبي يا عناقيد الغصون المايله=بعض العذوق تخلي الخافق عليها يسطلي أغلا عناقيد العنب عنقود محدن طايله=يبقى الغلا ما الحب الا للحبيب الاولي قلب العليل من الهواء ماتختفي دلايله=يبين هم اللي قفص صدره بهمه ممتلي كم خافقن فيه التغلي عاملن عمايله=ويبطي وهو في خافقي ماله شبيه ولا حلي شمس الضحا طلت جبينه والدجا جدايله=والعنق عنق اللي زهاه اغلا الجواهر والحلي عزآي للقلب العليل ان ماعزا عزايله=يشكي على الله والله الوالي والاغيره ولي |
أهـل الـمــهـايــط بـا الـهـيــاط اشــغلــونـا=خــلــو حـيـات المـجـتـمــع كلــها اهــيـاط ناسً تهـايط من فــراغ ازعـجـونـا=على الثراء متـربـعيـنـن بـلا بسـاط بصـدورهـم ما للجـزالـه زبـونا=والنادره عنهم تتقا وتحتاط واليا أستلم واحدهم المكرفــونا=يشيل سرده ويتمـــغــط تمــغاط ابداعهم كان ابدعو يشـحـذونا=والكل منهم فا اكثر المدح خراط من زايف التمجيد ما يستــحونا=كلن يغوص بحد كذبه للاباط لاسانحت له طارفه قال امونا=وميانته تاصل حضارات الانباط لو تنشده شاركة في برشلونا=قال ايه قبل العام مع ناسً انشاط يا الله عسا فمه اللحتات السنونا=عن الـــحنوك يــحـتـهـن حــت مـلـقـاط وينفد وتباعه معه ينفدونا=حتى يقر الرمي ويروح الافراط وشعارنا الوافين لا يزعلونا=واللي يبا يهايط بكيفه اليا شاط ويبقا الجزيل من النبط ما يهونا=وتبقا القناعه كنز وانواطها انواط |
الكل عقله يا اهل العرف مغنيه=كلن يقول انه بعقله غناوي لوكان خبل ويمطخ الما على يديه=مزري على ما قيل فيه المداوي يطيش راسه لا بغا احدن يقديه=وان طاش ركبك القعود الرغاوي ودعواه لاكبرت غدت بارد أمويه=وحق المطرف طارف المسنحاوي نطلع عن الموضوع والقصد تنبيه=للان ما قررت لاشك ناوي والا اترك المعنى لغيري يسميه=وثلثين جمهور التحاليل غاوي العفو يا جمهور من غير تنويه=الفتل حال وحال ماهو حراوي جدع وبدع وادمج القصد تمويه=ويصير نجمك فوق نجم الخلاوي لو ما تعقد الحبل حاول تلويه=يجيك حلحيلً يفل الملاوي ياهملالي عرف راسه مهقويه=شاعر وعدا فلسفة كل راوي متعمقن با الفلسفه قل واليه=وبـّال لو هو قبل قبل امس شاوي والطيب كله كاسبه في حراويه=وان قلت فارس قال مثل العطاوي لا استرسل وقام يهلس تنخدع فيه=صحيح لولا الفعل بار النداوي هرج السعه يجتاح جرد المهاميه=يبين حزات الزوم الرهاوي الله يبطي في لزومه وطاريه=حزام راسً فوقه الذيب عاوي والاش وقتً فات يبحث خوافيه=والا الرخاء فيه الجميع متساوي كم واحد يكرم بما تملك ايديه=واحدن يصد وهو على الجود قاوي واللي مضى تاطا وتعدا المشاريه=با الجود والا با الظفر والعزاوي لو مالحقنا وقتهم سامعن فيه=والوقت هذا ما يجي با المناوي ستر الله الوالي على الخلق مضفيه=والله يجنبنا الفتن والبلاوي |
قصيده كتبتها من اجل مسابقة شاعر الملك وحالت الظروف الصحيه وانتها الوقت المقرر ولم اتمكن من طرحها امام لجنة المسابقه وعسى المانع خير ويمكن لوني شاركة فيها كحتوني000يعني قالو تفضل من غير مطرود مع الباب والوكاد انه قصد اللي فيهم بركه والقصيده لا صارت با الرجال اللي يستاهلها نعدها ولاهي خساره والله يكتب الخير والخيره للجميع وايليكم المشاركه عسا ان تحوز على رضاكم
يـــحـــق لــك تــفخــر يــشــعـــب وتــبــاهـــا= بـــقـــدوم زيـــــــزوم مـــاهــــو بـي زيـــزوم كــــــــل القلــــــوب تشيد له فـــــي غــلاهـــا=اغلا غلا حاكم دخل قلب محكوم مـلـيــكــنــا جـــــزل الــصـفات أحــتـــواهـــا=مــــن هـيـبـتـه شـعـبــه مــقــدر ومـحــــشـــوم با المجد عــــال الشـامـخـات أعـتـــــــــــلاهـا=مــبــطــي تعلا مجدها مـــاهـــو الـيــوم لله در الـــــــــــدار واللـــــــــي ولاهــــا=وخلا النوادر دونها تكـــــــــــسر الــــــــــحوم ما كل من ولي صــــــــروح احــتـــمـــاهـــا=وحكــامـنا تاريخهم صبــــــــــــــــر و عـــــزوم والكبد ابو متعب مبدد ضماهـــــــــــــــــــــــا=مروي عطش شعبن فطر كبده الــــــــــــــــــــــصوم بـا الـــــــجود والــكـــف الـنــديــه ســقاهـــا=مد الزعيم اللي عــــــــــــــــــــــدا راسه اللوم لشعب احن مــــــــــن الـحـنون الـضـنـاهـــــا=ومن لفتته ما فيه مبعد ومــــــــــــــــــــــــحروم لـحــقــت بـعــصــره كــل نــفــســن هـــواهـــا=وقـــرت عـيــون الــلــي يــبــا لــــذت الــنـوم والشعب وصلت غايته منتــــــــــــــــــــــــهاها=وعــم البلـد خيرن على الــكل مقــــــــــــسـوم مدت كريم و مدته مارجــــــــــــــــــــــــــــاها=وافي وشعبه با الوفا حق ملـــــــــــــــــــزوم اجره على منزل تبــــــــــــــــــــــــارك وطاها=اجر وثواب اللي عن النار مـــــــــــــــــــرحوم وتبقا المحبه عالين مســـــــــــــــــــــــتواها=بقلوب شعبه يا عسا عـــــــــــزه ايـــــــــــدوم وشعبه ماعاش اللي يـزعــزع ولاهــــــــــــــــــــا=شعبه لهم عهد ومواثيق وسلـوم ورواحهم لجله فداها فــــــــــــــــــــداهــــا=وبقلوبهم حبه قبل كــــل مـرســـــــــــــــوم |
أموت بك وغليك يا صغير السـن=وغلاك في قلبي من الجال للجال اشتاق لك وزداد لك شوق وأكن=ما كن لي يا سعود قدامك عيال مالك خشير فا الغلا لله ابدن=حبك حضر والغاء غلا كل الاطفال غلاك ما يدخل مدا الشك والضن=والقلب يمك دايم الدوم ميال في خافقي قر وتربع وهيمن=والقلب خله لك وانا ابوك مدهال حبتك تشدا كايف الهيل والبن=فنجال لاكنه ماهو بي فنجال أنت الحلا كله والابداع والفن =دامك ورع ما صرت يا سعود رجال وليا كبرت أفطن لما أقوله أفطن=وألا تقول ابوي يا سعود ماقال الناس ما تعطيك قدرك ولد من=خذ من مدا فعلك مقرً ومنزال بسمك يعيش الطيب والا يكفن=وأن طاب راسك نومس العم والخال واللي على ما لون لو نجره يدن=تسري سواليفه بلا قيد وعقال اتحمله بقعا من حمولها طن=لو كان ماهو لا زما الحمل شيال وتعنه الدنيا على ما تبا عن=وتلبسه دنياه شيله وخلخال وشر الملا منهو على الغره أيشن=ومنين ما هب الهوا خاطره مال يبيع ويشري من ورا ضحكت السن=من بين خلق الله منافق ودجال يدحم هوامير الهبني على الين=ورصيده الصافي مكعب والا ريال وخير الملا اللي وحد الله وأمن=راقب ولي العرش في كل الاعمال بمر الله وفي طاعته ما تهاون=في قلبه التقوى على كل الاحوال ولغير سنة صفوت الخلق ما سن=يمشي على سنة رسوله بلا جدال ولجل العباده خلقت الأنس والجن=والناس بطاعه تزود وتكتال الله يهييلك من الدرب الايمن=والدرب الايمن طيب الصيت والفال |
جذ الموآصل وترك الخاص والـعــام=بعض المواصل ما لنا فيه حـــاجـــه العولمه دارت ودارن الايــــام=وكم واحدن منها تكدر مزاجه الكون منها مـنـقـســم عـــــدت اقــســـام=لروس فا المضمون شبه ادراجــــــه قـــســــم مع العاصوف قــــدام قـــــــدام=اما خدش والا كسر له زجـاجــه وقسمً يبا يضرب با الا رقام الارقام=لـــوكـــان مــــــا بـــيـــن الـــرقـــوم انــدمــاجــه وخــط القـلـم لا صــر صــرن الا اقــلام=وقدوت قليل العرف راس الخـواجــه الـمــهــره الـــلـــي مـا لها عن ولـــجـــام=خــطــرن يـعـرضـهـا الــزمــان الـسـمـاجـه صفق الهواء يا مـا شلـع طنـب وخيـام=وكمن سياجن قام يرقل ســيــاجـــه واهل الهواء ما عندهم غير الا اوهـام=كـــلــــن يوصف من هيامه اخــــلاجــــه كـــــم هـــــام فــــــي واد الـمـوالــيــف هـــيـــام=يـــبــــدون هـــمــــس ويـنــتــهــون بـلــجــاجــه أحـلامـهـم مــاهــي مــثــل كــــل الاحــــلام=وطــريحهم ماهو مدور عــــلاجــــه وكــبــودهـــم دايـــــــم مـعــاطــيــش وحـــيــــام=ولا يبـــــــل يـــبــــاس الــكــبـــود الــمـــواجـــه و الكايد اللي ما يبا قـلـب وعـضـام=ما كاد غير اللي طليقن حـجـاجـه كـــم واحـــدن عـلــى الــــردا يلــزم الــلــزام=راس طغا من فوق عقله هياجه ومن لا تدرا العاقبه جاه لوام =ما يفرق العذب القراح و هـمـاجـه يمسي ويصبح ما عقب حروت الـكــام=وان كان صاد الهيس صاد الدجـــاجــــه |
الناس بصدورها تخفي سرايرها=وسر وخفايا صدور الناس تخفاني الله وعلم وش اللي في ضمايرها=وانا على نيتي وابوي وصاني يقول خذ عن جميع الناس ضاهرها=لا تاخذ الناس ضن بغير وكداني وناسً تقدرك فا المقدار قدرها=واول مقام وقدر لبوي و خواني واللحيه اللي لها توقير وقرها=وشيم فلان بمقام فلان وفلاني واهل البخوت الكبار اذهن تصغرها=ولكل بيتن مع اهل العرف عنواني ولا كل سلعه ليا عرضة تسعرها=لو سعروها العرب واحد ورا الثاني والمبهمه في حدود الطيب فسرها=والمجتمع مجتمع عالم و علماني واللي تعاضب تعاضب لا تدورها=أطلب عوضها من الله والعمر فاني وأحداث الايام فا الواقع تصورها=ولا قيل حقق تحقق و ظهر الجاني واللي تقدم أتقدم لا توخرها=ولا تورد السالفه من دون برهاني والناس بحدودها يدرا خواطرها=ترا المجامل بحد الذات له شاني الناس ما تعبر اللي ما يبرها=ماهو بعيب المجامل قدر الامكاني وحقايق القول قلها لا تغيرها=ممسوح راسً يعد الصدق بدهاني وخل الجنايز تحلل في مقابرها=بقبورها والزمن من فوقها باني واللي توقع تجيب الريح سكرها=قدام لا تقول هب الريح ووذاني واللي ما تلحق مقام الوجه مررها=والكايده مالها الا السيف شاماني وروحن بلا صبر من يقدر يصبرها=والحي يحييك فا القاصي وفا الداني روس الشياطين فا المضمون ندحرها=أعوذ في خالقي من كل شيطاني |
مشاركه وموضوعها شاعر خلف القضبان وكان الطلب من الشاعر ابو خالد الفريدي والموضوع الصبر والتحمل 00ارجو ان تحوز على رضاكم
سلام والمعنى على بيت القصيد=واللي عقد روس الحبال يحلها على هواء الا صحاب يوم الله يريد=والدله ام الكيف كيف نزلها والكيف كا يف كيف والمعنا فريد=نارد مغن المفرده ونتلها وعن جوهر المضمون لا يمكن نحيد=على حدود اللي حديدن سلها ابشر بعزك وش تبي يا علي زيد=اللي تورا من بنودك ملها والصدر به من ندر المعنى رصيد=ويكفيك عن دق السوالف جلها واللي مثل شرواك منهم نستفيد=والمعرفه ما فيه احد محتلها عندك بوسط السوق فا الساحه جديد=تاجر ورصدتك ماش شي ايخلها وصبر الجمل ماله شبيه ولا نديد=شال الحمول الكايده ما ملها يصبر على ما قيل والطرقه بعيد=والحمله اللي ما تقل ايقلها صبر الجمل خلا النشاما له تشيد=وناسن ما تيد للاشاده خلاها وشعيل يبقا شعيل لو قيد بقيد=سفينت الصحرا الدروب ايدلها والي ما يصبر يا ولد عمي هريد=كبده تموت من العطش ما بلها لضحا الضحا تذوب كثبان الجليد=وتبقا الجبال الشامخه وفطلها والقصد والمضمون و الراي السديد=اللي عقد روس الحبال ايحلها |
انت مثل الارض عندك جاذبيه=كل ما ابعد عنك تجذبني ايليك يا شبيه الريم والا يا سميه=والله ان يبطي خفوقي ما نسيك يا ثقل فرقاك يا الغالي عليه=ود قلبي كل ما روحت اجيك ياهوايه عن هوا هذي وذيه=من جميع الغيد قلبي مشتريك الليالي في غيابك سرمديه=ما توقف ساعتي لين احتريك يهني من لا تولع واهنيه=وخافقه ملكه ولا له به شريك ما تذوق من رحيق ادنا خليه=ماتذوق من طعم هذي وذيك جاهلن قلبه بحبك يا ابدويه=خافقه بيديه ماهو في يديك يا حبيبي لو سمحت ارفق عليه=دام قلبي يا حياتي مهتويك لا تخليني كذا بالمهمهيه=لا متى بالله لا وين احتريك وتمنا احط ايدينك في يديه=اجمل ايام العمر يوم احتويك والهواء قالو لنا ذوب طميه=ذابت ابعكاش وانا ذبت فيك |
جد الموده و الغلا من جد يلعن جدها=لا صار قلب اللي توده ما يبادلك الشعور مشاعرك ما عاد تقوا لا بغيت تردها=وخلك على الهجران والفرقا معه قلبن صبور دام الهواء يا خافقي دعواه منت بقدها=وراك يا قلب العنا تجزم على بعض الامور الهجر والفرقا مرارتها الكبود تقدها=لا بار فيك الخافق اللي ما هقيت انه يبور ما عاد نقدر نرخي حبال الغلا وننشدها=لو الغلا با القلب من دمه على دمه يفور الود وده والموده عكس وده ودها=كل الدروب تروح وتعود على بدر البدور قاومت هجمات الغرام ولا قدرت اصدها=يوم انكسر في خاطري كسرن ماهو مثل الكسور والقلب لا شيد صروح من الغلا ما هدها=صعبن يهد اللي بناه وشيده وسط الصدور عد الموده فا الضلوع اللي تعد و عدها=والعشق سمَ في خفايا خافي الولف امحكور والحاليه توي دريت ان المراره سدها=وتوي دريت ان الفلك دوار والعالم تدور ياخافقي فضفض ومضمون التجارب عدها=والتجربه مضمونها يبقى على مر العصور |
خذني معك لا نويت اتروح يا روحي=مافيه احد لا رحلت اقعد على شانه القلب ماله هواء بغيرك ومصلوحي=عليك قلبي حبيبي صك بيبانه ما اسلا والا فضفض الغيرك والا ابوحي=صندوق الاسرار قلبك يا الغلا امانه صحيح مبدا المحبه لعب ومزوحي=ولا رف طير الهواء ما كف جنحانه والحب مهما يطول الوقت مفضوحي=الحب ما يختفي رمزه وعنوانه يا باقت الورد لا هب الهوا فوحي=يا خيرت الورد وغلا زهور بستانه خليني تخيلك ومتع اشبوحي=وقول يا ليل يا دانا ويادانه بطرب ومتع جميع سموع من توحي=كل المسامع تجي وتروح طربانه يا الورق غني طرب وان روحت نوحي=صحي خفوقن تناسى جروح خلانه داوي جروحك بصوتن ينقض جروحي=ما دام ماله دوا للقلب و حزانه راح الغلا يا حمام الورق في روحي=وبجيده العقد من دره ومن دانه |
ارجوك لا تنشد وتسئلني عن اسباب الغياب=ماهو بكيفي بختصار الغيبه اللي غبتها اهم شي اني رجعت بخير لك يا ابو الشباب=والدره اللي فا البحر لك من بحرها جبتها والثانيه عديتها ورقيتها روس الهضاب=والحسبه اللي تنحسب لك با العقل قربتها والمسئله تدقيقها يمكن يجيب الاكتئاب=انكان منت بساع لا جت مسئله حسبتها لو لا شعاع الشمس قلي كيف ينزاح الضباب=وقل لضباب الله من ربكه لنا سببتها لحضه نبا تتويجها لحضه عساها لذهاب=والله من لحضه ولحضه يازمن خربتها والهم ماهو فا المراح ولا المجي ولا الزهاب=فا الكذبه اللي يا زمن بسموعنا كذبتها خليتنا بحلامنا نرقا على متن السحاب=وبعد اعتلينا فا السماء جنحاننا صوبتها وشقيتنا وهيبتنا لوكان كنا ما نهاب=وناسن ما تستاهل عذابك يا زمن عذبتها اسود سواد اليوم الاسود من جناحين الغراب=كل الحلول اللي مضا فمعالجه جربتها بعثر جميع اللي نرتب له ونحسب له حساب=نتايجه ماهي على مضمون ما رتبتها يا وقت يا ما تهت بك بين الحقيقه والسراب=وعني مفاتيح الحلول بخبنتك غيبتها اسنين اقلبها يمين ايسار ما وصلت نصاب=ما جت بصفي لين طابت نفسي وجنبتها اقفيت طايب خاطري معلن قرار الانسحاب=يوم استوت والصفره ابطن الهدف ذوبتها وسط الهدف مضرابها ما وقعت وسط التراب=والمسئله صارت بسيطه بعد ما صعبتها وشوله اجهد خاطري وتعب على غير الصواب=والي ما تعني شي وش يعني اليا عاتبتها يعني قضينا من صريح الراي وايام العتاب=وان قلت غلبت الغلاابا قلت ما غلبتها قدام تنشد وين كنت اقول خذ ربع الجواب=وجابتي مضمونها عليك ما شعبتها |
إن العين لاتدمع لفراقك اخي الغالي عبدالله ولكننا جميعنا سوف نسير في هذا الطريق
وادعو الله لنا جميعاً ان يحسن خواتمنا ويرحمنا برحمته انه مصاباً جلل وإنا لله وإنا إليه راجعون يارب ارحمه رحمه واسعه وادخله فسيح جناته فهوا اخي وانه لا يعلم بمدا محبته ومعزته إلا انت اللهم ارحم اخي الغالي عبدالله عتيق رحمة واسعه وتغمده برحمته اللهم ارحمه فوق الارض وتحت الارض ويوم العرض عليك اللهم قه عذاب يوم تبعث عبداك اللهم انزل نوراً من نورك عليه اللهم نور له قبره ووسع مدخله وانس وحشته اللهم ارحم غربته وارحم شيبته اللهم اجعل قبره روضا من رياض الجنه لاحفره من حفر النار اللهم اغفر له وارحمه واعفي عنه واكرم نزله اللهم ابدله داراً خيراً من داره واهلاً خيراً من اهله وذريتاً خيراً من ذريته وزوجتاً خيراً من زوجه وادخله الجنه بغير حساب برحمتك ياراحم الراحمين |
إن العين لاتدمع لفراقك اخي الغالي عبدالله ولكننا جميعنا سوف نسير في هذا الطريق
وادعو الله لنا جميعاً ان يحسن خواتمنا ويرحمنا برحمته انه مصاباً جلل وإنا لله وإنا إليه راجعون يارب ارحمه رحمه واسعه وادخله فسيح جناته فهوا اخي وانه لا يعلم بمدا محبته ومعزته إلا انت اللهم ارحم اخي الغالي عبدالله عتيق رحمة واسعه وتغمده برحمته اللهم ارحمه فوق الارض وتحت الارض ويوم العرض عليك اللهم قه عذاب يوم تبعث عبداك اللهم انزل نوراً من نورك عليه اللهم نور له قبره ووسع مدخله وانس وحشته اللهم ارحم غربته وارحم شيبته اللهم اجعل قبره روضا من رياض الجنه لاحفره من حفر النار اللهم اغفر له وارحمه واعفي عنه واكرم نزله اللهم ابدله داراً خيراً من داره واهلاً خيراً من اهله وذريتاً خيراً من ذريته وزوجتاً خيراً من زوجه وادخله الجنه بغير حساب برحمتك ياراحم الراحمين |
الساعة الآن 02:47 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir