|
الدعا
الله لطلابته يسمع=ذا شي ما فيه قال وقيل يعطي عباده وهو يمنع=حسب العمل يحصل التحصيل ودعا بلا فعل ما يشفع=لو كان ندعو نهار وليل لوان كثر الدعا ينفع= كنا انتصرنا على اسرائيل |
خلي يمينك بيمناهم
الطيب له ناس معروفين = خلي يمينك بيمناهم وأللي عن دروبهم ناحين = أحذر مع الدرب تبراهم |
نسيم الشمال
متى نسيم الشمال يهب = وتلطف الجو نفحاته لي قلب متعوب ومعذب = عليه بشكي معاناته أللي فتح بالحشى مكتب = وللآن بيضاسجلاته ما يدري انه علاج وطب = وجروح قلبي وآهاته |
بحر سودة
أبحرت أنا في بحر سوده = بامر الذي فيه وداني ويوم جيت عازم على العوده = الشرش مانع وعياني واصبحت في معقل حدوده = يامر عليه وينهاني لاقيم القبر ولحوده = ولا عالج الوضع واحياني |
من ليالي العامودي وابو مديدة
لحن جديد ماجد ابو مديدة والعامودي يوم الأحد ليلة الاثنين الموافق 22|1|1430ه
شفنا في بحر الغرام اهوال=متقلبة في طواريها الصد والود والعزال=ومكابد جروح نخفيها بحر الهوا ما تدوم له حال=راعيه لازم يراعيها وان كان ماهو وسيع البال= يتعب حياته ويشقيها فالحلم مانعرف الاهمال=كل المصاعب نماشيها لكن سهم الهوا قتال=أحوالنا ما يداريها ما عندنا شك فالأقوال=أللي بالامثال تبديها ومادام فيها قتل وقتال=روحك لها وش يوديها الود سير ثقات رجال=وقلوب صلبة معنيها مالوم منه عنه في جال=ساحاتنا مانزل فيها كل قلب من عادته ميال=للّي بالاعيان يرعيها مير الهوا دايما محتال=ولابد نحسب تواليها وش ينفع القلب لنه مال=والروح زادت مآسيها يرضيك ماتقول فيه آمال=وقدام لا موت تحييها أللي مع الود صال وجال=ويحاول النفس يرضيها لو صح له من يده مثقال=شربة من الود تكفيها وانكسر هذا اللحن وياصحابنا سامحونا |
العمودي ومسعود المعبدي
هذه المحاورة جرت بيني وبين الأخ والصديق الشاعر المعروف والمحبوب مسعود سالم المعبدي عام1427ه
سنين بحر المثل طفناه = مهما عتت فوقنا امواجه والآن صار الفكر يعضاه = تصوير الاحداث واخراجه لا تقول لنا قول ما نرضاه = ياساكن الطرف واحجاجه أمثالك البحر ما يعضاه = وانت الذي تسبب احراجه ما استغرب الطيب من مبداه = اللي سقى الجيل منهاجه طفت البحر والعمر في صباه = والآن مااقوى على ازعاجه راعي الوفا بالوفا نجزاه = ونسري على ضو وهاجه وحسب الذي اشاهده واراه = البدر في قمة اسراجه مدك وصل يارفيع الجاه = من ساس مبناه معراجه والقيل لو راسمين بناه = مثلك كفو ماانحدر عاجه بعد الوسام الذي حزناه = وسبب هنا القلب واثلاجه ان كان عندك خبر عطناه = وحنا علينا ربرتاجه هيا استمع فالذي صغناه = والرسم كاسيه ديباجه القلب لازال في معاناه = ضايق به الكون وافلاجه في وجودنا ماتقول الآه = مير الذي منك محتاجه تقول لي القلب وايش أشقاه = حتى أجتهد معك في علاجه معاناته القلب من بلواه = تعذبه داخل سياجه لأنها من الجسم واعضاه = الوضع في غاية احراجه الآن بعد اتضح لي داه = أصبحت ملزوم بفراجه لا تترك القلب في ملاواه = يصارع الجو واعجاجه خله عن الضد في منحاه = لو يلزم الأمر معراجه العاقل ان عافته يمناه = يعافها مالها حاجه وانكسر هذا اللحن وياصحابنا سامحونا |
من عبد الكريم المزروعي لأحمد العامودي
هذه الكسرة موجهة من الأخ والصديق الشاعر الكبير والمتواضع والعزيز والمحبوب والغالي على نفوسنا وقلوبنا لما يتمتع به هذا الرجل العظيم من حسن الأخلاق والكرم والبشاشة ومهما قلت عنه سأظل مقصر ألا وهوا الأستاذ عبد الكريم المزروعي أطال الله عمره ومتعه بالصحة والعافية
ياأحمد اشكي عليك أمري = وأفيدني حسب شكوايه كل ماضمرت اختلف ضمري = وازريت لااحقق الغايه كني على لهبة الجمري = ويزيد لاهبت الحايه حاولت لين انتهى عمري = وماحد بلي نصف بلوايه يامن ببدع المثل تدري = وترسم معانيه بعنايه أخوك بالغيب مايدري = بفيدكم حسب معنايه اكتم على السد واصطبري = وادرا على الوضع بدرايه لاعسر دايم ولايسري = وكل أمر له حد ونهايه |
أتوه واسرح خاطرة عام 1427ه
كل ما سرحبي الفكر يمك = أتوه واسرح مع الأفكار مرات أعانقك واضمك = ومرات أشوفك معي في الدار اخوك خالك ابن عمك = المهم لك با لحشى مقدار وافوق والقاك ماهمك = والقى عيوني تهل عبار |
هن ليالي العامودي وابو مديدة
هذه المحاورة دارت بيني وبين الصديق بل الأخ الشاعر القدير ماجد ابو مديدة في يوم الجمعه 29 /7 /1429ه
ماجد وعندك فكِر وعيون=واللي نشوفُه تشوفونه بعض العرب يجهل القانون=وألآ نظرهُم يغضّونه إن كنت فالمسآله مغبون=أنا الذي زايد غبونه بعض العرب يشهِر المضمون=والبعض مِنهم يكِّنونه إن أخفوا العِلم أو يبدون=ماهمنا مايقولونه لكِن باحكامهم يطغون=وماكُل ميراد يِصلونه الحُكم يبغى رجل موزون=كُل الخلايق يزكُّونه ومادام حُكامنا يخطون=الحق لازِم نِقِف دونه لقيتهم كلهم يدرون=وسايرت كُل من يدارونه أقدِّم الشهد فالماعون=وبالطين والرمل يحثونه بعد الذي كان كيف يكون=ذوب العسل مايصونونه عزيز هذا العطا لايهون=دوِّر علي اللي يودّونه درّجت الأقدام هون بهون=في درب ممشي ويمشونه أزروا معي للهدف يصلون=والقلب زادت بُه حزونه نعلم بأن الحياه شؤون=ونواسي القلب في شؤونه الدون يبقى مكانُه دون=على الخطا لاتماشونه وانكسر هذا اللحن وياصحابنا سامحونا |
لحن بين مسعود المعبدي والعمودي
هذا اللحن دار بيني وبين مسعود مراسلة بالجوال عام 1427ه
تايب عن الود ليه سنين = مبعد عن الود ودروبه واليوم صدفة رمتني عين = صويبها ينقض التوبة الودحاكم ومحكومين = يمشون بامره ومطلوبه ياما عن الود توابين = ورجعهم الود باسلوبه مادام في سكته ماشين = قبايل الأرض وشعوبه ليه في الهوا ناس فرحانين = واكثر ضحاياه مرعوبة مشارب الود في كاسين = حسب المعايير مصبوبة أللي زرع تين يجني تين = والثانية نار مشبوبة وانكسر هذا اللحن وياصحابنا سامحونا |
كسرة من حامد الجدعاني والرد من العمودي عام 1428ه
غصت البحر يوم كلن هاب = وجبت الجواهر من الغبة آنا الذي يوم روح جاب = الدرجابه وماكبه البحر له الف باب وباب = ومن فك باب البحر طبه وماكل من سل سيفه صاب = الا بتوفيق من ربه |
حتى زياراتهم قلت 1427ه
يالوالدة انت سراج ونور=يامن كما المسرجة ظلت ودارك بوقتن مضى معمور= واليوم عنك العرب ولت يوم جاك قسمك من المقدور=أللي انهك عضاك وانشلت تفرق الجمع والجمهور= حتى زياراتهم قلت |
من ليالي العامودي وابو مديدة عام 1429ه
يسعدني ان اكتب لكم هذا اللحن بين أخوكم ماجد أبومديده من جهه والشاعر أحمد العمودي من جهه أخرى
أنا تأثرت بالطالِع=اللي وصف موجز الحاله سلام من طرفي الدامِع=مُرسل للأصحاب في رساله ماقفك دايم معي رائِع=وتبرهِن القول بالقاله ترحيب مايمنعُه مانِع=عن كاسب الطيب والطاله دايم رحاب العرب واسِع=مايرصدُه شيك وحواله حيآ معك فازع وجازِع=وحيآ على المجتمع عاله الفرق بين البشر واقِع=منهم رجاجيل وحثاله ومادام فيهم عضو نافِع=ماأظن الأوضاع بطّاله ردك على المشتكى قاطِع=مردود عسر وخيّاله لكن سبل الوفا ضايع=بالحيل بيدين محتاله ماني عن الحُكم متراجِع=والزاد بُه بُر ونخاله واللي في درب الوفا باتِع=الطيب ياخذ مِنُه باله ويصحابنا سامحونا |
من ليالي العمودي وابو مديدة
جرى هذا اللحن بين كلآ من الشاعر القدير ماجد عبد لله أبومديده من جهه والشاعر أحمد بن عبود العمودي من جهه أخرى في (( مراح )) أبوعمر يوم الجمعه 20 / 7 / 2007
تخيّل إن الجِبال تحِّن=وتعطِف على المشتكي فالباس نلقى المآسي سببها من=قساوة الوقت وألآ الناس لاتروح يمْ الجبل بالظن=وتحسِّبُه مُرهف الإحساس والوقت كلآ ولايمكن= يجلِب على العالمين أتعاس إسمع جريح الفؤاد يوِْن=من صرختُه رنّة الأجراس يشكي لُكم جُرح مستوطِن=يجري مع الدم والأنفاس إن كان ماهو مرض مُزمِن=سبْب أثر فالجسد والراس أقول لازِم عنُه تعلِن=وأنا بِما تِشتكونُه حاس الهم والجور متمكِّن=وحُكم الزمن جاير ولواس لا وين حالي كِذا يغبِن=وكُل ماأنعدّلي حسوس إنحاس مِن شال همُه بصبر وفن=الوقت يصبِح معُه نِبراس وتحصله من حسن لاحسن=ويموت مايعرِف الإفلاس ويصحابنا سامحونا |
محاورة
هذه المحاورة جرت بيني وبين الصديق بل الأخ فوزي قابل بن مبيريك الغانمي وذلك في اجازة صيف عام 1428ه
اهل المثل يحفظون السد=مطلوبهم طيب المعنى وانا معك باجتهد فالرد=وما نشتري مثل ما بعنا صادق وهذا الخبر ينعد=ومسجله في مراجعنا وراعي الوفا يستحق المد=واذا سمعناك تسمعنا تدري قبل ما تجي باليد=وتضحك بنا الناس لا تعنا لك عندنا يالعمودي مد=يقنع جنابك ويقنعنا ما يصير بيني وبينك حد=ما دامت الطيب يجمعنا وابغى استمع فالمثل ماجد =روس المراقيب يرفعنا غير الوفا مالنا مقصد=وشرواك غاية مطامعنا لكن ظروف الزمن ياحمد= تحدنا ما تجي معنا مابغى على طيبكم مشهد=وفي الوقت ياما تجرعنا ولو ما نقف لليالي ضد=سود الليالي تضيعنا وياصحابنا سامحونا |
من ليالي العمودي وابو مديدة
لحن بين العامودي والشاعر القدير ماجد ابو مديدة في عام 1428ه
يامن تمعني حروف القاف=وتجيدنظمه وتلحينه سلام كله عدل وانصاف= وانت مكلف بتثمينه قدام يسترسل العراف=فالقاف واقرا دواوينه ترحيب من عالي المشراف=دام اللقا مع سلاطينه أللي مشى بالديار وطاف=ماشاهده تم تدوينه لكن حصل في الجهاز خلاف=واخاف يمحي عناوينه من قام في رحلة استكشاف=وصاب الهدف من نياشينه اليا حصل في الجهازاتلاف=يرجع ويسعى في تكوينه شفت العطل في ثلاث اصناف=وكلن بشرحه وتقنينه ولو انها مسألة آلاف=غير اصلح العطل في حينه مادام عندك نظر كشاف=وتخلي الوضع يازينه الله يعينك على الميقاف=ونقول ياربنا عينه من كان له في البلد ميلاف=وبين لهم امر شاكينه بل الحل تلزمهم الأعراف=والقن يفرض قوانينه انته تلزمت بالاشراف= تصلح قسا الوضع لالينه الحل مالك عنه محراف=ميلافكم من مقرينه محد يتجاوز عن الاسراف=ويعفي عن أللي مسوينه من خوف بكرة يسير أضعاف=والحق تبخص موازينه |
من الخواطر القديمة
أهون كسر فخذي وساقي = من ود جوف الحشا مخفيه ولعل ماللعمر باقي = أللي طعمت المرارة فيه أعامل الود باخلاقي = واساير الوقت واجاريه وشربت من نقعة الساقي = يومن غيري شرب صافيه |
عيني بحر
عيني بحر والحشى مينا = مرسى سواعي الأماني فيه وبالعزم تسري سواعينا = وترسي بالحلام في شاطيه |
يوم اسمع العاج
شاعر ولي حرف في المعنى = يتذوقه العاشق المشتاق ويوم أسمع العاج والمغنى = أون وابكي من الأعماق |
لحن بين الشاعر سالم ابوصليب والعمودي
هذه المحاورة جرت في دار ابو صليب بالشاميه في صيف عام 1426ه عسى أن تنال اعجابكم
ترحيب ياستاذنا احمد=ترحيب صادق من اعماقي في دارنا أللي بكم تسعد=تعبير عن صافي اشواقي عسى البقى مايحده حد=ياراعي المنطق الراقي تسلم لنا ياعريب الجد=ياللي على الطيب سباقي قلبي عليه العنا يشتد=للآن وملخبط اوراقي أنتم سواة البحر لامد=بالطيب تاريخكم باقي وللرب حكمه وماينرد=ماهو حسب هقوة الهاقي لجلك من اهل المثل تنعد=وآنا في اهل المثل هاقي ليه الأمل بعد جد ارتد=وخلالي القلب في ارهاقي شرواك حنا لهم نشهد=وانا لكم درع ورواقي وبحر الأمل ماوضع له سد=يشق دربه بلا ساقي وياصحابنا سامحونا |
كسرة من العمودي والرد من ماجد ابو مديدة
هذه الكسرة وردها عام 1426ه
جاني لبحر العنا داعي = ودخلت بحر العنا بشراع ويوم البخت عاكس شراعي =غير مساره وجهدي ضاع ولازلت في واجبه ساعي = وآنا وموج البحر في صراع كيف التقي حل لاوضاعي = من بعد ماسائت الاوضاع لاهل الوفا أفرد ذراعي = وان قربو باع زدنا باع وبحر العنا جور وصراعي = وذا رأينافيه بالاجماع وان كان رباننا واعي = يواكب النجم في المطلاع ومهما البخت كان مناعي = سنبوك الأمال ماينصاع |
اسهرني الشوق
اشتقت للي يسليني = لوكان عيني تراه ارتحت لكنه البعد حاديني = واسهرني الشوق لين اصبحت |
المر
معظم علاج الأطبا مر=وجميع الاسقام يشفيها ومر الجفا والعناد يظر=يبيد أمة ويفنيها |
عسل كانت
دنياك يالعبد لوزانت=عاداتها ماتدوم تغر ياما ليالي عسل كانت=فجأة تبدل حلاها مر |
اون وابكي
لا واه من ود يوم اطريه=اون وابكي من اسبابه تملك القلب وافنك فيه=وفجأة بليا سبب سابه |
محاورة بين العمودي وحامد الجدعاني 3|2|1430ه
اخواني اكتب لكم هذه المحاورة واللتي هي عبارة عن مداعبة مع صديقي بل أخي حامد الجدعاني ابن هذه القبيلة العريقة واللتي اكن لها كل الحب والتقدير لمعرفتي بها ولما تربطني بكثير من رجالها من روابط اخوية وثيقة وقوية فاليكم هذه المداعبة اللطيفة فعسى أن تنال اعجابكم
باشن حملة على الجدعان=أللي بجدة منا زلها واردهم في بحر ذهبان=واهنا بجدة وساحلها شرواك ماقول له غلطان=وغلطتك انا باتحملها لجل اننا في البلاد اخوان=وجدة ترا منت طايلها من بعد ما ضاقت الاعيان=باعمال ماني مجاملها بقيم الصور والبيبان=بيبان جدة بقفلها آنا احسب انك من الصدقان=اثرك لك اشناب تفتلها لكن تعوذ من الشيطان =جدة كثيرة مشاكلها ماني موديك للشيشان=ديرتك لابد واصلها وتعيش مرتاح بالأوطان=وتترك لجدة مراجلها خلك بجدة عليك امان=بسطتك ماني معزلها لكنك أصبر على الدخان= أللي مغطي مداخلها ألآن بنحضر الضمّان=تشهد على اقوال قايلها لجلك مفوض عن العربان= أللي معاكم برحلها مادام نص الحقيقة بان=قصتك لازم نكملها طرقي تبي تطرد الفرسان= ياكبرها كيف شايلها لاتامن الطرقي العجلان=يقول كلمة ويفعلها دونه عساكر حرس شجعان=كل المواصيل تاصلها البخص في الكيل والميزان=حرام مالله محللها وش حالة الظلم والطغيان= أللي بفعلك تمثلها بتهاجم الناس بالعدوان=تحتل بلدة بكاملها يا أحمد أخشى من الرحمن=الأرض تحتك يزلزلها وياصحابنا سامحونا |
حاله كما حالي
آه الهوا كم رما بمود = من قمة المنزل العالي وخلاه يكره سنين الود = حاله كما حالي الحالي |
من ليالي العامودي وابو مديدة عام 1429ه
جرى هذا اللحن بيني وبين الشاعر ماجد أبومديده ليلة الخميس الموافق 9/6/1429 في منزل الأخ ماجد ابومديده
يامرحيا والمِسا نوّر=بحضوركم عندنا فالدار لكن جناب الأسى قرّر=يوقِد في جوفي لهيب النار تبقى وراعي الوفا يُشكر=ياهل التراحيب بالزوار قِدام ذا الأمر يتطوّر=عجِّل وبين لنا الأسرار لحظة كِتابتك للمحظر=زادت عليا هموم كثار وأصبحت في مرحله أخطر=وأقسى من اللي بعد ماسار سِمعت ماقلت وإتأثْر=قلبي وحارت بي الأفكار وللأن ماقِلت وش دبّر=خليتني في الأمر محتار تسابق الطرف وإتجمهر=في كُل خانه لها تِذكار حاكم على الدمع لايظهر=حتى مِنُه تشبع الأنظار الطرف من عادته يسهر=ويسترجع الفِكر بإستمرار ولو سال دمع العيون أنهُر=تبقى منُه فالعيون أنهار لازِلت مِتخيل المنظر=اللي عن القلب مايندار مايوم عن ناظري أدبْر=لكن هذا الزمن جبّار كُل شي مكتوب ومقدّر=والصبر من عادة الأبرار لايضيق صدرك وتتذمْر=خلك على ماأنكتب صبار ويصحابنا سامحونا |
لحن قديم مع الشاعر عبد الكريم المزروعي
بسم الله الرحمن الرحيم السلام عليكم ورحمة الله وبركاته هذه المحاورة جرت بيني وبين الشاعر عبدالكريم المزروعي في منزل أخونا جميل بن حمزة الصبحي في أحد زياراتنا له
في منتها عام مبدا عام = نمشي والايام نحسبها يامرحبا للضيوف نظام=والناس ندري بواجبها دايم كذا حالة الأيام= تقفي وحنا نراقبها تبقون وأنتم رجال حشام = وحناهل الطيب نكسبها كلمة هلا للعلوم خطام = واهل الوفا ما نتعبها صحيح تستاهلون وسام = واسلافنا ما نسيبها ندري بكم في الوجوب كرام = قومٍ رفيعة مراتبها وان عندك اعلام هات اعلام = حنا المعاني نرتبها باغين نمشي على قدام= ولبنان فكو مكاتبها صحيح من طاب لك ما دام= من شرقها لا مغاربها أهل العزم تتعب الأقدام =حتى تحقق مطالبها ومن عاش تالي العمر فاحلام =ماظن يجني مكاسبها يابو عمر للحياة أحكام = وبنت العرب إنت خاطبها وبعض العرب فالبحر عوام = وكل المشاكل يطببها ماكل راعي كمر وحزام = يجرى على البنت يخطبها وكم رجل طب البحر ماعام = واهل البحر في قواربها وياصحابنا سامحونا |
محاورة بين العمودي وفوزي قابل
السلام عليكم ورحمة الله وبركاته الإخوه الأعزاء دار هذا اللحن بيني وبين الشاعر فوزي قابل الغانمي
واهج من الشوق يحريقني=يوقد وهجر الأحبه شاق في تالي الليل أرقني=أون وابكي من الأعماق أللي مضايقك ضايقني=هجرن بلا ذنب ماينطاق مير اشرح الوضع إلحقني=قلبي تعاطف معاك وضاق ياأحمد هوى البيض سارقني=والقلب يرجف منه خفاق هاجس معي ما يفارقني=لاشاف برق الحيا ينساق حديث الاشواق شوقني=وامسيت كني من العشاق ومخايل البرق يرهقني=لاتسلم القلب للبراق هذا اللذي صار صدقني=ماهي قضية قلم ووراق واظنك انته موافقني=تسهر ليا حزة المشراق في سدوجهي وفي دقني=ماشك في جيد الأخلاق ومن قبلك العشق ذوقني=من لوعة الوجد والاشواق مير الهوى لو يصادقني=لاعهد عنده ولا ميثاق في رحلة الصبر رافقي= والصبر بعهده يصير وفاق ويصحابنا سامحونا |
لخليص
بسم الله الرحمن الرحيم السلام عليكم ورحمة الله وبركاته خليص هذا المسمى العزيز على نفسي لما تربطني به وبأهلــــــه من علاقات حميمة فكل ما ذكرهذا الإسم أمامي تعودبي الذا كر ة إلى الوراء حتى أنه يغلبني الدمع في بعض الأحيان عندما أتذكر تلك ألأيام الجميلة التي قضيتها مع كثير من الأخوان الأوفياءمن أهالي هذا الوادي الحبيب منهـــــم من هوعلى قيد الحياة ومنهم من قد إنتقل إلى رحمة الله فلو كــــان بإمكاني حصرهم لذكرتهم جميعا ؛ ولكني أستأذن إخواني وأصدقائي أن يسمحو لي بأن أذكر وأذكرهم بأحد أبنا هذا الوادي الأوفياء ورجالاته العقلاء وشعرائه البلغاء الا وهو الوالد...والأخ ...والصديق الشاعر محمد بن وصل الله الصبحي رحمــــــــــــــــــــــــــــه اللـــــــــــــــــــــه هذا الرجل الذي عاش بهذه البلدة الصغيرة والجميلة الى آخر لحظة من حياته...وعاصر مشايخها وعرفائها وشعرائها وقد إكتسب منهم الكثير فقد كان قدوة لمن إقتدا به رحمه اللـــــــــــــــــــــــــه لما اكتسبه من خبرات في الحياة من العرف وكيفية التعامل مع الناس على حسب مستوياتهم وله الكثير من المحاورات مع الشعراء القدماء ولكن للأسف لم تحفظ.....لذا نرجو من جميع الإخوة ممن يحفظون شيء من أقوال هذا العلم أن يوافينا بها كي ندونها له لتبقى محفوظة في ذاكرة الزمن.....وهذا ما نستطيع تقديمه له بعد الدعاء له والترحم عليـــــه وإليكم إحدى محاوراتي معه رحمه اللــــــــــــــــــــه: خرج في ليلة من الليالي مع بعض الأصدقاء وعندماعلمت بذلك أخذت أداعبه قائلا بأن لديه اصحاب غيرنا يسهر معهم دون علمنا ويرد عليه بقوله أنا ليلة واحدة طلعت ولكن أنت في كل ليلة تطلع وما تجينا غير أخبارك بعد ذلك بدأ
شتكون وحدة مع العشريــــن= اللي بها كثرو احزابــــك وتمشي يسارك وتمشي يمين= ماكني واحد من اصحابك لاشك صاحب من الغاليــــــن= وقت العزاوي اتعزوابــك ميرالعمرقرب التسعــــــيـــن= اخاويك فــــالدرب شبغابك ماتفتكر من ثمان سنــــيــــن= يوم العرب ماتقدابـــــــك ماحشت مثلي ليا ذالحيـــــــن= البرق لايضيع حسابـــك حنا بشرواك معترفــــــــــين= أستاذ ياكثر طـــلا بــــــك لكن بكرة الحقيقة تبيــــــــن= امسك وافتش جرابـــــك ما ملت مثلك فبحر الصين=غطست فالبحربثيــــابـــك تعلم اولى دروس الديــــن= ولقينا الرسومات بكتابك بالنجم جوف البحر ما شين= والهول فالخبت غوابــك تبغى السفرجل وتبغى التين= تسعى ومسعاك ما ثابك غرربك البحر فالتمريــــــن= والموج غشاك في شعابك وفي البر آنامعــــــي تمويـــــــن= أكلي عسل علم احبابــــك مااحنا بما جبت طمعانيــــن= تهنابملك ويهنا بــــــــــــك وعلى كذانسير متصافيــن= ياصقر خلك في مرقابـــك رحم اللــــــــــه أبا عبــــــــــد العالــــــــي وأسكنــــــــــــه فســـــــــــــيح جنــــــاتــــه |
محاورة بيني وبين بن وصل الله
وهذه محارة أخرى بيني وبين المرحوم محمد بن وصل الله الصبحي إذ كانت المبادرة بالكلام مني
سلام و ليه معاك علوم = باخذ وبعطي معك فيها وابغى الإفادة قبل ما تقوم = الروح كثرة شكاويها يامرحبابك عساك تدوم = هات المعاني يقاضيها يقلون لي في البحورتعوم= يا متعب الروح مشقيها عسى البقا والحياة نجوم = اليوم شفنا مبا ديها في زحمة المحضر المرسوم= لازال قلبي في طاريها يالمشتقي والبخوت قسوم= خل الدير عند اهاليها الغرس آنا منه محروم = مالي هوا في ثماريها شفتك فوسط الحراج تسوم= وتزيد سعرك وتغليها واخوك جنبك كما المفطوم = ماصدت حا جةواخليها انت غناوي ولك قدوم = ويا كم رحتو مساريها والصك عندك وفيه رقوم = ومزونكم في مغانيها حنا فشهر الصيام نصوم =وكل الفرايظ نؤديها وان جا لنا صك فيه حكوم=صكوكنا منت قاريها إن مت صايم ترا مرحوم= اخذ الشهادة لا تبديها وإن كان عندك مطر وغيوم=صكوككم في مغابيها لاتقول انا في الملا مظلوم= بعد سوايا تسويها جانا قعودك عليه وسوم =فيه الكوايا معرقيها انت تبي لك هنا مطعوم= وقدامك النار بوشيها واصدرعليكم حكم بعسوم=عنكم يقفل مجاريها وإلى القا مع محاورة أخرى من المحاورات التي دارت بيني وبينه رحمـــــــــــه اللـــــــــــه |
من ليالي العمودي وابو مديدة
هذه المحاورة جرت في 28|5|1428ه بيني وبين الشاعر الصديق والأخ ماجد ابو مديدة حينها كنت أريد الاطمئنان علىيه وأنا في المستشفى مع ابنائي وهو لا يعلم
بشرني اليوم كيف اصبحت=وحالك عسى العافية فاله آنا من البارحة ماارتحت=ولا زلت في وضع يرثا له آنا احمد الله بعد كافحت= جور الألم شيد رحاله واحساسك أللي عنه صرحت=واضح ولا كف منهاله والله وصلني الخبر وفرحت=والرب ما خاب من ساله لكني اليوم قمت وطحت= هاجمني الهم برجاله اثري عن الهم مابارحت=لجله تلبشك با هواله لاباس لنجيت والارحت=همك نجازيه بافعاله أنا بما صابني وضحت=للصاحب أللي فرحنا له لجلي من الأمس ما روحت=لولا المقادير رحنا له مايصيبني شك لو ما بحت=كلن بهمه واشكاله يسدني حزت اني صحت=حسيت قولك بأفعاله وياصحابنا سامحونا |
محاورة بيني وبين بن وصل الله
هذه المحاورة جرت ونحن في طريقنا الى املج لحضور احدا المناسبات وبعد رجوعي من احدا السفرات عام 1427ه
يالعودمااعطيتني الاخبار=واش سارمعكم فغيبتنا قالولي الناس سار وسار=واريدمنكم افادتنا العلم جاكم جهر واسرار=وعليك مكتوب ضيقتنا اقفيت عنابلا معذار=اظن ماتحب خوتنا لك حق ثابت ولك مقدار=وعساك تغفر خطيتنا ولوكنت تقواعلى الاسفار=اخذتكم في معيتنا عليك وجهت بالانظار=لجل المعزه وصحبتنا وانامجالدعلى الاخطار=لوكان تطول مشقتنا فالمقبله ماعليك خيار=ولازم تنفذ ارادتنا ميراعطني سيرة الزوار=واعلام للآن ماجتنا بخبرك وانته عزيز وجار=وسروركم من مسرتنا لاشي فواين وماش امطار=كماترى حال ديرتنا رحم الله ابن وصل الله وأسكنه فسيح جناته |
محاورة بين العمودي وقابل البشري عام 1427ه
هذه المحاورة جرت في احدا المناسبات في صيف عام 1427ه
سلام يضفي على الديرة=مايخص واحد من الأخوان من قلب صدر تقاريره=طيب المعاني لها عنوان ترحيب وافي وتقديره=للضيف والجار والصدقان وحنا في طاريك والسيرة=من أمسنا لين جيت الآن عسى البقا يامشاهيره=يامن لكم في المعاني شان ماقول في وجوبكم خيرة=نحضر ولو نسهر الاعيان راعي الوفا ماختلف سيره=مهما توالت به الازمان والحرف عطنا تباشيره=حتى حروف البيان تبان ياما جنينا مخاضيره=وضلى منه خاطري نشطان واليوم جرد مناشيره=واعلن عليه الحروب اعلان بعد الصفا جاك تعكيره=وعانيت منه العذاب الوان لابد تسعى لتغييره=ويعود وضعك على ما كان أللي مشفر بتشفيرة=وتشفيرته رمزها ما بان الفكرضيّع تدابيره=وسبب لي الهم والاحزان لا تشكي الهم والحيرة=واسعى وما يعجز الانسان أللي كماكم تفاسيره=عنده مفاتيح للبيبان وياصحابنا سامحونا |
ليته (خاطرة) 15|2|1430ه
أللي هويته وميت فيه= أتلف لي الحال واشقاني كل ما عيوني تناظر فيه=يهتز قلبي ووجداني ليته قتيل الهوا يحييه=ما يزيد في الود حرماني ومثلي قليل العطا يكفيه=لو احضنه بين ذرعاني |
محاورة بين العمودي والشاعر عبدالله باخت من املج
=عبدالله باخت سلم العرب مع مباديها=مايضيع نهجه وقانونه فاليلة اللى شواريها=سلامنا الجمع يوحونه =احمد العامودي بلحوني أللي أغنيها = ومن هاجس القلب وفنونه اجمل عبارات نهديها = وترحيب معها تلاقونه =عبدالله باخت ياللى التراحيب تقريها=دايم مساعيك مضمونه الان اسمع دعاويها=يشرح لك القلب مكنونه =احمد العامودي ماقلتها ألا لراعيها = وماهي لشرواك ممنونه أرفع دعاويك وأبديها = وعندي لها حلول موزونه =عبدالله باخت وحالي اللى مقاسيها=لاعسعس الليل وسكونه النوم عيني يجافيها=وطواري تحول من دونه =احمد العامودي مادمت تسهر لياليها=من حالك اللي تقاسونه عينك وش اللي مشقيها= حتى معك ندرس شؤونه =عبدالله باخت عامين ليه مداريها=والويل يمضى على هونه لا علاج حاصل يرسيها=ولا عداله يدينونه =احمد العامودي مادام تعلم مآسيها=لاتترك العين مغبونه يمكن سببها يداويها=ويصونها مِثل ماتصونه =عبدالله باخت وين التقي حل ينهيها=ويسكن النوم فى نونه قدام تصعب مراسيها=ويستفحل السهد فى عيونه =احمد العامودي بالعزم تقدر تعدّيها=وتقضي على اللي تعانونه وإن عاد للعين غاليها=عذب الكرى يعزف لحونه =يصحابنا سامحونا |
من ليالي العمودي وابو مديدة
اخواني في هذا الصرح الشامخ اليكم هذه المحاورة التي جرت بيني وبين أخي وصديقي ماجد أبو مديدة في حضرة مجموعة من الأخوان الأعزا وهم جميل ونواف أبنا حمزة الصبحي وسامي الصبحي واحمد عبد العليم الصبحي وعبد الله المحلبدي ومحمد ابو حرق المزروعي وذلك ليلة الأربعا الموافق 15|2|1430ه بالاستراحة التي كثير مانجتمع بها مع أصدقائنا بخليص
هب النسيم العليل وطاب=ليل الصفا مع حبايبنا ومادام ضو القمر ماغاب=نبغى لنا حرف يطربنا طاب الصفا والنفوس طياب=ونسايم الليل تجذبنا سمرة وقمرا وشوق احباب=مستنظرة حرف صاحبنا ناظرت بحر الهوا باعجاب=واثر بقلبي وقربنا وبعد اتفقنا بدون اسباب=جرد سيوفه وحاربنا بلا سبب مايصير اضراب= قبلك عشقنا وجربنا على كذا والهوا غلاب=داخل بحوره تغربنا لكل خطوة حسبنا حساب=وبحسن نية تقربنا مير اعتبرنا من الأغراب=واقفا وقصر في واجبنا الود للشب والشياب=ومن قال من قسوته تبنا لجل ايش ما بينكم نجاب=ويلم قلبين في مبنا شرحت له حالتي في خطاب=لكن تجاهل مطالبنا وعن العرب محتجب بحجاب=ماقصده الا يعذبنا باللطف والذوق والآداب=أللي عليها تدربنا أعزم وبكرة يفك الباب=وتقول صفيت مشاربنا وياصحابنا سامحونا |
أحتاج لك
ياورد يافل ياريحان=واجمل عبارة في منطوقي يالحن ياصوت يافنان=ياوصف كلك على ذوقي أحتاج لك بالحشى شريان=واحتاج لك دم بعروقي وقطرة ندا تنعش العطشان=عسى تخفف حرق شوقي |
كرت احمر
من جاك بالطيب أعطه طيب=واخلص معه قد ما تقدر ونهار فية الظنون تخيب=لا تمدله غير كرت احمر |
الساعة الآن 01:27 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir