بيني وبين الغـرام خـلاف=كل ماقربتـه بعـد طرقـه
وليلي سرى والعيون عجاف=ومزن الحياء مابرق برقـه

كل ماندمل جـرح واستبشـر=قلب الشقي واستعـد للفـرح
موعود مـع حظـي الاقشـر=واعود واشكي فى نفس الجرح

فى مقابله يوم لي بانت=بعض ابتسامات خجلانه
من بعد قفى بها عانـت=روحي والاعيان سهرانه

ياناحل العود غض الطـرف=ومشي الترف لاتمشى فيـه
مايجوز لي منك هذا الصرف=وقلب الشقي بالهـوى تبليـه

بانت لنا فى الآمور امور= وفى حسابنا ماحسبناها
من قل حاله عن المقدور= شي يرجع اخطاه يبداها

المشاركة الأصلية كتبت بواسطة البيرق المنصور (المشاركة 769902) قلبي مايجهل عن المستور = من مبتداها لمنهاها ياصقر رابي مابين صـقور = قـبــلك تكفلت بكراها

فيك الوفاء عندنا مخبور= ياخيرة اصحاب وانقاها
الي فى ظلمه وشافت نور= منهو من الخلق يقواها

ياسيد حالي ولا حالي = الله عن الحال لايوريــــــك
فى عراك وبسيف قتالي = لو شفتها بالنظر تبكيــــــك
ومتحمله فوق الاحمالي= من طول صدك وهي ترجيك
عطها الرضاء لحظه اقبالي= وانا رهن حال مايرضيك

يالقايدي سم بالرحمن= واترك دروب النحاويه
القلب ماهو على ماكان= ولاعاد فيه احتماليه

قولو لمن هو بلاني به= مغليك فى وضع متردي
ومادمت تقدر على طبه= لاتحسبه حي متعدي

اهواك ماهو هوى ايام= سنين وانا متيم فيك
لاتصدق الشك والاوهام= بتمر لحظه وانا ناسيك

يامن بهجره جرحني جرح= واصبحت فى حال عمياني
مع غيبته غاب كل الفرح= واستوطنت جملة احزاني

من لدته شارب الببسي= اثر على القلب ياكافي
واصبحت فى حالة اللبسي= مابين قربه ومتجافي

كانو وكنا وكان وكان= ايام كان الهوى كنا
واليوم ماعاد بالامكان= نرجع سوى في اماكنا

عذبتني بالعيون السود= شابت عيوني نظر فيها
الطف بها يانحيل العود= دق الخطر من مراميها

ياونتـي حـال مـن دونـه=طاري طراء واستحال وحال
ياوجـد روحـي لدندونـه=وذاك البرد من حرور اللال

يامن بديتك تعبت انهيك= رغم انك اليوم ناهيني
ومادام حالي كذا يرضيك= راضي بحالي ومرضيني

ياورد وين الجنى عنك= ميال غصنك وريحك فاح
ونسايم الليل لاجنك= تشكي من الشوك للاصباح

حروب يافزعة المحتاج= يلي لكم فى المواقف صيت
ووجودكم فأول المدراج= وترحيبكم مرحبا حييت
وقت الملاقى تجون افواج= وتضبط بكم ساعة التوقيت
ياربعتي فى العلاء ابراج= في حفظ رب السماء والبيت

عيد النظر في هوانا عيد= وارجع لذكرى هوى عشناه
ومادمت سيدي وانا لك سيد= في بعدنا الشوق مانقواه

عيد النظر في هوانا عيد= وارجع لذكرى هوى عشناه
ومادمت سيدي وانا لك سيد= في بعدنا الشوق مانقواه

مر الهوى وانتقض جرحي= من بعد ماوشكت نسيانه
لو طعت له واستعد فرحي= ويني انا وينه اوطانه

قلوب تشكي الم واحزان= وقلوب بالولف مرتاحه
وقلوب تقوى على الكتمان= وقلوب فى الحال نواحه

دربي معك ماعرفت ابداه= انا اشهد انك هواوي فن
اشغلت قلبي بقولة اه= ومايوم قلبك عليه حن

شدو رحلهم فى ليلة سبت= واقفو والاعيان ترعيهم
واعطو مع الليل ذاك الخبت= حتى غنمهم تباريهم
وقطعو حصيله هذاك النبت= الى سقيته فى واديهم
يارب مزنه بها لاصبت= وين امرحو غيث تسقيهم

حنا بدو نعشق النيران= وياويل من هو يعادينا
نسمة هوانا من البران= والكيف فينا قهاوينا
نمشي مع الناس بالاقنان= وتكميلنا في ايادينا
والي لفانا وصدقه بان= ننسى مرار الالم فينا
ولايبات في جالنا جيعان= لو حل في وقت يعضينا
والقاله الي بها نغصان= مزبانها عند قاضينا
ولاحل واجب من الشجعان= تحت الاوامر تلبينا
حروب لولا التباعد كان= في جمعنا من يساوينا

يامن بهجره جرحني جرح= واثر عليه وبكاني
مع غيبته غاب كل الفرح= واستوطنت جملة احزاني

كيفك يااحمد وكيف الجو= واخباركم كيف طمنا
واحنا هنا ننتظر لك ضو= ونشوفكم في منازلنا
لاتقلنا يس والا نو= او بالمسنجر تكلمنا
اطوي عزالك بسرعه طو= اصحاب لازم تجاملنا

هب الشمالي وذكرني= ايامنا في بلاد الشام
لاشو مالك وتأبرني= وذاك الهناء والسرور التام

يوم الموادع جـرى دمعـه=ودمعي جرى والمفارق حار
ياوجد روحي علـى نبعـه=سيله حدر والملاقـى نـار

فـواح فـن الهـوى لآمـل=ويداعـب القلـب نسناسـه
ولاصار حظك معه فى اقبال=يشفى جروحك من انفاسـه

لوكان هب الهواء بحـري= لاتصادف الـــريح لاهبت
الماء مع الهيج لو يجـري= لاتضن الامطار له صبت

ذابت شموع الفرح والآنــس= واستوطنت ظلمة الآحزان
وطرفي يراقب طلوع الشمس= محتاجهــا لحظه النسيــان

يارب عبدك كثير اعصاك= كل مالتفت دق له ونه
طالبك عفوك وحسن رضاك= وختامها خلد فى الجنه

اليوم هو يوم للجمعه= وللمجتمع افضل الايام
ومن وصفها سالت الدمعه= متذكره حالة الايتام

يكفي من الصد والتعذيب= ومن الهوى كف يكفيني
تبدي له القرب بالترغيب= وتبعد وبالشوق تضنيني

قلبي تعود على الاجراح= وصار البكاء عادة اعياني
ابعد وعيش الهناء وارتاح=واترك لي الهم واحزاني

ياحسبـك الله سواتـك فـي=بين العرب صرت اهذريبـك
حارق ضمايه وعنـدك مـي=وعـدي فادنـى مراتيـبـك
وزادك منهـج واكلـي نـي=مايسد جوعي فـى تعذيبـك
وامشي فى ظلمه ودربك ضي=وبعيـد عـنـي مراقيـبـك

عشنا وشفنا كثير احوال=وسود الليالي سريناهـا
وياكم قلنا من الاقـوال=ودروب يامـا مشيناهـا
وياما نصينا سنود رجال=فى وجوبنا تكفل الحاها
واليوم ضاعت بنا الامال=مع ناس مانفهم الغاها

سلمت لك قلب صافي هم= وعود عليه محمل اه
ليتك تركته لكن ارحم= غيرك عرف علته ودواه