ما يلهد اللي يحـب إلا=إلا التجاهل من اللي حب
اليا خضع حس فـي ذِلا=وليا تجاهل فؤاده شـب

مجنون يا لا يم المجنـون=للحين مع صاحبك ما لِنت
ناضر عيونه تشوف الكون=الكون كلـه بعينـه إنـت

ذاك العسل يا ترى مسموح=اللي على فوهـة الجـرّه
بلّت شفاها وقالـت روح=ترانـي متضايقـه مـرّه

دقت ثلاثه ولا دقّـت=يا خوك ماهي عوايدها
اقلوبنا مِنّهـا رقّـت=ما عاد نقدر نعاندهـا

إستسلمت عيني لدمعي=يوم الزعل حيل مزعجها
قلبي عطاها امر قطعي=ما عاد تقفل مخارجهـا

يضحك معي من ورا قلبه=واضحك معه من ورا قلبي
مثله يغطي علـى كذبـه=وانا أخبي سبـب غلبـي

غنّي لي (غنّي شويّ شويّ)=وانا معك راخي اعصابـي
قم يا زعل لا توصي شـي=خليتـك لآخـر احبـابـي

احاول ارخي ستار العيـن=لكـنّ الاحـداث شغّـالـه
في نون عيني اشوف الزين=يستعـرض ادوار قتّـالـه

دقات قلبي تروعنـي=قرّب اذانيك واسمعهـا
وارفع عيونك وطالعني=وجهك يسكّن مواجعها

خمسة مواعيد ياربـي=في حقها دايـم اتأخـر
يا نومي انت سبب ذنبي=ارجوك فارق اذا كبّـر

دقات قلبي تروعنـي=قرّب اذانيك واسمعهـا
وارفع عيونك وطالعني=وجهك يسكّن مواجعها

ترددت دمعتي بالعيـن=ويحدها الحب من داخل
ويقول روحي ولا تبقين=خلّيه يقنع بك الجاهـل

يا زين. حبك سبب خوفي=وان كان ما تقتنع عينك
حِس الشتا ساكن كفوفي=لحظة يديني على يدينك

اللي يلوم الدهر يا قـوم=كِنه يلوّم على الرحمان
حقٍ علينا عليـه نلـوم=ولا نتركه بالجهل غرقان

ثامن سنه والمرض حطّاب=يجمع بقايا أمـل يابـس
ويشِبّ فيها بدون حسـاب=وانا على ضوها جالـس

رجفة يدينـي تبيـن لـك=كيف الغلا إنقلب للخـوف
صرت آتعمّـد اصفقلـك=من خوفِ لا تنتبه وتشوف

يا دوب دوبي مسحت الدمع = وداويت باقي حَمَار العين
وهيأت نفسي بوسط الجمع = إني طبيعي .وحالي شين

قيد الألم حكّم اقدامـي=حاصر حياتي وجاهدها
لين الأمل طاح قدامي=وبدى الشهاده يرددها

خطوة أمل سارت لقدام=أخاف فعلك يرجّعهـا
ويـردهـا لأول الألآم=اللي بقت بي مواجعها

ألفين مبروك يا نفسـي=ترتيبك الحين بـالأول
من يوم خِلِّك بدى يقسي=ما عاد قدره مثـل أول

نظرات من حسنها خفّيت=سرت لقلبي مع عيونـي
صابت شعوري ولاحسّيت=إلا السساتـر ينادونـي

مكسور يعطي ثقه واثق = واللي فقد شي ما يعطيه
من قالها ما طلع صادق؟ = شفني مُحطّم واعزّز فيه

بغسل يديني وانفّضها = في وجه من يعشق التحقير
وافتح ملفات واعرضها = وانظر له بنظرة التصغير

الحرف يا حبيّبي يغرف=من داخلي زبدة احساسي
ناظر بما يحتوي تعرف=إنك معايه كما انفاسـي

طفلٍ صغيرٍ بدى يكبـر=في ذات منهو نسى ذاته
ضيّع كبيرٍ بدى يصغر=لا جات بالقلب لوعاته

تعاونو كيف ينهونـي=قلبي وذاك الذي جـواه
الخِل يجمع من حزوني=والقلب راضي ولا ينهاه

أُبـرك علـى همـي وذكّيـه=وارسم بدمه شروق الشمـس
حتى لا جاه الزعـل يرثيـه .=والخمس يضرب بها عالخمس

جمره بقلبي احسّبهـا=بتنطفي بعد ما شبّـت
اثرها تِسعـر لهايبهـا=كل ما هبوب الجفا هبّت

اليوم عيني بدت ترتاح=وتلحّفت ما عليها منك
وبحلمها شافت الافراح=يوم القدر بالثرى يدفنك

تجتاحني ثورة الاحزان=واحتاج لك كل ما ثارت
لجل العزيمه تريد انسان=يوقف معاها اذا انهارت

المشاركة الأصلية كتبت بواسطة عماد القرافي (المشاركة 1038379) =عماد القرافي يا بو صحب صاحبك ولهان = أمر الهوى شاغِل ضنونه ما عاد حاله مثل ماكان = وباقي قليلٍ على جنونه =ماجلان اصبح فقلبي كما النيران= من علم فالقلب .. تطرونه دايم وحالك رفيع الشان = وش اخلف اليوم مضمونه =عماد القرافي ضلع امتلى داخله بركان = والناس قاموا يخلونه اول بظله كثير اوطان = وش لون بالبُعد يجزونه =ما جلان عن اللّهب تنزح العربان =من هول ماهم يشوفونه والشامخ الي كما ورقان = يصعب عليهم يجارونه =عماد القرافي كان (الوفى) بالنفوس يبان = وانا اسئل اليوم وش لونه قالوا توصّلت للعنوان = شوف جثته وين مدفونه =ماجلان المعدن الغالي الاثمان = له اهل دايم يصونونه اما الذي لبسوه اكفان = وش عاد منهم بترجونه بكره سحاب الامل لابان = ياتِيلك الخير فمزونه ويخضِر الشيح والبستان= والعود الاصفر تحطبونه وصح السااان الشااعر القدير ماجلان

المشاركة الأصلية كتبت بواسطة عمار الاحمدي (المشاركة 1076772) عمار @ = بنيت قافي علـى معنـاه =ورسيت حرفي على بحوره سلام راعي المثل لاجـاه =بالقن يعزف على سطوره عماد = رمز الشعر ما يشيل غطاه = الا لمن يرضي غـروره يا مرحبا والمثل محـلاه =مع ناس بالطيب مخبوره عمار @ = دام البقا استمع شكـواه = عهدي به العام في صوره كيف البصيره وكيف القاه = حتى اقنع الشوق فحظوره عماد = احيان بُعده يجيـب الآه = واحيان تسلم من شروره ولويش يا صاحبي تبغاه = ما دامه ايشح في نوره عمار @ = ياعماد قلبي ترى يهـواه = وينافس الشوق فشعـوره فالصد ما اظن انا انسـاه = مهما في صده لعب دوره عشقت حبيـت وا ويـلاه = واللي احبه على شـوره مر الهوى ذقت من بلـواه = وجنيت جرحي من قصوره عماد = خذها نصيحه من اللي تاه = بدروب وعره ومحضوره الخل لا تنحنـي لرضـاه = وارضيه تقطف من زهوره وتجاهله بـس لا تجفـاه = تلقى اهتمامه غلب جوره والقلب حذرك تزيـد اذاه = واعطيه حقه من سـروره

= القن
سـلام ياحرف متربي=بين الوفاء عالي الدستور
ياصاح الايام تلعبي=عجزت للقى لها دكتور
= عماد القرافي
يا مرحبا فيك من قلبي = يا قاف شعشع سواة النور
ايامنا مالها ذنبي = ابك البلا بالبشر مخبور

كان الفرح والمرح صافين=وبداخل الروح جمعتهـم
جاهم غرامي وهم لاهيـن=وضيّق عليهـم وشتّتهـم

شفت الذوايب على الوجنات=ويعضها في طـرف فمّـه
وا ويل قلبي يا كيف ابـات=والود فيني سـرى سِمّـه

حيْت جذور القسى فيني=اللي من اول مموتهـا
والدمع منّـك يقوينـي=وكنّه يقـوم بسقايتهـا

=عــــــمــــــار الاحــــــمـــــــدي
ســـلام مـــن وســـط حـارتـنـا=كيـف اتعامـل مـع الاحـبـاب
صــــــدو وانـــهــــو عـلاقــتــنــا=من دون مـا نعـرف الاسبـاب
=عـــــــمـــــــاد الـــــقـــــرافـــــي
تـرحــيــب يـضــهــر مـحـبـتـنـا=صافـي معطـر بـزيـن اطـيـاب
والمـشـكـلـه فـــــي طبـيـعـتـنـا=تـفـرض عليـنـا نـجـي للـبـاب
=عــــــمــــــار الاحــــــمـــــــدي
دام الـبـقــاء رمـــــز عـادتــنــا=ياحـرف سطـر لنـا الاعـجـاب
لـيــه الـزمــن خــــان رايـتـنــا=وبعد الزمن خانو الاصحـاب
=عـــــــمـــــــاد الـــــقـــــرافـــــي
ان كـــــــان ودك اجــابــتــنــا=ارخي عيونك مع الاهداب
دنــيـــا الـمـحــبــه تـحـدتــنــا=ليـن الحـكـم صــار لـلاذنـاب
=عــــــمــــــار الاحــــــمـــــــدي
مـصـيـبـه ان كـــــان صـابـتـنــا=ويانـاس مـا تـقـدر المنـصـاب
لاجــــات فـالـوقــت عـازتــنــا=غـابـو وصـرنــا لـهــم اغـــراب
=عـــــــمـــــــاد الـــــقـــــرافـــــي
لــو بـعـض الاجـنـاس خلتـنـا=مـانـي عـلـى قربـهـم طــلاب
نـصــبــر ونـجــعــل عـبـارتــنــا=عمر الصقر مـا خضـع لغـراب

تمثيل كل الذي سويت = لا تحسبنّي مني باغيك
صحيح لحظة زعل صديت = بغيت كلمة تعال اش فيك

شفت البريق الذي بالعين = ذاك القمر لا طلع توّه
واللي لمحته يا زين الزين = وجهك بعيني عكس ضوّه

أكسر شموخي تحت رِجلك=واقبّل اقدامِـك الثنتيـن
ومن لا يقدّر تعب حِملـك=ضيّع نصيبه من الدارين