بخيتان البشري =
لايكون واشي حكى فينا = ما اخبرك تسمع بنا واشين
واثق والايام مقفينا = ونقلق على مثلكم غالين
وليف الشوق =
لايدخل الشك ياخينا = مسكانكم داخل العينين
واللي كماكم موفينا = محسوب عندي من الوافين
بخيتان البشري =
الحرف من امس ودينا = وانا انتظر رد لا ذلحين
لجليش جيناك شاكينا = وانتم عن احوالنا لاهين
وليف الشوق =
عل هون ياصاحبي بينا = اهل الوفا نجيلهم عانين
الحرف عيا يوفينا = وتقديركم عالي العالين
بخيتان البشري =
احيان للصبر مافينا = ولاعاد ندري نلقي وين
وزدتو علينا مآسينا = مانحتمل وقتها ثنتين
وليف الشوق =
عن امس ياليت تعفينا = ونجاوب اليوم جيم لسين
عجل عن اوضاعك افتينا = يمكن عليها معاك نعين
بخيتان البشري =
من بعد مارست سواعينا =على شواطيه منتظرين
فجأة علا موجه المينا = ياكيف نصبح من الناجين
وليف الشوق =
لايمكن نقول مامدينا = انقاذكم دام غرقانين
لكن نحتاج تبيينا = ونكون فالخط متجهين
بخيتان البشري =
لما معه كان مغرينا = كنا معه فالهوى سالين
ولما صدق من نواحينا = الود 0 اخلف بناه الزين
وليف الشوق =
لاصار بالعكس ماشينا =واخلف معه هقوة الهاقين
واجب نقدم تعازينا = وانساه دامه من المقفين

بيض الله وجيهكم على المحاوره الرايعه

ابومحمد و وابومنى شعار كبار لاعدمناكم

والله يعطيكم العافية ودي وتقديري