فيني ملامح للشقي فيني ملامح للسعيد=فيني ملامح من هزيمه كااااان واقعها .. انتصار
فيني من العزم القوي فيني من الياس الشديد=فيني اِراده للأسف .. اِرادتي ضمن احتكار
فيني تضاريس البدو لا همّوا البدو الشديد=فيني من امجاد العرب فيني فلسطين الحجار
فيني من الماضي حضاراتاً و مجداً لا يبيد=فيني من الحاضر خضوعاً لا يشقّ له غبار
فيني حرارة شمس لكن قدها فيني جليد=فيني فصل بين الفصول الأربعه ماله مدار
فيني جروحاً غايره داويتها بجرحاً جديد=فيني يميناً صفقت لكنّ خانتها اليسار
فيني صِبيّ في داخلي ساكن بخيمه وسط بيد=يرسم شموخ الشايب الي يعتريه الانكسار
كلما معاليقي سلت عن همها حستّ بإيد=تطرق مواجعها وتنفض ما علاها من غبار
تسمع صدى صوت الصبيْ يزهم عليها من بعيد=يوقظ منام همومها ويردها لنفس المسار
يحكي لها قصة زمن ما فيه ساده ولا عبيد=يقْرُنْه في واقع لها واقع تحت بند الحصار
يربطلها الماض الأبي فالحاضر بسعف الجريد=يوصفلها مستقبلاً عتمه ومابه من نهار
يشرحلها جيد امس كيف اِتبدّل اليومَه بجيد=ويقرالها بكره وجيده من لباس اليوم عار
يروي وصاية جد وصّى ابْنه يوصيها الحفيد=لكنها .. للآن لا زالت ... فقيد الانتظار