الله يعدل لك الحالي = والمرء ماجور في مسعاه
لاصار بالنفس ميالي = لابد عن ميلها تنهاه
القلب خله مع الوالي = واصحى على غفلته تنساه
دايم معه سير طوالي = العقل من يتبعه منجاه

اليك الرد الاخير يابومحمد
مع خالص شكري وتقديري الشخصك الكريم

وطابت اوقاتك بكل خير تحياتي

بخيتان البشري=
سلام واللي شكى اهوالي = ابا اشتكي لك حسب شكواه
متأمل إنك بتلقالي = لمعالجه مايطابق داه
علي عيد البشري=
ترحيب بالجهد والمالي = مع ماقفي ياعزيز الجاه
لكن جاوب على سؤالي = وش السبب واللذي عاناه
بخيتان البشري=
تبقى وفالمنزل العالي = وكلٍ يحطك على يمناه
اقول ياطيب الفالي = طول المدى عذبه واعياه
علي عيد البشري=
قلي معه كيف الامالي = في حاضره واللذي يرجاه
على حسب نص الاقوالي = هات الشكيه على ما ابداه
بخيتان البشري=
مابينها الفكر بي طالي = وكل مالعقل بينها قداه
يلقى هوى النفس بي مالي = مع الذي هو سبب ماجاه
علي عيد البشري=
الله يعدل له الحالي = والمرء ماجور في مسعاه
لاصار بالنفس ميالي = لابد عن ميلها تنهاه
القلب خله مع الوالي = واصحى على غفلته تنساه
دايم معه سير طوالي = العقل من يتبعه نجاه