سلام يالحربي اللي صرت معنا بالجريده زميل = تسليمةٍ صافيه من خاطري والعز يبرى لها
من جيت وانته علومك كلبوها من جزيل الـ جزيل = رسم النقاوه على جبهتك يارجال تمثالها؟!
هذا ماشوفه بعيني والبقيه عند ربٍ ..جليل = رب عليم بخاف الناس يدري وش ورى احوالها ..
والناس قالوا تجود بالجزيل وخل عنك الهزيل = .............................
والعوشزه مالـ نزهين الشوارب في طرفها مقيل = والسدره ام الغصون المورقه يامزين اظلالها
ومادام راع العلوم الطيبه بالناس جنسه قليل = بابدي لك العلم كانك كل عقده تطلق احبالها
انا بلايه _ سلمت ولابليت _ من العذاب الطويل = اللي عيوني تشوفه كل يوم ومقعن اقبالها
والو ماتت النفس مره وحدّه لو هو بحد صقيل = اشواء لها من تموت امرار من غاراته اشوالها
ماهو عذاب المحبه يامحمد وابتعاد الخليل = اللي كثر العرب تتصنعه من خيبة افوالها
ولاهو نتيجة رحيل ارجال في وقت القساوه حصيل = من فوق الارض التحتها حولت ماهانت اسبالها
بغيت اقوام ولكن للاسف وحيد مالي مثيل = بالناس وكثرت عليه ياولد بدران جها لهـــــــــا
والشعر ماهو بكوره دردحوها اخبول في مستطيل = واثنين مليار بالعالم اتشجعها من اخبالها

وابك البقاء يالزميل اللي بمكيال المعرفه تكيل = من خاطراً مايعشق الا الجزيله ويتعنى لها
والله هو المطلع بالناس والدنيا نزيل ورحيل = والناس لولا التجارب ماقدرت اتفرق ازوالها
وانا حريصٍ على الرفقه والا اقبل بالشكاله بديل = وصيـــة اللي على خير المعاني تنشي اجيالها ,
وياكثر الامثال _ شعر ونثر _ واكثرها يداوى الغليل = والناس تعر ف خفايا حالها من ساير امثالها
ومن شاف ماعاف يصبر والله اللي في عباده كفيل = يكفيه مافات والايام مايركن على جالها
ياخذ من اللي مضى له زاد قوته بالزمان البخيل = والناس للناس بالمعروف والعلياء الــ من طالها
ولايستصيب الخفوق الا من اقرب صاحبٍ له عميل = وهذاك تبطي جروحه ماتموت وترث اعيالها
والشعر موقف وشاعر بالمواقف ياسليمان اصيل = ويامكثر المدعين وناس بانفسها ايورى لها
سمعت في بيتك الثامن صدى ونه وشكوى عليل = لكنها مبهمه وتفوت سمع اللي توحى لها؟!
مابغى التفاصيل ياللي في مراقيب المعالي نزيل = خليتها مثل ماقالوا عن النيات واعمالها
ومادام سقت الركايب يالمغني لين ضاق المسيل = والريح عاصوفها حتى المعالم غير اشكالها
تطاولت غربتي ياراهي المعنى واشوف النخيل = بس اتجلد واراقب كل ليله يطلع هلالها
يمكن تجيب الليالي غاليٍ بالحيل بالحيل حيل = واقول سوق المعاني ياصحيبي زان فنجالها
ومادام انا وانت نبعد بالزناد ولا ينوش الفتيل = خلك بفالك وخل الناس ياعتيبي على فالها