ملتقى قبيلة حرب الرسمي - ياسلامي عليكم عقب غيبه قصيره

محمد عويض البدراني=
ياسلامي عليكم عقـب غيبـه قصيـره =عد ما أنشى الخيال وعد ما أرزم رعوده
البنادم يغيب وعنـد ربـك مصيـره =وأن عفاه الولي يذكر ربوعه عضـوده
ابوخالد الفريدي=
مرحبا ياهلابك جعـل بالامرخيـره =وانت شاعر مميز مطلبه مايكـوده
جيتك ملتقانا يابـن عمـي تنيـره =سيرتك حسب علمي طيبه ومحموده
محمد عويض البدراني=
البقاء باليـال الاولـه والاخيـره =مستشاراً الى صعبت لزوماً نروده
كان خليت ديار القوم راحو لديـره =تحتمي سورها والبيت ترفع عموده
أبو خالد الفريدي=
انت بناخ لموسى وابو تركي مسيره =دون ربعه وقوفه لاجل ربعه جهـوده
وانت خلك اسنافي خـادم للعشيـره =وكل واحد ياطيب حسب عرفه وجوده
محمد عويض البدراني=
كل حربي الى شبت سيوفه شطيـره =من غزاء يمهم محدن رجاء له بعوده
ابشر انا نقف بوجيه قومـاً مغيـره =لايهمك سبـاع الليـل والا اسـوده
ابو خالد الفريدي=
احتزم بالحزام وهات معك الذخيره =كل حربي ليا جاء الجد يلزم حدوده
لاتفاخر بجدك وانت عندك بصيره=اسبع السبع واللي جاب سبع يقوده
محمد عويض البدراني=
اللبس الدرع لاجاتك سيوفاً خطيره =ابو خالد قعد باليل يشعب قعـوده
والله اني ماغني كان غنت سميره =جعل ربي يجب العيد للعيد عـوده
ابو خالد الفريدي=
القعود اشعبه ون تعب دورت غيره =مانسوقه بخوف ولانماشي اقروده
كان غنيت قلنا هالرجل فيه طيـره =مار يامضحي الجمران جود قيوده