المشاركة الأصلية كتبت بواسطة سالم البشري (المشاركة 863746) خل الحذر والعيون وساع=مادام بالكيد ناوينه ادراه بالذوق والاقناع=والفن حصّن ميادينه وان كان ودك اصيل طباع=معاك ماتموت في عينه لو حاولوا فيه ماينصاع=مايخلفوله موازينه

الحرف الهادي=
جيت أكتسب درس فاْلابداع=وأقــــري ســلامـــي وتـثـمـيـنُـه
لـلــي بـــلا شـــك حـرفــه ذاع=مـــن واقــــع إبــــداع قـاريـنُــه
سالم البشري=
ياهادي الحرف والإيقاع=ترحيب والطيب حاسينه
كل الجماهيـر بالإجمـاع=تنـظـر لـذوقـك وباغـيـنـه
الحرف الهادي=
طبق الذي يطرق الاسماع=هـــذا الادب مـنــك هـاقـيـنـه
أغـرى معـي قلبـي الطـمَّـاع=فـيـكـم ولا خــــاب تخـمـيـنـه
سالم البشري=
تسلم لنـا والوفـا ماضـاع=وانتـه مــن الـلـي موفيـنـه
اللـيـل كـــلٍ يـبــا الإمـتــاع=عذب المثل منك محرينه
الحرف الهادي=
اللي سكـن داخـل الأضـلاع=عـلـى مــدى العـمـر مغليـنـه
دار الزمن وأخلف الأوضاع=بــخـــلاف رغــبـــة مــوديــنــه
سالم البشري=
ان كـان باقـي أمــل لـسـاع=يــبــلــغ مــــــرادك مـحـبـيـنــه
حث العزم وامش بالإسراع=والمـجـتـهـد ربــنـــا يـعـيـنــه
الحرف الهادي=
كيف احميَ الود من أطماع=تـسـكــن ضـمـايــر مـعـاديـنـه
الـلــي لـهــم فالمـكـايـد بــــاع=وفـي قلوبهـم شــي مخفيـنـه
سالم البشريالمردود الاخير=
خل الحذر والعيون وسـاع=مـــــادام بـالـكــيــد نــاويــنــه
ادراه بـــالـــذوق والاقـــنــــاع=والــفــن حــصّــن مـيـاديـنــه
وان كان ودك اصيل طباع=معـاك ماتمـوت فــي عيـنـه
لـو حاولـوا فيـه ماينـصـاع=مـايـخـلــفــولــه مـــوازيـــنــــه
يا صحابنا سامحونا=

المشاركة الأصلية كتبت بواسطة الحرف الهادي (المشاركة 864689) تسلم تسلم اخي سالم البشري على هذا المردود الرائع انا اشهد كفيت ووفيت بيض الله وجهك سعدت بمحاورتك وارجو أن يكون حرفي راق لك وراق للاخوة المتابعين الشكر الجزيل لكل من تداخل معنا وشرفنا بحضوره العذب اكرر شكري لك يابو وائل والى ملتقى آخر دمت بود وخير