وسط الملاهي ماهو ممنوع =كلا يغني على ليلاه
شفت البنيه عليها جموع= في خدها خال يامحلاه

مرت سنه كنها ليله = في حب صادق بديته له
واليوم بانت لي الحيله= اشكي على اللي بلاني به

الطبع مايحس به راعيه=لو المخاليق تشعر به
والولف لاراح ما يبكيه=غير الذي حس بالغربة

سلام ياجوهرة قلبي = يامن سكنتي فوسط الروح
كل ماصفى جونا قلتي= ليت النكاده ابد ماتروح

ماتدري ان الهواء غلاب = لاحل في قلوب مشتاقه
يجعل فؤاد الفتى شباب = يصبح ضحيه لشواقه

خاب الرجاء فيك ياخلي = بعد الذي فيك سويته
اطلب من الله وانا اصلي= يغفر ذنوبي اذا جيته

يوم العرب كلها نامت = انا عيوني جفاها النوم
أفكار في خاطري حامت=والقلب مما جرى مهموم
عشرين مرت وانا صامت=صابر على اللي كذا مقسوم
لاني بحاسد ولا شامت = بس اتمنى وانا محروم

جلست ليله افكر فيه = واقلب افكار في راسي
غرام في داخلي اشكيه= يقاسم الروح انفاسي

شفت القمر كيف متعلي = انته قمر دنيتي انته
اقسم بربي مايكتب لي = غيرك ولو طالت المده

اقسمت باللي خلق ادم = واللي كتبها الفروض الخمس
اني بحبك كذا هايم = ياللي كلامك معايه همس

للملتقى جيتكم غلوى = مابغى علاقة غرام وود
جينا نتعرف على شروى= ارجال وقت اللزوم تسد

ليتك تجيني تشوف يش صار= ويش حل في القلب واعضايه
قلبي انكوى من لهيب النار= مانام لغير بحكايه

دخلت بين الوهم والحرب= الجرح غاير وصعب احويه
انشهد اني دخلت بدرب= ماكان واجب عليه امشيه

يااجمل الناس في عيني = وقت اللقاء وشتبي اهديك
القلب ولاشراييني = ولا حياتي لجل ارضيك

تعبت من كثر ماخبي = من جرح في داخلي مخفيه
جيبو كفن كفنو قلبي = واعطوه منهو تسبب فيه

البسمه اللي زرعتيها = في دنيتي كنها بلسم
بالله تكفين داريها = لا تنقلب في حياتي سم

لي قلب مايحتمل فرقى = ولي خل ناوي يجافيني
كل مااتجه في طريق القى= ذكرى صداها يناديني

يارب وحدك عليم السر= حكم القدر فيه ارضينا
راح العمر والسنين تمر= واقدار زادت بلاوينا
ذقت المأسي وذقت المر= يالله طالبك تعطينا
نبغى الفرج والنفوس تسر = قدام تمحى خطاوينا

برق(ن) لمع في سماء ذهبان= شعشع بنوره على حده
قلت الحبيب سكن عسفان = ياكيف ضوه وصل جده

ما انت الغرام الذي اهواه = ولا انت الذي كنت في بالي
حكم القدر والقدر ماقواه= مكتوب من ربي العالي

قلبك تكبر عليه ليه = ياللي سلبت العقل مني
ان كان تبغى صفى لبيه= وان كان مغرور فارقني

عشرين وانا تجرع صبر = لاوين وانا على حالي
صبرت حتى عشقت المر = واليوم عندي كما الحالي

الواو والنون مايبالي =ميتين جمل غلاق اسمة
مايغيب دائم على بالي= اللي كلامة مثل رسمة

اعوام مرت وانا اشكي = من حظي اللي معي ماقام
لقيته اليوم ومتكي = قلي تكثر قسم لانام

كنت اتمنى لقأك وكنت =تبدي عدم رغبتك فيه
واليوم تشكي اسئ لاهنت = لكن انا فيك ماليه

بالشمع الاحمر شطبت اسمك= حتى خطاويك بمحيها
الشعر مانكتبه لجلك = هذي أحاسيس نبديها

حلت في قلبي بلا استذان = وبليز حتى مقالت لي
عامين صابر على ماكان =من ينصف القلب من خلي

انأظر عيونها واقرى = واترجم الحب في مبداه
والدمع يقطر على الوجنى = وسم على خدها مجراه

ضاعت حروفي مابين شفاي = وانا ادور كلام يليق
باللي حكمني وشل عضاي = اخاف يزعل وانا ماطيق

تدري ويش احلى من الحالي = حبك حبيبي ومضمونه
مايدري انه هواء حالي = واني انا اموت في عيونه