بديت باسم الله ونعمٍ بالله=مفضل المسلم على النصراني
سبحانه اللي مالغيره نسجد=فرداَ صمد ماله شريكٍ ثاني
منجي سفينة نوح واللي فيها=وبامره تطيع الجن لسليماني
من بعد ذكره ياقلمنا سجل=لاصار صعب القاف مايعصاني
سجل وعجل من نوادر شعري=بالابه اللي يحتمون العاني
حرز الذليل مزبنين الخايف=حصنان نعم بلابة الحصناني
اهل الشجاعه والكرم والجيره=عسل صديق وللعداء عدواني
صباحهم وقتٍ مضى يدعابه=الياغزو يخلون بالمرحاني
فوق المهار وفوق جيشٍ ضمر=ياما خذوها من بعيد وداني
كم فارسِ من ظربهم ماثنا=على مطيحه يعوي السرحاني
مقدامهم منور ونعم بمنور=ابن طعيسه مزبن الزملاني
حفيد شيخٍ جاب بيت مشيد=علمٍ عليه من العرب برهاني
بالغصب ماجابه بحب خشومي=جابه بكر وفر بالميداني
ماقول هرجٍ ماعليه اثباتي=على الحقايق شايبي وصاني
هذا الصحيح اللي لزوم اعده=غصبٍ على الحساد والزعلاني
ذكر الحياء والطيبين ايبيني=ومايجحد المعروف رجل احساني
ابيوتهم مثل الجبال وملفى=تشوفها من بعد بالاعياني
فيها لمرار الطريق وغيره=فنجال شف معومسٍ ضرماني
مع النباء الطيب وحيل اتقدم=على الصياني لضيوف اسماني
وسوالفٍ يطرب لها سامعها=تنصة لها الشيبان والشباني
عاده عساها ماتزول العاده=متوارثينه من على الجداني
مدحي لهم ماهو عشان اهدوني=مشلح وبندق غاليات اثماني
هم يفعلون الطيب وانا استاهل=ابوي عبدالله ولد دوماني
محمدي من ساكنين الوادي=للعرف رمز وللوفاء عنواني

بديت باسم الله ونعمٍ بالله=مفضل المسلم على النصراني
سبحانه اللي مالغيره نسجد=فرداَ صمد ماله شريكٍ ثاني
منجي سفينة نوح واللي فيها=وبامره تطيع الجن لسليماني
من بعد ذكره ياقلمنا سجل=لاصار صعب القاف مايعصاني
سجل وعجل من نوادر شعري=بالابه اللي يحتمون العاني
حرز الذليل مزبنين الخايف=حصنان نعم بلابة الحصناني
اهل الشجاعه والكرم والجيره=عسل صديق وللعداء عدواني
صباحهم وقتٍ مضى يدعابه=الياغزو يخلون بالمرحاني
فوق المهار وفوق جيشٍ ضمر=ياما خذوها من بعيد وداني
كم فارسِ من ظربهم ماثنا=على مطيحه يعوي السرحاني
مقدامهم منور ونعم بمنور=ابن طعيسه مزبن الزملاني
حفيد شيخٍ جاب بيت مشيد=علمٍ عليه من العرب برهاني
بالغصب ماجابه بحب خشومي=جابه بكر وفر بالميداني
ماقول هرجٍ ماعليه اثباتي=على الحقايق شايبي وصاني
هذا الصحيح اللي لزوم اعده=غصبٍ على الحساد والزعلاني
ذكر الحياء والطيبين ايبيني=ومايجحد المعروف رجل احساني
ابيوتهم مثل الجبال وملفى=تشوفها من بعد بالاعياني
فيها لمرار الطريق وغيره=فنجال شف معومسٍ ضرماني
مع النباء الطيب وحيل اتقدم=على الصياني لضيوف اسماني
وسوالفٍ يطرب لها سامعها=تنصة لها الشيبان والشباني
عاده عساها ماتزول العاده=متوارثينه من على الجداني
مدحي لهم ماهو عشان اهدوني=مشلح وبندق غاليات اثماني
هم يفعلون الطيب وانا استاهل=ابوي عبدالله ولد دوماني
محمدي من ساكنين الوادي=للعرف رمز وللوفاء عنواني