يالغامدي مغير انا و انته سوا= و الناس في افريقيا متفرّجه
هيا معي نمشي الى عيون الجوا= لد النظر ليّه و مخّك برمجه

احذر تدوج اليوم في وادي طوى= و الخيل يالبدران ما هي مسرجه
الذيب يالشاعر الى منّه عوى= الزم لك المحراف و احذر تحرجه

الغامدي في حفرته لا من هوى= ربك يعينه، من هو اللي يخرجه؟
الذيب مثلي ما يسلم للطوى= و كل الذيابه من طرفنا مزعجه

الحربي ف ذا الليل ظني ما قوى= و ان ضاقت السكه بربي يخرجه
الحربي لو يسرح بعنزٍ ما ضوى= رجله ورا ضلعاننا متحلجه

رتبة صبي غامد ترا ما هي لوا= جندي سعودي و العريف يدرّجه
البل معنا يوم هي ما تنقوى=بدياركم، و اضو البقير و سرّجه

لا يالعريف اللي بعمره ما ارتوى= و الناس حوله كلها متبرّجه
حنا هل الميدان، ممهون الثوى= و انته تجيب من القصايد اسمجه

استسمح الغمّد ترى الظبي انشوى= أنا قنصته يوم خالف منهجه
اليوم يوم اني مسكته و انزوى= ضبٍّ يكوش و كوشته ما تفرجه

الصقر ما ينصاد و لا له دوا= مير اترك مهايطك و خل العربجه
و ما اخطيت اذا محمد بشعري انكوى= مغير ناسٍ توّها متخرّجه

الصقر شاف عقاب فوقه و انطوى= و انا لعبت اللعبه اللي مدرجه
يسمع عدود اهل الروى و لا ارتوى=و اللي يعاند صار روس مدرحرجه

عقابك ترا ما دل سكته و غوى= و اظن شعري حاك في الصدر أنسجَه
حتى ثمر واديك توّه ما استوى= شب اللظى بك ثم زاد العجعجه