|
ابو هليل سلام عليكم ورحمة الله وبركاته
واسعد الله صباحكم ومساكم انت والاخوان جميع ( صحيح يابو هليل انها محباله وبالذات لذيب قبل ان يخترعو الفخ والمطلوب اساساً الاسم هذا قبل ان امشيها اما اناء على اتم وهبة الاستعداد عند الطلب من اخوي ابو هليل او احد الاخوان وشرحه كاملاً ) ولاكن خلناء ناخذ اشوي بتامل تحياتي لكل والجميع |
يابو محسن لغزك شبه انحل لاكن اغدي واحد يشاركني بالحل
ويجيب اسم هالمحباله |
اقتباس:
:0756: يابو هليل الاسم هو المطلوب وهو الغز ماسم هذه المحباله |
صح لسانك ياذيب على هاللغز . وانا ابي اشارك ابو هليل وماني مبعد عنه . وابي اقول القفص أو الفخ . |
صح بدنك يابو طلق
والله يحييك انت وبوهليل اما الرمعه مالك لواء |
ياعم ابو محسن الله يطول بعمرك على طاعته
اعتقد ان هذا الاسم غير معروف وخاصه لشباب الي مثلي اسماء المحباله الفخ الشرك ومادام الغز انكشف ياليت يابو محسن تمشي الاجابه وتعطينا الاسم القديم لهذه المحباله حتى يعرفها الجميع ومنك نستفيد حتى ترسخ هذه المعلومه في الذاكره لان معضم الاشيا القديمه لانعرفها ونجهلها وتواجدك يابو محسن مكسب للجميع |
اقتباس:
ملاحظه ؛؛ انني وضعت هذا الغز لمعلوميته الكامله وبنيتي شرحه ادناهـ ابو هليل بيض الله وجهك على هالدافع التشجيعي ليه لو اني لاستحق ذلك ولاكن ناخذه تاج على الراس ووسام بصدر واقول كما اسلفت سوف اشرحه واقوله بلسان صادق الاسم هو ( الزنهير ) محبالة الذيب قبل طلوع الفخ ومابعده وهو عباره عن جدارين لايكتمل مابينهم المتر مستطيل الشكل يبنى على شداد الارض ويغطى بحجراة ثقيله لايقدر رفعها معززه بصخور عليها ويترك بعلاه فتحتين بالمقدمه والموخره مربوطتان بلحاء الشجر رهيفه ومشبوكات ببعضهن وكذلك لحاء مثله مربوط بلفريسه وعند مايتل الفريسه ينطلق الحجران اللذان يعتبران بواباتان من الجهتين ويبقى الذيب داخل الزنزانه حتى ياتو من الغد انتهاء وانا ليس من العصر الحجري بل وجدته وشرح ليه كما شرحته واذا بلمعلوميه قصور ارجو المعذره ومستعد بلجواب على السوال تحياتي للاخوان جميع |
الاخ ذيب المضيح الاول السلام عليكم والله اني اسمع بالزنهير ولا ادري ماهو واقولك الله يعطيك العافيه على هذه المعلومه وصح لسانك على الغز والغز من افضل ماسمعت وشكراً |
صح لسانك يابوهليل على الجواب وبيض الله وجهك وصح لسانك ياذيب المضيح الغالي على هاللغز الثمين والجزله ومثل ماقال اخوي ابوهليل وجودك يابومحسن مكسب للجميع وأمد الله في عمرك على طاعته ورضاه تحيتي وتقديري |
يابو محسن صح لسانك وبيض الله وجهك
حقيقه لغز وارد بالاضافه الى معلومه تبقى في الذاكره وانا والله اول مره اسمع بالزنهير لاكن عرفته من خلال شرحك الوافي مشكور يابو محسن ماقصرت |
الساعة الآن 12:01 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir