اليوم اشوف الوقت ضد المطانيخ=اهل المكارم واسلوم العريقه
سبارتٍ للقوم روس الشماريخ=هاك الزمن يوم الايادي طليقه
سم العداء ساعه نهار المناويخ=لاقام لكن يدرق في رفيقه

اللي ذبح واحرق يعاقب بتوبيخ=ويعاقب اللي ماشي في طريقـه
والمهتدي تطلق عليه الصواريخ=والمعتدي كـل يشجـع فريقـه
قالوا لنا ماض مشرف وتاريـخ=واليوم بعيونك تشوف الحقيقـه
اللي كبر بطنه يسمونه الشيـخ=كلن يصفق له وكـل صديقـه

يقال له ياشيخ شيخ المطانيخ=لو كان مايسوى غريشة سليقه

منوخين صاحب الحق تنويخ = ومحملينه فوق ما لايطيقه

تلقاه فالهندام سنع التكاشيخ = والعقل فالقالة يقف له عويقه

ضعيف عقل وكل هرجه تشاليخ=واليابغاله درب ضيع طريقه

اليوم اشوف الوقت ضد المطانيخ=اهل المكارم واسلـوم العريقـه
سبارتٍ للقوم روس الشماريـخ=هاك الزمن يوم الايادي طليقـه
سم العداء ساعه نهار المناويـخ=لاقام لكن يـدرق فـي رفيقـه

من الكرامه والمعزه مصاليخ=وكل بلا تمييز فعله نقيقـه
ماهمه الا جمع دنيا وتفريخ=ومفاخر بالماضيات السحيقه

المشاركة الأصلية كتبت بواسطة ابوخالد الفريدي (المشاركة 654396) اللي يقدر يجيب بيت دعما لهالبدايه لايذخر الله لايهينكم عسانا نجمع قصيده للملتقى:.ـــــــــــــــــــــــــــــــــــــ اللي ذبح واحرق يعاقب بتوبيخ = ويعاقب اللي ماشي في طريقه والمهتدي تطلق عليه الصواريخ= والمعتدي كل يشجع فريقه قالوا لنا ماض مشرف وتاريخ = واليوم بعيونك تشوف الحقيقه اللي كبر بطنه يسمونه الشيخ = كلن يصفق له وكل صديقه منوخين صاحب الحق تنويخ = ومحملينه فوق ما لايطيقه