ذيب العاقر=
طب صاحبنا سليم الجابري في سوق جده=واشتراله حاجتاً فيها غشش ياهل الحميه
افزعوله كيف راس المال ياربعـه يـرده=قبل لايصبح وراء ماله من الصدمه ضحيه
سليم الجابري=
صح طب السوق حصل ثوب وانه ماهو قده=عقب سلم قيمته خـلاه للصاحـب هديـه
انت ماكل الذي يطري علـى باللـك تعـده=صاحبك له نيةًوانته علـى تسعيـن نيـه
ذيب العاقر=
ماعليه من كلام التاجر الي باح سده=ماوصلنا من فوائد تجرته مد وعطيه
والله انه ماغبني غير ماله يوم مده=بعد غره راعي التجره بقو الجاذبيه
سليم الجابري=
أنت رجل يدور الغلطه ويربطهـا بيـده=لو لقى حاجه صغيره حطها ضلعة طميه
لا يطالع يم خدي لين ينظـر يـم خـده=كل يوم يطش ماله في الجحيم وهي حيه
ذيب العاقر=
وانت رجلاً كل بارق لالمع يمه يشـده=لين راحتبك ضنونك بين ذيك وبين ذيه
ياولد عاصم وسومك فوق خدك مجرهده=مير طعني واطلق الفاطر وعذر بالعبيه
سليم الجابري=
بيني وبينك مسافه يارجل عشرين شـده=بالله إنك لا تجاهدني على شداد المطيـه
دام ما تعرف شروط الملعبه شوف المخده=أنت رجل لو مشى بالدرب مايفهم خويـه
ذيب العاقر=
يارفيق الخير لو زم البحر من فوق حده=لاهداء يرجع على حده لو الزومه قويـه
ميز الدرب وتبي تلقى الجماعه حول سده=عندهم عذب السوالف والشبب والشاذليه
سليم الجابري=
الذهب معروف لونه والدهن معروف نـده=والبحر لازام لا تنصـاه يـاراع القريـه
كان طبعه في المواقف مثل أبوه ومثل جده=أشهد إنه راعـي ٍٍجيـد مكلـف بالرعيـه
ذيب العاقر=
انت فارس قوم لاشفت الجموح المستعده=اعتزيت وقلت انا كحيلان راع الجابريـه
يعرف النادر ويفرق يابو فيصل من مهده=والله انك ماتمشيها ولـو تنمـك عليـه
سليم الجابري=
يا طويل العمر تمريراتكم من جنـب قـده=والعرب فيها بلى وقلوبها ماهـي صريـه
أنت لو إنك صقر قلت الك راس الضلع عده=و كانك مشره براس الضلع ماعندك خطيه
ذيب العاقر=
انت صقر وعان راس الضلع عده ثم هده=كان لك حيلاَ تهد الضلع واعطيك الحذيه
باخر ايامك تجود يابو فيصـل بالمكـده=استفيد من اخر ايامك تراى الخيره خفيه
سليم الجابري=
الهجوم اللي موجه يمكم ماجبت ضـده=يا جماعه كيف يصحى ويتمسك بالوصيه
وأنت خلك بين قصر الريم ولا بالمـوده=سل نفسك هذي الأيام لا عيـد الضحيـه

[table1="width:80%;background-image:url('http://www.alhroob.com/vb/mwaextraedit2/backgrounds/200.gif');background-color:darkblue;border:6px double limegreen;"]