صح بدنك ياعبدالمحسن
وشكرا لمرورك

عوايدك العلم الغانم يابو محمد
وصح بدنك يالغالي

المشاركة الأصلية كتبت بواسطة عبدالله الفريدي



لك الحمد يالبارئ لك الشكـر يامنـان
لك أكفنا ترفع ثنا وانـت راع الجـود
وقيت الأمير الشهم من حيلة العـدوان
وقيتـه وعافيتـه وكافيتـه الـبـارود
عقب ماحفر له حفره الغـادر الخـوان
نجا والشرك وقع به الحاقـد المقـرود
تربط ابليس وجا امداوم عن الشيطـان
ابو قرن يبي في قرونـه يهـد الطـود
لو إن الجبان اصلاً مهو ند للشجعـان
تعثر بثوبه من نظر سيفنـا المجـرود
عطاه الأمان وقال فكـوا لـه البيبـان
لعله صدوق بتوبتـه للصـواب ايعـود
ولكنّـه امجهـز بكتلـه مـن النيـران
حملها مثل حال البعوضة مع النمـرود
تحامل على روحه ولاهوب راع إحسان
بنفسه قتلها شـر قتلـه فعـل مقصـود
ينفذ وصايا افكار ضحله وضعف إيمان
سرطان في جسم البلد شرهم محشـود
لهم شرع ماهو حق ماسنـه الرحمـن
هلاك النفوس وقتل الأنفس بغير احدود
مع انه محرم فيه نـصٍ مـن القـرآن
مصيره جهنم حيث يكتب لـه الخلـود
على العز يامحمد على العز ياكحيـلان
على العز يأميرٍ رقـى بالأمـن سنـود
يسجل لك التاريخ في صفحة الزمـان
بتطوير الأمن ووقفة الجـد والصمـود
بوجه الوجيه الباغية طغمـة الطغيـان
تقص اليدين العابثـة والنوايـا السـود
قيادي كفـو بالأبـن والأب والاخـوان
دروع الوطن عز المواطن عيال العود
شعرت بسعادة يوم انـا اتابـع البيـان
من الكلمة اللي قالها والملـك موجـود
يقول اطمئن ياسيـدي فالعـدو منهـان
تطاير على سبعين قطعة قليـل الفـود
خذوا منه عبرة ياهل الزيغ والنكـران
خذوا منه عبرة ياهل البغي والجحـود
وابا ارفع ايديني واطلب الواحد المنـان
يعز الوطن وإيعز حكامـه آل سعـود



الشاعر الجزل والمبدع / عبدالله الفريدي صح لسانك مدد بلا عدد
وكلنا نقول الف الحمد على سلامة صاحب السمو المكلي الامير / محمد بن نايف بن عبدالعزيز
ال سعود من هذا الغادر ولا يحيط المكر السئي الا باهله والله يرد كيد هؤلاء الماكرين بنحورهم
ويكفينا شرورهم ويحمي
الوطن وقادته واهله من كل منهو حاد عن جادة الصواب

صح بدنك يابو مشاري
وإشادتك وسام على صدري الله لايهينك
وآمين الله يحفظ الجميع من كل شر

الاخ القديرعبدالله الفريدي

صح السانك وبيض الله وجهك ورفع قدرك وشانك

تسلم ياالذيب على هذي الجزله الرائعه بروعة حضورك

عساك سالم وغانم ياالغالي والله يعطيك الصحه والعافيه

تقبل تحياتي وتقديري

صح بدنك
والحقيقة شرفتني وسرني تواجدك في متصفحي
لاخلا ولاعدم

صح بدنك ياسعد
شرفتني الله لايهينك
اشكرك وجزاك الله خير