المشاركة الأصلية كتبت بواسطة الصـ الجارح ـقر بيض الله وجهك يالغالي وصح السان الشاعرين زيد الحصني و توفيق الزبالي تحياتي الصـ الجارح ـقر

المشاركة الأصلية كتبت بواسطة عاشق بريده شاعرنا علي هليل الحربي بارك الله فيك ،،،، وبيض الله وجهك وصح السان الشاعرين زيد الحصني و توفيق الزبالي تحياتي وتقديري عاشق بريده

المشاركة الأصلية كتبت بواسطة لهب القوافي بيض الله وجهك اخي علي وصحة السنة الشاعرين الزبالي والحصني فوالله ما قصروا دمت بكل الحب

المشاركة الأصلية كتبت بواسطة ابوروان النويمي صح لسان الشاعر الكبير زيد الحصني وصح لسان الشاعر توفيق الزبالي الله يعطيك العافيه يابومشعل بيض الله وجهك اتمنالك التوفيق إن شاء الله أخيك ابوروان

المشاركة الأصلية كتبت بواسطة الماسترو صح السان الشاعر الكبير زيد الحصني وصح السان الشاعر توفيق الزبالي الله يعطيك العافيه يامدير الشعر على نقل القصيدة المبدعه دمت بخير

يازيد ما بينـي وبينـك صداقـه"="ولا معرفه يا زيد بينـك وبينـي
يا زيد تربطنا وجـوب الرفاقـه"="وطقيت باب المعرفـه باليمينـي
عرفت رجال الطيب تعشق عشاقه"="الي كماكم فالقسـى مـا يلينـي
الطيب ما خذته من اهله سراقـه"="الطيب ياهل الطيب ساسه متينـي
صيتك على درب المعالي سياقـه"="وللمعرفه والجـود بيـن يبينـي
يا درع حرب ان جات عازه وفاقه"="للحرب سيف وللمقاصد لسينـي
يا مرجعت فقد الصواب الحقاقـه"="عز الرفيق ولطمـت الطامعينـي
ورث الجـدود اموثقينـه وثاقـه"="نهج الرجال اهل الوفا الغانمينـي
لو الزمن ياقف على عضم ساقه"="اهـل الاوايـل عندهـا ثابتينـي
لاوالذي انزل على احمـد براقـه"="ما غيركم لي بعد ربـي عوينـي
اليوم كن الوقـت فيـه انطراقـه"="وقتٍ معيي فيـه حظـي يزينتـي
من بعد ما جانا الوفق والوفاقـه"="واصبحت متوكـد بعلـمٍ يقينـي
صفو علـي امدبريـن العلاقـه"="الي لهم يـا زيـد بطـنً بدينـي
افزع لنـا يازيـد قبـل الحماقـه"="لا حط فيهـم مكتفـات اليدينـي
ما عاد تاخذنـي عليهـم شفاقـه"="والي مقدر لي مـن الله يجينـي
الي يبـي فرقـاي ودي فراقـه"="وقدر المعزز فوق راسي وعينـي
يا زيد لو انسوق مليـون ناقـه"="اخير لي من هرجـة الشامتينـي
من خوف لايلحق عليهـا لحاقـه"="والحي يمسـي بعـدة الميتينـي
انته تعرف العلـم رمـز ولباقـه"="حب الرحى لدار يصبح طحينـي

يامرحبا بمن طق باب الصداقه=صداقةٍ تصدق مع الصادقيني
ماهي صداقة مصلحه وانزلاقه=والي ماهو صادق معي لا يجيني
حييت يامهدي من الشعر باقه=وانا أفتخر واعتز بمشجعيني
وصفتني درعٍ صعيب اختراقه=وانته يابن عمي عرينك عريني
البيت هيبة حرمته من رواقه=عنه الحمايا تردع المعتديني
سور القبيله من بغى الموت واقه=ومن يمنا ما تفطر الصايميني
والشاعر الي حربته في عماقه=ياعلنا من سيرته سالميني
وتسلم ولاانته يالزبالي لحاقه=خيرة خلف من خيرة السالفيني
وان كان لك حظٍ سلوكه دقاقه=بالحل ياتوفيق لا تحتريني
والله ما قدر يابن عمي عتاقه=مكتوب لك يوم انت ماءٍ مهيني
ابنك وحظك لاتضيَق خناقه=واصبر وعون الله مع الصابريني
لابد من يومٍ يشعشع شراقه=يجلى ظلام الليل والظالميني
واهل العلاقه معلنين اتفاقه=وحظارهم كفوَ عن الغايبيني
ماكنت اعرف انك تجيد السواقه= وانت اعترافك سيَد العارفيني
لاوالذي خلقه تكفَل ارزاقه=ماحدٍ يقول انك من المبعديني
وصفٍ مهو صفي ماحسب انشقاقه=يامعتزيبي جيت والله يعيني
لا للحماقه خل عندك لياقه=حل الحماقه من بليس اللعيني
وليا بليت بعيَ احمق وعاقه=على الخطا دايم يشيل الهجيني
لاحط راسه تحت موس الحلاقه=اضرب على راسه صليب المزيني
احدٍ سلوبه هي سبايب حراقه=وليا نصحته قال وينك وويني
بعض البشر كنَه شريحة بطاقه=يحسبك من ضعفه عدوٍ بطيني
يفداك ياتوفيق خطو اللزاقه=لاتشيل هم الدين لاجل الدويني
مليون ناقه مايجن باصطفاقه=فنس الخشوم مهجرعات الحنيني
وليا بغينا من لبنهن ذواقه=ما خليت الدنيا من الطيبيني
وليا فتحنا للهوى الصلف طاقه=غيابنا شرهم على الحاظريني
مافات مات وحط فوقه طباقه=وحقك من الجزله فقار السميني
حقك عليَ وحط فوقه وساقه=ماهو بحاجة شاهدين وظميني