والس مع الظالم الأحلاف=والدور ما بينهم حابك
وانا عليه الألم طواف=صبح ومسا عكس مطلابك

ابوسالم الرحال=
ياحرف وينك عساماخلاف = طولت ياحـرف فغيابـك
اشواقنا مالهـا اوصـاف = ولحرفك اشتاقو احبابـك
حرف=
موجود ياللي بدعت القاف = في خير ومبسوط بكتابـك
شوقي لحرفك ثلاث اضعاف = راعي وفا والوفـا جابـك
ابوسالم الرحال=
شاكر لك الطيب والألطاف = اللـى تجلـت بـآدابـك
عذب المثل اعلن الأهداف = هيا معى سـرج اركابـك
حرف=
العفو ياثابـت الميقـاف = وافي وطيب مع اصحابك
وان كنت للمشتكى صراف = بودع لك الـرد فحسابـك
ابوسالم الرحال=
قلبى عليه اللهود اصناف = يامـن تعليـت مرقابـك
من ما اشوفه وماينشاف = فالواقع المـر متشابـك
حرف=
كثير منهو رءا ماعـاف = وصابه من الهم ماصابك
مير المشاهد ثقال خفاف = ماهي سوى وضح خطابك
ابوسالم الرحال=
آنا اعرف انك من العراف = يامدرس الحرف طلابـك
عيده نظر عينك الشفاف = وانظر بها فاوسع رحابك
حرف=
الحكم بالظن فيه اجحاف = وللأن مابانـت اسبابـك
قلنا لك الطرف ياما شاف = وضح ولاتقفـل ابوابـك
ابوسالم الرحال=
والس مع الظالم الأحلاف = والدور ما بينهـم حابـك
وانا عليه الألـم طـواف = صبح ومسا عكس مطلابك
حرف=
اللي من العاقبة ماخاف = عليه لاتحرق اعصابك
الظلم سكة رجال ضعاف = يعيبهم وانت ماعابـك
ابوسالم الرحال=
حرفك فنوف النوايف ناف = يا مهذبـه مـن تهذابـك
حكمت بالعدل والأنصـاف = ياحرف والحرف يرقابـك

ياحرف وينك عساماخلاف=طولت ياحـرف فغيابك
اشواقنا مالها اوصــــــاف=ولحرفك اشتاقو احبابك