دام البقا بك يابو حرب وقل آمين = ياجعل ما فقد هالوجيه الحشامي
غبنا وجينا دار حرب الميامين = معي السلام ومعي عذب الكلامي

امين ياورقان عد الملايين = سامي ولا تفقد ياهالوجه سامي
اندورك بالدار من حول شهرين = لان الك قيمه عندنا واحترامي

لوكان يابو حرب غبتوا عن العين = ما غبت عن قلبي ولو غبت عامي
تسأل وانا أسأل والغلا بيننا بين = ما فرق الترحال ربعن كرامي

ماداومت للانبياء والسلاطين = دنيا الفناء ماهي بدنيا الدوامي
مير اكثر العالم بهالوقت لاهين = مضيعين الدين والاحتشامي

الموت حاصل لو بغيناه بعدين = وان مت ربي يرحمك ياعظامي
وانكان باقي بالعمر لو يومين = الله يكتب توبتي فالختامي