ياجوهرة شعري وسر أبداعه=لاماردٍ شعري ولاهو غيره
من منطلق حبي بكل انواعه=شوق وهيام وحب وصل وغيّره
يثر على حالي غيابك ساعه=ويضيق في الكون كنه ديره
هجرك سيجاره وانتي الولاعه=مفعولها يثر بحسْن السيره
منها تضايق نفسي الجزاعه=من ذنب عندك علم في تكفيره
متى النسيم يمرني ذعذاعه=وأنعش بوصلاً ما أشتكي تأخيره
يابسمة العمر ونواة أمتاعه=يالله عسى التاخير فيه الخيره
شاعرك خايف يرفع السماعه=يمكن يخونه لاحكى تعبيره
مار اقربي والباب عبر أضلاعه=تفضلي للقلب ياتأثيره
تجولي بربوعه الملتاعه=الللي ذبحها الحب شوق وحيره
وسوي سوات العالم الطماعه=صيري فضوليه بثوب آميره
أقري حروف ماطبعت طباعه=من دمه اللي ماحسب تبذيره
عن قصة المغرم ونوع أوجاعه=ونجاحه أو تضحيته وتفكيره
وشوفي فعول جيوشك البتاعه=اللي غزت قلبي تبي تدميره
وهنا اوقفي خلف الحنايا ساعه=شوفي صموده وأعلني تحريره
وخوذيه مني في يديك وداعه=عديه جار وله حقوق الجيره
وبالهجر حذرا تخلفين اوضاعه=ثم ينتحر فوراً قبل تعزيره
تراه مايرضى بلوي ذراعه=لو كان بيدين الغلا تدبيره
وان شفتي انه حس قرّب الساعه=أستدركي عمره وكسبت خيره
قولي احبك وأهمسي بأسماعه=ينعش وتفرق صحته عن غيره