ياولد صاعد تعال ولا تزودها زياده = خلنا ناخذ علومك وانت خوذ العلم منا
كل من يحمل شهاده ماخذا صنف الشهاده = يسر الله له مكانن ينبسطبه لا يتعنا

الزياده مابها خير وتورد للنقاده = وانت يارجال ماقدمت لي هيلا ً وبنا
من خذاها عن جداره من خذاها باجتهاده = في ذراها ياطويل العمر جالس ويتهنا

صاحبك تاجر ليامنه بدا بالقاف اجاده = لكن انته ليش جالس طول وقتك ممتحنا
ادير سالت وجك السيل ياضب الحماده = ميرحنا صايدينك لاتحسبك رحت عنا

انت سايق لكن بحاجة تعلم للقياده= القياده في خطوط المملكه علم ٍ وفنا
" لو مديت الفراش الزين واخذت الوساده " = خير لك من سرية ٍ يم السباع اللي تونا

انت كان انك تعرف العلم معطينك وكاده = لو مانعرف القياده كان ماكنتم وكنا
الفراش يمده اللي مثلكم نعطيه زاده = نعرف نخدع السباع ونجعلك كبش بصحنا

مانت ساري ليل ٍ اظلم يفجعك شدة سواده = وان سريته حملك الكايد تشيله ياجملنا
يامهند منطق الوالد يجرك في مراده = ثوبنا ناصع ولاتوسخه صبغات ٍ وحنا

السوالف ما تجوز ولا تزين بلا ركاده = وانت زميت الطريق اللي يدلك يالمعنا
نحمد الله ماعلينا من خلقنا ناس ساده= وان تجاوزنا الضعيف بحق غيره مانتجنا