طبع البشر هاكذا الأحوال=والناس بطبوع تتشابه
الطيب موجود والبطال=والكل خطوته محسوبه

لو الاسد ماوراه اشبال=مايقرب الناس مخلابه
لاكن بضربلك الامثال=والذيب دايم مع اذيابه

ياصاحبي انت طيب فال=والحق ماظن ترتابه
من يعطي اريال عطه اريال=والكل يشفعله اكتابه

ياشين هرج القفى يارجال=ياشينها جات فاصحابـه
مدري اعيد النظر فالحال=ولا اترك العلم يسرابـه
مافيه شكـوى بـلا حـلال=والبيت يدخل مع ابوابـه
ان جيت عاقل مع العقال=تحصـل الـحـل والجـابـه
الصاحب اللي كما الدل=الماهمني كود مـن جابـه
لا صار وقت الملاقى حال=من دوننا كـان ندرابـه
الهرج مايمفـع المحتـال=لوغلـف الهـرج يدرابـه
معروف من يشرب الفنجال=والكيف معـروف شرابـه
بعض العرب لو يجيه اخبال=او يـتـبــع اقــــوال كــذابـــه
نــــزوه ولا بــدهــا تــنــزال=وشـرهـتـك لـلــي بيشـقـابـه
نمشي حسب قيمة الرجال=لـو كــان مابـانـت انيـابـه
بكـره نعقـل الجمـل بعقـال=لن كـان مايملـك اعصابـه
الناس فيهـم كثيـر اهـوال=واحيـان بالعقـل منصـابـه
والبعض منهم ترى ينهال=يجيـك بالسـيـف وجـرابـه
البعـض منهـم قـوي افعـال=يـخــاوي الـذيــب بالـغـابـه
والبعض منهم مغير اشكال=ماغير يخطي علـى احبابـه
طبع البشر هاكذا الأحوال=والنـاس بطبـوع تتشابـه
الطيـب موجـود والبطـال=والكـل خطوتـه محسوبـه
لو الاسد ماوراه اشبال=مايقرب الناس مخلابه
لاكن بضربلـك الامثـال=والذيب دايم مع اذيابـه
ياصاحبـي انـت طيـب فــال=والـحــق مــاظــن تـرتـابــه
من يعطي اريال عطه اريال=والـكــل يشفـعـلـه اكـتـابــه