المشاركة الأصلية كتبت بواسطة فهد ابن غانم (المشاركة 1392629) صحــت السنتكــم دمتم برعاية الله وحفظة

المشاركة الأصلية كتبت بواسطة الهيثم (المشاركة 1392495) لحن جميل يطرب حقيقه لله دركم احبتي تحياتي لكم

المشاركة الأصلية كتبت بواسطة راشد الزهراني (المشاركة 1392667) الشاعر القدير وابن العم ابو سالم الرحال الغالي صح لسانك حتى ترضى على كل ما تقدمه في كل مكان وصح لسان شاعرنا الكبير حفيد الحجيري المبدع تقبلوا فائق وارق تحياتي

المشاركة الأصلية كتبت بواسطة حفيد الحجيري (المشاركة 1392704) صح لسانك يا عم عايش وبيض الله وجهك ؛ والمعذرة ع التأخير الخارج عن إرادتي ... وإليك مع أطيب تحية : درب الوفاء أمشيه لك حافي = والحرّ شارتك ما تغويه ودك كما الملبس الضافي = وأكمامه طْوال ما تضفيه !! عشّاقه الوافي ؛ الجافي = أحدن يقلّه وأحَدْ يدنيه من حالته قلت يا كافي = دواه من داه من يبريه !! والمعذرة إن حصل منّا قصور ......

المشاركة الأصلية كتبت بواسطة الآسيــــــر (المشاركة 1392756) صح لسانك والله يـعـطـيـك الـعـافيـــــــــــة بيض الله وجهك تحياتي لك

أبو سالم الرحال=
من منهله تحت إشرافى=ولافيه غيرى احد جانيه
سلام مرسل عسل صافى=ينصاك يابو على صافيه
الحجيري=
من بئر ماها دواء شافي = كأساً من السلسبيل أسقيه
ترحيب يروي نبا الوافي = اللي نباه ؛ الشهد مرويه
أبو سالم الرحال=
علبّا طيبك ماهو خافى=منهجك هذ مااشكك فيه
عذب المثل مقصداهدافى=ايغى معك آخذه واعطيه
الحجيري=
عليك ما نزود يا سنافي = الطيب منهجك يا راعيه
يا ذيب في راس مشرافي = العذب من يمّكم محريه
أبو سالم الرحال=
غرام قلبى وميلافى=مقدر اكبه ولاخليه
ماودغيرك لإسعافى=يفيدنى فالذى باغيه
الحجيري=
تبشر بعوني و ميقافي = ما لإبن عمي سوى لبّيه
لكن بينّ لنا الخافي = أكثر عن القلب و مـشـقّيه
أبو سالم الرحال=
خابرك ياصقر الأنيافى=لك علم غانم ماحد يشنيه
انظر معى وشوف مايشافى=فى حال ود الذى هاويه
الحجيري=
درب الوفاء أمشيه لك حافي = والحرّ شارتك ما تغويه
ودك كما الملبس الضافي = وأكمامه طوال ما تضفيه !!
عشّاقه الوافي ؛ الجافي = أحدن يقلّه وأحَدْ يدنيه
من حالته قلت يا كافي = دواه من داه من يبريه !!