لاياسعد لحظه معي لاباس = اسمع مادام الله عطاك اسموع
لا تجامل المبغض ولاالهلاس= ولا اخفيّف ٍ عقله كما القرقوع

لبـيـك يالعـبـاس ابــن فـرنــاس = عطنا علومك والخطاء ممنوع
لو المجامـل ماكسبـت النـاس= العب على المنكوس والمربوع

لاشفت من هو شغل الاكباس = خله يروّغ كنه الجربوع
الراس يبقا ياعميلي راس = لاينحني ويصير تحت الكوع

ياصـاحـبـي لاتــقــرع الاجــــراس = خـلـك سيـاسـي والـحـيـا مـتـبـوع
ياكليب تعرف صاحبك جساس = ابـعـد عــن المـجـرور والمـرفـوع

الحبل به ياصاحبي لولاس = شفت اللغم تحت الرجل مزروع
والكل شي ٍ قيمه ومقياس = ومن له رصيد ٍ لايخاف الجوع

لايصيبكم مـن يمنـا وسـواس = ترى الخطر يذكر ورى ميقوع
كلام حكمه مثل عقد المـاس = والطيب كايد والدروب اطلـوع

المشاركة الأصلية كتبت بواسطة الجزر والمدّ (المشاركة 1391267) صحت السنتكم الطالب + سعد المحمدي تحياتي للجميع

المشاركة الأصلية كتبت بواسطة الحب الباقي (المشاركة 1391972) صحت السنتكم والله يـعـطـيـكم الـعـافيـــــــــــة بيض الله وجيهكم