ذيبان=
روحي أساها تعدى الحد = من الذي فالحشا وده
مااقدر أقوله أساك امتد = وأنا حياتي تحت يده
من الماضي=
قدام نشرع لكم فالرد = سؤال يلـــــــــزم لنا رصده
عنده خبر عن هذاك الود= ولاطرف حار في سهده؟
ذيبان=
عاداتنا مانبيح السد= وانته عليك اكتشف سده
نظرات مابيننا تشهد= من قرب ولا مدى بعــــده
من الماضي=
اللي أتى بينة مايعد = في صالح القيل ونعده
ماكل منهو تجاهك لد = أعلن لك الود في لده
ذيبان=
كل ماطلعت شمسها في ورد = ورد الذي فالحشا ورده
مهما تحدى وســوى عــنــــــــــد = أهين روحي ولاأضـــده
من الماضي=
اللي اعتلى فالأفق وابعد = حتى توهمت في صـــده
كيف اعتبرته برايك صـــــد = والود ما طــاف في خـُلده
ذيبان=
لا ربــما ربــما لابـــــــــــد = لابــد الايـــام لا بــــده
مادام نبعه نهـــــر من عد = مايكف مجرى النهر عّده
من الماضي=
ماشــــفت من له نهر مورد = مروي عطش زاد في حده
صــدّر بــعــــــــد ماورد ينهد = يشكي عنا من ظما هده
ذيبان=
أنا عليّه بذلت الجهد = والآن يبقى بذل جهده
لايجعل اليأس متاكد = ويضيّع الود من جـدّه
من الماضي=
ماكل منهو رجاله قصد = جات النتايج حسب قصده
واللي معه معتني ومجدّ = لــــو كان راغب بـــدى رده
وياأصحابنا سامحونا=