=خـالـد
سـلام لهـل الأدب بنظـام=عبر الفضاء يمهم يعبر
بالطيب ياصل لهم إلـزام=قدام خافي المثل يظهـر
=حرب
تـرحـيــب بـالـشـهــم والـمــقــدام=فى الموقع الابرز الاشهر
عطني علومك قبل ماتنام=وآنــا عـشـانـك لـــزوم اسـهــر
=خـالـد
قدمت دعوى لقاضي عام= في محكمة بالعدل تذكر
والآن ماضي عليها عام= للمدعي فالحكم ما أصدر
=حرب
دعــواك لــن كـــان يـاضـرغـام=من (عام) لك حق تستفسر
شــوف الــذي اخـــر الاحـكــام=يمكن عسى فدعوتـك ينظـر
=خالد
لا تكبنـي فـي عنـا وأسـقـام=وآنــا نصيـتـك هـنـا تـحـضـر
لو كان أعلـم سببهـا التـام=ما أنصاك يوم القضا أخّر
=حرب
يالـعـابـد الـسـاجــد الــصــوام=بـكّــر بـســرد الـخـبــر بــكّــر
ما اوقف ياخالد معك .قدام=اتجيب لي صورة المحضر
=خالد
ما يلزم الأمـر لأستفهـام=وانـتـه لــرد المـثـل أجــدر
حازوا على دعوتي ظلاّم=عيّوا لعدل الحكـم يصـدر

حث الخطا وارفع الاعلام=صوب الهدف عنه لاتوخر
وبالبينه تنطح الاخصام=والله على اللي ظلمك اكبر