أنا ماعرف اقول "زيـه" "برضـه"=ولهجه مهي مـن لهجتـي مبغاهـا
والواجب أقومـه ولاتـرك فرضـه=واللـي بليـا واجـبـه مهـواهـا
وافهـم بفـن الدحـه وبالعرضـه=الا انـي ماحـب أستمـع لحداهـا
ولو كل هرجـه جاتنـي معترضـه=صدقتها .. كـان العـرب مدناهـا
وكـان النصايـح بيننـا منقرضـه=جبت النصايـح واسمعـو فحواهـا
نصايحن فـي هالزمـن مفترضـه=وبعض النصايـح فسـرو معناهـا
ماكـل حفـل"ن" بالقنـاه تعرضـه=ولاكـل قـوم"ن" تعجبـك برياهـا
والرجل وشهو كان ضيع عرضـه=مالـه حيـات"ن" يستحـق إيـاهـا
واللي بنا له حوش ماهـو برضـه=لايامـن الحفـره وضيـق خباهـا
واللـي موجـه للتجـاره قـرضـه=قبـل المكاسـب ينتـبـه لربـاهـا
واللي زعل من حق رح له وارضه=وناس"ن" مامعها حق صعب إرضاها
واللي لسانه منعـوج مـن حرضـه=ماهو بمثـل اللـي نـوى عوجاهـا
وعقول من فعـل الولـي ممرضـه=وعقـول تمرضهـا فعـول إيداهـا