يا شيخ قوقل يا بعيد المـــــــلافي = ياراعي الفزعة بطويل المشــــاوير
معروف بالوقفات لو ماتشــــــافي = يا كثرماتثني عليك الجمـــــــــاهير
يا شيخ لي عندك طلب وأنت تافي = مابه عليك ولا علية مخــــــــاسير
تقدر توديني لبحر القــــــــــــوافي =وأشكرك واشهربك أكثر من الغير
في ملتقى قبيلة ماتـــــــــــــحافي = تقفي عداها عن نحاها مـــــدابير
أمضى وأحد من السيوف الرهافي = في وجه من ضيع دروب المعابير
حرب الحرابة يوم يبس الاشافي = يوم إنها صولات واخذ ومغاوير
حازوا على شهادة الاعتـــــرافي = من القبايل في خليج المشـــــــاهير
تاريخهم ماهو على الناس خافي = نجمٍ رحاب الكون من نوره منير
مجلدٍ ما زينته بالـــــــــــــغلافي = الفخر باللي سطروا فيه تسطير
قول وفعل ماهو كلامٍ يـــــضافي = لياء قريته له على النفس تاثير
يجبرك ما بين السطور الوقافي = مجدٍ تشوفه واضحٍ بالتفــــاسير
كن الحدث قدام عينك يـــــشافي = تعيش جو أهل الوجيه المسافير
أسلاف حرب رموز وقفة وقافي = دون القبيلة خلدتها المقــــــادير
كم عدلوا من فــيه شبه إنعطافي = يطوعون اللي براسه زعـــاطير
على القبيلة ما ازين الالتفـــــافي = من شذ عنهم جعلها شذة الطير
ماهم بحاجة للنفوس الضعافي = مغنيهم الله بالعقول المباصير
يا راعي العقل الفطين الثقافي = ياللي تعرف الواردة والمصادير
دام الخلف مــــثل السلف لاتخافي = لا ينشغل بالك ترى حرب في خير
فيهم رجال المدح مـــا هو بكافي = ايقصر امداد القلم والتـــــعابير
ندر حرارٍ يقطعون الفــــيافي = أوكارهم ما تعتليها العصافير
لا منهم لدوا على الخصم عافي = يعاف عمره عقب شاف العواثير
اللي يعذرب حرب مابه انـصافي = ميت ضمير وقلبه أسود من الكير
ما يعترض تاريخهم غير هافي = سقيم عقل وبصر ما فيه تـفكير