أبن وازن =
ما تنطوي صفحت الايام = حتي يجي سالم البشـري
منصبك بعد المدير العام = ياعـالـي الـشـان والـقـدري
سالم البشري =
صفحات الايـام والأعـوام = عـن طيهـا خالقـي يـدري
الله عسى خير ياضرغام = عجل وهات الخبر بـدري
أبن وازن =
وجـه الحيـا ثــوب يامـقـدام = مثل البحر لا انفسخ يعري
بـنـظـام والا بـــدون انـظــام = أصدرت صك الحكـم مـدري
سالم البشري =
ثوب الحيا فاليمن والشـام = مـايـنـزعـه حــــر ذا خــبــري
وروح القوانين مطلب هام = مايجعـل الأنظـمـه صـفـري
أبن وازن =
وين القوانين والاحكام = للى فدرب الزرى يجري
وأقف معاكم على ستفهام = من حصنكم انكسر ظهري

ياكم صدر من عفو قدّام=ونقول يالله عسى يمري
وان كنت ناسيه ماتنلام=من يذكر الواقع المزري
ياطارق اقرب من الفهّام=ارقى لسوق الغلا واشري
فالملتقى مانريد زيام=ونار الخصومات تستشري