ملتقى قبيلة حرب الرسمي - ( ياتركي ان كان شفت سرور ) .... إلى الشاعر القدير/ تركي عبدالله البشري

ملتقى قبيلة حرب الرسمي (http://www.m-harb.net/vb/index.php)

- ملتقى الكـــــــســـــــــــرات (http://www.m-harb.net/vb/forumdisplay.php?f=10)

ابليس دربه مافيه النور=والناس بالناس مخدومه
خذ زبدة الهرج للمذكور=مايطعم الصقر مفرومه

خالد بن عبيد الاحمدي=
ياما في جو الهوى مقهـور=باحت سدوده مـن اهمومـه
وياتركي ان كان شفت سرور=يشكي مـن الـودّ لاتلومـه
تركي بن عبدالله البشري=
خالد ملك للفؤاد عبور=يوم الاحاسيس مزحومه
وسرور مايشتكي مجمور=صقّار ياصقر لك حومه
خالد بن عبيد الاحمدي=
العلم جابوه لي ابشـور=وكل ٍ مشهّد على اعلومه
قالوا بن بريك لحقه جور=من بحر مايقدر ايعومـه
تركي بن عبدالله البشري=
في ربعنا مانقول قصـور=وكلاً على حسب مفهومه
وسرور ياصاحبي مخبـور=والصقر ماهو كما البومه
خالد بن عبيد الاحمدي=
مافيهم اشكوك ربعك سور=قصيرهم يامن اخصومه
ركّز معي زين والمستور=ماودّنا نقشجع اهدومه
تركي بن عبدالله البشري=
بدري على ابليس يلعب دور = وبيناتا يزرع اللغومه
علمي مصدق عليه مهور = والمسأله فيه محسومه
خالد بن عبيد الاحمدي=
ابليس دربه مافيه النور = والناس بالناس مخدومه
خذ زبدة الهرج للمذكور = مايطعم الصقر مفرومه
تركي بن عبدالله البشري=
الحق نطاح و الدستور = أنت وأنا ننهج سلومه
ماله سلاطين والمنصور = نفسه عن ابليس معصومه
علمي ماغيره يامنهو تشور = واضح وفأبيات مختومه
ياخالد الأحمدي مشكور = واللي بقى بالشهر صومه

يعجبك برنامج العرعور
هههههههههههههههه
تحياتي لكما