|
يابدو مامثلكم فوق البسيطه رجال
يابدو مامثلكم
سلام ينساق سوق مبهرات الدلال=صفرٍ خلط هيلهن مع زعفرانٍ حمر سلام ياللي لكم في كل جزله مجال=يابدو لو البداوه مابقاء له عصر يابدو مامثلكم فوق البسيطه رجال=يكود من ساسهم منكم وصارو حضر ياهل الكرم والشجاعه والوفاء والعدال=هذي بكم كلها وابصم لكم بالعشر بس التهيتم وراء طرد الغنم والجمال=طافت عليكم دروس وراح بعض النمر يابدو ياللي فتنكم ربنا فالحلال=لولاه يابدو مبطي واصلين القمر اهل الشهادات في منصب وتحت الظلال=والمنسدح ينسدح مدري يموت بقهر تسلحو والعلوم سلاح مثل الريال=من لاصبر للغريسه كيف يجني ثمر العلم يبني بيوت العز فوق الجبال=والجهل واضح من اسمه واعرفه ماعمر مع طيب الخلق والعفه وحبل الوصال=لاينقطع لو على شانه وطيتم جمر والدين هذا سنام العز في كل حال= اطاعة الله واجب ثم ولي الامر الباقيه باقيه والفانيه للزوال=والثانيه والدقيقه من حساب العمر |
هذا الخوي (حظي)مزحت عليه في بيتين ولاكنت احسب انه يرد عليه لكنه رد عليه رد قاسي
وإليكم هذه المحاوره التي دارت بين الشاعر والحظ
الشاعر= حظي المنسدح عان الحظوظ تعـدي=كل ماستنهضك تقـول مالـي عظـام جعل حظٍ سواتك يعشق المرقـدي=مايخـاوي اجاويـد الرجـال الكـرام الحظ= انت من حضرتـك احـط يـده بيـدي=انثبر لاتدوشـنـي بكـثـر الـكــلام امسك القاع ويـش ايطيـرك للجـدي=لكل شارب مقـص لكـل لحيـه مقـام الشاعر= البلا والجـلا بـك يالخـوي الـردي=خوتك حولت بـي دون راس السنـام كم من قبلنا خـان النصيـب اجـودي=يوم حظه سواتك عاشـقٍ للمنـام الحظ= قال انا حر كيفي ليش اجيـب جهـدي=معـك مـادام ماعملتـنـي بحـتـرام لاتزيـد العلـوم ارجـعـك للـبـدي=ثم تصير الغمـاره مستحيـل وحـرام الشاعر= قلت انا امزح معك ليش الزعل يابعدي=انت وانا من اللـي ينشـدون السـلام كان زعلان نذبح لاجل ترضـا فـدي=لاتعنفـص نوينـا نسحـب الاتـهـام الحظ= الرجل لاركـب راسـه تـراه يغـدي=والسياسه سلاحٍ مثل حـد الحسـام لاتشيطن مثـل بـرزان وابـو عـدي=المعانـد جنـا بـه هتلـر الانـهـزام الشاعر= صح هرجك عليـه الواقعـه تشهـدي=يوم غطا سمـاء بغـداد مثـل الغمـام شبـت النـار فالمظلـوم والمعـتـدي=واصبحت غابةٍ معـاد فيهـا نظـام الحظ= ليت كـل الملقـف يارجـل تهجـدي=دام ماحدٍ تناوش خبزهـم واليـدام النمل يـوم جنـح للسمـاء وصعـدي=اعرف انه غدا لطيـور جـوه طعـام الشاعر= تـدري انـا عـلى نعيمنـا نحسـدي=الله انـه يعـز مقوميـيـن النـظـام مير ابرضا وترضى والبساط احمـدي=طايـر النمـل لاتنقـل لـه الاهتمـام الحظ= نعمـة الامـن والامـان ماتجـحـدي=من جحدهـا ذكرهـا بعـد ولا وهـام كان عينك صدوقـه فالنظـر تشهـدي=ويش شافت شمال ومن وراء دار يـام الشاعر= هيـه ياحـض رد لسيرتـك وهجـدي=لاتعـرض خويـك للسهـوم الــولام انت بالمشكله ياحـظ كفـك نـدي=جبت صيده خطر ماهي بتصلح طعـام الحظ= انت وش فيك جتبك رجفةٍ فالبـدي=وانت محسوب من ناسٍ تفك الجهام دام ذيـب الذيابـه مايجفـل جــدي=انتهـت ياصحيبـي لاتشـد الـحـزام |
السلام عليكم ورحمة الله وبركاته
موضوع هذه الابيات عن محاربة بعض الاطفال لطعام المنزل وعدم قبوله مهما كانت درجة لذاذته و جودته وتفضيل اكل المطاعم والبوفيات عليه وهذه مشكلة تواجه بعض الاسر ولديه ابن لايمكن ياكل إلا وجبة المطعم وذات يوم كنا في طلعة بر واشترط الغداء من البخاري فاعطيته قيمة الغداء ونزل الي المطعم واخذ المطلوب ورجع وهو يبتسم مرتاح سالته وش السالفه قال صاحب المطعم رحب بي اول مادخلت وزهمني باسمي قلته طبعا ياخوي انت عميل دايم لازم يرحب بك على طول وبهذه المناسبه قلت هذه الهجينيه في عميل المطاعم المحترم لعل وعساء ان يقلع عن ماتعود عليه
ياعمر من عذر المطاعـم تحييـك=حيثك عميلٍ عارفينـك ودايـم لكن طبخ امك عـدوٍ معاديـك=دايم مبـوز عـن لذيـذه وصايـم الـزول نتفـه يازعيـم المهاليـك=كنك من اللي في هواء البيض هايم يم البخاري لـو رفضنـا نوديـك=تمـوت جايـع يانحيـل القوايـم لاشـك لازم يالضعيـف نداريـك=ولا يلومنا في حب شـرواك لايـم ماهـو غـلا إلا نقبـل مواطيـك=ولاهو موقت حـب ثابـت ودايـم اطلب ومطلوبك نجيبـه ونرضيـك=مـدام فينـا باقـيـات العـزايـم وفي عطلة الاسبوع حتما نمشيـك=بـر وبحـر وإلا زيـارة رحايـم لعـل ماتفقـدك عينـي وتبكيـك=ويرعاك من لانمت ماهـو بنايـم وحنا برجـوا الله وبعـده نراجيـك=إليا كبرت وصـرت رجـال قايـم امك ثم امك ثـم بامـك نوصيـك=تسعة شهور بطنها وانـت عايـم وخرجت للدنيا وهي هايمـه فيـك=عليك تخشا من هبـوب النسايـم لاصحت ضجت من صياحك تواسيك=ولاهي تنام إلا انت قافـي ونايـم مامثلها مخلوق فالكـون يغليـك=ياذخرهـا رد الـجـزال القـدايـم وعن خوة اللي خوتك ماتهقويـك=اللي عن الجزله رضـا فالهلايـم خذرا وحذرا يالسنافـي يماشيـك=في خوتـه مانـت بلاقـي غنايـم اما رمـاك وشربكـك فالشرابيـك=والبسك لـو انـك بـري التهايـم ثم تبتلـش وتـدور اللـي ينجيـك=وتصير علكـة صايغيـن الظلايـم وحذرا القطوع بوالدينـه يخاويـك=اللـي يكيـل لوالدينـه شتـايـم الله مـن مـده يمـدك ويعطيـك=وعزيز عن مد المخاليـق شايـم والله لنا يصخـر جنابـك ويهديـك=ياشوفنـا ياسمعـنـا والقـوايـم |
مشاركه ومؤاساة لاخوي الغالي الشاعر والاديب / سالم بن على البشري عندما تعرض ابنه وائل رحمة الله عليه لحادث اليم وانتقل الي جوار خالقه اثر هذا الحادث المروع مع احد اقاربه وللتخفيف عليه مما هو به جراء هذه الصدمه وهذا الوضع كتبت هذه الكلمات المتواضعه وارسلتها له اثناء العزاء
ليت الخبر مزحه ولاصار من جـد=بـس الامانـي ماتـرد المقاديـر ماعنك يالمكتوب هجـه ولا صـد=ولا تفيد ابـك الحيـل والمحاذيـر لكـل مخلـوقٍ نهايـه لهـا حـد=يعلم بها اللي في يديـه التدابيـر والعبد مهمـا عـاش لابـد لابـد=من حفرةٍ له صلحوهـا الحوافيـر والخلق ذا نازل وذامرتحـل شـد=خلف السلف تدرج جموع المظاهير يجبر عزاك اللي جعل فالصبر مـد=سموه مفتاح الفـرج والتباشيـر سلوان ياعيـنٍ بكيتـي علـى ود=ولحشمتك تذرف دموع المناعيـر |
السلام عليكم ورحمة الله وبركاته
صديقي المخلص علي بن سعود السرباتي المزيني يشتكي عليه من بعض الاشخاص اللذين تعودوا على الهرج ((الحش)) فقلت له هذه الابيات التاليه لعل وعساء يعذرني ابو سعود عن القصور وراجيا ان تحوز على استحسانكم
ياعلي لو تحذف على كل نباح =خطرٍ على يمناك يتلف عصبها مدامها بالريش يالذرب مسناح= والرجل لاشاف العجاجه عقبها ماهو صديق اللي للاسرار فضاح=كلٍ دراء فالسالفه لاقضبها ولا عاد يفرق بين صادق ومزاح=خام التنك متخالطٍ مع ذهبها يفرق من اول يوم دخان وصياح =يوم العشاير يحتمها جنبها يوم الكرامه ثمنوها بالارواح=كلٍ مناه الطيبه لاكسبها الصاحب اللي ترتجي منه الارباح= يجود كانه مالحقك بنشبها اليوم ماتلقاء اكثر الناس مرتاح=كلٍ ركابه للمشاكل شعبها الطيب ناظر ويش سواء بطلفاح= بالجو نارٍ صار راسه حطبها ويومنها بالسيف والشلف ورماح=الهوش هوش اللي تدفن ركبها راياتهم بيضٍ على كل ملواح=والشمس ماحدٍ في يدينه حجبها خل الطوير بظل الاشجار يرتاح=دام الجبال الشامخه مارقبها والا اللسان ان مارفع قدر ذباح=نار الحسد مطعومها من حطبها |
السلام عليكم ورحمة الله وبركاته
مقتطفات من بعض الردود بيني وبين الشاعر الكبير /عبدالله محمد بن وعد العلوي الحربي وهي رسائل منوعه كانت تدور بيننا وهذه مقتطفاتٍ منها مضحي
ياللي قطعت الاتصال بصاحبك منذو سنـه=ويش السبب يالصاحب الغالي بقطع الاتصال انكان مخطي صاحبك او شفت لك هفوه منه=ياما من الزللات والمعصوم واحد فالرجال اشره على الطيب ولو ماهمني مانشد عنه=اشره عليه وهو اقدر شرهته في كل حـال ولا استمع به ماتلوكه فيه بعض الالسنـه=حيثه قمر يبقاء قمر لو بعض دوراته هلال مير الدهر يزين يوم ويوم ماحـدٍ يضمنـه=وبنادم النادم مابيـن المايلـه والاعتـدال عبدالله
ياللـي تشـره شرهتـك مقـدره ومثمنـه=واسواق بقعاء من تجولنا بها شفنا الهـوال رساله من /عبدالله بن وعدياتاج راسي مرحبا اقلـط واعشيـك بدنـه=ليا بانت الشمس القمر ماله عن الغيبه مجال والادمي من فطرته مابيـن سيـه وحسنـه=ياشامخٍ نلوذ بـه لهـب نسنـاس الشمـال ارفق تراء كبدي تفور مـن اللهد ومدخنـه=وادخل على الله والرشا لايستوي فوق المحال واللي له لسانٍ يلوك انسه عسى الله يلعنـه=والذيب ماشـال الزمـل لله ول الله الكمـال
على مضحي الجمران نلقي تحية ود=نـوده ووده ودي انــه يلفيـهـا رد/ مضحي بن جمرانسجايا خواله سابقتها سجايا الجـد=وانا ودي اكحلها واخاف اني اعميها ورد عده الماضي وانا واردٍ لي عد=نفوسٍ نوردها عساء الله يشفيهـا بحوره لها جزرٍ وانا في بحوري مد=على جزره ومدي تعود المباديهـا
هلا مرحبا ياشاعر النظم هو والـرد=ولاهنـت يـاراع التحيـه ومهديهـا مع الذبذبه ماوقفتهـا مراكـز حـد=رصاصة صويبٍ صوب الاهداف قاديها انا اقول مامثلك ولاكن بـلاك الصـد=لامنك بفيت الطيبه مانـت مخطيهـا لاهاج البحر لو كان قدمه عقوم وسد=مياهه تشيل اللـي توطـن بواديهـا مضحي
اعرف الغشمري رجلٍ طليق حجاج ويهلي=رجال المرجله شرواك ماني غاويٍ فيهـا انا لاجيت سوق المتجر اعرف ربعٍ لـي=عرضت تجارتي والمتجر شرواك تشريها تراء لولا الخطا اللي ارتكبه الحاج متولي=لاكان الحاج متولي تريح فـي تواليهـا عرفنا مكمن العله ويدنـا مابهـا حلـي=على ماقيل ماكل العلل نلقـاء مداويهـا رساله من نوع اخر المرسل /عبدالله بن وعد الحربي
ابن جمران لو ممشاه سيده=لزوم يلف ويـدور بقصيـده رد مضحي بن جمرانمريد وله شياطيينن مريـده=على يسراه تصفق بالايادي يهيم بساحل الخفجي لحالـه=وابو مره يلقـم لـه دلالـه يزود الشيب وتزود الجهاله=ولو انه غدا ماقلت غـادي لحق متوالي بـدار الكنانـه=ركب زروال واطلق له عنانه قرينه والاريكه في لسانـه=يهيم بساع من وادي لوادي
ابن جمران ياربـي تعينـه=لااجل يفزع لواحد يستعينـه ولا ترضيه ياغير السمينـه=ابا اذبح له ليا خربت جوادي يذكر فالحساء ماهو حساوي=كفانا الله من شر البـلاوي يزين الوقت ونرد الجـلاوي=وهذا الصح والعلم الوكـادي نبا نغريه في رفقه سعيـده=ليا جاء منك يالدار البعيـده ولاهي تصفق الكف الوحيده=نتمـه لاتلاقـن الايــادي |
السلام عليكم ورحمة الله وبركاته
((الحظ ))
يالحظ الاقشر خذتك القوم=انخاك لكن على الفاضي لعاد دايم تحـب النـوم=عليك والله مني راضـي وليا زهمتك رفضت اتقوم=ودايم وانا منك مغتاضي لونها بس ليـل ويـوم=عليك ماكثـر الحاضـي ولو ينفع المشتكا واللوم=ياسرع ماسحبك للقاضي ياحيلة الله وذا المقسـوم=نرضى بما صار ياراضي |
محاورة بين الشاعر والملتقى
السلام عليكم ورحمة الله وبركاته
مضحي=
ياسلام الله على الملتقى كلـه =ملتقى الوافين ذربين الايماني لالقيت اللي على الدين والمله=بحضرته رحبت لوكان قوماني ملتقى حرب الرسمي = مرحبا ياشاعـرٍ حـارب الزلـه=شاعرٍلك عندنا عالـي الشانـي يمكن ان بيوت شعرك بهن خلـه=او لحنك صعيب للشاعر الثانـي مضحي= البقاء يالملتقـى مابـك اشكلـه=والعفو مافي زوده على اخوانـي البيوت صحـاح ماهـي بمختلـه=ومشكلتنا كلهـا وزن الالحانـي ملتقى حرب الرسمي= دام وان بيوتكـم مابهـا عـلـه=كلهن جزلات بالحيـل وسمانـي ليش ماسميـت منهـو تراسلـه=لااجل تقول اني دعيته ولاجانـي مضحي = كـل جـزل اقـول يالله تمهلـه=لاقنب سرحان وافـاه سرحانـي كل شاعر جـزل ياجـزل ماملـه=والزلل ماجاء على عظمة ألساني ملتقى حرب الرسمي= دام هذي مشكلتنـا سهـل حلـه=اشكهم ياخي على حقوق الانساني واصبر اصبر ذي فلسطين محتله=والعراق يون من هول الاحزانـي |
لاغبت ثم عودت ماجبت حاجه
البـال لازادت همومـك ازعاجـه=ومن كل صوبٍ قام همـك يديـره احرف ركابك يـم فزعتـك ناجـه=ودربٍ تيامن فيـه ستيـن خيـره وعن مجلس به ثايرين اللجاجـه=خلك حشيم وعنه رجلك قصيـره خذراك من هرجٍ بكثـره سماجـه=ان مانقص راعيـه زاده معيـره لالجلجو به مثـل لجـة حراجـه=الشلـه الـي دايـمٍ مستطـيـره الواعي الممرور يعـرف خراجـه=ولاهو بحاجـة واحـدٍ يستشيـره محلاك ياللي نازح البعـد باجـه=بكس الجموس اللي نجح به خبيره لاعطيت به جـوٍ يزيـدك بهاجـه=والشوف يطلق فالوسيعه نضيـره اللي به الجـوال يفقـد ابراجـه=عن مركز الارسال غايب سفيـره هذي طرات العمر سـاع نتواجـه=على الوعد مع الوجيـه السفيـره والمنهج اللي مانحـب انتهاجـه=ولا تقـره فالجزيـره عشـيـره ان الخطا يصير سهـل اندراجـه=مـدام فالاجـواد نخـوه وغيـره واللي على الفتنه يولـع سراجـه=ماباقي لـه غيـر هـذي ذخيـره لايكمل الوجعـان باقـي علاجـه=إليا صحا نـادا علينـا المغيـره لو هو على العدوان صب احتجاجه=ويمثـل انـه للكسـور الجبيـره اليا انهزمنا قام يضحـك حجاجـه=عيده ليا ناظـر علينـا الكسيـره واللي تهاون منقـرك يالدجاجـه=الله واعلم ويـش تالـي مصيـره المـي ماسـاوا قراحـه هماجـه=المسـك مايوجـد بنفـاخ كيـره للعسر يسـر وللصبـاح انبلاجـه=ولاهان راعي حـق والله نصيـره ويامن لك الارقاب فيها انعواجـه=ولا يرخصك رجال عنده بصيـره عليك كـم قلـبٍ تزايـد اخلاجـه=ولا احدٍ يلومه فالهنوف الاميـره في حبها ماهـو محكـم مزاجـه=صادق وحكـم فالمـوده ضميـره يافخر من صرتي وسامه وتاجـه=صقر العروبه ابن صقر الجزيـره لاصار فالاجواء عواصف عجاجه=يبقى ذراء اللي جاه من كل ديـره لاغبت ثم عودت ماجبـت حاجـه=هـذي بحقـي يالنشامـا كبيـره |
السلام عليكم ورحمة الله وبركاته
في الاونه الاخيره كثرت التقليعات الدخيله علي العالم الاسلامي وعلينا العرب بالذات وفي الخليج على وجه الخصوص وهي عملية حلق الشنب وترك اللحيه بدون شنب وانا اقول عادي لو حلق اللحيه والشنب لكن نحنو العرب لايليق لنا هذا التصرف و هذا الموضوع كتبت وهذه الابيات والمحادثه بين اللحيه (برد) والشنب(المستاش)راجيا ان لايفهمني احد غلط واول نقد موجه لاابنائي واقاربي وكل شاب به غيره على تقاليد بلده وعاداته النبيله والا الناس احرار بتصرفاتهم دون شك
ذا بيرد تبكي على المستاش=وتدعي على واحدٍ شاله قالو لها انه زعل ونحـاش=عـن المساكيـن لرجالـه ويقول هجي عن الادبـاش=يالطيبه ذي ماهـي حالـه عمشا تمثل بنـا عمـاش=وصرنا على بعضهم عالـه وياكم تكسب بنـا غشـاش=ناسٍ على الناس محتاله ابا اتزبـن علـى شـواش=معرب العـم مـع خالـه وزبنك واحدٍ من عـاش=المـوس للوجـه ماشالـه نورك بوجهه تقول فـلاش=ومصدقٍ ربـي اقوالـه |
الساعة الآن 12:34 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir