لقيت لي بنت جميله بجسمين =فيها المروفه والرضا والاصاله
تاطا على الصابر وتجلس على العين = وتدوس خشم اللي براسه صعاله

ويش رجل كل من يفهم يشوفه = العمى واللي عيونه يسعفنه
مفرح مفزع غريبات وصوفه = لكن انه مع جميع الناس سنه

اللغز عن رجل يسوق الولد سوق=خلا الولد يفتح طريقه غصيبه
ينزل عليه بعنف واحكام من فوق=وعند الامور المتعبه ينغزب به

انشدك عن بنت لها صدر عريض=تاكل وترسم للملا من زادها
طعامها لاهو بني ولانجيض= اسود يجيبه شايب يرتادها
مسارها يطرق بعديصبح غليض =ولاتعمل الاكان تم اسنادها

انشدك عن رجل مساعيك ضده = وان حل في دار عزيزه هدمها
الفاتك اللي من وصل له يهده = وان واجه ارجال الشجاعه هزمها
حتى السلاح وماحوى ما يرده = حتى تحل اللي يفوز بعدمها

انشد عن اللي شفتهم مستكفين =حلّوا محل اهل السباده وسادوا
حلّوامحل اللي حوالي ثلاثين = وليا رحلوا من بيت ماعاد عادوا
محل راع الدار حلوا غريبين = وان زارهم زاير لذبحه تنادوا

ويش رجل بالعمل حرك وعجل= ما يتحرك غير من ضمن ازملاه
ان تحطم بلف يشريه الرجل = ويدفع القيمه ويلزم مشتراه

ويش رجل عند رجل له مكانه=يعتبر ميناء لسفن يدهلنه
من تزود بطلبه ثم طاب شانه=استراح بذا الرجل من دون منه
ثم يعود لمطلبه حتى البدانه= ويتحرك والضروف يرجعنه

شفت لي رجال ساكن بالبلد = شغلته بين البشر ناقل كلام
لونصفت اسمه احروفه بالعدد= صار نصفه منك والاول طعام

يامن عرف شي يزور ولايزار= لوما بغيته بالرضا تستقبله
كل البشر تستقبله تال النهار = ولااحد من اهل الارض يقدر يحمله