ياهل المعرفه تعالى الله في شانه =العلم واضح وبعض العلم نجهل به
لقيت شي كبير واربع اركانه = واشوف حرب كفانا الله يحصل به
واللي يديره على وزنه وميزانه = رجلين برّا وواحد شخص يدخل به
ولاشفت واحد دخل به عبر بيبانه = اللي يبي يدخله يجيه مع جنبه

انا سؤالي وحكم الله نرضا به=وشهم ثلاثه مشوا في درب نمشي به
على هدف طيب والفعل متشابه=واحد ومتغير بالاسم تركيبه
الدرب ممشاه طاعة ربنا اسبابه= وروسه ثلاثه ونجري به ونمشي به
سم الثلاثه وحلك لاتهقوى به = اللغز كم واحد ماهو بيدري به

نوع كبير ومن مشى به بالجحيم = ونوع صغير وكلبوهن مفسده
هو رقم واحد بين سبعه يا فهيـم = سبع كبار ويهدمـن الاعمـــده

اللغز عن بنت لها عدة عروق = واعروقها شر ومضره عليها
شرابها المعروف يصعد الى فوق= وكم من وفي نافع يعتليها
ينوبها بالفعل رجل له اسبوق= وكم واحد في مامضى يقتنيها

انشد عن رجل مبروك = عليه الناس اغبطوك
ماجبته من ورث ابوك = حيث ملك للجميع
لاصناعه ولامخلوق = ويبيعونه وصط السوق
وله على راعيه حقوق = ومن مشى به ما يضيع

انشدك عن رجل ليا جيت حوله = تكسب حدى الثنتبن مانته بخسران
والثاني اللي يوم تعبوا وجوا له =اللي كسب ثنتين ماهو بربحان
كلام سابق كل عاقل يقوله = واللي يقوله له دليل وبرهان

انشدك عن بنت قديمه جديده = الاسم الاول جا مكانه بديله
فيها الثنين اهل الفعول الاكيده= فعول لبعض الخلق صارت وسيله
ارم الاخير من اسمها ولاتزيده =يصير رجل يمنع اللي يجيله

وشبنت تكره قربها ماتبيها =وان شافها شوق البويضا نصاها
وادار جنوبه كلبوها عليها = رقيقة الملمس قليل حلاها

وشالذي ماكل واحد يسوسه=واول حياته مشبعينه من المر
يلعب مع الحرمه وينجب عروسه=وليا ولد عقب الشقا والعنا قر
ينجب ولد ومقفلات ديوسه=كثير خير ولاينولك منه ضر
عند الغني اللي كثيره فلوسه = وبعض العرب جابه ببته ولاسر

انشدك عن ورعين في حصن حصين = في موقع لايمكن احد يقربه
متقابلين وشكلهم متشابهين = وتخفيهم البنت العزوم المرقبه
عن اسمهم سألت قالوا واضحين = تصغير حيوان وضيع منسبه