اللغز جاكم عن خفيه مضره = اللي على البنت الوفيه ضررها
مادامها في قلبها مستـقــره = تصبح خفيه ويتنامى خطرها
هجومها على الحبيبات غره = لازم تدارك شرها وتحصرها

نشد عن اللي في وجوده تريحت = اوصلني اللي في وصوله صعوبه
اما رقيت لفوق والا نزل تحت = وقبلي مدورة الرجا كد مشوا به
شوق الهنوف اللي ليا زرتها افلحت= يفرح بها الشاوي وراع الجلوبه
لياقلت العده وصار الرضا سحت = تفرح اليا لاحت مداخل ادروبه
هذا في وقت فات واظني اوضحت= تفضلوا يالعرفين ارمعوابه

انشدك عن رجل كريم المحيا =اللي على شيب الغوارب تشوفه
ليا بغيت الفايده منه حيا=فوايده بين الرجال معرفه
ستر الرجال وعزّهم ون تهيا= ينجب ارجال وبنت للي يحوفه
ليا عكست اسمه طلع شي سيا = يصبح مرض وايضا ثلاث حروفه

انشدك عن رجل تعلى الجالسين = بالموقع اللي له مكان محترم
موقع انسان يرغب الهرج السمبن=ليا وقف به يعتبر راس الهرم

انشدك عن رجل ليا كض واكتض= فعله يغيض ويرعب الناس غيضه
شرس عنيف ناعم طيب غض= ينقل فوايد فايضه مستفيضه
لاتواجهه بالسيف مالك معه حظ = لين ان غيظه ينكشف لك مغيضه

انشدك عن مخلوق عاقل ومسئول = يمشي على اربع ثم مشى فوق ثنتين
ثم صار يمشي فوق ثلاثة ارجول = سبحان من يحمد على العسر واللين

ويش بنت خازنه للي نفع =تاخذ وتعط الوفي مخزونها
تجمع المحصول حتى يجتمع= وخيرها للناميات تصونها
اسمها من فعلها يامستمع= واسم مخرجها على مضمونها

وشالعمود اللي على العز مبناه = ساس لبيت عالي في مقامه
الله هو اللي ثبيت البيت وارساه = وليا عرفته هات ذروة سنامه

انشد عن ارجال ثلاثه عددهم = واحد صدق وثنين كذبوا على الله
اثنبن قالوا رزقهم من جهدهم =والثالث افتى صدق باللي حصل له
عقب المرض والفقر جاهم سعدهم =واللي فحصهم شاف فرق الجبله

اللغز عن رجل احدوده وحده = ماحد يعدلها ولااحد حكمها
فوق الذلول وعالي البعد صده =تعدته بنت العدو وحشمها
غطى الجميع ومن طلع ما يرده =وام الرضا من داخله ما ظلمها