ليالي احصي الفرح فيها = واحزان فيها ماظن تعد
اسقتني المر بيديها = وانا بذاك المرار اسعد

كنت احسب انك رجل عاقل = لاجاك علمي تناظر فيه
طلعت اجهل من الجاهل = لاعلم تاخذ ولاتعطيه

يازينهم يوم حيوبه = حتى المقصر لحق معهم
مبداء لهم ذاك نادوبه = الله على خير يجمعهم

بكتب يالين الفؤاد يشيب = والاعيوني معاد اترف
اما يكمل على التعذيب = والاعلى حاتي يرأف

ابعد عن الظن والتشكيك = حلك مع الود والافراح
ماغير سكر وضغط يجيك = وينهد حيلك ولاترتاح

يازين اصبر على مافيك = لاتشتكي للعرب همك
احد0ن)فرح بالهناء ياتيك = واحد(ن)فرح لاسمع ذمك

كلا(ن) كتب والثناء جاله = زايد عن الناس في سطرين
يارب لاتخيب اماله = ولاينحرم لو بنظرة عين

عاما مضى وابتدى لي عام = عامين من عمرنا مرت
مدري نحصل لقاء قدام = والاكذا ايامنا قرت

الشوق لازاد شسبابه = ولاقل ايضا ويش الاسباب
ياعارف الحل وادرابه = عطني افاده عن اللي غاب

بشار محد(ن) منه سالم = ماعنده الابشارة سو
يارب يرحل عن العالم = وحنا نقله عليك اتفو