اللي انكتب ماتغير فيه = خذها نصيحه وشجعنا
راع الوفاء بالوفاء نوفيه = والاش مايرتقى معنا

مهما تسوي معاد احن = قسيت قلبي من افعالك
انا الذي كنت يوم تون = اوقف وروحي تاوألك

جرح الموده اذا طول = ايسير عندك تبلد حس
واللي مع الروح متجول = يمسي ويصبح معاه النحس

ماعاد بكتب ولاكسره = ولاظم صدر الحبايب ظم
عهدي بها ليلة النفره = وللان حظي بها مالتم

بكفوفها تمسح ادموعي = اللي من العام مخفيها
حتى تغيرت في طبوعي = والنفس زاد الهناء فيها

منهو يعلمني الكسره= والاعليه يلحنها
لي نفس تشتاق لسهره = بس الحياء احيان يمنعها

يابو مبارك نصيحه لك = من شخص عنده لكم مقدار
ابعد عن اللي في امره شك= يرميك بين العرب فالنار

ياصاح اسمعك واجلك = واعزف معك اجمل الاوتار
الكبد ماغشها غشك = مالد في خايب الاعمار

ان كان اسمع خبر انك = عايش حياتك هناء وافراح
ياسيد لا ختلف ظنك = انته تبسم وانا ارتاح

ذقت الفرح والسعد عشته = في عام واحد وعني زال
اليوم من بعد ترجمته = من فرحتي برفع الموال

حبيتها لين شوشتها = صحيح ان الغرام اجنون
واليوم بانت حقيقتها = تلعب على قلبي المفتون

نيران في داخلك تصلى = وانته تكبر امانه ليه
لو كان بين العرب تسلى = كل الادله تدين البيه

الله خلق في العرب اطباع = وفي ناس من طبعها تعجب
ويش رايكم في رجل سماع = وعن ملتقى الناس يتحجب

سلام لك ياوفي المد = يامن لكم تشهد افعالك
ادعي لكم باشفاء ياحمد = والعافيه دايما فالك

موت بقهر ياحويسد موت = وبنار غلن توقدها
يبقى الحسد داخلك مكبوت = ياكل اجورا تعددها

حذراك يدري عن الللي سار= واللي حصل في علاقتنا
اعرفك مثل البحر غدار = من زود حرصي لاتفضحنا

لاعاد تكثر عليه النوح = انا نسيتك وسامحني
القلب روح مع المملوح = اللي لقيته وريحني

راحت فرنسا ولاظني = ترجع بعد شافت الشقران
ماهو كما حالنا يعني = اخدودهم كانها رمان