سالم البشري=
سلام يسمع صداه الكل=عاجل للاصحاب نبدابه
قدّام شهر الصيام يهل=بالخير ونعيش فرحابه
حرب=
ترحيب من خاطرٍ مامل=باهل الوفا ماله مشابه
قدّام شهر الصيام يطل=بالخير والكل يهنابه
سالم البشري=
دام البقا والوفا ماقل=يزيد كل يوم فحسابه
ياحرب نبغى المثل يحتل=صدارة الحرف فكتابه
حرب=
اللي على ساس مايختل=مبناه وانتو فمرقابه
ولاشي غرابه اذا نوصل=بحرف المثل عالي هضابه
سالم البشري=
سؤال عندي بحاجة حل=يابو عمر وانتظر جابه
ليه العشم في ثقاته ظل=يوم الوفا فتّح ابوابه
حرب=
قبل الإجابه عليك 00أسأل=حيث انّك الوضع تدرابه
ياكيف هذا الأمر يحصل=من قدّم الطيب يحضابه
سالم البشري=
الطيب عاداتنا منهل=راع الشهامه تروّابه
واللي رأيناه ما يُعقل=من غير مانعرف اسبابه
حرب=
هذا الذي عنه مانجهل=ماصار لجل ايش تشقابه
بعض المعادن تجي تصقل=ماتسام0وتكون جذابه
سالم البشري=
ماهو شقا مير مستعجل=راع العقل ما تقدّابه
والخوف بغداد والموصل=تروح في طوشة احزابه
حرب=
ياسالم .المنطق الامثـل=اللي معـه عقـل هـلّا بـه
والمشتقي خطتـه تفشـل=دون الهدف ناس حرّابه