يامن قتلت الوفا واقفيت = واليوم تبكي على رفاته
ماعاد تنفع لكم ياليت = والغدر هذي نهاياته

لجل أنتا غير وحبك غير = ومالي على بعدكم طاقه
ياحب يامشغل التفكير = الروح بالحيل مشتاقه

غادر زماني شوي وحن = جرب ظما راحة كفوفك
رغم ان عقلي بعدكم جن = عاجز عن مساير ظروفك

عامين مرت وانا محزون = اكفكف الدمع بيديه
والقلب كنه على كانون= والسبه غدر البحر بيه

اصبر واكابر وانا مجبور= والنار في داخلي حيه
اساير الوقت انا مقهور=واشم عطره على يديه

ياللي حنانك كما الينبوع = مازلت أغليك واودك
أضماك وأشتاقلك واجوع = وازرع لك الورد في يدك

مابينها صحوتي والنوم = في البال حتى وأنا غافي
ياعين .. لا .. ماعليك اللوم = مادام ودك معك وافي

ياصافي القلب والمعدن = حلفت عن ودكم ماتوب
ياكم لسانك لنا اعلن = عن ودنا والغلا مطلوب

قلبي تعدى حدود الود = واليوم في حبكم يسبح
مابين جزرك وبين المد = ينام في حبك ويصبح

أن غبت عيني آلم تبكيك = ياسيد روحي ووجداني
أموت في حبك وطاريك = ومسكنك في وسط الاعياني

ياليت اللي ذكرته كاااان = قريب لنفس يشفيهااااااا
ياكيف فعل الزمن بي خااان = والروح خابت هقويهاااا

القلب يشكي آلام وغيض = وجروح بالخوف نزافه
ياكم اذكر ليالي القيض = وعيون بالدمع شفافه

شهرين والروح محتاره = في طبعكم ياغلا روحي
متشوق القلـب لبشـاره = تشفى بها خافي جروحي

أشعلت لك مهجتي شمعـه = وفرشت لك بالطريق ورود
ومسحت من عينك الدمعه = عسى هذاك الوداد يعـود

ياكم لأجلك ذرفت دموع = والروح من حزنها ذابت
والقلب من غيبتك موجوع = وشمس الهنابعدكم غابت

يامن شكى قسوة الايام = وجروح في القلب يخفيها
لو الفرح والسعد ينسام = أبيع روحي ولك أشريها

اللي كتب بالوفا بيتيـن = وأثر على كامل أشجوني
أخاف شوق الغلا لايبين = ويفضح بها سد مكنوني

رسمتني بريشة الفنان = وبالروح والعين تفداني
احلف أنا بربي الرحمان = ماغيركم دش وجداني

ياللي معي ديمآ حاضر = وأسهر ليالي أفكر فيك
لاتتعب النفس والخاطر = بنور عيني ياخل افديك

عيني هجرها لذيذالنوم = من بعدكم يانظر عيني
وكن الدقيقه تمر بيوم = خذني معك لا تخليني