يدور الوقت والدنيـا تجـارب=وكل انسان له هجس ومـآرب
احد ماصارع الوقـت وعذابـه=واحد ماذاق صافيت المشـارب
تشاوتنا الليالي شـوت كـوره=ولا تعرف قدر لحيـة وشـارب
تدور أبنا الليالي فـي رحاهـا=وتصعقنا مثل صعق الكهـارب
احد يرجو النجاتا مـن يديهـا=وهي تاكل على وجه وغـارب
تحل أبك المنيه وانـت غافـل=بشرق الارض والا بالمغـارب
تجيلـك لاومرهـا الله تجيلـك=ولو تهرب فما دامـت لهـارب
طويت البيد واتعبـت الاصايـل=وضربت البحر ببطون القوارب
مسيرة عمر واحداث وغرايـب=شواهدها عطيبـات المضـارب
ارد سبـور بقعـا لا نوتـنـي=وجاهدها مثل جهـد المحـارب
اخذت من التجـارب ماكفانـي=لو ان الموت من بعض التجارب
وعرفت اشكال واجناس وبدايد=وفهمت سلوم مستعرب وعارب
فلا تغتر مـن ضحـك الثنايـا=ولا تتـرك يدينـك للعـقـارب
فلا هـمٍ مثـل هـم الديونـي=ولا ضيمٍ مثل ضيـم الاقـارب

اخوكم ومغليكم : ابو فـــراس القبع

فــــلا هــــمٍ مــثـــل هـــــم الـديــونــي
ولا ضـيــمٍ مـثــل ضــيــم الاقـــــــــــارب

صح السانك وإعتلاء شانك
قصيده جزله
لك تحياتي