|
التركيز يابوهليل ماهو بالحيل ولك عليه
|
انا حاط الغز في حاجه ماتتوقعها وبسيطه جدا ولاحدن سبقني عليهه اتوقع وانا مادري ومعروفه والاسما معروفه وكبار ياوجودك
|
اقتباس:
من دون قصور بباقي الربع يابو هليل ..عند الله ثم عند وجودك يكفي ..لأنه هو فهم اللغز واللغز على الفهم ... وعند رمعة على قد فهمي وش رايك (بالأصل والصورة من الورقة) |
اقتباس:
وإذا ماذبحوه الاخوان أنا بنام وإذا صحيت بخلي هاللغز شغلي الشاغل والله يعين وانا اخوك وعسى الحل يطري على البال |
مسا الخير على الجمع
ؤش رايك يابومشعل بلخاريطه العسكريه والخريطه العايديه ولا اصوره وانقتف حق اصوره |
مالك لوا يابو عزام
|
ولد الحصني هلابك والرمعه مالك لوا وانا متوقع ان هالبنتين بهذلنك وقت فات
|
نوم الهنا والعافيه ياوجودك
|
اقتباس:
تصبح على خير أنت والاخوان الموجودين |
طيب ااصوره ونقتف الي تنسخ منه اصوره
|
قالها ابو عزام قبلك يالبناخي انا وضحت لك الله حاجه اكيد انها بهذلتك يوم انك صغير
|
ابوهليل ماتكون ألأبرة للخياطة والثانية للتطعيم
|
بهذلني وقتن فات وهلحين تصبحون على خير ياربع
|
مسا الخير يامتعب مالك لوا طال عمرك
|
اقتباس:
|
يفدك الش يابو مشعل عندي مرماع المروه والبرديه
|
الله يعين يابوهليل وجااااري التفكير
|
اقتباس:
أبوهليل الله يمسيلي هكالوجه بالخير..ويخليك لنا ياشايبنا أبنشدك عن كلمة (ماتنتلف)؟ هل هيا تعني مانقدر نلفها (ندورها) أو تعني نتلفها (نحطمها) إذا مايأثر على اللغز نرجوا التوضيح؟ وشكراً وعندي رمعة وش رايك بحصاتين الرحاء |
اقتباس:
معناها ان البنت الثانيه مجردشكل بمعنى هيكل ورغم ذلك مانتلفها تضل موجوده |
مساك الله بالخير ياشايبي
والله إني افكر في اللغز من امس ومانسيته وقلت ماني رامع رمعه إلآ بالشرح حتى لو كانت غلط وجيتك برمعه والله مدري لو تعدت اللغز القرعه والصلعه أو الثعلبه والصلعه وبشرح رمعة الثعلبه والصلعه وشرحها يطابق شرح القرعه والصلعه انشدك عن بنتين بالمعنى سواء الثعلبه والصلعه كلهن يدلن على حت الشعر والجلد يكون مافيه شعر الشكل واحد والاسامي تختلف شكل الثعلبه مثل شكل الصلعه والاسامي اختلفت اسمائهن مشهوره ولا فيهن غواء كلن يعرف اسم الثعلبه والصلعه وحده شكل لاكنها ماتنتلف ومعنى تنتلف إنها تبقى موجوده الثعلبه بعد فترة بسيطه يطلع الشعر فيها والصلعه يبقى شكلها كما هو وتبقى موجوده |
انت قلت الثعلبه والصلعه اسمين مختلفبن لاكن البنتين اسمهم واحد وشكلهم واحد لاكن الفرق ان هذي تسمى باسم وهذي تسمى باسم اسم مركب ياوجودك زي ماتقول فلانه الفلاني وفلانه العلاني
|
يعني زي مانقول شنطة المدرسه وشنطة السيارة
|
ياوجودك شف لغز ثامر الحصين اتوقع ان لغزي ولغزه سو الحل واحد
|
ياوجودك استاذنك اذا اذنت لي باحل الغز وشرايك طال عمرك
|
يابو هليل عندي رمعه اخيره واتمنى لها التوفيق
وإن لم توفق الرأي لك أنت والاخوان وش رايك طال عمرك في علبة الببسي القزاز وعلبة الببسي البلاستيك القزاز تبقى ولا نتلفها عشان نعبيها ثاني مره والعلبه البلاستيك نرميها |
ياوجودك حل الغز الام القمريه والام الشمسيه
انشدك عن بنتين بالمعنى سوا (لام ولام)الشكل واحد والاسامي تختلف ولايوجدفرق بين الامين بالشكل والاسامي تختلف هذي اسمها لام قمريه وهذي اسمها لام شمسيه اسماهن مشهوره ولافيهن غوا شمسيه وقمريه وحده شكل لاكنها ماتنتلف الام الشمسيه تكتب لاكنها ماتنطق ولايمكن تحذفها اذا اردت كتابة الشمش او السيف وهكذا هذا جواب الغز ياوجودك وهذا اخر لغز انشره بالملتقى للمعلوميه والمثل يقول باب يجيك منه ريح سده واستريح |
ليه يابوهليل ؟؟؟
آخر لغز تطرحه !!! إن كان جاء مني شي يابوهليل فأنا طالبك السموحه يمكن بدر مني شي يزعلك بدون قصد مني وحرام بالله إن لك معزة يابو هليل مايعلم فيها غير رب العزة والجلال |
اانا استاذنك ياوجودك فقط لاتروح بعيد الله يطول بعمرك لانك عندي غالي انت وبعض الربع
|
أبو هليل صباح الخير ...وصــــــــــــــــــــــــــــــح لسانك على الفكرة وهندسة مخطط الفكرة وتنفيذ بناء الفكرة حتى وصلتنا لغزاً بهذه الروعة والكمال والكمال لله ... لغزاً لاغبار عليه مفقد ومنقد ... كما أشكرك إنك لحقت على مخي قبل يضرب فيوزه من التفكير .. كما أتوجه بالشكر للأخ ملك الحلول وجودك يكفي إصراره على النيل من اللغز كما أرجوا من الجميع تقبل النقاش والمداخلات والإعترضات بصدر رحب لان كل شخص له وجهة نظرتختلف عن الآخر وهذه من الصفات الذي خلقها الله بالإنسان تميز بين شخص وآخر .والإختلاف بالرأي لايفسد للود قضية . فنختلف بأرائنا وبعد النقاش يتضح لنا اللبس ونتحد على الصحيح ونتراجع عن الخطأ .. كما أرجوا منك أخي أو (شايبي) أبوهليل أن تقبل إعتذار أخيك وجودك يكفي ..وأشكره على تجاوبه بالإعتذار وهذا من طيب معدنه وقبولك من سماحتك .وأعتبروني أخوكم الأصغر الملقوف وتدخل بالموضوع ..... وشكرا للجميع شيبا وشبانا |
هلا بك يابو عزااام وبيض الله وجهك وانا اخوك على كلامك الطيب وهذا من طيب اصلك ولا هي غريبه عليك انت حر ولد حر والله يكثر من امثالك ولا يحرمنا منك ومن الناس إللي مثلك وشرواك
وانت مثل ماقلت وتفضلت أخو عزيز وغالي وبالنسبه لأخونا ابوهليل لو أدري إني مزعله بشي حاس في خاطره والله ثم والله إني لحب راسه لين يرضى وإذا مارضى ارسلتك يابوعزااام أنت والاخوان جاهيه مانقدر على زعل ابوهليل عسى عمره طويل وربي يحفظه |
الله يطول بعمرك ياوجودك اقسم بالله انك عندي غالي والي مثلك وشرواك لايمكن باي حال من الاحوال يغلط والحقيقه ان وجودك يكفي الله يبيض وجهك ونعم والف نعم البيضا ترفع لك على حسن اخلاقك وحسن منطقك وانا موجود مشارك بالحلول ياوجودك
|
الاخ ابوعزام
بيض الله وجهك على ماقلت والشهاده منك تكفيني يابو ياعزام شهاده منك ترفع الراس لاني اعرفك لايمكن تجامل والي عنده نقد على الغز يتفضل مستعدلقبول النقد بصدر رحب انا بشر معرض للخطا والصواب الكامل الله سبحانه وانا لايمكن اقدم الشي الهزل حسب وجهة نضري والراي يرجع للجمهوربالي اقدمه |
الله يبيض وجهك يابوهليل ويرضى عليك
والله يديم الود والمحبه والاحترام احترامي طال عمرك |
ابو هليل اللغز جميل ومليان وفكرته رائعه ولا عليه مداخيل أبد
ولكن بقولك شي أنت واخوي أبو عزااام أنا من أول ماقريت اللغز راح تفكيري للحروف وأشياء تخص الكتابه والرسم ورمعت أول رمعه الواو والضمه وقلت إذا قال ابوهليل رمعه جيده بقول الياء العايدية وياء البطه وإذا قال رمعه جيده بركز على الحروف وحركات التشكيل لأن من البداية فكري كان مركز على الأحرف وبعدها مسكت خط ثاني ورحت افكر بأشياء اخرى ولا اخفيك إن ألغازك يابو هليل أتحمس معها حماس غير طبيعي واللغز مافيه كلام جزل وثمين ومن أروع الألغاز |
اخوي ابو هليل انا طلب ها لخشم ماتقطعنا من ابداعك والله يابو هليل ان الي انت
شايف وحاس شايفينه وحاسين فيه ولاكن من شان حرم تكرم مدينه ولانشوف الخطاء ونسكت ون تغاضاء ولاكن يجبرنا على المشاركه ارجال الطيبين مثلك وشرواك ولا كل يوم فاقدين واحد من اخويانا او توقفه عن المشاركه وهذا مايصلح وادارة الملتقى ماتعلم عن بعض الخطاء ولا ماترضاء ذالك ولاكن انا طالب هالخشم ماتخلينا وتقبل تحياتي |
ابشر يابو طلال ابشر يابو طلال غالي والطلب رخيص الله لايهينك وبيض الله وجهك انا لولا الي مثلك وشرواك ماتعبت وقدمت افضل مالدي من الغاز في هذا الملتقى الي يشرف وجود الرجال فيه ولا انسى كل الشكر والتقدير للمشرفين عليه الله يبيض وجيهم ويعطيهم الصحه والعافيه |
مساء الخير على الجميع صح السانك يابو مشعل على الغز الوفي اللي ما عليه اغابر
وترى الغزيالبناخي مايعيبه يوم ما توصلنا اللا حله وعزلله اني خلصة المدرسة ما فرقت بينهن وليهلحين ما فرقت بينهن |
الله يقدرك ويجزاك خير ويجمل حالك
وياخي انت شف الي يطالعونك مشاركتك ولمشاركين ويقنعك ذلك تقبل احترامي |
بارك الله فيكم وجمعنا معكم في الدنيا على المحبة الوئام والتفاهم والطاعة فيما يرضي الله عز وجل وفي الآخرة يجمعنا معكم في دارالكرامة مع نبيه صلى الله عليه وسلم وصحبه الكرام وبيض الله وجوهكم جميعا ً القاريْ والمشارك. |
يابو هليل صح السانك وبيض الله وجهك
اللغز وارد ميه بالميه ولافيه كلام ولاحنا سامحين لك ولا غيرك ان يترك المنتدى والربع ماقصروا ويحرصون على مثلك وشرواك |
الساعة الآن 04:01 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir