|
انا رفعتك عن جميع المخاليق=حطيت لك عند المجرة مكانه هذا المكان الي زها فيك ويليق=ملكت قلبي واعتبرها ميانه محد بقلبي يا الغلا غيرك يويق=انت الذي لك ميزتك والحصانه في سيف ودك لو تحش المعاليق=كيفك ترا قلبي معاكم امانه ماضنتي من ودكم يوم بيفيق=لوجار وقته وشتكا من زمانه مايندرق لو كثرو با المداريق=كم واحدً يركض وزاد اعديانه لكن فنجال الغلا معه ماسيق=شرب مرارة خيبته والاهانه وانتم على عد الغلا وردكم سيق=يشرب قراح الود والوقت عانه صفيتلك صفية قراحً اليا ذيق=لاشربه الضميان روى اضميانه ابيك تحفظلي عهود ومواثيق=عهد الغلا بيني وبينك بيانه ياحريسكن عاليات الشواهيق=رفيع قدر بناظري عن اخوانه الله يسهلك جميع الطواريق=دعوة محب طال فيه اشقيانه |
ليت الغلا كلمة إ لى قلتها تروح=يمدي جروحي من جروك تشافت مار الغلا روحً تعانق لهاروح= مافي يدي حيله و لآ انفس عافت ارجوك صدقني إلى قلت مجروح=صدق عيونً غير ودك ماشافت ولامزنةً خالات ولا بارق يلوح= ونفسً لودك ياهواء البال هافت ليتك تصارحني وانا اقول مسموح= وتزيل صمتً منه الارواح خافت شفت الغريق اللي تعلق على لوح؟=يشبه الروحي كان نفسك مارافت مهو بكيفي لجل اجافيك واروح= النفس عن غيرك من الخلق نافت صرحت في ودك وانا صادقة بوح= وصديت عن ناسً عليه تلافت تعال صارحني بلاحكي ومزوح=ليه المشاعر يم شخصك تهافت؟ انا السبب! والانت؟ يامبعد الشوح= ياللي عليك دموع عيني تقافت
{{......كحيلة حرب...}}=
|
ياباب وين اللي سكن دارك العام=العام قبل العام والعام قبله ياباب ياما احثلك سير الآ قدام=وياما تعَبت رجلي على شان نبله ياباب هم القلب يرزم ترزام=وقف على حيد الطويل وقنبله وردت صدى صوته ضلوعي تهضام=توقد على قلب العنا وتحطبله ياباب لمريتكم شفت الآعلآم=وذكرتهم والعين با لدمع سبله ياباب دمع العين با الخد وسْام=من عقبهم دمعي غشاء الجِيب وبله لشفتكم ياباب زاد/ن الآسقام=في وسط قلبي زادت أجروح دبله ياباب تفتح في جهه نيتْ الشام=وأنا إلى مريتك أروح قبله ياباب ياقع خلفك الشارع العام=غصبً علي آمر والروح ذبله ياباب لمريت منظر القدام=اخاف عيني ترسل إليك شبله وتجدد أجروحً تجدد لها أعوآم=أخشىَ على قلب العانا وحسبله ياباب ليت العمر يقسم إلى اقسام=إن كان كل اللي بقي منه أهبله مار القدر مايشاور الخاص والعام=يمشي بِنا على حسب مانكتب له |
سلبت قلبي وانجبر يكتب البوح=سطر غلاك بجملةً من احروفه يا من ملكت القلب والعقل والروح=دخيلتك انكان بقلبك مروفه ارفق على قلبً من العام مجروح=جرحه عميق وقاسياتً اضروفه لاتجبره يكتب حروفه من النوح=عندك خبر كل الامور معروفه ارفق عليه وداره بصدر مشروح=امانتك شف له بعرفك صروفه تراه عناني وهو منك مذبوح=يا من عليه الروح شفقا و شغوفه اكذب عليك ان قلت بنساك واروح=كذبي على نفسي بعيني تشوفه دليلها دمع/ن على الخد سافوح=إلى ذكرت اسمك تزايد ذروفه ياغاليً لك با الحشى بيت وصروح=شيدتهن من دون جهد وكلوفه مسمو ح لوتقسى على القلب مسموح=ياغلي/ن يفرق عن الغير نوفه تراى الخطاء بين المحبين مدموح=انفوسهم على السماح معسوفه يافوح صدري من عنا بعدكم فوح=فوح الدلال اللي بجمر محفوفه اخفي العبرات والعلم مفضوح=من ناظر بو جه المشقا يشوفه وختامها مسك /ن معتق ومنفوح=من غاليً مده لكم في اكفوفه |
لوانتها موج البحر منتها الود=وشلون أبنهي من ودادك كياني ياللي نهبت القلب لد النظر لد=اذكر حبيبً عاش فيك الآ ماني انكان ماتقدر على البعد من جد=اثبت كلامك في صدوق المعاني عني انا منساك لو تاصل الحد=..انسى هلي واللي قريبً وداني اكبر دليل ادموع تذرف على الخد= كم مرةً دمع العيون يغشاني حفظت عهد الود مابحت بالسد=والله لموت ومادرا.. مودماني عليه في قلبي حراسه اتشدد =خفير ودك ثابتً با المكاني وضابط خفر لوزاد موج الغلا شد= يستدعي القوات بربع ثواني كل المشاعر جيشها لك مُجند= وخفر السواحل سد كل المواني يعني كذا خذ راحتك وانت سيد= إلا مليك مؤيده برلماني الشعب يهتف في جلاله وينشد= عاش المليك اللي زمانه زماني ياغاليً عليك قلبي توجد= لهفة شعوره زاد فيها الهفاني الله عطاك الود من قلب ماود= غيرك ولا يقبل من الود ثاني صدقت لك والحرف حاضر وشاهد= لو تسأل القيفان قالت فلاني تم الكلآم اللي حروفه أتردد=ود النقا يعيش طول الزماني |
لك ودادً عانق متون السحاب=في علو القدر وصدوق العهد ليت ربي ماخلق حب وغياب=ولاخلق فرقا تهد من الجهد ياحبيبً وصفكم فوق الخطاب=عجزت الاقلام تاصف والمدد استمد الود قوه من شهاب=في خفايا الروح زلزل كا الرعد ايه احبك حب مايقبل عتاب=وايه اودك ود ما يوصف بعد ياعنا روح المعنا والصواب=يا صوابً فيه لذات الشهد استبيحك عذر يا عال الجناب=يا حلي الصقر ياطير الهدد اشهد انك مالكً قلبً مُهاب=غير ودك ما شرع بابه لحد كل من مره كما طارد سراب=لآوقف عنده ولآشاف السعد لكن انته لك فتح مليون باب=كل باب يقول وينك يا.....؟؟؟ انسكب لك صافي الود انسكاب=خذ قراحه يا بعدهم يابعد يابعدقلبً من الفرقا مذاب = ذاب ود وشوق وحساس وسَهِدَ لاتسأل ليش؟ هذا الانتداب=لن طبع الحر يافي با الوعد والجواب ان كنت تبغا للجواب=قبل تدفن غاليً وسط الحد انكتب ودك قبل كتب الكتاب=قبل نفخ الروح في هذا الجسد يعني انا ونت مانملك خطاب= حكمةً من ربي الواحد آحد |
يا قلب جاوبني على حرف معناك=ولاحروف القاف عندي كثيره وشبه زماني كل يوم يتحداك=جار الزمان وجورته لي كبيره حظ الردا يمشي على غير مشهاك=خلى الليالي في عيوني غبيره انشهدان الحظ مايوم باراك=طول الدهر يمشي برجله جبيره وانا عجزت اقول وشفيك وشجاك=حظي وعرفه مثل هرش الحظيره احيان اقول انه فقد كل الادراك=وحيان فاقد للبصر والبصيره إذا بغيت الدرب يلف مناك=غير طريقه وختلف لي مسيره |
لعب بقلبي لعب عازف ربابه = ولا لحن عود طرب للمحبين يافرحتي كان القدر لي لفابه = وعزي لحالي كان ضمن المقـفين افرح بشوفه مثل رش السحابه = على الديار اللي اهلها محيلين شافوا لهم برق(ن) بليلً سرابه = وتباشروا مابينهم من بعد حين الغالي اللي صادقً في جوابه = غالي ولا مثله مع الخلق غالين ماله حلي (ن) في قبايل شبابه = ولا مع السبعان ولا القحاطين يشبه لحرً عند سلطان جابه = نادر حرار(ن) من وكور الشياهين لاصفو الطابور خلي مشابه = ماهو من عيال الرخم والرديين حربي وانا من حرب عز ومهابه = اهل الكرم اللي على الطيب وافين جزل المعاني تستعد لجنابه = تـدبـل تحـيـتها تـرابـط وتـلحـيـن ماهو امير ولا ملك ينحكابه = لكن ملك قلبً يبونه ملايين سجل نحبه واستلم له خطابه = وختم برمز الحب صورة القلبين مكتوب تعرف المحبه كتابه = هي التوالف وانسجامً الروحين والود من عهد النبي والصحابه = ماينكره يا ناس غير الرديين |
ياليتني فنجال بُن بيمينه=او ليتني سبحة معه وين ماراح او ليتني مابين رمشه وعينه=ويشوفني ماينظر الكل ملواح وياليتني بين المضرة وبينه=عند الخطر نفداه في بذل الارواح الغالي اللي با الغلا ماأمنينه=عسى ليالي صاحبي كلها افراح عسى السعد دايم وهو في جبينه=يحميه ربي من خطر كل مشفاح لاغاب ساعة قالت الروح وينه=اشتقت له كنه من العام مالاح شوق اليتيم اللي فقد والدينه=يقطع نياط القلب صوته إلى صاح مابين عم وعمته حاقرينه=يمسي على ويله ويصحي بالاصباح وانا على فرقاك دايم حزينه=ياشينها فرقا على القلب تجتاح ياغالي/ن/ لك الغلا صادقينه=عندي ادله لو تبي زود ويضاح جاير غلاك القلب بيح كنينه= خلاني اكتب شعروازيد الافصاح يخشى على قلبي يودع وتينه=لولاي اكنه با التماثيل قد طاح تعال وسمع ونة/ن/ من ونينه=اغديك متلومه إلى قال ذبااح |
انشهد اني من عرفتك تغيرت=معاد يغريني من الناس مخلوق منولٍ لاشفت حاجة تأثرت=احب طلعات المشاوير والسوق واشري من الماركات واقول قصرت=والبس مديلات السنه ما بها عوق وابسط إلى مني على الغير سيرت=واضحك على كل المخاليق و أروق لكن بعد عِرفك على حالي أثرت=صرت أنظر الدنيا مثل فتحت البوق واقول وشهي ماركات وتكبرت=هذ كلام مخالفٍ لاي منطوق ماعد يملا عيني إلا انت لآصرت=قدامها يامن سرق قلب مسروق قد قلتها مليون مليون كررت=صوتك يببد وحشتي والغلا فوق أرفق على حالي تراني تكدرت=يامن غلآه بخافقي شاقني شوق مالك حليٍ با البشر وين ما ابصرت=لك مهجتي والقلب والعمر مسيوق اجمل صفات الخلق بك لاتبصرت=صدوق صادق للموالين ماثوق وإلى بغيت الطايله ما تحيرت=مكانتك با المجتمع شخص مرموق يامنوت عيون الغلا وين ماسرت=قلبي تلاك برفق رافق ومرفوق انت اللذي ياود قلبي تخيرت= وانت اللذي من بد الاحباب موثوق لك ود روح الروح يا روح جيرت=من قلب صافي مانوى بالغلا بوق |
لا واهنيك ياطيور النوارس=إليا بغيتي ديرة/ن/ ما تردين بين الشواطي رحلتك والغوارس=وبسفنهم دايم تجين وتحطين رحتي وجيتي من ديار الفوارس=حتى على جزر القمر والفلبين وانا عليّ المجتمع صار حارس= يحكم خطاء لو ما لنا با الخطاء شين بين الحسد واللنم تضرس ضوارس=هذا يحب وذاك ضمن المشقين وهذا حياته بين قوسين خارس=متحكم/ن/ فيه الغضي داعج العين هذا تخصصهم اسنين/ن/ دوارس=حكي الفراغ وركض وراى المقفين ماحسو بقلبٍ شكى برد قارس= فرقاء غلاه ودمعة/ن/ حفت العين على حبيب/ن/يفتداء بالف فارس= عندي مكانه فوق عن الرديين له الغلا بين البطينين غارس=وله الحشى مسكان وايضا بساتين عليه قلبي دق كل الجوارس= دقة جرس كنيسة/ن/ للمصلين ياناصر السبعان ياعقب فارس=ليه العرب تنظر خطى للمحبين؟؟ وانته خبير وللصعيبات دارس=ياليت تفتي يازبون المخلين لاصار ود/ن/ للخطاء ما يمارس=وش كلف الحساد في دمعة البين |
شموخ القحطاني تقول= يالله فرجها على المنصــــــــابي =قلبه كسير وصـــــــــايبته الغمـــه ياكبرها الشرهه وكبر عتابي =بعثرت جـــرح ٍما قدرت المـــــــه واجريت دمع وابله منسابي =طاح بكفـوفي وانحــــــدر من قمــــه ياهيه يا محرق برود اعصابي =وقلبك دفا لي أعشقه وأضمـــــه نقشت حبك وامتطيت ركابي=ماهمني لو يجتمـــــع بي همـــــه أرويت من دمعي صدور ثيابي= خارت قواي وما بقــى بي ِهمه عــــــزاي دمــــعي والقـــــلم وكتابي =عـــــزاه لك ياروحي المنسمه وذكــــرياتٍ شلتها باهـدابي =لانها الدوى يـــــــــا روحــــي المحتمه رد كحيلة حرب= جيتك اسجل للحروف عجابي=يا بنت سيسان العرب ملتمه مثلك على راس المعزة ثابي=انتي شموخ الحرف وانتي امه إلى كتبتي حرفك السكابي=عطره يفوح وكل قاري شمه والود ودي منه قلبي ذابي=حتى غدا دمعي ملازم كمه كم أسالوني دنوتي وقرابي=وقول ابويه كان يبكي عمه هز الشعور وعز فيه خطابي=ادور الاعذار لجل ادمه والعين تفضح ماخفى والخابي=ليت الليالي تسمح لنا با لمه اغدي نغير جونا العنابي=اكتب حروف الشعر لك واليمه يم الحبيب اللي القلبي سابي=هو استحله بس وش يهمه قلبٍ نزف والجرح له ماطابي=وهني من يجلس معه وإئمه لو تحكم العالم علي اغيابي=الله عطاه الود والله تمه ومن قال مايهوا فهو كذابي=مافيه حي/ن/ ما شكا من همه شباب يشكونه غدو شيابي=يجري مع المخلوق مجرا دمه http://www.m-harb.net/vb/showthread.php?t=77054 |
إهدااا لغلى غالي= بين الشموخ وبين لحظة ترجيك=وبين الفرآق وبين دمعة حزيني آناظر الشباك وارقب حراويك=وأسأل وليف الروح وينه ويني لجل الغلا يامهجة القلب باكيك=حسبي على من حال بينك وبيني يامُرها فرقا على قلب مغليك=ويامُرها فرقا شكاها الحنيني ينساني الله كان با اقول ناسيك=يافرحةٍ في خافقي تحتويني يامصعب الفرقا ويازين طاريك=يشرح فؤاد اللي لكم وافييني ياقرة عيون الغلا وين اوديك= إن قلت في قلبي بكت منك عيني وإن قلت في عيني شكا القلب باغيك=لكن تنقْل بينهن كل حيني وارحم خفوقٍ يا غلا ميت/ن/فيك=منساك لوجارت عليه سنيني رضاك همي غايتي كيف انا ارضيك= صحيح لو اخفيت ودك يبيني ياغالي/ن/والله مخلف هقاويك=لك المكانه مثل احد والديني آمر على روحي وأنا أقول لبيك=ترخص لغالي بالغلا محتويني ماقلتها قصدي مجامل واسليك=إحساس قلبي وأكتبنّه يديني واعاهدك واعاهد القلب ووفيك=لك الموده دام هالروح فيني |
هاضت هجوسي مع هبوب النسانيس=وكتبت حرف ٍ عالي/ن/ في خطابه ياحرف وصف لي بعيد المراميس=اللي بوسط القلب جوّد صوابه انا اشهد انه عالي/ن/ با المقاييس=وانا اشهد انه من خيارة شبابه عليه قلبي دق كل الهواجيس= لا واعنا قلبي ولا واعذابه عليه من وصف الحرار القرانيس=وعليه من وصف الملوك المهابه عليه من وصف السلاح النواديس=إليا نطق في كلمته او جوابه طلقات رشاشٍ تدك المتاريس=ينهش عدوه مثل نهش الذيابه ماهو رخمةٍ هرجته بالدنافيس=جُوده على ربعه وكل القرابه يدُوس في كبد المعادي ولا ديس=عالي جنابه عن علوم العيابه في ناظري كامل تواصيف لاقيس=علو علمه في مقامه علابه انا وصفته لجل يحسب لكم قيس=مثله يود ولابها اية غرابه يا بعد فرقه عن وجيه المفاليس=اهل العلوم الهابطه والخيابه |
إن كنت تشكي كل هذا ولاثاب=وآخر جوابك كلمة الروح ملت باخبرك عن شي ماني بكذاب=والله لا اموت ولا يقولو تخلت ماني بمن تلعب على عدة اطناب= هذاك تضحك له وهذا تسلت انا المحبة عندي ارخِص لها رقاب= وبأعلى مكانة في خفوقي تعلت واخذ الخبر واقول دامه فتح باب= لغيركم سود المحاجر ماهلت انت الوحيد اللي شغف لي الآلباب=وانت الوحيد اللي له الروح تلت تعال واسكن بين عيني والاهداب= وانعم بظل رموشها لاتدلت واقطف ثمار الحب مالذ ماطاب=صاف الوداد اللي له الروح علت يامهجتي ياغايتي ياغلا الاصحاب=يانور بدد ظلمٍ منه ولت ارحم حفوق من طغى ودكم ذاب=ولاتطري الفرقا ولو يوم حلت خل الغلا مابيننا دون الأغراب=ارواح في صافي غلاه تجلت ابديت لك كل المودة والاعجاب=مع كاس حبٍ من صفا الود زلت ولا اذكر يقال إن المحبة لها أسباب= لكن يقال إن الخفوق استحلت وانت أستحليت الحشاء دون الاحباب=تفداك روحي كان كثرت وقلت تم الكلام وخاطري مابعد طاب=باقي من وصوف الغلآ ما تحلت كحـيـلة حـــرب= |
عزي لقلبي يشتكي من ضنا البين=وعزي الروحي ودعت من جسدها كم قلت يمكني ويمكن وبعدين= لكن ظروف الوقت ماهي بيدها من وين مالديت هلت من العين=عبرة تحش الروح قو ة جهدها يوم المفارق حل مابين شخصين=جمرة غضى زادت لها يب وقدها عامين وانا اشكي من البين عامين=عزي الروح/ن/حظها ماسندها تشكي من الفرقا وجور الزمن شين=قتل ثواني فرحتي في مهدها فرحت بها ناس وناس/ن/ حزينين=وناس/ن/ تطق اطبولها من سعدها اشوفهم لمزون الاحزان فرحين =اخشا على قلبي همايل بردها تبرق حمر يلوح مابين ضلعين=زلزل كيان الروح قوة رعدها رش المطر منها سهوم وسكاكين=في صدر مظلوم/ن/ تضاعف عددها وتجمهرو كل يقول الخطاء وين=سبحان من ثبت النفسي وتدها ولا البشر مخطين ولآ مصيبين =كلٍ مرده راقد/ن/في لحدها وهناك يوفي كل ديان لدين=غصب/ن/عليه بساعةٍ ما بعدها http://www.m-harb.net/vb/showthread.php?t=76608 |
لــــو اشـتـكــي وده عــلــى اثــــار الاهــــرام=شــــدت إلــــى الـتـنـهـات وتـصـيــر فـيــهــا ولـــو اشـتـكــي وده إلــــى الـقـايــد الــعــام=لـ امــيــركــة قـــــــال ابـــشــــري وحـكـمـيــهــا ولـــو اشـتـكـي وده عـلــى روس الاقــــلام=حـــــــرام مــاتــكــتــب ولا حــــــــرف لــيـــهـــا لـواشـتـكــي وده عــلـــى الـطــيــر مــاحـــام=يــــقــــص جــنــحــانــه ويــلـــعـــن لــبــيــهــا ولـــو اشـتـكـي وده عـلــى بـيــض الاروام=صــار/ن/ مــن زنــوج الحـبـش نشتريـهـا ولـــــو اشــتــكــي وده لــمــســارح الـــشـــام=صـــــارت مــســاجــد والـــمـــواذن عـلـيــهــا لـواشـتـكـي وده عــلــى الــحـــوت مــاعـــام=عـــــاف الـمـحــيــط ورحـلـتــهــا مـايـبـيـهــا ولــو اشتـكـي وده عـلــى الـمــوج مـــا زام=شــفــت الـشـواطــي سـاكـنــة كــــل ابـيـهــا ولـــو اشـتـكـي وده عــلــى ســــود الايــــام=محـد /ن/ بـكـى مــن ضيمـهـا مشتكيـهـا ولـــو اشـتـكـي وده عــلــى كــــل الاعــــلام=مــارفــرفـــة لـــــــو الــعـــواصـــف تــجــيــهــا ولــو اشـتـكـي وده [لـفـارسـت ]كـــد هـــام=سـيــر [عـلــى سـلـمـى] ويـشـكـي عـلـيـهـا ولـو اشتكـي وده عـلـى النـيـل مــن عــام=جــــفــــت يـنـبــيــعــه وقـــــــــال اقـــصـــريـــه [والمسي سبي ]صار من ضمن الاحلام=مــابــاقـــي الا جــرتــهـــا يـــــــوم اجــيـــهـــا [والغانـج ]صـار ت قصتـه مثـل الاوهــام=مــــــا فـــيـــه بــــــوذي جــثــتـــه يـفـتـديــهــا [والـبـنـدقـيـة ]جــفـــت وتـصــبــح اقـــســـام=مـافــيــه ســـــواح ن/ تـــــرو ح وتـجـيــهــا يالـلـي غــلاك يسـهـر الـطـرف مـــا يـنــام=عــيــن ســهــرت مــــن لـجـلـكـم ماعـلـيـهـا وخـتـامـهـا بـخـتــم بــهــا بـصـمــة ابــهــام=لـــــك الــغـــلا كـــــل الـبــشــر مـــــا ابـيــهــا لـــولاك مــاكــان الـشـعــر عــنــدي إلــهــام=حـــــرام قــيــفــان الــمــثــل مــــــا ابـتـديــهــا مــا نـســاك يـــاودٍ كـمــا نـقــش الاوشـــام=عـــلـــى مـعـالــيــق الــحــشــى مـكـتـسـيـهـا والـشـعـر عـنــدي خـيــل وحـروفــه الـجــام=اعــســـف مـعـانـيـهـا عــلـــى مـاشـتـهـيـهـا http://www.m-harb.net/vb/showthread.php?t=76202 |
http://aseeb5.jeeran.com/11/%D8%AE%D...%8A%D9%854.jpg
واقلبي اللي يم خلي يزيمي= مثل الحمام بدوحةٍ يوم ينزام وراه يسهجني وانا له نديمي= ما يدري أنه معدم ٍقلبي أعدام دموع عيني مثل هتان ديمي=على صدرثوبي وغطن الاكمام له ود مابين المحاني مقيمي=ماهو أسبوع ويوم له عدة أعوام شبيهه اللي صيرميٍ عديمي=حرٍ يشابه هيبته حين ما زام أنشهدٍ خلي صخي/ن/كريمي=وأنا أشهد أنه لصعيبات اللزام له منطقٍ يشبه بحد القديمي=عند اللزايم للمعادين جحام كريم طيب بين ربعه حشيمي=ترفع له البيضاء على روس ألآعلآم ياحي من مثله ومثله عديمي= قليل من مثله على المستوى العام عليه قلبي مع فؤادي يهيمي=ماغيرن وده جديدات ألآيام يالايمي عساك تمسي سقيمي= كسير ساق ورايح/ن/ساقه حطام لن الغلا مابيننا بعز أقيمي= أنقى من ألآلماس من مصدره خام يشبه لقفر/ن /عله أرشاش ديمي= ماطبه الحافر ولاداست اقدام http://www.m-harb.net/vb/showthread.php?t=80297 |
يهزني عليه شوق الغراما=أشبه بسيف بيد سلطان هزه عليه قلبي طار مثل الحماما=سربٍ سمع صوت التفق واستفزه عزاه من قلبٍ لعبه هياما=يذكرغلاه بكل وقتٍ وحزه صدق الشعور مترجمه في كلاما=وأن باح سرْ بين ألاضلاع لزه ألبست له تاج ألغلا وألوساما=من قلب صادق عز وده وعزه ياعاذلين القلب كفو ملآما=غلاه في مجمع ضلوعي ملزه وده طبع باالقلب مثل الوشاما=اختار وده دون غيره وخزه عن مجمل الغالين قفا وشاما= حاز الغلا في مهجتي له وحزه غالي نوده عالين با المقاما=مثل الجبال الراسيه من يهزه نسل الحرار الطيبين الكراما=من عزوتي يا عزوتي والمعزه ما نساه لين اطويق يرحل لشاما=والا جبل ورقان يرحل لغزه كحيلة حــرب= http://www.m-harb.net/vb/showthread.php?t=79833 |
الكلـب ينـبـح لـيـن يتـعـب مــن النـبـح=والـذيــب مـايـعـوي يـــا كــــود لغـنـيـمـه ولا الثعـالـب جـودهــا عـالــي الـضـبـح=مـافــادهــا ضــبـــح الـلــيــال الـظـلـيـمـه وبعض البشر لوتنصحه ما به الربح=يـومــي بــراســه مــثــل راس البـهـيـمـه ينـفـض امتـونـه معتـلـي قـمــة الـقـبـح=الـقـلــب مــيـــت والـمـشـاعــر عـديــمــه فرقه عن اللي يكسب الطيب والمـدح=فـرق الـثـرا ونـجـوم مــن فــوق غيـمـه يـالـيــت ربــــي لاخــلــق واحـــــدٍ قــبـــح=يـحــط لــــه بــيــن الـمـقــارن وشـيـمــه حـتــى يـمـيـز خــايــب الـعـلــم والــربــح=ويــعـــرف ردي الـمـعـرفــة والـشـكـيـمــه الـمـرجـلــه مـــاهـــي عـــزايـــم ولاذبــــــح=الـمـرجـلـة لاصــــار لـلـشـخـص قـيـمــه |
اسم الكحيلة سامين في معانيه=والشعر لامني كتبته عمرت ماأستخدمه في طعنة الظهر يا هيه=ودق فأعراض العرب ماخبرته ارفع مقامي عن دروب المسافيه=وعلو نجمي في بيوتي سبرته من حقي أكتب كل ما اريد وبغيه=ياعاد أنافدي الحياء مانحرته واللي معه رايٍ فانا الراي مابيه=وإلى طلب رايه يجيبه بكرته ماحتاج من مثله أشاره وتوجيه=وراعي المعروف مبطي شكرته وان كان تسأل كيف وشلون او ليه=اقول لك علمٍ قصير ذكرته الشعرمن عذب ألأحاسيس نبنيه=ماعذرب الخنساء ولاهي عثرته |
http://store2.up-00.com/Dec10/aBw59031.gif
شفت السحاب أللي يهل الهمايل=على رياض العشب هذاك طرياك يسقي ضلوع/ن من غلاكم خمايل=من كل ورد وزهر نبت/ن/ يبا رضاك لك الغلآ بين الضلوع أيتمايل=لا داله/ن/ عنك ولايوم ينساك اطلع معي في نايفات الطوايل=ورقى صعود وخل للعز ممشاك أنته لي أقرب من رموشٍ ظلايل=وأبعد من أبعد نجم فا الكون نسياك لك ألمعزة عن جميع ألحمايل=ولك ألغلا ياقف على باب رجواك يا ابا الجمايل كيف تجزي .الجمايل؟!=والله يا غالي فلا نلحق جزاك لك سمعةٍ مثل صهيل ألآصايل=يطرب لها قلبٍ طلب عفو يارجاك وإن كان تبغى من طرفنا دلايل=هذه دلايل سطرت قدم عيناك القاف غنالك حروفه كمايل=مثل بها صدق المشاعر لرضواك مايكتمل معناه لو مانت قايل=صدقت في ماقلت ياحي مبداك |
وادمعي اللي من عيوني تهله=مثل المطر من مزنةٍبرقها يلوح واقلبي اللي كل هجسٍ يتله=تلت قطيعٍ روحو فيه مسروح لحقت لهم خيل الطلب مستهله=وثنوا لها في موقفٍ ترخص الروح وردت عيا والنفس فيها مذله=ياحي ربعٍ مبعدين/ن/ بها الشوح فعولهم يوم الليالي مخله=يوم القبايل بين ذابح ومذبوح على الحجاز ملوك في وقت حله=بنو بها مجدٍ وعلو بها صروح وللآن مازاح الجبل عن محله=لاجيت تلقى للكرم باب مفتوح وفي نجد شربو من قراحه وزله= بادليهم ماحو من المرجله موح يشهد لهم وادي الرشا في محله=وطلال نزلو فيه والخصم مجروح هجسي من ظروف الزمان المعله=اكابد العبرة على مدرج النوح كل ما بغيت أفيق جتني مظله=مزون ألهموم اللي عن ألقلب ماتروح بعض العرب حظ الردى قاعدله=لوقام في لحظة على ألآرض مطروح وبعض العرب حظه كذا فازعله=شي/ن/مقدر قد كتبله على الوح وياقاري القيفان هذه ادله =كلٍ يواجه في حياته شقى الروح والله يعدلها رجا راجيٍ له=في قدرة اللي منجي من الغرق نوح |
وين انت يامن عن ديار العرب زاح=وين أنت يا جرحٍ بقلبي هويته وين أنت يا غالي وللروح جراح=ياللي صواب القلب منك رضيته وين أنت يا جرح/ن/ له سنين ماراح=جدد صوابه كل ما قلت ليته ليته يزيل الهم وتعم ألآفراح=أو ليت مكتوب القدر لي قريته او ليت دمع العين لاطاح ماطاح=ألآ على كف أللذي ماهتويته إن كان هم القلب بالقلب ما ارتاح=ولا هدم السور ألصبر في مبيته شفت الزجاج إلى تكسر عقب طاح=هذاك قلبي كان بُعدي نويته مايهز ودك يوم عاتية الأرياح=ثابت على بنيانه اللي بنيته ترى الغلا هو التمازج للرواح=ماهو يجي يمي وجاني وجيته!! لولا الغلا ماتسمع الورق نواح=ولولا الغلا ماقيل راكان صيته هي بنت شيخٍ مروي العلط الارماح=وهو فارسٍ ياصل للاجناب صِيته دوبك على نفسك يامن قلت نصاح=درب الخطا مايوم عمري مشيته لي المكانه فوق عن كل ضباح=معزتي للنفس شيءِ لقيته http://www.m-harb.net/vb/showthread.php?t=82699 |
لبسوها بشتها لحفرة لحدها=جهزوها للمنيه في ثواني ودفنوها والنفس يذرا بجسدها=الله اكبر ياتصاريف الزماني ثم اقامو حفلةٍ محدٍ شهدها=غير صمت وخوف واصوات السواني كانت جذوع النخل تبكي فقدها=كل عرقٍ من عروقه شد ثاني وجفت ابياره ولا واحد وردها=صار ماها دم في هاك المكاني كانت الساعة ثمان اللي بيدها=شاهده جرم القرايب والعواني وقفتّ عقارب الوقت الوعدها=عم صمت الكون لابواب المباني مالقت من مرها والا نشدها=ياجريمة كيف باصفك فبياني؟! والسعادة شيعوها في مهدها=اقتلوها وصدرو فيها بياني تارث الدنيا عقب موتت ولدها.؟=التناقض في فعايلهم دهاني كيف تارث والقتيله ما بعدها=أنجبت من عمرها لو مودماني؟ قلت هانت بان لي أمر ودها=كانت تنادي عليهم يا أخواني وامطرت سحابة يصعق رعدها=زحت تراب القبر والحد باني شفتها بيدينها تجمع بردها=وتكتب بحب البرد جزل المعاني واكتبت سطر وعجزت افهم قصدها=قالت أنا رحت لكن جيت ثاني!؟ خبريهم ما بعد ماتت بعدها=حيةٍ ترزق وتنعم با الاماني في ظلال الستر تنعم في سعدها=طابت جروح الغدر والوقت زاني وانشديهم يوم طاحت من سندها؟=منهو اللي قال ما دونك عواني? غير ربي يوم في فضله عضدها=ونتشت لنصر من بعد الهواني http://www.m-harb.net/vb/showthread.php?t=82192 |
لك اشتياقي زاد في وجداني=القلب من شوقه عجزت اضمه والدمع من عيني نزل هتاني=يشبه لنهرٍ جاري في يمه عليك ياللي لك مكانٍ باني=مابين ربعه والجميع إئمه ياعالي المنسب واقول افلاني=مجودٍ خاله وأبوه وعمه لو عنه يدري فايز البدراني=شرع بتسجيل النسب عن أمه دون الرجوع لباقي الجداني=حيث انهم في عاليات القمه بالطيبه يرجح له الميزاني=طيبه لربعه والعدو له سمه حربي ولد حربي وزبن العاني=تسابق العليا عليه تخمه لو أحمد الجاسر علم بالشاني=يمديه ولف له كتاب وتمه والان هيا يا اعذب القيفاني=ترنمي لحنك وجيبي جمه العز منزال الهله واخواني=ثابي بدورات الزمن ما همه لاقيل لك مسروح قل شجعاني=كم شيخ قومٍ غرقوه بدمه وادي الرمه يشهد معه عسفاني= تاريخهم أمجاد حرب تظمه والعذر مرسوله مع الالحاني= للي نسب حرب العزيزة همه استاذفي علم النسب عنواني =كل القبايل لنسب في كمه |
فرقاك يالغالي عليّه إشكلّه=عليّه أثقل من جبال المسماه مالوم قلبي لاشكا بُعد خله= ولا الوم دمعي لانثر صافيٍ ماه ليت الشمال وريحها لا وصلٍ له= تاضع لخط الود في كف يمناه للي بقلبي له مكانٍ يدله = محرمٍ غيره فلا يوم ياطاه اللي موازين الغلأ يرجح/ن/ له=ماله عديلٍ با الغلا غير طرياه مستيسرٍ قلبي وفكري يشله=يا عل كل الناس والكون يفداه وانا عساني يا هلي فدوةٍ له=لجله من القلب المعنى عنيناه عليه قلبي بالوله مثل دله=تفوح من جمر الغضى يوم تصلاه أصب له فنجال ودي وازله=وغير الوفاء والود ما شيء نبغاه اكتب بقيفان المثايل رضىٍ له=ولو ينكسر حرفي جبرته على رضاه هو الغلأ والود والشوق كله= وهو اللذي روحي تتوق وتمناه سيف المراجل للمراجل يسله =مابين ربعه والمشا كيل تناصاه يانجم دامك بالسما شايف/ن/له=قله وليفك صادق الود عناه لو طالت الغيبه تراه بمحله=ماغير الموقف ولآحاد مبداه http://www.m-harb.net/vb/showthread....d=1#post979230 |
تعال ناظر في عيوني إلى قلت=ان الغلا لك يا غلايه الحالك مايكفي اني با المثايل تمثلت=وإني كتبت الحرف كله رضا لك تبي دليل اكبر؟انا اقول ماقلت=إلا كتبت وكل حيٍ قرأ لك أنك وحيد بقلب من ودها نلت=مايوم كدر جوها ماصفا لك مازلت فا القمة إلي اليوم مازلت=تسكن بقلبي يا غناتي حلا لك مشيدٍ قصرك من أحجار با زلت=يشبه الشبرى في تصاميم ذالك ان اجنبو ياود في ودك أشملت= مالك شريك/ن/ با الغلأ لو خيالك انت الوحيد اللي لقلبي تسللت=وقفلت بيبان الغلآ عن مثالك ياما على شانك صبرت وتحملت=وياما على شانك تهون المهالك مايوم عنك يا غلايه تشاغلت= وانا بعز النوم قولت هلا لك لاناشده عنهم ولا عنهم سلت=حبل الغلا موصول وصله وصالك وانا معك با الود ياود كملت=واحكم على قلبي مثل ما بدالك |
رجان فك الصوت لكي تسمع المقطع ياحرف ودالـعـلـم يـمـه ونـبـه=قله تـرا مـن دونكـم مالنـا احبـاب يارب يذكر شوقنا له ياربه=ويذكر غلا قلبٍ له اسنين منصاب أشتاق له شوق النسيـم المهبـه=لوغاب طيفه با الغلا يوم ماغاب اطفي وله قلبي وقلبي يشبه= قلبي يقول الناس من دونه اغراب انشهدٍ وده بقلبي لعبه =لعب الغرير اللي عل سدة الباب يجمع لاعبيبه وينثر العبه= داله ولاهمه من الناس مرتاب صب الغلا في مهجت الروح صبه=وسقاه كاسٍ ماشرب منه شراب صافي غلا قلب العنا من مغبه=ماناظر الغيره ولا قيل كذاب ياطب شوق القلب يا طب طبه= اسكن بعيني والذرا سود الاهداب لك مجلس وسط الضماير يشبه= يشبه مجالس خادم البيت وحجاب غالي على قلبي ومعطيه ربه=وإلى عطاك الله لك الزمن طاب http://www.m-harb.net/vb/showthread....859#post998859 |
له مقام الثريا عز هاك المقام=وله مكانٍ معلي بانياته يديه سيدي مثل حرٍ طب جول الحمام=فاالمجالس كلامه مثل نقد الجنيه كل من سمع قوله قاله يا سلام=احترامٍ لقدرة وحترام الوجيه لاتقولون هذه رايحه به عدام=العدام الحقيقي كانني ما افتديه هو مثال الرجوله في وصوف الحسام= كف كفه على العليا مقام النبيه استلم قلب خله في يديه استلام= ياحلالي حلاله يحكم اللي يبيه وصف حبي لشخصه مثل وصف الزمام=فوق خدٍ زهابه ويل من يهتويه ان تبسم غزال الريم وبل الغمام= البرد في يدين ا سغيرٍ فرح بيه وكان طرقٍ يصف الجيش طابور عام=عرض هتلر الجيشه في رموشه شبيه هل اكمل وصوف الريم؟ ولا حرام= اكسر نفوس ناسٍ غلها تغتليه كنت اشبه غلايه يا عرب ما الام= زاهي /ن/في غلايه لي غلاه ازدهيه لاتلومن قلبي كان زاد الغرام= المقاسيم من رب الملا نعم فيه ايتحلا بعيني حضرٍ لو انام=ياهل العرف قلبي باعني مشتريه لبسه ود خله باالمحبه وسام=مثل نوط الشجاعه فوق صدر النبيه من عيال الشيوخ الطيبين الكرام=وارث/ن/لشجاعه ورث جده وابيه عارفِ لرجوله قبل سن الفطام= ودارس/ن/للمعارف علمها محتويه ال مكتوم شيخٍ في علو السنام=عز فيهم وطنهم علمهم يحتميه تم قولي وحرفي واضعه له لجام= اتفادا كلامٍ بين هذي وذيه !؟ http://www.m-harb.net/vb/showthread.php?t=86178 |
قيفان بكتبها على ماطرالي=عن ماحواه القلب واللي طرابه ماهمني هرج/ن/سمعته يقالي=بعض العلوم تجيب جو الكأبه ياشوق مُره واخبره وش جرالي=قله هواك بقلب خلك غدابه أشتقت له شو قٍ يفوق الخيالي=أنشهد إن وده بقلبي سرابه ياروح روح الروح يا حال حالي=يامن على قلبي مجوّد صوابه بهرت لك يا ود سبعة دلآلي=الاوله فيها الوفاء ونعنابه والثانيه صافي غلأي الزلآلي= والثالثه فيها هلأ مرحبابه والرابعه مادونك أللي حلآلي=كل الملامح في عيوني تشابه والخامسه يا عزوتي يا ظلآلي=بهرتها بأبيات شعري خطابه والسادسه ياللي عليت المعالي=من زعفران وهيل صافي شرابه والسابعه بصبرعلى ماجرالي= لو إن همي منتحي بي سرابه كتبتها من شوقي اللي بدالي=قام أيتتالا مثل رش السحابه على فياض/ن/ مربعاتٍ خوالي=من نبتها مافيه حي/ن/ وطابه ربيعها مثل نقوش الزوالي =تشبه لشوقي يوم طاريك جابه ياطاري الفرحه من أول وتالي= لك المعزه عندنا والمهابه فدوتك يالغالي ضعيف الرجالي= اللي يجتر العلم ضعف وخيابه! طاوس با المنظر وفكره ضحالي= لاجيت له في حاجتك صك بابه جوده على البزران و أم العيالي= ياخيبة أمه يوم ترجي شبابه يبا يتعلم كيف يبقى مثالي= في هرجته يكشف لكم عن عيابه هيال جرف/ن/جاهزٍ للهيالي= مايرتكا عليه مثل الخرابه والا انت عز/ن/لرفيق الموالي= لاقمت با الواجب تجيب الكسابه ملاذ ربعك لاشكو قيض لالي= تعزهم في ماقفك و النجابه ياحزام ربعك فا ألآمور الجلالي = ياضلع شامخ يحتمي من لجابه لاجالك الضميان يسقا الزلالي= عزالله انك عز من ينتخابه يازاهي التيجان علم وكمالي=سلآم والا القاف ريض مشابه http://www.m-harb.net/vb/showthread.php?t=87913 |
سحابةالاشواق بالشوق تمطر=تسقي ضما قلبي وعيني وجوفي ياودي اللي في حياتي تسيطر=انته غلا عمري وروحي وشوفي ياكتاب ودٍ من شذا الشعر عطر=انت الوفاء بك يلغي أحساس خوفي كتبت لك شعري ولجلك يسطر= ابكتبه لجلك كا رد معروفي عبير وردٍ من بتوله مقطر=ينشر شذا عطره عبيره يطوفي غيرك عن احساسي وقلبي مشطر= لو تشتكي رجله الطول الوقوفي ماني على لد لنظر فيه مضطر= ولاهمني علمه ولا ني شغوفي لن الغلا في مهجتي لك تمخطر= مثل نبات/ن/ لافه الريحٍ لوفي أسقاه رش ٍمن سحابه تقطر= حتى زماليقه تعالت أصفوفي محمي عن الا دباش من جاه مخطر=وانا حميته عن جميع الظروفي غلاك عن باقي غلاهم تشطر= وأنته بمايحويه قلبي عروفي |
جزل المعاني والبيوت القويه=اكتب بها فالشعر واصوغ الابيات من منهج التوحيد لي وعليه=واجب حدود الشرع ماتصير هفوات لونكتب المعنى على حسن نيه=لازم نميز هزلها والجزيلات لاذي مثل هاذي ولا ذيك ذيه= فروق مابين المعاني شسيعات وقيل الكحيلة غير عن العبيه=الفرق واضح بالسبق للأصيلات ومردّ ما اكتب يوم يشهد عليه=في لحظة مافيه للأهل فزعات غير العمل واللي كِسبتة ايديه=يارب جرنا من ذنوب/ن/وغلطات انته كريم وطالبينك هديه =تغفر ذنوب اللي خشع لك بركعات عبدٍ ضعيف ويطلب المرحميه=اجزاه في جنة عدن فوق جنات اليا عطيته نعم هاك العطيه = ينسابها دنياه وأيام عسرات ولا له حسايف في حياةٍ رديه= مخلدٍّ في جنة الخلد مامات يلهو بها ونفوس اهلها نقيه=منزوع منهم حقد كل الحزازت ارواحهم مثل الطيور البريه=على غصونٍ خضر رطب ٍ نديات يا رب تغفر زلتي والخطيه= قبل الوداع اللي فلا فيه رجعات يوم إن كلٍ صار يبكي عليه = يمسح دموعة والمحاجر غريقات احد بكاني صدق وحد كذيه = هلت ادموعه بس ماهزت الذات ماحس في الا عزيزٍ ودنيه= الله يثبتني هكا ا ليوم بثبات واجاوب السوال في مقدريه= وانسا حياةٍ كلها الآم وأهات وترتاح نفسي والمشاعر رضيه=في قدرتك يارب سبع السموات وعلى النبي اللي بعث للبريه= صلو عدد ماتسجدالناس سجدات http://www.m-harb.net/vb/showthread.php?t=92708 |
لاوين و القلب يشكي دامي جراحه= لاوين يادنيتي وانتي تميليني من يوم صغري معك ماشفت للراحه=انقل من الهم في حجم الهيتيني امسي مع الهم في غدوه ومرواحه=ماغاب عني ولا ناوي يخليني ماكنه الا عميلٍ يجني ارباحه=ارقام ربحه من جروحي ملاييني مانزح عني ولاياطوله امراحه=عزالله إنه رفيق العمر باليني متسلحٍ من سلاح الظلم وسلاحه=فتاك لاصار بيدين المواليني كم ضربة/ن/ في صميم الروح نواحه=لجت بها ضلوع صدري من قربيني؟ لجت منادي على طيره بملواحه=قبل مغيب الشفق والناس ممسيني في ظلع حوران مدري من ورى الباحه=ردت صدى صوته الجيلان يوميني وانا ضلوعي من الآهات صياحه=حسبي على من .تسبب قولو آآآميني عساه في دنيته يعيش في واحه=وبالاخره شربته من ماي غسليني تمت وانا في كلامي غير مزاحه=ولارضى بظلم/ن/على الاقصى ولادنيني http://www.m-harb.net/vb/showthread.php?t=89101 |
بعض العرب يزداد بالطيب كمله=طبيعته ماهو كلام ومقالي اهديب شامٍ ماشكا جور حمله=يرسي لها كما رسُو الجبالي راضي على مقسومه اللي قسمله=مايشتكي من جورها والتوالي ملاذ ربعه في لزوم/ن/لزمله=ينقظ لهم باللازمات الحبالي نادر وجود وعملته واي عمله=مثل الذهب ما غيّرته الليالي جديد عهده مع قديمه وسمله=لا طب بالميزان يرجح عدالي ياعل يجمع مع اهل الخير شمله=لامات في جنات خلد/ن/عوالي وبعض العرب ما له على الطيب صمله=لو راز حمله مايشيله محالي ماقدم من الخير لو ظفر نمله=دايم مكاسيبه علومٍ هزالي بنيانه اللي بان فيه انهدمله=هشاش جرف و مايلٍ للهيالي صبخى جفافٍ لوتسقيه همله=ماتجني ألا ملح لو ماك حالي قافٍ خطر لي يوم فكري زهمله=ماهمني من يدعون الكمالي http://www.m-harb.net/vb/showthread.php?t=95754 |
عقب عشر وخمس فرحت بالزريع=ويوم شمت وردها فرقاه لاع امزعه حكم القدر منها مزيع=حلت مصيبة ملت كل البقاع احتراق البيت مع موت الرضيع=أفتراق الشمل من عقب أجتماع ودفنوه وقلبها غادي قطيع=ماحصل شوفه ولو نظرة وداع الخبر لحظة سماعه لي مريع=كيف هي بلحظته يوم السماع؟ ياإله الكون ماغيرك فزيع=الطف بعقل الضعيفه من ضياع والله أن الامر ياربي فجيع=لاعتراض ودايمٍ أمرك مطاع أختبار الصبر في وضعٍ فضيع=مثل نزع الروح في وقت النزاع كل ماقوله واقدر واستطيع=الله يعوض عليهم طفل ضاع دعوة اللي صادقٍ وقت الهزيع=هزه الموقف وخطه با لإيراع مسلم ومؤمن ولأيبغى نفيع=غير دعوة من قرا واجب تذاع |
تسرقني الذكرى على طيف الاحباب=وامضي ثواني لحظتي في رجاها لوكنت اكابر طيفهم يوم ماغاب= متخبيٍ سد الضلوع وذراها يفتح لهم بالشوق مني مية باب=مابعت ذكراهم وقلبي شراها لهم المعزه فوق عن كل الاصحاب=مثل النجوم اللي تعلت سماها احباب في قلبٍ من الحب منصاب=صابه غلاهم يوم وثق اعراها محبة تبقى مع الوقت لوشاب=ماشابت الذكرى بقلبٍ عطاها من صادق الاحساس والشوق غلاب=ياخذني بموجة غلاهم رجاها ارجي من الله نجتمع يوم لوطاب=حظي معي في لحظة/ن/ من صفاها واحكي لهم عن شوق قلبي والآعجاب=واروي ضما روحٍ شكت من ضماها تضما لهم ود وغلا ماله حساب=قدر لها يوم أكتمل لي عناها وتبقى المحبه شيء من رب الارباب= والنفس تعجز ما تكمل رضاها http://www.m-harb.net/vb/showthread.php?t=97188 |
ماقلت لك لولاك ما اقول الابيات؟=ماقلت لك لولاك ما اكتب قصيده؟ لاتختبر صبري ترى صرت ما بات=أسامر النجمة ولوهي بعيده حتى بكت لي من شديد المعانات=قالت علامك با الليالي وحيده وينه وليفك ليه ماحس بالذات= مثلك على قمة معاني قصيده قلت أسمحيلي مافهمت العبارات=ماودي أني كل ما قلت أعيده له الغلأ وحده ورب السموات=هو ألذي بالقلب ساد ويسيده وأنا معاه أرضى على كل حالات =لو زاد جرحه قلت له هم. زيده لو يكثر بقلبي من الشوق طعنات= القى بهن لذة حياتي سعيده ماكني الاشيخةٍ بالآمارات= تامر على خدامها بس بيده يعني سعاده فوق كل السعادات=وماهمني أهل القلوب البليده ضعوف العقول اللي مثل حال الاموات= يمسون بهموم الشقا والمكيده و ارجع اقول له الغلا بكل الاوقات= ماحزةٍ صديت عنه ما اريده في ناظري ماله حليٍ ولا آت=لا في قديم الوقت ولا في جديده |
اللي طلبنا يوم ما نرده مخيب= على المعزة يا ولد مبتدانا اللي يجي بالطيب له مثلها طيب=واللي يجي بالخيّبه ماشقانا وقد قالو العربان ياهل المواجيب= حلال بينّ ينوخذ بالسانا وحنا مع الطيّب فعال المراقيب=من جالنا فالطيب يلقى أقرانا وترا الوفا لاهل الوفا يوم مايغيب= يبقى وفاهم مكتمل مع وفانا ناخذ من الجزلات ونحط فالجيب= والا الهزال علومها ماتعنانا ماهزت شعوري ولا تنبت الشيب= لنا خلقنا عاليٍ مستوانا صحيح بنت وللبني دربٍ أصعيب=لكن على العليا مسيس بنانا ابوي علمني عن العيب والعيب=درب الردا والله منه حمانا والشعر عدٍ من عذي المشاريب= ياما وردنا له ونملا أدلانا نكتب مشاعرنا علوم وتعاجيب=مرة بضحكتنا ومره بكانا ومره تسلي في صعيب ألآساليب=لين المعاني تستجيب الرضانا ومافيه شخص الا كما يخطي يصيب=وحنا نتحاشا مانقرب خطانا والجملة اللي واضحة دون تعريب= سلام ياحي/ن/ تملك غلانا |
من يرحم القلب اليتيم الغريري=اللي غرق بالهم والعمر توه شال الهموم وتو عمره صغيري= حظ القشر كدر مزاجه وجوه قامت عليه أيدين بقعى تشيري= فاقد حنان ألآم قبل ألآبوه وتوه بعمر أيام ماهو كبيري= عن حضن دافي أبعد الموت نوه عز الله ان الموت سيفه شطيري= ماهاب للفزعات هي والحموه خلاه يسكب من دموعه غزيري= يصيح ليله من شقاه أيتأؤه يامر صوته يوم يبكي مريري= يكسر ضلوع اللي سمع له بقوه يارب يا مبصر بفكر الضريري= انك تزيده بالمكارم أعلوه يارب لامني ولاهو خشيري= لكن شعوري عن ضروفه ينوه يارب يا مبدل عسير بيسيري= يارب يا منشي سحابٍ بنوه ماغيرك اللي ياإلاهي يجيري= أوقف معه يارب بالعون قوه انت اللذي تجبر عضام الكسيري = أمنت بك يا عالمٍ ماتفوه http://www.m-harb.net/vb/showthread.php?t=99669 |
الساعة الآن 08:05 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir