|
اقتباس:
الأخت العزيزه \\الكحيلة [/align]. هلا بك أكثر وأكثر يالغالية والنعم بحالك يابنت الرجال لا غريب ولا شي يالطيبه نخيت الرجال وماقصروا وكل شي على الله وأنا اختك أنا وأنتي وكل خلق الله على الله وأنتي الله يهديك جيتيني والشرار طالع من عينك والله يالغاليه لو إني مسوية جريمه ونقدك على عيني وعلى راسي .. .. كان ما حيكتي من اصله ؟؟؟؟ إذا ضايقكم طرحي لك ِ ولجميع القائمين على هذا الصرح الشامخ الأحقية في مسح هذه المشاركه أو إبقائها وصدقوني ماراح أزعل .. .. اذا السالفه شعر ورد ممكن تكتبين في اي مجال لا والله يالطيبه وقلتها قبل إني ماجيت أقول كلام ماصار أو أشب الفتنه أو أخلق سالفة من مخي ولو عندي شغف بالكتابة والرد بالأشعار زي ماتقولين يالطيبه فالحمد لله الملتقى يحتوى على ركن خاص بهذه الموهبة وهو ركن المحاوره .. .. وحياك مرة اخري الله يحييك ويبقيك يالطيبه لاهنتي ولا هان الجميع .. .. |
القصيده جزله وقويه ولاعليها مدخل ومن حرصي على وجودها بالقمه قلت ماقلته
والله انها روعه لاتصدر الا من شاعر بحقيقه الخاتمه صح لسانك ياطيبه |
صح السانك ياالشبرميه
وصح السانك ياشاعرنا بن عتيق كفيت وفيت ونا الرا ان الموضوع تشبع من نقاش الشعر كما ارا ان الرد الاخير مواقفه اغلبها قدسرا على مايقولون الشعار ولذالك يستوجب انها الحوار الشعري ودمتم |
اقتباس:
حياك مرة اخرا يا الشبرمية وماحداني على الي قلت لنك لم توضحي انهم وقفو معك لو وضحتي ذالك كان ما قلت الي قلت ولاتلوميني والحمد لله انك حليتي مشكلتك والله لايريك مكروة وماهو مستغرب على اهلي وعزوتي حرب عوايدهم العلم الغانم واطالب في قصيدة توضح موقفهم وهذا من حق كل الي وقفو معك ومرحبابك مليون ومايكفون ولعل بعد الخصام محبة ههه ارجع واقول هلابك اختك الكحيلة حــــــــكيلة ـــــــــــرب |
من الادب والاحترام ياخواني
اذا كان النص لايوجد مايعيبه ادبياٍ يستوجب من القرا الرد المناسب والمجامله برد الجميل حسب الادب والمفهوم المتبع |
صـــح الســـانك
ملـــيون صـــح الســانك يا الشبرميه كفيتي ووفيتي وحييكي على شاعريتك واسلوبك والي يستوجب الحذف الكلام الخارج عن الأدب وانتي لم تخرجي من الادب واشكرك اخوي غازي الزغيبي ومثل ماقلت انتها الحوار الشعري وملاحضتك بعين الاعتبار ياالشاعر العملاق منك انتعلم يا معرب الجدين يا ماكر الجود وكرر شكري وحترامي وتقديري لك يا الشبرميه |
ابوهليل
الساري ابو شمس بخيتان البشري الحربي حربي نجد شأس اشكركم جميع ويشرفني ويسعدني حضوركم واشادتكم ويربع المعذر اذا فاتني اي اسم حضر واشاد ولم ارد عليه ويثق تمام الثقه اني لم اتجاهله بل سهو ودمتم |
اقتباس:
أبو خالد الفريدي .. كلامك شرف لي ووسام أفتخر فيه وأنا أتقبل كل ملاحظاتك بصدر رحب فأنا إلى الأن في البدايه وبحاجة إلى التوجيه والأرشاد وصح بدنك ودام راسك يالطيب لاهنت .. |
اقتباس:
غازي الزغيبي .. صح بدنك يالطيب وكلامك على عيني وراسي ووجود فخر لي لاهنت .. |
اقتباس:
الكحيله .. الله يحييك ويبقيك يالطيبه والله يالغاليه بالبدايه كتبت إني أحتفظ ببقية وذلك للتوضيح أن القصيده ماهي كامله للخصوصيه لأنها تحتوي على أسماء وكما قلتي حرب ماهم بحاجة أحد يعرف عن تاريخهم والله يخليك ويطول بعمرك والمهلي مايولي .. |
اقتباس:
غازي الزغيبي .. كلامك درر ونتعلم منك أنت أستاذنا الكبير ونصايحك على العين والراس وأكرر واقول أفخر بتواجدك بمتصفحي المتواضع لاهنت .. |
اقتباس:
عبدالله الحنيني .. صح بدنك يأبو خالد وسلم راسك يالطيب وأنت ماقصرت يالشاعر وانا لي الشرف بمجارات شاعر كبير بحجمك ياأبو خالد والله لايهينك ياخوي .. |
تنويهلقد فات علي في ردودي السابقه من غير فصد الاشاده بشاعرنا/ عبد الله عتيق الحنيني
وهو شاعر جزل وردوده وقصايده كلها تبيض وجهه يؤسفني جدا ان يفوت علي مثل هذا الوجب واعتذر لصاحبنا وحبيبنا عن هذه الهفوه |
اقتباس:
ابو خالد صح لسانك و بيض الله وجهك ... كفيت و وفيت .. و سديت اللزووم عن حرب كلهم .. تحياتي |
صح السانك يابو خالد وبيض الله وجهك
وفيت وكفيت وكرر صح صح صح السانك ملايين في ملايين ولاتكفيك والمعذره تاخرت بالرد عليك ولاكن انت خابر اني امسافر وتقبل يابن العم تقديري وحترامي |
حاولت ادور بين الاثنين مدخال=ولا لقيت اللي يبرر مقامي الا اني امدح كل الاثنين بالحال=لو كان لا متهم ولاني محامي بحدود ما للذوق في كل الاحوال=فرايدٍ ما صادها كل رامي من هاجسٍ لاصال في صدري وجال=ما ينتج الا عاليات المقامي احلى على اهل الطيب من روس الاموال=وعلى الدويني مثل ضرب الحسامي في حال والا حال ماوفيت مرسال=ولاشفت مشهد في مسلسل درامي ترى الكلام يسمج المجلس ان طال=ويصحي اللي غارقٍ بالمنامي قلته وانا ماني على الخلق مشتال=يادوب اجاهد كل ماصبح دوامي |
ترى الكلام يسمج المجلـس ان طـال
ويصحـي اللـي غـارقٍ بالمنـامـي قلته وانا ماني علـى الخلـق مشتـال يادوب اجاهـد كـل ماصبـح دوامـي صح لسانك على هالمجاراة يا ابو مشعل |
صح لسانك ياعبدالله بن عتيق الحنيني وبيض الله وجهك قمت المقام اللي يرفع الراس
ولاتهون الشبرمية عطت اللي عندها وملحة الهرج نيشان ______________ ترى الكلام يسمج المجلـس ان طـال ويصحـي اللـي غـارقٍ بالمنـامـي الله الله هنا ختامها مسك اسمحوا لي ان اقولها صح لسانك يابو مشعل والله يكثر من امثالك |
ترى الكلام يسمج المجلـس ان طـال
ويصحـي اللـي غـارقٍ بالمنـامـي قلته وانا ماني علـى الخلـق مشتـال يادوب اجاهـد كـل ماصبـح دوامـي صح السانك يابو مشعل وبيض الله وجهك تقبل يابن العم مني جزيل الشكر ولاحترام والتقدير |
ابوخالد الفريدي
صح بدنك وافي لاعدمتك وعذرك مقبول والاشاده منك شهاد وفتخر فيها |
حميدان العوفي
صح بدنك وشهاده منك وسام فخر وعتزاز وعتز فيها لاهنت والله يرفع قدرك عزيز وغالي |
عبدالله الفريدي
صح بدنك وشهاده منك وسام فخر وعتزاز وعتز فيها لاهنت والله يرفع قدرك عزيز وغالي |
سعد رجاء الحصني
صح بدنك وشهاده منك وسام فخر وعتزاز وعتز فيها لاهنت والله يرفع قدرك عزيز وغالي |
علي هليل الحصني
صح السانك وحضورك يشرفنا ويسعدنا حضور شاعر علم مثلك يا ابو مشعل والله يحييك |
الله الله
صــــح لسانكـ اختي الشبرميه وحياكي الله بين ربعك وصـــح لسانكـ شاعرنا الكبير عبدالله الحنيني على المجاراه الرائعه لاهنتوووو وبيض الله وجيهكم تقديـــــــــري واحترامــــــــــي |
حميدان العوفي اشكرك على كلماتك المعبره والاشاده بالقصيده عبدالله الفريدي اشكرك على كل حرف خطته يمينك الطيبه سعد الحصني هلا وغلا بابن العم اللي افتخر فيه ووجهك ابيض عبدالله الحنيني اشكرك اخوي على كلماتك الطيبه ولاهي غريبه عليك |
اقتباس:
علي هليل اسمحلي بمجاراتك ومجارات شاعر بحجم شاعريتك يتمناه الجميع
ياالشاعر المعروف زلزال زلزال=ياشاعرن ميسمك باالنار حامي تدري بئني معجبن فيك مهتال=ماتشيل خصمك يا الفهيم العضامي ويقطع ضرم راع الضرم كيف فنجال=لا صار بدعوا الهمام الهمامي جبل جبل مع جارف السيل منهال =و يفداك متيدم محل اليدامي جم الرواء يلطم من الجال للجال=وصياف مدرسة الشعر والزلامي اليا قدحت ااقدح صخر ونحت اجبال=وليا دحمت احرص تكون الامامي يسمج مديح الذات بجنيه وريال=مدح القبيله مهو مشهد غرامي ما جاي من عقب الشحم غير الاوصال=وعلى الشحم والعود مسك الختامي |
اقتباس:
حقيقة انك بحر من بحور الشعر ... كل ماقلنا شاب القاااف عطرت الملتقى في قصيدة اخرى على نفس القاف ... صح لسانك و بانتظار جديدك |
صح السانك
والسان الشاعر على هليل |
عبدالله بن عتيق
شاعر مبدع بحر عذب صح السانك ميه على ميه بنتضار جديدك ولاماقف سراي ماشاءلله |
الاستاذ //حميدان العوفي
شهاده وعتز فيها وسام على صدري وحضورك عز وفخر |
عبدالله الفريدي
حياك الله وحضورك عز وفخر للجميع |
الحربي حربي
كلي فخر وعتزاز ان مثلك وشرواك متابع ومركز على المواقف الشعريه الذي يجب ان يحرص الشاعر على ان لا يتعرض مواقف من سبقه اثنا المجاراه او المساجله الالضروره ولضروره احكام |
الشبرميه= من الشبرمية هاكـم اليـوم مرسـال=لو روس حرب اللي عليهـم كلامـي ياحـرب ياحرابـت القـوم الابطـال=أرسلت شعري مَعه وافـي إحترامـي أنتم لكـم بالطيـب بيـرق ومدهـال=وماأظن سب الغير طبـع الحشامـي وأنـا لفانـي منكـم هـروج جهـال=هرج (ن) يهز العرش ماهـو تمامـي لا ماهقيته يوم جتنـي مـن الخـال=وهو عارف (ن) طبعي وعارف نظامي والكلمـة اللـي أحرقتنـي وتجتـال=في صدر بنـت الشبرمـي ماتلامـي ياحرب شاعركم يهـدي مـع الجـال=السيـل جـارف مايعـرف الحرامـي وإن كان ماهدا فأنـا عنـدي رجـال=الـورع منهـم مايهـاب الزحامـي وأنا أساوي لي عـن ألفيـن رجـال=هـذا كـلام شيـوخ ماهـو كلامـي
عبدالله عتيق الحنيني= يامرحبا بلي لفـت واول الفـال=امصافحتهـا للخـوال اتهامـي والعلم له وجه وله اقفاي وقبـال=يابنت قومن يحتمون الجهامـي مافيه عقده مالهـا راس حـلال=انكان ماهو راس فكري ابهامـي نفتل وننقض فتل من كان فتـال=ونحسب احساب العاقبه والملامي ونفند الحجـه مـن الميـم ودال=ولكل نيشان من النـاس رامـي حرب العزيزه للمسمين مدهـال=احفاد من صلى وتصدق وصامي ميزانهم دايم على الحق ما مـال=وليا تعزوو يـاردن الضوامـي تاريخهم وافي على مر الاجيـال=بفعولهم سولف جنوبي وشامـي يا الشبرميه كان لك ربع مثقـال=عليك تحديد الهدف والا اسامـي ونكان ما للهرج هرجه وتفصال=امشي بحسب المتبع والنظامـي وربعك وربعي قدرهم حي لازال=وشكري وتقديري ووافرسلامي
الشبرميه= أهلا هلا بك عد من صـال وإجتـال=يالشاعر البيطار وإمسـك سلامـي يأبن القروم اللي حمت كـل نـزال=حرب(ن) هلا العليا بوقت الزحامـي خوالي اللي بالرخـى حالهـم حـال=ووقت الشدايد خصمهـم مايلامـي تاريخهم مافيـه قيـل(ن) ولا قـال=وماجيت أشكـك بالخـوال بكلامـي وماجيت أنا لك بإتهامي ولا أختـال=ولا أعم أنا بهرجي رجال(ن) حشامي ولا جيت أشب الفتنه اللـي بتنقـال=هرجي صحيح(ن) والشواهد خصامي موقف حصلي والمواقف لها رجـال=وأنـا سلاحـي بالمواقـف كلامـي المشكله لاصار خصمي بـه هبـال=وعوُد(ن) كبير(ن) قال بيته ونامـي سني صغير وتجرحن كلمة أطفـال=وشلون هرج الظلم يأبـن الكرامـي الظلم هد أشنـاب وذوب لـه جبـال=يالله دخيلك عـن حـدود الحرامـي وهذا سلامي وصلـوا كـل خيـال=ولم الحنيني ومعْـهِ روس العمامـي
عبدالله عتيق الحنيني= دام البقابـك والوفـا فــال وعـقـال=والنـور جـلاي الكـدر والضـلامـي يا بنت يـا كثـر الحواجـز والاقفـال=وانـا تـرا مانـي لخصمـك محامـي با الناس مابـه شـك طيـب ودجـال=الله خلـق والله فـرق بــا الانـامـي والخبـل مالـه بنظـري غيـر مـوال=با المختصر لا جـاك هرجـه تسامـي وكان القضيـه شايبـن مكـرم اسبـال=الله مـن عـودن عـزيـز المقـامـي يرجح مقام العـود فـي كـل محتـال=قرنـاس ويعوضـك بفـرخ القطامـي ونكان حل الوضع بـا الجـاه والمـال=حـرب النشامـا بـا الـوازم حزامـي حـزام قدمـه كايـد الامـر رحــال=هـذا الصحيـح الـي عليـه الكلامـي ولا شوف لي في غير ما قلت مدخـال=ونكـان عنـدك حـل غايـت مرامـي
الشبرميه= ياليتها بالمـال تنحـل يالخـال=الوضع كايد والمخاصم قطامـي عزي لقلبـي صـار للهم شيـال=أبوي غاب ومابقى لـي حزامـي خله على الله مانبي طولة جـدال=الخبل ماينفع معه هـرج سامـي مصيبة الرجال بالحيـل محتـال=في منصبة مغرور وهرجه حرامي وأنته حزام المرجلة عـز خيـال=يأبن الحنيني يارفيـع المقامـي صح الله لسانك عدد كل من قـال=وعداد ماطارت طيور الحمامـي
علي هليل الحصني=
حاولـت ادور بيـن الاثنيـن مدخـال=ولا لقيـت الـلـي يـبـرر مقـامـي الا انـي امـدح كـل الاثنيـن بالحـال=لـو كـان لا متهـم ولانـي محامـي بحدود ما للـذوق فـي كـل الاحـوال=فرايـدٍ مـا صادهـا كــل رامــي من هاجسٍ لاصال في صـدري وجـال=مـا ينـتـج الا عالـيـات المقـامـي احلى على اهل الطيب من روس الاموال=وعلى الدويني مثل ضـرب الحسامـي في حال والا حـال ماوفيـت مرسـال=ولاشفت مشهد فـي مسلسـل درامـي ترى الكلام يسمـج المجلـس ان طـال=ويصحـي اللـي غـارقٍ بالمنـامـي قلته وانا مانـي علـى الخلـق مشتـال=يادوب اجاهـد كـل ماصبـح دوامي
عبدالله عتيق الحنيني= ياالشاعر المعروف زلـزال زلـزال=ياشاعـرن ميسمـك باالنـار حامـي تدري بئنـي معجبـن فيـك مهتـال=ماتشيل خصمك يا الفهيـم العضامـي ويقطع ضرم راع الضرم كيف فنجال=لا صـار بدعـوا الهمـام الهمامـي جبل جبل مع جارف السيـل منهـال=و يفـداك متيـدم محـل اليـدامـي جم الرواء يلطم مـن الجـال للجـال=وصياف مدرسة الشعـر والزلامـي اليا قدحت ااقدح صخر ونحت اجبـال=وليا دحمت احرص تكـون الامامـي يسمج مديح الذات بجنيه وريال=مدح القبيله مهو مشهد غرامي ما جاي من عقب الشحم غير الاوصال=وعلى الشحم والعود مسـك الختامـي |
الشبرميه
عبدالله عتيق الحنيني عـلــي هـلـيــل الـحـربي صحت السنتكككككم حاولـت ادور بيـن الاثنيـن مدخـال ولا لقيـت الـلـي يـبـرر مقـامـي الا اني امـدح كـل الاثنيـن بالحـال.. لـو كـان لا متهـم ولانـي محامـي صح السانك يا الشاعر المعروف ابو مشعل ولاكن لحضه من فضلك لدي سؤال هل قصيدتك مجاره للموضوع لان ما يتعلق با الغير ثلاث اشطر فقط لا غير واذا لم تكن مجاراه اما كان الاجدر بك فتح متصفح بما ان القصيده تتكلم عنك وعن ومهاراتك وقدراتك الا محدوده وشاعريتك الا نهايه وهذا من حقك بلا شك ومثلك شاعر علم لايخفا على الجميع تمنيت ان هذه الدرر التي كتبت انفردت واخذت من شاعريتك واسمك بمتصفح يليق بحجكم ايه الشاعر لكي استطيع ان اتحدث واشرح واعطي قصيدتك ربع ماتستحق 0000 بحدود ما للـذوق فـي كـل الاحـوال فرايـدٍ مـا صادهـا كــل رامــي من هاجسٍ لاصال في صـدري وجـال مـا ينـتـج الا عالـيـات المقـامـي احلى على اهل الطيب من روس الاموال وعلى الدويني مثل ضـرب الحسامـي في حال والا حـال ماوفيـت مرسـال ولاشفت مشهـد فـي مسلسـل درامـي ترى الكلام يسمـج المجلـس ان طـال ويصحـي اللـي غـارقٍ بالمنـامـي قلته وانا مانـي علـى الخلـق مشتـال يادوب اجاهـد كـل ماصبـح دوامـي وعذرني وصح السانك وكانك ملزم ابخاوي بعيد يمدحون خوته هههه |
اقتباس:
يشرفني ويسعدني مجاراة الشاعر الكبير/ عبدالله عتيق الحنيني
يا مرحبا ما طاح بالقاع همال=وما لاح برقٍ في متون الغمامي من قلب ماهي من سواليف دجال=والا مديح مقلبين الكلامي يالشاعر اللي للصعيبات حلال=حوز الجواهر منك غاية مرامي لو مانت عندي بس موجات الارسال=توصلك اعجابي وجل اهتمامي ما اقولها راجي ولا اقولها ذال=مثلك جدير بفايق الاحترامي لعل يفدونك رديين الافعال=اللي على الغرات فيهم هيامي ترى القصيد ان طال وان طال ما طال=ليل الدجى يجلاه بدر التمامي هلت على الكيبورد من رايق البال=تحمل تحياتي وبصمة بهامي |
عزالله قصائد رائعة ولافيها كلام من الجميع يعطيكم العافية جميعاً حمستوني
انتظروني ابرد عليكم بقصيدة بس والله من الكسور المضاعفة فيها |
السلام عليكم
اقتباس:
ولابيت سريته كلها بكر ولمعنى صب مايطلع نوب شرح عن اذات ونوب عن الاطاله هههههههههههههههه
ما جاي من عقب الشحم غير الاوصال=وعلى الشحم والعود مسـك الختامـي ما جاي من عقب الشحم غير الاوصال=وعلى الشحم والعود مسـك الختامـي |
اقتباس:
أبو خالد الفريدي .. كما عرفتك من بداية دخولي لهذا الصرح فأنت كبير بكلامك كبير بتعامك كبير بإحترامك للأخرين فالكثير يجيد دور عدم الأشادة وعدم التعبير ولو بكلمه واحد لأدري هل هو بسبب الغرور أو لسبب خاص ولكل شخص أسبابه الخاصة ولكن أنت أخي أبو خالد صراحه يعجز اللسان عن وصفك بكلامات إحترامك فرض على الجميع سجل إعجابي بشخصيتك المتواضعه والشامخة بآنً واحد فقليل من يستطيع التجميع بين تلك الصفتين لاهنت ياخوي وعساك على القوه يالفريدي ويستاهل أخو عبدالله كل خير وصح لسانه وشرف لي تواجده معنا .. |
اقتباس:
حميدان العوفي .. أشكرك على المرور ويستاهل أبو خالد مدحك والثناء عليه وأبو خالد قدها .. |
الساعة الآن 09:00 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir