|
مساء الخيرات....... والمسرات للجميع
80-الرادار 82حارة النمل 83-الزكاه او النصيحه ـــــــــــــــــــــــــــ الله يمسيك بالخير والافراح والرمعات كلها مالك لوى |
86- الصرافه
95-المواد النفطيه 97-البصمه ـــــــــــــــــــــــــــ مالك لوى يالطيب كلها |
(74)وانشدك عن بنت تعلاك جسمها ,,,,,,,,,,,,,وعلى الصديق اللي وفى نستعينها
تصغر وتكبر حسب رايك ورغبتك ,,,,,,,,,,,,,,,والفايده منها على ناشرينها وش تقول طال عمرك في ( الشمسية ) ــــــــــــــــــــــــــــ مالك لوى |
(54)انشدك عن بنت تعذب صغيرها,,,,,,,,,,,,,,,,,,,وتقطعه في مصلحة من يهينها
من راسها ترسل عليه المذله,,,,,,,,,,,,,,,,,,,,,حتى تثبت فيه من يستعينها وبالله نستعين ونقول ( الشمعة ) ــــــــــــــــــــــــــــــــــــــــــ وهذي ايضا مالك لوى بارك الله فيك |
Size="5"]19)ووش هي فتاة شفتها عند راعي -هي قاسيه ويميز البنت لينها
قوامها ممشوق والجسم ناعم -وتفيد وقت اللازمه ناقلينها ج الخيزرانة (34)ووش هي عجوز كل ممشاك يمها -جميع سكان الفضاء واصلينها من لا وصلها اليوم بكره يصلها-ومشوا لها ناس وهم كارهينها ج المقبرة 40)وابشدك عن رجال سمّوه كاذب -يسكب دموع كلنا مكذبينها رجل يخاف وكل حي يخافه -له صولة تقضي على مواجهينها ج التمساح (51)ووش بنت دايم ثابته في حماها -ما تشوفها وهي تشوفك بعينها تفيد حاكمها بعلم يفيده -ليا جاه زاير حطته في جبينها ج عدستة المراقبة او العين السحرية في الباب (68)ونشدك عن بنت تفيدك بدمعها -ليا احتجتها جمعت عينك بعينها ترسل ادموع لاجل توقف ادموعك قولو وسشم البنت ياعارفينها ج القطرة قطرة العين (70)وانشدك عن بنت بها الخير والاذىاللي تبكي بالرضا ذابحينها مقطومة الراسين مردومة الخصرمكروهة لونفعها فاق شينها ج- البصلة (98)ونشدك عن بنت لاهلها غنيمهواهل ا لنفوس الخاسره رافضينها يكسب بها واحد واهلها ثمانيهومن ضمن اهلها من البشر ناقلينها ج- الزكاتة[/size اكتفي بهذ ولي عودة ـــــــــــــــــــــ شكرا ياكحيله وبيض الله وجهك جميع الرمعات صحيحه |
(74)وانشدك عن بنت تعلاك جسمها ,,,,,,,,,,,,,وعلى الصديق اللي وفى نستعينها
تصغر وتكبر حسب رايك ورغبتك ,,,,,,,,,,,,,,,والفايده منها على ناشرينهــــا وش رايكم يا الربع اللحية او الشعر ـــــــــــــــــــــــــــــ والله مالك لوى ياسامي |
اقتباس:
وجهة نظر في محلها الله يعافيك والحقيقة انا مانستغني عن راي شرواك |
(74)وانشدك عن بنت تعلاك جسمها ,,,,,,,,,,,,,وعلى الصديق اللي وفى نستعينها
تصغر وتكبر حسب رايك ورغبتك ,,,,,,,,,,,,,,,والفايده منها على ناشرينهــــا وش تقول اخوي عبد الله في ( عصابة الراس ) ــــــــــــــــــــــــــــــــــــــــ مالك لوى ياطيب |
هنا تم نسخ الابيات التي لم نتوصل لحلها وارجو من الاخوة من رأى أي ملاحظة الادلاء بما يراه
ودمتم سالمين
يامرحبا ترحيبة مضمونه = وهذه الالغاز يامدورينها (1)وشالفتاه اللي عملها بعينها = مع دورة المفتاح تذبح جنينها تنفع وبعض اوقات مكروه نفعها= وبعض العرب ينقد على حاملينها (6)وانشدك عن بنت جميل قبالها = تقابل الحسنا وتعلن بزينها تحملك وتقلدك ونت تحملها = وتجاهل اللي واقف عن يمينها (11)وانشدك عن عود اعروقه تجانبه = عدلات وعيال الرضا مجودينها وكبار عياله كلهم وصط بطنه = وبنته تثبت روسهم وصط عينها (12)وانشدك عن ورع تزوره وتكرهه = في حلة ساس الشجاعه سجينها تشاهده بالعين مانته بتقربه = لان فعوله كلها خابرينها (13)وانشدك عن عود برك في مكانه =في خدمة المخلوق نفسه يهينها ثبت على رجليه واحتل موقعه= ياطالب الراحه تجي له بحينها (14)وانشدك عن رجال بالفعل قاطع = ياقف حمى بين العجوز وعنينها لايمكن الرجل الغريب يتجاوزه = مادام هذ الرجل بينه وبينها (15)وانشدك عن غشاش تنفاه المدن = معروف في كذبه ونفسه يدينها ياقف مواقيف الشجاع المحذلق = وينحاش عنك وعلته خابرينها (16)وانشدك عن بنت قليل جمالها = وعيالها بيدينهم قاضبينها تشرب ولاتاكل ودايم ركوبها = على عجوز كلنا راكبينها (17)ووشهي فتاه جعله يطول عمرها = من كثر ماتعطي الملا حافظينها منها سلاح الناس والخير منها = وفيها الحياه وربنا هو ضمينها (20)وأنشدك عن رجلين في جسم واحد = بضاعة سمينها في ثمينها والاسم واحد والمصادر تنوعت = وينفع بأمور بعضنا عاشقينها (21)ورجل ليا منك تلمسته أعتزى = في لهجة لو هي خطا فاهمينها لو ترجمة يقول يارجل جنب = خل الدروب لعالم سالكينها (22)وأنشدك عن ورع يتعبك صيده = من أسرة بعض الملا جاهلينها تضرب به الأ مثال في صعب مسكه = في بطن بنت ودايم هو جنينها (23)وأنشدك عن ورع ينادي المختفي = ومواقعه بين الزريق وكمينها يستقبل الضيفان في كل ساعة =ويحول الشرهه على ناقلينها (24)ونشدك عن رجل لوى راس بنته= باوامر تجيه من مصدرينها حتى يخلصها من اسر بنتها = وتبديلها يتم من فاحصينها (25)وبنت يجيها الامر من راس ورعها= وهي تامر أرجال لها مجانبينها من فعلها تقضي حوايج مهمه = في بطن عود وتحت بنت تزينها (29)وبنت تجود زادها في حنوكها = ثم ترسله تقصيد على خدينها تسلمه بنت الخدين وياخذه = وتحت الاذان يجمعه عبر عينها (31)وانشدك عن رجال طاعك وطعته =وعطاك من بعض الحقايق سمينها اذا عدلته واعتدل صار عادل = وارضى عميلك بالقضيه بحينها (32)وانشدك عن رجال بالحق ملتزم = كل الرجال يجي لها حسب دينها يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها (33)وش هي فتاه جسمها من ولدها = ماتنوجد لولا تجمع بنينها وليا مشوا بنينها ضاع جسمها = والفايده ترجع على ناقلينها (35)وأنشد عن اللي يختلف عن سميه = مواقفه وقت الخطر مدركينها اللي اليا جاء الجد تعرف مواقفه = والاسميه لعبة للا عبينها اسمه اليا جاء بعكس معناه سالم = وفيه الحجر وبه قلعه عامرينها (37)وبنت تفيد وفي زمان معين = كأنها تعطف على مجالسينها ومع فايدتها تنذر اللي يجي لها= تنطق يرمز وعلمها من خزينها (38)وانشدك عن ورع صغير مدرب = ياطا على اخته ثم يبيح كنينها وياطا على اخوه الصغير بنابه = وهذي يغيرها وهذي يهينها (42)وبنت تشيل اسلاحها وصط بطنها = ليا وجهت تقضي على مواجهينها تقضي على خلق صعيب نزالهم = تقضي على السفاح في دمع عينها (43)وانشدك عن بنت عملها على الظهر = مترابط فيها قساها ولينها ماتعطي المطلوب لولا عروقها = تحمل ومحموله على حاملينها (44)وانشدك عن بنت زهت في قرونها = تحمل اثنين ذكور معذبينها عند الرجال اهل الكرم وعذابها = والقابضين حضور ومريحينها (45)وانشدك عن بنت جليسة نشاما = مكرمه بس اختها هاينينها والثالثه لوهي عزيزه تحتها = صارن ثلاث مادخل شي بينها (46)ونشدك عن بنت تبرع بزادها = تطعم عجوز مسرفه من خزينها تومر وتنهى ماتصرف برايها = ولها ولد يوصل ولد من كمينها (47)ووشهي فتاة تشتهر في عنادها = حتى انها ماتجامل معالجينها الا بذيب بارزات اسنونه = اما تطيع الذيب والا يهينها (48)ووشهي فتاة شرّها لشر غيرها = تذبح عجوز كلنا مالكينها تنفخ عليها نفخة الغيظ والغضب = حتى توفى ويتحرر سجينها (49)وانشدك عن شمطا قليل حلاها = جميع عقال الملا كارهينها اللي كسبها مكسبه من خساره = واللي خسرها يشتكي حربينها (50)وانشدك عن بنت يريحك شوفها = ويوجد كثير من البشر كافلينها مع البشر ربيعها هو ربيعهم = ومن طيبها كل الملا راغبينها (52)ووش بنت مثل الطوق باطراف ابوها = تكمل المطلوب لمكملينها اللي مساحتها للاجواد ساحه = ما دامهم في عودها مثبتينها (53)انشدك عن بنت تبدل اعيالها =من شان يشفي فعلها ناقلينها تقضي على الجمع الضعيف المسالم = ولولا ولدها ما نفعة مستعينها (54)انشدك عن بنت تعذب صغيرها = وتقطعه في مصلحة من يهينها من راسها ترسل عليه المذله = حتى تثبت فيه من يستعينها (55)وانشدك عن بنت عملها بعالي = تميزت للي تخدمه بلينها تجلس من بين اثنين هذا عملها = ومقاسها يحصر على حاصرينها تركب ومركوبه وتلطف بغيرها = والمتضح من وصفها كبرعينها (56)وانشدك عن بنت مفيده ونفعها = للي بداخل بطنها ساكنينها تاقف على الاقدام لكن مربطه = ومثبتات فلبسيطه يدينها (58)وسألت عن بنتين واللغز زايد = على فتاة ربحت ناطحينها باربع عيال مثبتين العلاقه = اعيال في بناتها واصلينها (59)ولقيت بالتاريخ رجل وحرمه = زوجين والحرمه وفت مع خدينها من خبثهم كذبوا على الناس كذبه = لين انطلت على بعض سامعينها يوم منعوا ركن بالاسلام قايم = لعينة توافقت مع لعينها (61)ووش بنت دايم ضربها بامر زوجها = والزوج يجيه الامر من وامرينها ليا ضربت ظهر الذلول اجرحته = في راسها المحدود من صانعينها (62)وانشدك عن بنت ضعيفه جميله = دايم تحب الخير لمجالسينها تسمر مع السمّار مادام زادها = ياصل لها وتكرّم مكرّمينها (63)وانشدك عن بنت بها الخير والوفا = لكن جهّال الملا مفسدينها جميع ماتبغاه تلقاه فيها = في دبرة الله وهلها حافظينها (64)ونشدك عن بنت تفيد بعملها = وفعولها تظهر على مقتنينها تاكل وتشرب بس ماتقبل الخطا = وشرابها يوزن من مشغّلينها وليا ختلط شرابها هووزادها = تجلي عيوب اللي لفوا واردينها (65)وانشدك عن رجل على طول واقف = اما يسا رالبنت والا يمينها بنت تجي وتروح ماتستعينه = لكن يعيبها على مالكينها دايم وهي متجوده في جنوبه = حصانة منها على محصنينها (66)وانشدك عن بنت تريح جليسها = اخبث مافيها يوم تسمع حنينها المزعج المبكي تتله وتبعده = ولاتتركه يحول بينك وبينها (67)ووشبنت دايم تنقل الخير والحلا = اللي تطيع وتحترم مرسلينها ليا حمّلت طارت وسارت على الظهر = واستبدلوها ارجال مودعينها (69)وانشدك عن بنت تأدي عملها = ابصمت وستعداد لمعاملينها مكانها المعتاد بالبيت دايم = ودايم وهي في خدمة محمّلينها وان حمّلت تبقى على الارض ثابته =فيها مثل تحقير ياحاقرينها (71)وانشدك عن بنت تقدر وتحترم = تحمل وتالد للاوادم بعينها من شافها حامل عرف ويش حملها = ما هي بتخفي والملا مكرمينها تطلع على العالي وتبدى عملها = والعارفين بضيفها رابطينها (72)وياويش بنت من قساها وقشرها = تحد ورعان وهم طايعينها تحدهم دايم على العنف والقسا = واشيا لولاها كلهم رافضينها (73)وسألت عن بنت معروفه بغدرها = من مكرها تصطي على مواجهينها يجي لها المغدور والنت لابده = كنك موصيها على زايرينها (74)وانشدك عن بنت تعلاك جسمها = وعلى الصديق اللي وفى نستعينها تصغر وتكبر حسب رايك ورغبتك = والفايده منها على ناشرينها (75)ولقيت لي بنت تساعد وتطعم = وتحقق المطلوب لمصرفينها يلبس بها العاري ويشقى بها الشقي = تحل وتحرم والملا عاشقينها جميع ماتبغاه تلقاه فيها = وحتى تفيدك لازم انك تهينها (76)وانشدك عن بنت عريض ظهرها = وفت القسا الفتاك تحمي ضنينها اضلوعها برّا وركبت جملها = على جملها اللي ثبت مثبتينها تصدق الا ان كان صايبها مرض = وانواعها على طلب طالبينها (78)وانشدك عن بنت من الارض ساسها = وشدت وخلتها حجرها وطينها لاتعيش في ارض ولاتسكن الفضا = وطول الدهر على الظهر عاكسينها (79)وانشدك عن بنت خطير لقاها = من خبثها كل الملا كارهينها لو تنقتل ماحد يطالب بدمها = لان كل في عملها يدينها تمشي بليا ارجول ويدين مالها = وتدخل ابيوت واهلها قافلينها (80)وانشدك عن رجل يعذب ضيوفه = وتصرفاته كلنا مرتضينها اللي عذابه مصدره من عيونه = وغذاه من بنت عنه مبعدينها 0(81)وانشدك عن بنت تحرك وثابته = ارجول بنت ومثلهن هن ايدينها اللي ولدها مختفي وصط بطنها = حرص عليه وهي مهان متينها (82)ولقيت حاره بها بيوت عامره = وعجزت لاعرف كم عدد ساكنينها مساكن فيها جنود عواري = وادروب ساعات العمل سالكينها (83)وانشدك عن بنت بها الخير والرضا = من طيبها تفرض على فارضينها يسلم بها المبلي ويدفع بها الاذى = الله يعز وينصر منفذينها (84)وانشدك عن بنت ليا حل ذكرها = تذكر فوايدها ويذكر طنينها ليا كمّلت دوره تبين عملها = والطامعين بنفعها مراقبينها (85)وانشدك عن بنت سببها جلبها = اهل التلاوة والرجا منفذينها ليا مرّها اللي طالب طاعة الله = نفذ لها مطاعة الله بحينها (86)وانشدك عن بنت فليل خطاها = لكن تخطي من خطا محاسبينها ليا طلبت العلم تعطيك نانتجه = وطعامها اللي تقبله هو ضميتها (87)وانشدك عن بنت بعيد مغزاها = بنت الفرج والبنت الاخرى عوينها تحيب من بطن الحبيبه حبيبنا = الله يكثر بالحبيبه خزينها (88)وانشدك عن بنت حسبنا حسابها = ضمن اربعه واهل الرجا حاسبينها ليا شرفت فالخلق يخاف منها = تذبح جنود ويختفي خايفينها والثالث اللي يرفع الضغط فعله = وعنهن يفيد من المباني حصينها (90)وانشدك عن بنت لها حكم صارم = وتصدر احكام العداله بعينها تقول لك حاسب ووقف وروح = ومن عدلها تحكم على حاكمينها (91)وانشدك عن بنت هذا زين نفعها = تنصف ان كان اهلها منصفينها مما بها تنعشك واللي بوصطها = مما يرد الرو ح صافي سمينها (92)ووشبنت اليا حصلت ثنتين منها = كاسب ومن زادوا بها خاسرينها هي سابعة سبعه ولافيه غيرهم = ومن بينهم في ديننا مقدرينها (93)وانشدك عن بنتبن في جسم واحد = وتصير بنت بصّرت سامعينها صارت لطرّاد البلاوي قلاده = كنه يقول اللي تشوفين وينها (94)وانشدك عن بنت تزوج وتالد = تزوجت يوم اهلها مزوجينها تاكل وتشرب والقريب يعرفها = مثل البشر توصف وتنظر بعينها (95)وانشدك عن بنت تحكم بغيرها = وبا اشكال ونواع تخدم مالكينها بنت لها بالمدن والبر فايده = واللي مخزنها يفيده خزينها وتفيدنا بالبر والجو والفضا = وساعة تعاملنا بها هايبينه (96)ونشدك عن رجل على طول صامت = لكن اعلومه بالرضا قابلينها حتى لوانك عالم الارض تنشده = ويعطيك من جزل السوالف سمينها (97)ونشدك عن بنت تحطك بعينها = وبالعرف والمعروف تصبح خدينها فيها الشجاعه والوفا والامانه = ومن طيبها المعروف تحفظ سجينها ماحصلت تهديه على ولدها = وتحتاج لاشيا في عملها تعينها (101)انشدك عن بنت يمثّل بصغرها = ولها فعول ماحد يستهينها اللي بها الخراب والشر والاذى = وحيان منها خير لمعاصرينها (102)ووشالفتاة اللي على الصدر راكبه = طوق على الاعناق لمركبينها لياحكمت يجري على العنق حكمها = من فوق ابوها والبشر حاكمينها تمت عساه يوفق اللي كتبها = وعليكم التقييم يامقيمينها |
(1)وشالفتاه اللي عملها بعينها ,,,,,,,,,,,,,,,,, مع دورة المفتاح تذبح جنينها
تنفع وبعض اوقات مكروه نفعها ,,,,,,,,,,,,,,,,, وبعض العرب ينقد على حاملينها اخوي عبد الله وش تقول في (( كاميرت التصوير والفلم ) ____________________ ابوسامي صاحب الموسوعة ابو خالد واخوك عبدالله مثله مثلك ــــــــــــــــــــــــــــــــــ انت وبو خالد عينين في راس |
مالك لوى ياسامي الكاميرا ماتذبح جنينها ياطيب
هذي جنينها في بطنها |
طيب يا ابو خالد وش رايك في الشوزن ( البندق )
|
هههه الله يعطيك العافيه مالك لوى اطمر للي وراه
|
من العام الماضي طلبناك يابو خالد هذه الموسوعه
الحمدلله انها وصلت الحقيقه اقف احتراما امام هذه الموسوعه وماشاء الله تبارك الله ولايمكن ان اسمح لنفسي ان تمر مرور الكرام بدون لاااتطرق لها واشيد بمن كتبها 0 لاسيما وانها تشهد لشاعرها بانه شاعر جزل ومتمكن والحقيقه انها من دواعي المفخره لنا نحن في الملتقى 0ملتقى قبيلة حرب الرسمي 0 ومفخره الى قبيلة حرب ومحبي الشعر والالغاز بصفه عامه 0 وانا اضيفها بصراحه الى معجزات القبيله لاننا اثبتنا ان من شعراء القبيله قبيلة حرب من تميز عن غيره من الشعراء وهذه الموسوعه هي الاثبات 0 الشاعر على بن زيد الفريدي صح لسانك تستحقها بجداره وفعلا نفتخر بك يابو خالد وبارك الله فيك اضفت الكثير وتستحق الشكر الجزيل ومن يثمن ويقدر اعتقد ان من الواجب عليه يوافقني الراى بدون تردد الموسوعه قراتها عشرات المرات ونقلتها على جوالى وقراها الكثير من الاخوان خارج الملتقى وبصراحه شهد لها كل من قراها وتضاف الى رصيدك الرائع فالشعر والالغاز0 لاسيما انها حوت مائه واثنين من الالغاز والقصيده وزن وقافيه عجيبه وان جمعتها وان فرقت ابياتها تجد انك امام اعجوبه من اعاجيب الشعر 0 بارك الله فيك يابو خالد وحفظك الله ونيابة عن اداره الملتقى اتقدم لك بالشكر الجزيل على العطاء المتواصل والمجهود الكبير والابداع المتميز وتقبل كل التحيه والتقدير 0 |
بعد اذن الاخوان مراقبين القسم
تم تمييز الموضوع من قبلى وارجو ان يبقى مثبت ومميز بارك الله فيكم ورحم الله والديكم0" |
ا بو احمد خالد اللهيبي
هذه الموسوعه يتوجها اطرائكم وثنائكم ويجعلها فعلا موسوعه لقد ادخلت الغبطه والفرح الى قلبي باسلوبك المميز الذي هو من الدوافع القوية اللاستمرارفي هذ المنهج لااملك الاان اتقدم لكم بالشكر والعرفان اتم الله عليكم دوام الصحة والسعاده |
اخواني المراقبين ارجو من لديه الوقت نسخ الالغاز المحلولة
وافرادها بموضوع مستقل مع جزيل شكري وتقديري |
والله يابو زياد ما لقينا شي محلول الاماسبق
|
صح لسان الشاعر الكبير علي بن زيد الفريدي على هذه الألغاز الشعرية
وبيض الله وجهك يابو خالد على طرح هذه الموسوعه الرائعه (1)وشالفتاه اللي عملها بعينها = مع دورة المفتاح تذبح جنينها تنفع وبعض اوقات مكروه نفعها= وبعض العرب ينقد على حاملينها رمعتي هي ))الولاعه(( |
(102)ووشالفتاة اللي على الصدر راكبه = طوق على الاعناق لمركبينها
لياحكمت يجري على العنق حكمها = من فوق ابوها والبشر حاكمينها ))الكرفته(( |
رمعه طيبه دور حولها من اللي يخصنا والحقيقه تعتبر حل لكن نبي حل اللغز المطلوب
هذا عن الكرافته اما الولاعه اقول صح لسانك نعم هي الولاعه |
(11)وانشدك عن عود اعروقه تجانبه = عدلات وعيال الرضا مجودينها
وكبار عياله كلهم وصط بطنه = وبنته تثبت روسهم وصط عينها ))بيت الشعر(( وعروقه الاطناب (102)ووشالفتاة اللي على الصدر راكبه = طوق على الاعناق لمركبينها لياحكمت يجري على العنق حكمها = من فوق ابوها والبشر حاكمينها ))سماعة الطبيب(( أو ))القلادة(( |
11 اطناب البيت صح لشانك
102 سماعة الطبيب اوالقلاده مالك لوى |
(6)وانشدك عن بنت جميل قبالها = تقابل الحسنا وتعلن بزينها
تحملك وتقلدك ونت تحملها = وتجاهل اللي واقف عن يمينها ))المرايه(( (21)ورجل ليا منك تلمسته أعتزى = في لهجة لو هي خطا فاهمينها لو ترجمة يقول يارجل جنب = خل الدروب لعالم سالكينها ))البريك أو الفرامل(( (31)وانشدك عن رجال طاعك وطعته =وعطاك من بعض الحقايق سمينها اذا عدلته واعتدل صار عادل = وارضى عميلك بالقضيه بحينها ))الميزان(( |
رقم6 صحيح
رقم21 مالك لوى ورمعه طيبه 31 الميزان نعم صحيح وشكرا جزيلا على المشاركه |
(32)وانشدك عن رجال بالحق ملتزم = كل الرجال يجي لها حسب دينها
يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها ))القرآن الكريم(( (92)ووشبنت اليا حصلت ثنتين منها = كاسب ومن زادوا بها خاسرينها هي سابعة سبعه ولافيه غيرهم = ومن بينهم في ديننا مقدرينها الجمعه))صلاة الجمعه(( والثنتين الركعتين (96)ونشدك عن رجل على طول صامت = لكن اعلومه بالرضا قابلينها حتى لوانك عالم الارض تنشده = ويعطيك من جزل السوالف سمينها ))القرآن الكريم أو العقل(( (21)ورجل ليا منك تلمسته أعتزى = في لهجة لو هي خطا فاهمينها لو ترجمة يقول يارجل جنب = خل الدروب لعالم سالكينها ))البوري أو الهرن(( |
فعلا وجودك يكفي انت كفيت في متابعة الالغاز هنا اشكرك
32 مالك لوى 92 نعم الجمعه صح لسانك 96 قربت من الحل وهو الكتاب 21 والله انك ذكي وفطن نعم هو البوري والله ماتوقعت احد يحله ماشاء الله عليك |
(15)وانشدك عن غشاش تنفاه المدن = معروف في كذبه ونفسه يدينها
ياقف مواقيف الشجاع المحذلق = وينحاش عنك وعلته خابرينها ))الأرهابي(( (32)وانشدك عن رجال بالحق ملتزم = كل الرجال يجي لها حسب دينها يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها ))الملك عبدالله بن عبدالعزيز(( (16)وانشدك عن بنت قليل جمالها = وعيالها بيدينهم قاضبينها تشرب ولاتاكل ودايم ركوبها = على عجوز كلنا راكبينها ))كفرة السياره(( |
وجودك يكفي
مع الاسف ياطيب كلها غير صحيحه خيرها بغيرها |
(17)ووشهي فتاه جعله يطول عمرها = من كثر ماتعطي الملا حافظينها
منها سلاح الناس والخير منها = وفيها الحياه وربنا هو ضمينها ))الصلاة أو بطاقة الصراف(( (22)وأنشدك عن ورع يتعبك صيده = من أسرة بعض الملا جاهلينها تضرب به الأ مثال في صعب مسكه = في بطن بنت ودايم هو جنينها ))السراب أو الماء(( (13)وانشدك عن عود برك في مكانه =في خدمة المخلوق نفسه يهينها ثبت على رجليه واحتل موقعه= ياطالب الراحه تجي له بحينها ))الكرسي(( (14)وانشدك عن رجال بالفعل قاطع = ياقف حمى بين العجوز وعنينها لايمكن الرجل الغريب يتجاوزه = مادام هذ الرجل بينه وبينها ))الجدار العازل في فلسطين(( (20)وأنشدك عن رجلين في جسم واحد = بضاعة سمينها في ثمينها والاسم واحد والمصادر تنوعت = وينفع بأمور بعضنا عاشقينها ))السكر والشاي(( في البريق والاسم واحد شاهي أو ))الحليب واللبن(( في الصميل (23)وأنشدك عن ورع ينادي المختفي = ومواقعه بين الزريق وكمينها يستقبل الضيفان في كل ساعة =ويحول الشرهه على ناقلينها ))الجوال والاتصال(( أو ))جرس البيت(( (35)وأنشد عن اللي يختلف عن سميه = مواقفه وقت الخطر مدركينها اللي اليا جاء الجد تعرف مواقفه = والاسميه لعبة للا عبينها اسمه اليا جاء بعكس معناه سالم = وفيه الحجر وبه قلعه عامرينها ))من لعبة الشطرنج جندي ملك وزير فيل حصان(( (42)وبنت تشيل اسلاحها وصط بطنها = ليا وجهت تقضي على مواجهينها تقضي على خلق صعيب نزالهم = تقضي على السفاح في دمع عينها ))عبلة الفليت(( (44)وانشدك عن بنت زهت في قرونها = تحمل اثنين ذكور معذبينها عند الرجال اهل الكرم وعذابها = والقابضين حضور ومريحينها ))النخله والسيفين(( (47)ووشهي فتاة تشتهر في عنادها = حتى انها ماتجامل معالجينها الا بذيب بارزات اسنونه = اما تطيع الذيب والا يهينها ))السوسه(( (49)وانشدك عن شمطا قليل حلاها = جميع عقال الملا كارهينها اللي كسبها مكسبه من خساره = واللي خسرها يشتكي حربينها ))البلوت او كرة القدم(( (50)وانشدك عن بنت يريحك شوفها = ويوجد كثير من البشر كافلينها مع البشر ربيعها هو ربيعهم = ومن طيبها كل الملا راغبينها ))الناقة أو الفرس(( (53)انشدك عن بنت تبدل اعيالها =من شان يشفي فعلها ناقلينها تقضي على الجمع الضعيف المسالم = ولولا ولدها ما نفعة مستعينها ))الشوزن تقضي على الصيد(( (56)وانشدك عن بنت مفيده ونفعها = للي بداخل بطنها ساكنينها تاقف على الاقدام لكن مربطه = ومثبتات فلبسيطه يدينها ))الخيمه(( (59)ولقيت بالتاريخ رجل وحرمه = زوجين والحرمه وفت مع خدينها من خبثهم كذبوا على الناس كذبه = لين انطلت على بعض سامعينها يوم منعوا ركن بالاسلام قايم = لعينة توافقت مع لعينها ))مسيلمه الكذاب وسجاح(( الذين ادعوا النبوه (61)ووش بنت دايم ضربها بامر زوجها = والزوج يجيه الامر من وامرينها ليا ضربت ظهر الذلول اجرحته = في راسها المحدود من صانعينها ))ضلفة الشداد(( (66)وانشدك عن بنت تريح جليسها = اخبث مافيها يوم تسمع حنينها المزعج المبكي تتله وتبعده = ولاتتركه يحول بينك وبينها ))الربابه(( (74)وانشدك عن بنت تعلاك جسمها = وعلى الصديق اللي وفى نستعينها تصغر وتكبر حسب رايك ورغبتك = والفايده منها على ناشرينها ))مظلة المطر (( وتستخدم بعد للوقاية من ضربات الشمس (79)وانشدك عن بنت خطير لقاها = من خبثها كل الملا كارهينها لو تنقتل ماحد يطالب بدمها = لان كل في عملها يدينها تمشي بليا ارجول ويدين مالها = وتدخل ابيوت واهلها قافلينها ))الحيه (( الثعبان (80)وانشدك عن رجل يعذب ضيوفه = وتصرفاته كلنا مرتضينها اللي عذابه مصدره من عيونه = وغذاه من بنت عنه مبعدينها ))القز أو الفرن والبنت اللي تغذيه ومبعدينها اسطوانة الغاز(( (83)وانشدك عن بنت بها الخير والرضا = من طيبها تفرض على فارضينها يسلم بها المبلي ويدفع بها الاذى = الله يعز وينصر منفذينها ))الشريعه اوالمحكمة او الشرطة(( (86)وانشدك عن بنت قليل خطاها = لكن تخطي من خطا محاسبينها ليا طلبت العلم تعطيك نانتجه = وطعامها اللي تقبله هو ضميتها ))ال آله الحاسبه(( (87)وانشدك عن بنت بعيد مغزاها = بنت الفرج والبنت الاخرى عوينها تحيب من بطن الحبيبه حبيبنا = الله يكثر بالحبيبه خزينها ))الرياح تلقح السحاب وحبيبنا هوالمطر(( (90)وانشدك عن بنت لها حكم صارم = وتصدر احكام العداله بعينها تقول لك حاسب ووقف وروح = ومن عدلها تحكم على حاكمينها ))اشارة المرور(( |
وجودك يكفي
ياسلام عليك والله اتمنى انك تحلها كلها واسجل الحل باسمك 47 مالك لوى 22==== 13 صحيح 14/20 مالك لوى ورمعه طيبه 23/35 ============== 42/56 /59 صحيح 74/79/80/83/83/86/87/90 كلها صحيح والباقي مالك لوى واعذرني والله ما دري لويحصل مني سهو |
ان شاء الله وهذا شرف لي وانا اخوك
سؤال يابو خالد لاهنت 17 خطأ أو صح ابو خالد انت ذكرت 83 مرتين ما أدري تقصد غيره أو تكرر |
حييت 17 غير صحيح
83 واحد انا بالخطا كررت واشكرك على الانفراد بتولي الحل |
هذي ارقام الألغاز التي توصلت لحلها وكانت اجابتي صحيحه
وارجوا منك التصحيح في حال وجود أي زيادة أو نقص 1،،96،،92،،31،،6،،11،،21،،13،،56،،42،،59،،74،،79،، 80،،83،،86،،87،،90 ابوخالد لاهنت انتظر اعتمادك على الألغاز التي لم تنحل إلى الآن لأني احصيتها وانتظر ردك هل باقي لغز غير محلول يمكن أنا نسيته او فيه من ضمن الألغاز لغز محلول وموجود معها عشان يكون الامر واضح لي ولباقي الأخوان الاعزاء
(12)وانشدك عن ورع تزوره وتكرهه = في حلة ساس الشجاعه سجينها تشاهده بالعين مانته بتقربه = لان فعوله كلها خابرينها (14)وانشدك عن رجال بالفعل قاطع = ياقف حمى بين العجوز وعنينها لايمكن الرجل الغريب يتجاوزه = مادام هذ الرجل بينه وبينها (15)وانشدك عن غشاش تنفاه المدن = معروف في كذبه ونفسه يدينها ياقف مواقيف الشجاع المحذلق = وينحاش عنك وعلته خابرينها (16)وانشدك عن بنت قليل جمالها = وعيالها بيدينهم قاضبينها تشرب ولاتاكل ودايم ركوبها = على عجوز كلنا راكبينها (17)ووشهي فتاه جعله يطول عمرها = من كثر ماتعطي الملا حافظينها منها سلاح الناس والخير منها = وفيها الحياه وربنا هو ضمينها (20)وأنشدك عن رجلين في جسم واحد = بضاعة سمينها في ثمينها والاسم واحد والمصادر تنوعت = وينفع بأمور بعضنا عاشقينها (22)وأنشدك عن ورع يتعبك صيده = من أسرة بعض الملا جاهلينها تضرب به الأ مثال في صعب مسكه = في بطن بنت ودايم هو جنينها (23)وأنشدك عن ورع ينادي المختفي = ومواقعه بين الزريق وكمينها يستقبل الضيفان في كل ساعة =ويحول الشرهه على ناقلينها (24)ونشدك عن رجل لوى راس بنته= باوامر تجيه من مصدرينها حتى يخلصها من اسر بنتها = وتبديلها يتم من فاحصينها (25)وبنت يجيها الامر من راس ورعها= وهي تامر أرجال لها مجانبينها من فعلها تقضي حوايج مهمه = في بطن عود وتحت بنت تزينها (29)وبنت تجود زادها في حنوكها = ثم ترسله تقصيد على خدينها تسلمه بنت الخدين وياخذه = وتحت الاذان يجمعه عبر عينها (32)وانشدك عن رجال بالحق ملتزم = كل الرجال يجي لها حسب دينها يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها (33)وش هي فتاه جسمها من ولدها = ماتنوجد لولا تجمع بنينها وليا مشوا بنينها ضاع جسمها = والفايده ترجع على ناقلينها (35)وأنشد عن اللي يختلف عن سميه = مواقفه وقت الخطر مدركينها اللي اليا جاء الجد تعرف مواقفه = والاسميه لعبة للا عبينها اسمه اليا جاء بعكس معناه سالم = وفيه الحجر وبه قلعه عامرينها (37)وبنت تفيد وفي زمان معين = كأنها تعطف على مجالسينها ومع فايدتها تنذر اللي يجي لها= تنطق يرمز وعلمها من خزينها (38)وانشدك عن ورع صغير مدرب = ياطا على اخته ثم يبيح كنينها وياطا على اخوه الصغير بنابه = وهذي يغيرها وهذي يهينها (43)وانشدك عن بنت عملها على الظهر = مترابط فيها قساها ولينها ماتعطي المطلوب لولا عروقها = تحمل ومحموله على حاملينها (44)وانشدك عن بنت زهت في قرونها = تحمل اثنين ذكور معذبينها عند الرجال اهل الكرم وعذابها = والقابضين حضور ومريحينها (45)وانشدك عن بنت جليسة نشاما = مكرمه بس اختها هاينينها والثالثه لوهي عزيزه تحتها = صارن ثلاث مادخل شي بينها (46)ونشدك عن بنت تبرع بزادها = تطعم عجوز مسرفه من خزينها تومر وتنهى ماتصرف برايها = ولها ولد يوصل ولد من كمينها (47)ووشهي فتاة تشتهر في عنادها = حتى انها ماتجامل معالجينها الا بذيب بارزات اسنونه = اما تطيع الذيب والا يهينها (48)ووشهي فتاة شرّها لشر غيرها = تذبح عجوز كلنا مالكينها تنفخ عليها نفخة الغيظ والغضب = حتى توفى ويتحرر سجينها (49)وانشدك عن شمطا قليل حلاها = جميع عقال الملا كارهينها اللي كسبها مكسبه من خساره = واللي خسرها يشتكي حربينها (50)وانشدك عن بنت يريحك شوفها = ويوجد كثير من البشر كافلينها مع البشر ربيعها هو ربيعهم = ومن طيبها كل الملا راغبينها (52)ووش بنت مثل الطوق باطراف ابوها = تكمل المطلوب لمكملينها اللي مساحتها للاجواد ساحه = ما دامهم في عودها مثبتينها (53)انشدك عن بنت تبدل اعيالها =من شان يشفي فعلها ناقلينها تقضي على الجمع الضعيف المسالم = ولولا ولدها ما نفعة مستعينها (54)انشدك عن بنت تعذب صغيرها = وتقطعه في مصلحة من يهينها من راسها ترسل عليه المذله = حتى تثبت فيه من يستعينها (55)وانشدك عن بنت عملها بعالي = تميزت للي تخدمه بلينها تجلس من بين اثنين هذا عملها = ومقاسها يحصر على حاصرينها تركب ومركوبه وتلطف بغيرها = والمتضح من وصفها كبرعينها (58)وسألت عن بنتين واللغز زايد = على فتاة ربحت ناطحينها باربع عيال مثبتين العلاقه = اعيال في بناتها واصلينها (61)ووش بنت دايم ضربها بامر زوجها = والزوج يجيه الامر من وامرينها ليا ضربت ظهر الذلول اجرحته = في راسها المحدود من صانعينها (62)وانشدك عن بنت ضعيفه جميله = دايم تحب الخير لمجالسينها تسمر مع السمّار مادام زادها = ياصل لها وتكرّم مكرّمينها (63)وانشدك عن بنت بها الخير والوفا = لكن جهّال الملا مفسدينها جميع ماتبغاه تلقاه فيها = في دبرة الله وهلها حافظينها (64)ونشدك عن بنت تفيد بعملها = وفعولها تظهر على مقتنينها تاكل وتشرب بس ماتقبل الخطا = وشرابها يوزن من مشغّلينها وليا ختلط شرابها هووزادها = تجلي عيوب اللي لفوا واردينها (65)وانشدك عن رجل على طول واقف = اما يسا رالبنت والا يمينها بنت تجي وتروح ماتستعينه = لكن يعيبها على مالكينها دايم وهي متجوده في جنوبه = حصانة منها على محصنينها (66)وانشدك عن بنت تريح جليسها = اخبث مافيها يوم تسمع حنينها المزعج المبكي تتله وتبعده = ولاتتركه يحول بينك وبينها (67)ووشبنت دايم تنقل الخير والحلا = اللي تطيع وتحترم مرسلينها ليا حمّلت طارت وسارت على الظهر = واستبدلوها ارجال مودعينها (69)وانشدك عن بنت تأدي عملها = ابصمت وستعداد لمعاملينها مكانها المعتاد بالبيت دايم = ودايم وهي في خدمة محمّلينها وان حمّلت تبقى على الارض ثابته =فيها مثل تحقير ياحاقرينها (71)وانشدك عن بنت تقدر وتحترم = تحمل وتالد للاوادم بعينها من شافها حامل عرف ويش حملها = ما هي بتخفي والملا مكرمينها تطلع على العالي وتبدى عملها = والعارفين بضيفها رابطينها (72)وياويش بنت من قساها وقشرها = تحد ورعان وهم طايعينها تحدهم دايم على العنف والقسا = واشيا لولاها كلهم رافضينها (73)وسألت عن بنت معروفه بغدرها = من مكرها تصطي على مواجهينها يجي لها المغدور والنت لابده = كنك موصيها على زايرينها (75)ولقيت لي بنت تساعد وتطعم = وتحقق المطلوب لمصرفينها يلبس بها العاري ويشقى بها الشقي = تحل وتحرم والملا عاشقينها جميع ماتبغاه تلقاه فيها = وحتى تفيدك لازم انك تهينها (76)وانشدك عن بنت عريض ظهرها = وقت القسا الفتاك تحمي ضنينها اضلوعها برّا وركبت جملها = على جملها اللي ثبت مثبتينها تصدق الا ان كان صايبها مرض = وانواعها على طلب طالبينها (78)وانشدك عن بنت من الارض ساسها = وشدت وخلتها حجرها وطينها لاتعيش في ارض ولاتسكن الفضا = وطول الدهر على الظهر عاكسينها (81)وانشدك عن بنت تحرك وثابته = ارجول بنت ومثلهن هن ايدينها اللي ولدها مختفي وصط بطنها = حرص عليه وهي مهان متينها (82)ولقيت حاره بها بيوت عامره = وعجزت لاعرف كم عدد ساكنينها مساكن فيها جنود عواري = وادروب ساعات العمل سالكينها (84)وانشدك عن بنت ليا حل ذكرها = تذكر فوايدها ويذكر طنينها ليا كمّلت دوره تبين عملها = والطامعين بنفعها مراقبينها (85)وانشدك عن بنت سببها جلبها = اهل التلاوة والرجا منفذينها ليا مرّها اللي طالب طاعة الله = نفذ لها مطاعة الله بحينها (88)وانشدك عن بنت حسبنا حسابها = ضمن اربعه واهل الرجا حاسبينها ليا شرفت فالخلق يخاف منها = تذبح جنود ويختفي خايفينها والثالث اللي يرفع الضغط فعله = وعنهن يفيد من المباني حصينها (91)وانشدك عن بنت هذا زين نفعها = تنصف ان كان اهلها منصفينها مما بها تنعشك واللي بوصطها = مما يرد الرو ح صافي سمينها (93)وانشدك عن بنتبن في جسم واحد = وتصير بنت بصّرت سامعينها صارت لطرّاد البلاوي قلاده = كنه يقول اللي تشوفين وينها (94)وانشدك عن بنت تزوج وتالد = تزوجت يوم اهلها مزوجينها تاكل وتشرب والقريب يعرفها = مثل البشر توصف وتنظر بعينها (95)وانشدك عن بنت تحكم بغيرها = وبا اشكال ونواع تخدم مالكينها بنت لها بالمدن والبر فايده = واللي مخزنها يفيده خزينها وتفيدنا بالبر والجو والفضا = وساعة تعاملنا بها هايبينها (97)ونشدك عن بنت تحطك بعينها = وبالعرف والمعروف تصبح خدينها فيها الشجاعه والوفا والامانه = ومن طيبها المعروف تحفظ سجينها ماحصلت تهديه على ولدها = وتحتاج لاشيا في عملها تعينها (101)انشدك عن بنت يمثّل بصغرها = ولها فعول ماحد يستهينها اللي بها الخراب والشر والاذى = وحيان منها خير لمعاصرينها (102)ووشالفتاة اللي على الصدر راكبه = طوق على الاعناق لمركبينها لياحكمت يجري على العنق حكمها = من فوق ابوها والبشر حاكمينها تمت عساه يوفق اللي كتبها = وعليكم التقييم يامقيمينها |
(73)وسألت عن بنت معروفه بغدرها = من مكرها تصطي على مواجهينها يجي لها المغدور والنت لابده = كنك موصيها على زايرينها ))العقرب(( (22)وأنشدك عن ورع يتعبك صيده = من أسرة بعض الملا جاهلينها تضرب به الأ مثال في صعب مسكه = في بطن بنت ودايم هو جنينها ))الزئبق(( (49)وانشدك عن شمطا قليل حلاها = جميع عقال الملا كارهينها اللي كسبها مكسبه من خساره = واللي خسرها يشتكي حربينها ))اسرائيل(( |
وجودك يكفي
اولا اشكرك على تعاونك ومشاركانك الفريده اما متابعة الالغازهنا المرقب/عبالله الفريدي متخصص به ويعرف اشياء محلوله وهو ابخص مني وسيقوم باللازم حلك الاخير 73/22 صحيح اما 49فرمعه طيبه وليست دوله شكرا لك مرة اخرى ولك التحيه |
49=القنبله النوويه 24=مفتاح الكفرات 25=الصلاة 29=الدباسه |
ارحب ياهلا
آسف مافيهن صح 24 قريب من الحل وباعتبره صح والا المطلوب ابو جلمبو ورقم 49 دامك حوله هو الحرب شكرا لك |
33= السبحه
|
وجودك يكفي
والله ان رمعتك ان ما صابت جت جنب الهدف الحقيقه اللغز هذا من الصعبات لانه لايذ مثل مايقولون والالغاز هذي بعضها سهل وبعضها صعب وبعضها صعب للغايه |
الساعة الآن 02:35 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir