هزت سماءورجـت ارض=ذنـوب عبـد وقـع فيهـا
مسكين يوم الحشر والعرض=النـاس تظهـر خوافيـهـا

الحق مايضيع عند الله= كلن ورى الحق طلابه
من لاقدر داخله ذلـه= الوعد لاحطو نصابـه

عنترغزاءوانتهـى مهـزوم=لابو الضعافه ومن هي لـه
ومن مارضى بقسمة المقسوم=نعطيه ونزيـد فـي كيلـه

العم موجود والمعد ال=وكلن يبي ياخذ بثاره
والهرج مايملا الفنجال=لوكان تشيع بخبـاره

اتعبت قلبي ورى المقفين=من لابتي وش اسويبـه
عناد زايد وخاطر شيـن=وكلن بفكـره يضويبـه

جيتك وقلبي على كفي=عجله ولاهو بيمديني
العين بالدمع ماكفـي=ماشفت منهو يقدينـي

الطيب ساسه نماريبـه=لاهل الوفاء بالعدل وافي
ومن ماوفى بحب ماليبه=لوكان سكر عسل صافي

ياعتاب يامولد البركـان=بااملج ثـارت دخاخينـه
لاجيت جرحك ولع نيران=وجروح غيرك على لينه

لجة ضماير وجرح الـروح=بداخـل القلـب كاالكـنـه
وان كان انا بنت بن مسروح=لــدور ادواه واعـنــه

لاتجرح النفس ياالمجروح= خل الزمن له تجاريحه
وان كان جرحك عليك يبوح= لاتبيح لناس تشريحه

نفسية الضعـف ياالمذهـول= ودرب السكانـه وعرضاتـه
مارضى بهالي عرض وطول= لوكـان جرعـت لوعـاتـه
ياما جرعت الاسى بذهول=ولاهمني كثر جرعاته

الطيرغادي واهله رقود= واصبح سبوقه محررها
مافيه صيد ولابه فود= والتاليه مايذمرها

الطيرجاني معه حيه= ياالله دخيلتك تكفينى
لعاد من طير ماضيه= ياالله يارب تنجينى

شفت العجب انتهى حيله=ولا فيه احد ن يذرينـى
يبدل اشما غ في شيلـه=يلبس ويمشي خطاوينى
ان كان للوضع تحويله=والاعسى الرب يحمينى

سقنا وساقو علينا امال=يامن يحقـق امانينـا
رحنا وجينا على موال=راجي ترجي ويرجينا

الود ماهو قصيـد يحـاك= الـود بالديـن والمـلـه
يامضيع الدرب خل احكاك= لـدور الهـرج والزلـه

للـود الامـال مامولـه=ماهولهـا ود مــوداده
حال الدهر والعمر حوله=اسهوم للروح مـردوده

لا تسا بق الريح بلعجه=خل القدم له تدا ريجه
يا سيد ي شفت هضجه=للوم كثرت تعا ويجـه

مجهر مكبرواشعـة صمـت=مايكشـف الذهـن بمواجـه
عمق الهواجس بصدري حمت=صيف وشتاء تصفق امواجـه

كثر الحكي ماملا الفنجال=العلـم يبغـى براهينـه
يعني كذا فرحت الاجيال=ماهو منسـي وناسينـه
لابد دورالزمـن ميـال=اعلام جفـت مضامينـه

من بدل شماغ في شيله=يا كيف يحمي من اقواله
مسكين عايش على ويله=هو يحسب الناس بشكاله

ياما رسمت الامل والخوف=وارسم بحرفي الم واحزان
اشوف كثرالاسى مكشوف=ويبقى خطايا الم حرمـان

يامفتري بالنمايم جـور=احكا ك قِـدرك تعشّابـه
درب السكانه عثرمكسور=بالله وش انتـرجّـابـه

يافاقد الـدم والاحسـاس=جاني خطا ماعرف اسبابه
واللي تجرا لباب النـاس=يصبر على الدق في بابه

عشنا وشفنا بقايا انسان=يمشي ويبحث لماضينا
حاله سقيمه من الحقران=لاشك كثرت خطاوينـا

ساسك حطب وانطفى ضوه =ضـاع برمـاده ودخانـه
مسكين عايش بـلا مـروه=عينه من الحقـد عميانـه

يبني ويتعب على بيتيـن=حاكم زمانه وله ماضـي
ياهيه يامل فراق العيـن=زاد العناء والقضاء قاضي

يالوف قلبي عليكم لوف=من باقي الوقت واسنينه
هذا زمان التغير خوف=لامال مالت موازينـه

الظلم في داخله اجتـاح=وبليس ينطق على لسانه
ماضن من يامنه مرتاح=نفسه على الغل رويانه

يامحـلا مجلـس النومـاس=فيه النشامـى خيـار القـوم
سوالف وشعـر واستئنـاس=ماودك اليـا جلسـت تقـوم
وبعض المجالس تضم اجناس=يـذم ربعـه وهـو مذمـوم
واعلن عن المرجله افـلاس=ودايم من الطيبـه محـروم

يابادع القيل حضك مات=وقعت في شر اعمالـك
ذا اسم ماطالته هامـات=ومحال يخطر على بالك
لو اشرت تاقف القوات=وتدك بيتـك ومدهالـك
علم نقوله عليه اثبـات=ونسالك عن كل اقوالك

النذل يمشي على وجهين=يسري بدمه مرض مزمن
حاله سقيمه وفاله شيـن=من با ق بالناس لا يضمن

راحت عجوز(ن)ورى سيناء=وبقيـو حطاطيـب حطابـه
غمر الحطب فيـه ولعنـاء=من شا ن اسلم من انشا بـه

نا موس نمه وفيه تزيد=توذي عواني عوانيها
ماهي خليه بساس الكيد=مقيده فيـه ماضيهـا

سراب يالي تحب اوهام=من دون كتاب وديانـه
بنات حواء تبي تنضام=من لاهي الفكروجدانه

رجت بقلبي لفايف لوف=بركان وعيونه انفاسـي
حطيم حرقه لجاء بلجوف=يروح بالـروح بقياسـي

ياما جرعت الاسى بقراب=واليوم خذمر مـن كاسـه
كل من تعدى على الاقراب=بياخذالـوم مـن راســه

كثر الحرس ما نفع صدام=راح وتغـدوه صبحيـه
لفوعليه الحبـل بعـدام=والنا س تبكيه في حيـه

من لا يقدر قريب وجا ر=ولا يعرف الحق والجيره
اعطيه حفنه وملي اوجا ر=لوكا ن قلـة مقـا ديـره