المشاركة الأصلية كتبت بواسطة ســعود (المشاركة 599307) مساء الخير على الجميع هذه محاوله..بسيطه في تركيب لغز كيبوردي على ماقال اللأخ القدير عبدالله الفريدي.. عساة يمسي هااللغز .........على خير بسم الله استلممممممممممممممموا أنشدك عن بنتً أفتكت من أثنين=أفتكت الظفره وهم غافلينا.. تكلموا في مهرب البنت بعدين=اللي نصوا محلها راجعينا..

المشاركة الأصلية كتبت بواسطة معاند زمانه (المشاركة 601792) يا عم سعود للغزك حيرنا والمراميع ماهي حول بعضها ولاكن ابي ارمع للمره الثانيه وقل صح وش رايك 00 باالحبارى0 والصقر والصقار

المشاركة الأصلية كتبت بواسطة معاند زمانه (المشاركة 601798) مرماع ثالث وشرايك 0 باالارنب والسلوقي وراعيه

ياللي رمعت اللغز رمعه ورمعه= اللغز ياحلال اللغاز وارد
يمكن تحله ياذكي يوم جمعه= بعد الغداء لذقتلك ببس بارد

المشاركة الأصلية كتبت بواسطة مضحي بن جمران (المشاركة 601806) ياسعود محير لغزك هذا لكن وش رايك بقصة اخت النبي عيسي عليه السلام مع فرعون

المشاركة الأصلية كتبت بواسطة نافع الحربي (المشاركة 601830) حياك الله ياسعود والرمعات واجد وهذي رمعة سماوية وش رايك في زوجة الطيار وهل اللغز على قصة قديمة أم لا :

نافع الحربي; مالك لواء .....نعم قصه قديمه

المشاركة الأصلية كتبت بواسطة خالداللهيبي (المشاركة 602029) ماشاء الله عليك ياسعود صح لسانك على اللغز الكايف وهالمره ماحد قرب يمه يستاهل الذهبي بجداره

صح بدنك يالغالي ...واللغز بسيط ولافيه أي تعقيد

المشاركة الأصلية كتبت بواسطة خالداللهيبي (المشاركة 603875) اقول بيض الله وجهك

أنشدك عن بنتً أفتكت من اثنين=أفتكت الظفره وهم غافلينا
تكلموا في مهرب البنت بعدين=اللي نصوا محلها راجعينا
قصه قديمه رتلوها الملايين=في محكم القران يامسلمينا

المشاركة الأصلية كتبت بواسطة سامي الفكر (المشاركة 610681) وش رايك اخوي بقصة سيدنا موسى عليه السلام مع الخضر والحوت عندما نسياها ...الخ )

المشاركة الأصلية كتبت بواسطة صائب الرأي (المشاركة 611040) صباح الخير .. يعني وش صار الحل بالضبط .. اللغز يقول انشدك عن (( بنت )) .. و الحل اللى اشوف يقول (( الحوت )) يعني مذكر .. ياليت التوضيح .. ابو خالد انت تقول السمكة وش جاب السمكة للحوت ..؟؟ ياليت صاحب اللغز يوضح لنا .. مع احترامي و تقدير لــ اخونا سعود ..

هلابك اخوي صائب الرأي..
الحوت المذكور هوعباره عن (سمكه) طعام لسيدنا موسى عليه السلام مع عبده...وبعض العوام يطلق على السمكه اسم (حوته)مثل ماقال ابن جدلان في مدح الجمس...
يازيـن الجـمـيحـي لاسـرا والعـباد أخـفوت
يـبـي لازم مـتغانمـه قـبل لا يفـوتـه
لا مـنه أنعـس الـسالي وسجـوا هـل البيلوت
وقـم يتمخـلص تحـت رجلك تقـول (حـوته)..
قال تعالى﴿ قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنْسَانِيهُ إِلَّا الشَّيْطَانُ أَنْ أَذْكُرَهُ وَاتَّخَذَ سَبِيلَهُ فِي الْبَحْرِ عَجَباً ﴿63﴾﴾.
قال النبي – صلى الله عليه وسلم – ( اتخذ سبيله في البحر سرباً وكان لموسى وفتاه عجباً ) تعجب موسى كما تعجب الفتى، كيف أن الحوت الميت الذي أكلا منه نصفه كيف دبت فيه الحياة مرة ثانية ؟ فكان اتخاذ الحوت في البحر سرباً له يسلكه ،عجباً لموسى – عليه السلام – وفتاه كيف يحي هذا الحوت بعدما كان ميتاً وأكلنا نصفه ؟
فلما نزل الحوت في البحر أحياه الله - سبحانه وتعالى – حتى إنَّ بعض أهل العلم ذكر أن من نسل هذا الحوت ما هو موجود في السوق اليوم من أنواع السمك الذي يسمى( سمك موسى)، ترى السمكة عبارة عن نصف سمكة سلسلة الظهر على أحدى جانبيها لحم وعلى الجانب الثاني قشرة رقيقة فوق العظم أو فوق الشوكة ليس عليها لحم .قالوا هذا السمك من نسل حوت موسى – عليه السلام – فكان اصطحبه في السفر وأكل منه وفى مجمع البحرين أحياه الله - تبارك وتعالى – ليستدل موسى بحياته على وجود العبد الصالح الذي خرج لهم .
﴿ فَلَمَّا جَاوَزَا قَالَ لِفَتَاهُ آَتِنَا غَدَاءَنَا لَقَدْ لَقِينَا مِنْ سَفَرِنَا هَذَا نَصَبًا ﴿62﴾ قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنْسَانِيهُ إِلَّا الشَّيْطَانُ أَنْ أَذْكُرَهُ وَاتَّخَذَ سَبِيلَهُ فِي الْبَحْرِ عَجَبً﴾