|
سلوان روحي تعكر ليه=عقب الصفى كان زاهيها إن كان غيري تولع فيه=ايام عمري لعاديها ابو بتال |
رجعني الوجد لأيامك=وفجر جروح العمر تفجير يا كيف يا كيف من باسك=لا هو معدي ولا به خير ابو بتال |
جازفت وسط البحر وحدي=وفي نيتي اصرع امواجه واليوم شوف انتهى حدي=مصروع ما املك ولا حاجه ابو بتال |
عمري قضى واقفت ايامه=واليوم مقبور في روحي يا مفصل القول عن لامه=وش دبرتي في سبب نوحي ابو بتال |
سلام يا طلة المزنه=سلام مثل العسل شكله اعوام والقلب في حزنه=صابر وصبري نفذ كله ترحيب ومن العسل وزونه=ينصاك مع بن في دله لا تعذب القلب وتخزنه=عقبال صبرك لكم فله ابو بتال |
انتهت المرحلة الأولى وتبدأ المرحلة الثانية
الشمس لا منها بانت=الكل ينقد فشعلتها ويا سيد لا منها غابت=الكل يشتاق شوفتها ابو بتال |
عزيز ليا هرج فيهم=ما يدري إني لهم عشّاق ليته دعى القلب يهديهم=واطفى بقلبي الم حرّاق ابو بتال |
لا تحسب البعد يصفالي=لا قلت مبغاك في قربي ولا تحسب القرب يهنالي=من غير ختمه ورضا ربي ابو بتال |
لا تقول احبك تزيد الجرح=وتزيد وسط الحشى ناري الحب عالي علاة الصرح=ما توصله بالحكي جاري ابو بتال |
قالوا حبيبك تخونلك=خان المواثيق واهملها قلت اتريث واسمعلك=صدق الحكي من مكاذبها ابو بتال |
يا عين ما ظن لك غالي=كفي ترفرفك يا عيني غليك يا عين سم حالي=ولا شال همي ولا حزني ابو بتال |
يا فل يا ورد يا نرجس=يا احلى من التوت فغصانه عليل من يمكم نسنس=روض على الروح بحسانه ابو بتال |
لا تقول بكره ابي انساك=لا اصبحت عنك بعيد الدار عليم ربي انا اهواك=يا در لولو من المحار ابو بتال |
هب الهوى حرك اشواقي=كيف العمل كيف يا رده إن جيت باجرله ساقي=حصلت سد انبنى حده حاول معه كل مشراقي=ولا تروح خلك على قده خل الصبر والأمل باقي=لا تمل لو طالت المده ابو بتال |
خذ يا جبل شي من همي=ما ظن تصبر ولو ساعه وش حالة القلب في سمي=صبره نفذ وانتهى قاعه ابو بتال |
كنيت كل الألم فيّه=من خوف خلي علي يبكي ما ابغاه يبكي ولو ليّه=ولا ابغاه حتى بعد يشكي ابو بتال |
وش ذنبي اليوم فشواقك=تزعل عليّ وتهجرني كني بلا قلب بفراقك=وكني بلا حس تجرحني ابو بتال |
وش فيه سيدي توخر ليه=استنظره ليه ما جاني الكل ينشد عنه وش فيه=القلب والروح واعياني ابو بتال |
قولوا لذاك القمر يكفي=يكفي يزيد الأسى فيه اخاف ما القى دوى يشفي=لا زاد جرح الهوى بيه ابو بتال |
شمس(ن) بدتلي بليا نور=شرقت وغربت فحزتها مدري ضياها علينا يدور=ولا انتهى عهد شرقتها ابو بتال |
في وقت ماضي لنا سلوى=أيام كنا ربيع العود واليوم شوف السعد ولى=وجارت علينا الليال السود ابو بتال |
اصبر وصابر وزيد اصبر=واصبر إلى يوم ميعادك اما تكب العسل مجبر=ولا تقاسم معه زادك ابو بتال |
ارجوك خذني دوى للجرح=وللصبر خذني كتاب اقراه ولا تزيد فاللي مضى من شرح=وتشغل خواطرك في مغزاه ابو بتال |
والله يا ذا الصبر امرار=يكتب على البعد ويذوقه اما تحمل كما الأبرار=ولا تضيع فمطروقه ابو بتال |
دار الزمن دارت الأيام=واحوالنا بدلت بحوال كل الحقيقه غشاها لثام=ونفوسنا آه يا الأهوال ابو بتال |
لسبد لازم لنا مخراج=ونترك حياة المهونيه النفس ملت من الأحراج=واغصابها بالكروهيه ابو بتال |
وآ طيفك الي يزاورني=وتذرف دموعي على مرءاه كنك حقيقه تجالسني=ما هو سرابك يجي وارعاه ابو بتال |
يا نور سيدي متى الأشراق=طول غروبك ترى بالحيل ابو بتال الصبر باقي معي خفاق=وذاك الأمل يرتقب لسهيل |
كل الحكي عاجز التعبير=لا جيت بوصف حلاياته رسم الحواجب جناح الطير=لا صار فاقصى شموخاته ابو بتال |
ليتك حبيبي تجي وتشوف=وشلون دمعي على الخدين من سبة الي علي يطوف=ويجلى منامي عن الجنبين ابو بتال |
وشلون رده عريب الجد=الي تعلى بهاماته يكتب ويمسح فهزل وجد=ويعيد يقرى خطاباته ولا تعزم يبني مجد=من ساس لآخر بناياته افهم كلامي نبوع الوجد=لا صار صادق بنياته اما فحالي فأنا في هجد=آخذ من الوقت مأساته وادعي لربي وانا في سجد=للكل تجلى معاناته عريب جدي وابوي امجد=ومجادهم شلت غاياته منهو تأنى وناح وجد=ينظر فصيغ انطباعاته جويد ساسي وبه اوجد=وحايز شهادات فبناته واضح كلامك بك استنجد=لستعظم الوجد حالاته يا كم قبلك هجد وابجد=وحكم ضميره بوقفاته راقب إلاهك هو المنجد=لشتد بك حال ويلاته ابو بتال |
من غرب جده كتبت كتاب=للي وعوده كذوبيه عامين وانا انتظر لي جواب=ابغى حقوقي تجي ليه كنا على عهدنا اصحاب=وانت رميت الصحوبيه باب الصداقه علينا طاب=ولا عاد نبغى صدوقيه ابو بتال |
آنا السبب في وجع كبدي=واستاهله حق عدليه محدٍ ضربني على يدي=آنا تعنيت بيديه يا الهاشمي يا ولد جدي=منطوق ميه على ميه ابعث لكم صافي الودي=يا صلك مع صادق النيه جتني مصافيك يا افندي=كالمسك في قد حوريه والود بالود مرتدي=مع باقة زهور مهديه ابو بتال |
ليش الحواجب تفرقها=ما تدري اني بها مفتون رد المعانق وجمعها=ويزيد فيها الحسن مليون ابو بتال |
ارجوك يا قلب طاوعني=انسى العشير الذي ينساك ميجوز لجله تعذبني=وتهوى الحبيب الذي يشناك الهم فالليل مسهرني=والحال يشكي الم بلواك من سابق الوقت متعبني=في حب يا قلب من يجفاك اترك عنادك وريحني=وليكون تسعى لهم برضاك حبيبك اليوم متهني=مسرور دايم بعد فرقاك حاول في حبه تكرهني=ولا عاد يطري على ذكراك اعتز وعزك بيسعدني=ويعزني عن جميع اعداك اعاهدك بالوفا مني=إن عشت يا قلب غير اجزاك اجلب لك الخل متحني=ليلة فرح بالسعد تهناك ونقيّم افراح ونغني=واكيد من فالغرام اعضاك ونبدل ايام جرحنّي=بأحلى ليالي انا وياك يا حادي الصوت ما ظني=كثر الرجى فالقلوب اغناك للآن في صوتكم وني=وآهات من بينها شكواك والقلب لو كان في غبني=جيبه وحطه على مسعاك لا بد من يوم لك تجني=احلى زهر من عبير الراك وارقى على طول لا تثني=خل العزيمه مع الافلاك والقلب لا يهدم لكم مبني=وتقعد حسوفه على مبناك ما يوزن القلب لك وزني=دايم فشرك الهوى يبغاك ولو تتبع القلب ما تغني=غير الشقا يعتنق ممشاك وايامنا بالعمر تفني=خلك مع الله في دعواك لا ينقضي عمركم حزني=لا بد ما تبدله يمناك وانا اعتذر منك واعذرني=لجلي تدخلت في معناك انت كما البرق فالمزني=نعلن لنا دايماً بشراك ابو بتال |
يحي جبر والجروح تصيح=ويا كم راحت لنا عازه نبغى نتقابل قبل لا نطيح=والكل يمشي بعكازه نعيم عابد خذ التصريح=تقرير جاكم بإيجازه لا بد ما نعمل التصحيح=ونلم نجده مع حجازه ابو بتال |
مالي رجا في جميع الناس=وكل الرجى فيك يا ربي همي تعدى بدون قياس=وآنا اتحراك تلطفبي ابو بتال |
من ديرتي في صباح العيد=كلمت سيدي وكلمني اوصفله الشوق وانا بعيد=واعايده يوم عايدني ابو بتال |
اصبر على بعدكم لكن=صبري على البعد محدودي قلبي رهيف ولا يمكن=احمله فوق مجهودي ابو بتال |
يا مذوب الشوق في صدري=لجل ايش تمشي على هونك لو لا الحيا جيتلك اجري=بس اتحرى يجيبونك ابو بتال |
الساعة الآن 11:24 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir